קאווע שטיבל

חייםדירבס האט געשריבן:די ערשטע צוויי איז אלכסנדר הארט. די דריטע ווייס איך נישט...

די דריטע, ווי מען האט שוין געשריבן דא שפעטער אין דעם עמוד, זעהט מען דאך קלאר אז דאס איז א היינטיגע ארבעט. איינער האט גענומען דעם ערשטן בילד פון הארט, וועלכע איז דוקא זייער א שיינער בילד, און האט געמאכט א מישמאש פון פארשידענע גדולים, אזוי ווי עס איז היינט די סטייל, עס איז טשיעפ און גרינג צו מאכן אינעם היינטיגן קאמפיוטער עפאכע. אבער אפילו אויב עס איז יא געמאלן מיט די האנט, האט ער פשוט געהאט אין מיינד צאמצוברענגען אין איין פעינטינג, דעם בן איש חי, דעם בבא סאלי, דעם סטייפלער, הרב כדורי, און נאך צוויי וועלכע איך כאפ נישט פונקט, דער פון אונטער דעם בבא סאלי און דער אויפן באלעמער.

ארט איז זייער א ברייטע נושא, און איך בין נישט דער גרעסטער מבין אין דעם, אבער מיינע צוויי צענט קען איך אריינווארפן.

איך האב לעצטענס גערעדט מיט א גוי'אישן טעראפיסט, אן עלטערער גוי, שוין א זיבעציגער, זיין עקספערטיז איז טראומא טעראפי. ער איז פארנומען רוב פון זיין צייט מיט געוועזענע סאלדאטן וועלכע ליידן פון פי. טי. עס. די. (פאוסט טראומעטיק סטרעס דיסארדער). אזוי רעדנדיג פרעג איך אים וויאזוי עס איז אז ער איז געווארן אזא מומחה אויף דעם אז מען קומט צו אים פון גאנץ אמעריקא, וואס איז ער בעסער פון אנדערע? זאגט ער מיר: איך בין א טראומא טעראפיסט ווייל איך בין א טראומא וויקטים, אבער ווען איך בין געווען אין סקול האב איך געמוזט דורכגיין גאר גאר שווערע טעראפי אליינס, ביז איך האב געקענט ווערן דאס וואס איך בין. היינט אבער איז עס א דשאוק, מען באקומט א לייסענס איינס צוויי, מען איז נאך אליינס א צו'חוש'טער מענטש און שוין טוט מען קאונסלען אנדערע. עס איז היינט אנדערש ווי אמאל.

ווען איך נעם אויף א נייעם קאונסלער אין מיין גרופע (ער האט א גאנצע גרופע פון קאונסלערס אונטער זיך), מוז ער קודם אדורך גיין אינטענסיווע טרענירונג מיט מיר פאר איך לאז אים אליינס קאונסלען.

אין א געוויסן זין איז די גאנצע וועלט אזוי געווארן. אמאל אז מען האט געוואלט זיין אן ארטיסט, האט מען געמוזט מאלן שיינע בילדער. און ווי איינער האט שוין דא ארויסגעברענגט, אז איך קוק אן א בילד און איך זעה עס איז שיין עס איז מיר געשמאק פארן אויג און איך קען נישט אראפנעמען די אויגן דערפון, ווייס איך עס איז גוט.

מאדערן ארט איז עפעס צו וואס מען דארף שוין "פארשטיין". עס פאדערט שוין עפעס א מומחיות.

אוודאי איז דא וואס צו פארשטיין אין אמת'ע ארט אויך, און איינער האט א בעסערן אויג און איינער א שוואכערן. אבער אמת'ע ארט איז עפעס וואס יעדער קען פארשטיין און זעהן דעם קונצווערק דערין.

היינט אבער, ווען עס איז א שנעלע - אינסטענט - וועלט, ווילן מענטשן זיך נישט אפגעבן אזוי פיל ווי מען דארף, און אנשטאט אריינלייגן הונדערטער שעות אין ארבעטן און זיך טרענירן, מאכט מען מאדערן ארט.

איז צום ערשט וויל איך גראטולירן ר' חיים דעם רב'ס פארן ארויפברענגען דעם נושא און אפילו אהערברענגען אסאך שיינע שטיקלעך, און איך וואלט טאקע געוואלט ארויפברענגען די בקשה וואס אנדערע האבן שוין דא געברענגט, צו ברענגען אין קורצן די היסטאריע פון יעדן פון די מעלער וואס מען האט דא גערעדט.

איך וועל דא אנהייבן מיט א קורצע היסטאריע איבער איין ארטיסט, א מעלערין, וועלכע איז שוין דא דערמאנט געווארן און עס איז אפילו געברענגט געווארן איין שטיקל וואס זי האט געמאכט, דאס איז די עקסטרעם טאלאנפולע עלענע פלעראווע.

עלענע איז געבוירן אין רוסלאנד, און האט געלערנט ארט אין די ארטיגע רעגירונגס שולע פאר ארט אין מאסקווע (אזוי ליגט מיר אין זכרון). און טאקע ווייל עס האט געהערשט דארט קאמוניזם, און מען האט נישט געדארפט באצאלן זיך צו לערנען, נאר אז די לערער האבן געזעהן אז זי האט טאלנט האט מען איר געלערנט, און זי האט געקענט אריינלייגן שעות אין איר ארבעט, איז זי טאקע אנגעקומען צו וואס זי איז אנגעקומען.

פלעראווע איז, לדעתי, "די" בעסטע אידישע ארטיסט. אירע רייכע סעלעקציע פון קאלירן, די וועג וויאזוי זי מישט דאס, די וועג וויאזוי זי נוצט ליכטיגקייט און איר אייגנארטיגע סטיל פון ארויסברענגען א מצב מיט אירע פולע געפיהלן, מיט אזא אויסערגעווענליכע איידלקייט, אבער אין די זעלבע צייט אויך מיט א מורא'דיגע פונקטליכ'קייט, מאכט איר נישט נאר א חד בדרא, נאר אין פילע דורות. זי איז א אויסטערלישע זעלטענהייט מיט אירע ארטיסטישע טאלאנטן. (דאס איז אויסער וואס זי איז סתם אזוי א געוואלדיגע בעלת כשרון מיט א מורא'דיגע מח און זכרון).

ווען דאס קאמוניזם איז צופאלן (בערך) האט זי זיך געטראפן אן קיין פרנסה. זי איז עווענטועל אנגעקומען קיין אמעריקא ווי זי האט געארבעט זייער שווער און געמאלן בילדער פאר גאר ביליג, פשוט כדי צו קענען לעבן. ביז א בארא פארק'ער איד, א מבין אויף ארט האט איר געפונען. ער האט איר גענומען אויף זיין קאסט און האט איר געהייסן מאלן אזוי ווי זי קען. דעמאלס האט זי אנגעהויבן ארויסגעבן הערליכע שטיקלעך, איינס שענער פונעם צווייטן (למשל איין בילד וואס זי האט געמאלן פון שמחת תורה אין שוהל, איז פארקויפט געווארן פאר קרוב צו א פערטל מיליאן, פאר איד אין ק"י וועלכער האט געמוזט איבערמאכן דעם צימער ביי זיך אינדערהיים ווי ער האט עס אריינגעשטעלט, ווייל די דאך איז געווען צו נידריק פאר דעם מאלעריי).

דאס איז אזוי אנגעגאנגען פאר א שיינע פאר יאר, ביז אנדערע סוחרים האבן איר מסביר געווען (כהלכות גוברין יהודאין) אז זי באקומט נישט א גוטן דיל ביי יענעם, און יענער געט איר נישט וואס עס קומט איר באמת. דאן איז זי אריבער צו אן אנדערן און נאכדעם צו נאך אן אנדערן, ערגעץ אינדערמיט איז זי געפארן קיין א"י און געטרייט אליינס צו מארקעטן אירע זאכן אבער עס איז נישט געגאנגען. איז זי צוריק געקומען צו איינעם פון די היימשע סוחרים וועלכע מארקעטן היינט איר ארטווערק.

איך ווייס נישט וויאזוי מען פאוסט דא בילדער, אבער איך וועל בעטן די וואס ווייסן אז מען זאל דא ארויפשטעלן סחורה פון איר ארטווערק וועט איר זיך אליינס איבערצייגן וואס איך מיין. איר ארבעט איז נישט עפעס וואס מען מוז זיין א מבין צו פארשטיין דאס אויסערגעווענליכע הערליכקייט דערפון, אבער אין די זעלבע צייט וועט א מבין ארויסגיין פון די כלים פון איר ארט.

הדד בן בדד האט געשריבן:

חייםדירבס האט געשריבן:די ערשטע צוויי איז אלכסנדר הארט. די דריטע ווייס איך נישט...

די דריטע, ווי מען האט שוין געשריבן דא שפעטער אין דעם עמוד, זעהט מען דאך קלאר אז דאס איז א היינטיגע ארבעט. איינער האט גענומען דעם ערשטן בילד פון הארט, וועלכע איז דוקא זייער א שיינער בילד, און האט געמאכט א מישמאש פון פארשידענע גדולים, אזוי ווי עס איז היינט די סטייל, עס איז טשיעפ און גרינג צו מאכן אינעם היינטיגן קאמפיוטער עפאכע. אבער אפילו אויב עס איז יא געמאלן מיט די האנט, האט ער פשוט געהאט אין מיינד צאמצוברענגען אין איין פעינטינג, דעם בן איש חי, דעם בבא סאלי, דעם סטייפלער, הרב כדורי, און נאך צוויי וועלכע איך כאפ נישט פונקט, דער פון אונטער דעם בבא סאלי און דער אויפן באלעמער.

אויפן באלעמער שטייט ר' שמשון רפאל הירש ז"ל, דער אונטערן באבא סאלי דערקען איך נישט.
איך בין נישט זיכער אז דער מיטן היטל איז הרב כדורי, אגב די מישמאש נעמט נישט אוועק פונעם שיינקייט.

כאטש איך דערקען נישט קיין שום פנים, דאכט זיך אז אויך הארט'ס שמחת תורה אין ליווארנא'ער שול איז אויך א מישמאש פון גדולים, כאטש אלע פון זיי האבן געוואוינט כאטש א צייט אין ליווארנא, האבן זיי געלעבט אנדערע צייטן, אזוי געדענקט זיך מיר, איך זאג נישט אויף זיכער.

מנחם האט געשריבן:

ישראל קאפקע האט געשריבן:קויפמאן'ס איז ווייט די שענסטע, די אנדערע נוצן מער פון די ארום צו שטעלן די אטמאספער, קויפמאן'ס זענען קלאוז אפ'ס (נישט אלע, אבער אפי' די וואס זענען) און די פנימ'ל אליין זאגט אזוי פיל, אז עס איז צום שטוינען.

קויפמאנ'ס בילדער זענען לדעתי צו קרוב אל האמת און עס האט עפעס נישט דער ארטיסטישער געפיל וואס באגלייט געווענדליך א גוט שטיקל ארט, עס קוקט אויס ווי זיין קונסט שטעקט אין נאכמאלען געזיכטער מיט א רעאליסטשן אויסקוק.

קויפמאן האט נישט נאר געמאלן פענימער, נאר איך האב ארויפגעשטעלט פענימער ווייל איך האלט אז די ס'איז אן עקסטערן קונץ, אין דער צייט וואס אנדערע (און קויפמאן אין גרעסערע בילדער) באנוצן זיך מיט די גאנצע ארום צו שטעלן די טאן און און געפיל וואס זיי ווילן ארויסברענגען, זענען זיינע פענימער, חוץ זייער מוראדיגע שיינקייט און פונקטליכקייט, זאגן זיי ארויס די פארשדינסטע געפילן, באטראכסט זיך אויף א פנים, און עס זאגט וועלטן, און דאס איז אן אויסערגעווענליכן קונץ.

ער האט א געלע מאנטל טרעידמארק אין כמעט אלע זיינע אידישע פעינטינגס, מיט שטיוול און א שירעם.

עפעס ליגט אין זיכרון איבער א בני ברק'ער מאלער וועלכע מאכט האלץ אנשטאטס אברי הגוף. קריעת ים סוף איז זייער באקאנט פון איהם.

הערליכע thread. א דאנק [tag]חייםדירבס[/tag] .

אין לעצטן בילד זעט מען פארשידענע ספרדי'שע גדולים, דער חיד''א אדער בן איש חי, באבא סאלי און נאך.

כוכב האט געשריבן:אין לעצטן בילד זעט מען פארשידענע ספרדי'שע גדולים, דער חיד''א אדער בן איש חי, באבא סאלי און נאך.

דער חיד''א איז מעגליך אין די ערשטע, אין ליווארנא. אין דעם לעצטן זיכער נישט.

חייםדירבס האט געשריבן:

ביבער האט געשריבן:

חייםדירבס האט געשריבן:

ביבער האט געשריבן: סאיז דא א יונגערמאן פון קרית יואל ווטסון פארקויפט זיינע זאכן פאר פינף-זעקס טויזנט דאלער, געווען באשריבן אין די עמי לעצטנס ער הייסט יואל גליק.

ער איז א גוט טרעינירטע מאלער, ער קען נאך אסאך וואקסן, אבער ער האט טאלאנט. איך פערזענליך,פון דאס ביסל וואס איך האב געזען געפעלט מיר זייער זיין "הימל " מער ווי די מענטשן, אבער אויף דעם האט יעדער זיין געשמאק.

גוגל האט מיר געטראפן זיין וועבסייט
http://www.jgluckart.com/index.php#.VIWm2DMo7qA

ביבער
גוגל האט מיר געטראפן זיין וועבסייט
http://www.jgluckart.com/index.php#.VIWm2DMo7qA

[/quote]
דאס איז דאך אונזער רעב מנשה לוסטיג, (די צווייטע אין זיין 'דזשודעאיקא פעינטינגס').

פאר סאם ריזן גיפעלט מיר די מערסטע האלץ'ס סחורה ער נעמט ארום די גאנצע מצב
פארוואס זענען אלע רעמבראנט מאלערייען אזוי טונקל? מען קען נישט אפלערנען די מענטש אויפן מאלעריי אזוי טיף

דאס איז א פעינטינג פון פלעראווע, איך וואלט איר נישט געגעבן די קרוין פון אידישע פעינטערס, אבער זי איז גוט. מיר דאכט זיך אז זי קען בשום אופן נישט מאלן א האנט ריכטיג, ווי אויך זענען איהרע פענימער זייער טרוקן. אבער זי איז א טאלאנטפולן ארטיסט.

נאך א פלעראווע

אזויווי ב"ה סאיז דא אנעולם וואס פארשטייט וועל איך פרובירן צו זאגן מיין מבינות... איך מיין אז היינט צוטאגס איז יצחק הולץ די גרעסטע אידישע ארטיסט, סיי בכמות און סיי באיכות. האלץ מאלט פענימער ווי רעמבראנט, גאסן ווי מאנע און פיסארא, ער איז א ריאלעסט און אויך א געלונגענער אימפרעשאניסט. איך מיין אז ער איז פילפאכיג בעסער פון איזידור קאופמן אפילו, קאופמאן איז געווען א ריינע ריאליסט, א גוטע פארטרעיט פעינטער, אבער האלץ קען מאכן א בילד, זאלסט זען די מצב, זאלסט פילן אז יעצט האלט מען נאך שחרית אין שול, זאלסט פילן רעגן, שניי, שמחה, דאגה וכו'. האלץ איז א פראפעשינעל ארטיסט גוט טרעינירט. איין זאך וואס איך וואלט ווען געוואלט זעהן אנדערש איז די סייז, איך האב ליב גרויסע מער. איך בין זיכער אז האלץ'ס סחורה וועט נאך זיין אין מוזיאמס איבעראל.

חייםדירבס האט געשריבן:נאך א הולץ האלץ

א יישר כח פאר אהערשטעלן די אלע.

(איך בין אין די מיינונג אז ארט איז זייער א וויכטיגע אין גוטע זאך. אין א שאד אז אונזערע יונגט נוצען דאס אויס נאר אויף נוי סוכה און ווען די רבי מאכט חתונה)

איין גרויסע שאלה וואס איך האב.

די מעלעריי פון האלץ אין א ירושלים'דיגע שול האט ער געמאכט לייו בשעת מעשה? פון זיין זכרון? פון א בילד?

חיים דער רב'ס,

ווי קען איך זעהן ערגעץ מער איבער האלץ? ווי קען איך קויפן זיינע אריגענעלס אדער ריפרינטס?

ישראל קאפקע האט געשריבן:

ביבער
גוגל האט מיר געטראפן זיין וועבסייט
http://www.jgluckart.com/index.php#.VIWm2DMo7qA

דאס איז דאך אונזער רעב מנשה לוסטיג, (די צווייטע אין זיין 'דזשודעאיקא פעינטינגס').[/quote]
יא. איך מוז מודה זיין אז דער פעינטער/ארטיסט יואלי גליק געט ארויס מייסטערווערק. ער האט גוט אראפגעכאפט דעם "מ. לוסטיג", מיט זיין גאנצן נארישן אויסדרוק אויפ'ן פנים...!

ווי האט זיך יואלי גליק געלערנט? ווי לאנג? וויפיל קאסט דאס?

קען איך אויך שיקן מיין זוהן זיך לערנען?

חייםדירבס האט געשריבן:אזויווי ב"ה סאיז דא אנעולם וואס פארשטייט וועל איך פרובירן צו זאגן מיין מבינות... איך מיין אז היינט צוטאגס איז יצחק הולץ די גרעסטע אידישע ארטיסט, סיי בכמות און סיי באיכות. האלץ מאלט פענימער ווי רעמבראנט, גאסן ווי מאנע און פיסארא, ער איז א ריאלעסט און אויך א געלונגענער אימפרעשאניסט. איך מיין אז ער איז פילפאכיג בעסער פון איזידור קאופמן אפילו, קאופמאן איז געווען א ריינע ריאליסט, א גוטע פארטרעיט פעינטער, אבער האלץ קען מאכן א בילד, זאלסט זען די מצב, זאלסט פילן אז יעצט האלט מען נאך שחרית אין שול, זאלסט פילן רעגן, שניי, שמחה, דאגה וכו'. האלץ איז א פראפעשינעל ארטיסט גוט טרעינירט. איין זאך וואס איך וואלט ווען געוואלט זעהן אנדערש איז די סייז, איך האב ליב גרויסע מער. איך בין זיכער אז האלץ'ס סחורה וועט נאך זיין אין מוזיאמס איבעראל.

חיים דירבס: איז די פעינטינג/סצענע פון יצחק הולץ? איך בין נייגעריג אויב ער נוצט נישט עפעס א פרינטינג פראצעסס. ווייל ס'איז מיר שווער צו גלייבן אז דער "מדרש רבה" (וועלכער ליגט פארנט, לינקס) איז האנט-געצייכנט...!

@גנדי @berlbalaguleh האלץ פעינט זיינע אלע זאכן לייוו, אבער עס מיז נישט האבן געווען פונקט אזוי, צום ביישפיל, ער וועט זען א כאראקטאר וואס געפעלט אים און ער וועט יענעם אריינשטעלן אינעם בילד, אדער ער וועט צולייגן א פענסטער וכדומה אויב ער האלט אז דאס וועט עס מאכן שענער, למשל, אין אסאך פון זיינע פעינטינגס פון מאה שערים קען מען זעהן ווייבער מיט רויטע קליידער, און דאס האט ער נישט געזען אזוי, נאר דאס איז דער ארט פון מאכן די קאלירן אז עס זאל אויסקוקן שענער וכדומה.

צו די פראגע ווי מען קען קויפן אן ארגינעלען אדער פרינטס, איך קען איינער וואס איז זייער נאנט מיט אים און באקומט זאכן פאר א גוטע פרייז, אבער סאיז נאך אלס מער ווי א געווענליכן יערליכע פארדינסט פון א מענטש...

יעצט בנוגע צו גליק, און וויפיל דאס קאסט, איך ווייס נישט אבער זיכער ווענדט זיך דאס אין די טאלאנט זעלבסט ווי אויך וויפיל צייט איינער איז וויליג אריינצולייגן. אבער עס איז אוודאי דא "ארט טיטשערס"... אפשר איז דא איינער ביי די "וויליאמסבורגער ארטיסטן"....

איך בין גאר א קנאפער ידען אין קונסטליכע מאלערייען, ממילא קען איך נישט צופיל צוגעבן. איך וויל נאר אויסדרוקן א גרויסן דאנק פאר חיים און ישראל פאר'ן ארויפשטעלן די הערליכע בילדער און צוגעבן זייערע אינהאלטספולע קאמענטארן.

גנדי האט געשריבן:ווי האט זיך יואלי גליק געלערנט? ווי לאנג? וויפיל קאסט דאס?

קען איך אויך שיקן מיין זוהן זיך לערנען?

אין עמי איז געשטאנען אז ער האט זיך געלערנט ביי פריאווטע לערערס, עלטערע ארטיסטן. ער האט נישט געוואלט גיין אין ארט סקול ווייל ער וויל נישט מאלן אומצניעות'דיגע בילדער. ער שרייבט אז איין ארטיסט האט אים אפילו נישט געבעטן קיין געלט, ער האט פשוט עס געטון צוליב זייין געפיל דערצו.

יעצט צי די נקודה אויב האלץ מאכט אלעס מיט זיין האנט, די תשובה איז, זיכער יא. דאס איז א חלק פון זיין טאלאנט אז די וועסט קוקן פון גאר נאנט וועסטו זעהן אז די מדרש רבה איז נישט אזוי קלאר ארויסגעשריבן ווי עס זעהט אויס פון דער וייטנס, דאס זעלבע קענסטו אויך זעהן מיט די "סידור תפילת כל פה" וואס מען זעט נישט קיין ווארט און מען דערקענט די סידור, דאס איז א טאלאנט וואס מען האט אנגעהויבן ניצן אין די תקופה פון אימפרעשאניזם. ביי די פעינימער פון די חופה אנהויב פון די אשכול קען מען דאס אויך זעהן.