קאווע שטיבל

דער בריוו איז ניט געדרוקט, אבער ס'דא אבריוו פון ריי"ץ (דא פרק ב') וואו ער טענה'עט אז דער בריוו געפינט זיך ביי עם. אלס א כלל קען מען ניט גלויבן קיין האלבן ווארט וואס איז ארויסגעקומען מקולמסו של הריי"ץ , וכידוע אז ער איז געבענטש'ט געווארן מיט וואס מ'רופט אן אויפ'ן חסידיש'ן שפראך א 'חוש הציור' (ולא אתרגם שבח זו מפני הכבוד), אבער דא איז לבי נוטה יא צו גלויבן.

חקרן האט געשריבן:די עלטערע געהויבענע חסידים זענען געווען פון אנהויב מיטן רש"ג, טראצדעם וואס מען פראבירט היינט צו פארדרייען היסטאריע. שפעטער ווען דאס מציאות איז געווארן אז דער רמ"ש איז געווארן רבי, האבן זיך אלע מתבטל געווען, עד שאין ניכר בכלל מה שהיה קודם.

חב"ד זענען מומחים אין פארדעקן היסטאריע.

האסט עפעס א מקור צו דעם אז די עלטערע זענען געווען מיט גורארי?
אפילו מנחם פריעדמאן וואס איז נישט צו סימפאטיש צו חבד ברענגט נישט אזוי
ער האט געהאט חסידים וואס האבן איהם געוואלט אבער עס קוקט נישט אויס אז ער האט געהאט א שטארקע צד

Sent from my DROID Pro using Tapatalk 2

גם אני שמעתי כך.
און די וואך האב איך געטראפן א חשוב'ער עלטערער איד, גראדע א שטיקל מפורסם, וואס האט דאס מיטגעהאלטן פון די נאנט, און אדאנק דעם אשכול האב איך אים איבערגעפרעגט דערוועגן, און ער האט מיר באשטעטיגט דאס זעלביגע, זאגנדיג אז חב"ד באהאלט דאס טאקע, אבער ער געדענקט נאך תש"י וויאזוי ס'האט אויסגעזען אין חב"ד.

ער האט דאס אראפגעלייגט ממש ווי [tag]חקרן[/tag], אז די עלטערע האבן מיטגעהאלטן מיט גורארי, און די יונגע האבן צוביסלעך איבערגענומען די מצב, און זיי האבן געמאכט דעם מצב מיט רמ"ש, און סוכ"ס כולם נתבטלו אליו.

אויב אלע עלטערע זענען געווען מיט רש"ג'ן ווייס איך ניט, איך וועל נאר צולייגן אז ר' ניסן נעמאנאוו האט אמאל געשריען בפני עם ועדה (ס'געווען ביי א חתונה אלול תש"י) "א סטודענט וועט קיין רבי ניט זיין".

כ'האב געהערט אמאל אז דער ריי"ץ האט געלאזט צוואה אז ביידע איידימער זאלן זאגן מאמרים, און דאס האט געזאלט ווערן אויסגעטייטשט אז זיי זענען ביידע גלייך אויף גלייך. און שנה ראשונה האבן זיי זיך טאקע איינגעטיילט מיט די מאמרים ביז דער רמ"מ זצ"ל האט עס באקומען ברוב האגעלאנגענקייט שלו.

ס'איז דען דא אזעלכע וואס טענה'ן אז דער רש''ג האט געהאט אזעלכע אויסנאמליכע כוחות ווי זיין שוואגער? וואס זענען זיי געווען? מ'קען זיי ערגעץ זען?

זיי האבן ביידע געהאט געוואלדיגע כוחות, נאר איינער האט געהאט מער.

אבער די חולקים האבען דאך אנדעריש געהאלטען, ניין? איז וואס האבען זיי געהאלטען? איך האב נאך גארנישט געהערט אויף איהם אזוי אייאייאיי.

לא דובים ולא יער, נישט כוחות און נישט מוחות, לא כחל ולא שרק ולא פירכוס חן...

סך הכל, האט ער נישט געהאט אזא היסטאריע ווי רמ"ש, און היות ער האט געהייסן דער פרומער האבן געוויסע אים געוואלט פאר רבי [בעיקר די ערנסטע עלטערע]. אבער היות רמ"ש איז געווען סיי כוחות און סיי מוחות וכו' כנ"ל, האט ער טאקע למעשה באקומען דעם רוב, און עווענטועל דעם גאנצן רבי'סטעווע.

די ריי"ץ איז אהערגעקומען קיין אמעריקא שנת ת"ש ווי זיי האבן זיך באזעצט אין קראנהייטס צוזאמען מיט זיין עלטצטע איידעם ר' שמריהו גוראריה , ער פלעגט ארויסהעלפן זיין שווער זייענדיג די איינציגסטע וואס איז געווען נעבן שווער . דער ריי"ץ האט איהם שוין אינדערהיים געשטעלט אלץ ראש תומכי תמימים און דא אין אמעריקא האט ער איהם געשטעלט איבער די בחורים , ר' שמריהו איז געווען א שטארק ערענסטע מענטש אסאך מער פונעם יונגערן שוואגער ! . געשטאמט האט ער פון א רייכע ליבאוויטשע משפחה. דורות חסידים און הויף מקורבים ביזן מהר"ש ארויף , במילא ער אלץ שטארק פרומער און פון א רייכע שטוב האט גורם געווען אז ער איז כמעט נישט געווען צווישן דעם ציבור . ער האט געהאט עטליכע תומכי תמימים סטייל בחורים וואס האבן געקלעבט ארום איהם נישט מער פון דעם ! , קיין שטארק מעורב בין הבריות איז ער נישט געווען (נישט אז ער האט געטשעפעט. ער האט פשוט נישט געטויגט אין דעם פעלד)

תש"א ווען דער דריטער איידעם ר' מנחם מנדל שניאורסאן איז אהער געקומען (און ווי ער האט גענומען א פרישע שטאפל אין זיין לעבן , וואס איז באשטאנען פון א שיינע פאר שטאפלן . וואס דאס פרובירן זיי צו פארדעקן ...)האט ער תיכף גאר גוט אויסגענומען ביים ציבור . ער איז געווען א שטארק צוגעלאזענער צום עולם א שטארקע מעורב בין הבריות (א זאך וואס אונז אלע האבן ליב . די בנשק"ל פיל דיר נישט מיט א קאפ העכער פון מיר !) און צו די זייט איז ער געווען א שטארק קליגע מענטש . ובמילא האט ער אנגעהויבן פירן אלע אנדערע חלקים (אחוץ די ישיבה)

לגבי כיבודים . ווען ער איז שוין געווען קראנק האט ער מכבד געווען ר' שמריהו מיטן כיבוד פון זאגן דעם 'מאמר' ביי רעוא דרעוין וואס דאס איז די שטערקסטע כיבוד און פאר ר' מנחם מנדל האט ער געגעבן אויף שבת מברכים ווען מען זאגט א מאמר ,

וואס דאס מיינט. צו ער האט געוואלט ווייזן עפעס ווייס איך נישט , בפשטות אויב וואלט ער געוואלט דוקא א ספעציפישער יורש וואלט ער געלאזט צוואה ! עס זענען דא וואס טענה'ען אז בעצם האט ער געוואלט ר' שמריהו אלטץ יורש נאר ער האט געוואוסט אז דער עולם וויל מער ר' מנחם מנדל במילא האט ער גארניט געזאגט . וי"א להיפך. אז בעצם האט ער געוואלט ר' מנחם מנדל אלטץ יורש נאר ער האט עס נישט געקענט זאגן אלטץ כבוד פונעם עלטערן איידעם (אז איך בין נישט דארט געווען ווייס איך נישט)

צווישן די טעכטער אבער. איז חנה'לע (אשת הרש"ג) געווען אסאך שטערקער און אלעס געפירט אין שטוב ווען איר טאטע דער ריי"ץ איז געווען קראנק , זי איז געווען אסאך מער ווי איר שוועסטער חיי מושקע , (מבינים זאגן אז ווען ר' מנחם מענדל וואלט געווען חתונה געהאט צו חנה וואלט עס געווען א אומפעריע ! )

ביים פטירה איז נאך נישט געווען קיין שום דערקלערטער יורש , בעצם איז נישט געווען קיין אויסנאמליכער דרוק אז עס מוז שוין זיין א יורש ווייל זיי האבן נישט געזען אין ביידע פון זיי צו קענען פארפולן דעם חלל (עס זענען דא וואס זענען חולק אויף די ווערטער. אבער כך שמעתי מפי כמה) דערווייל איז עס געבליבן סטאטוסקווא אלטץ ווי ביז אהין , למעשה דער עולם האט זיך אנגעהויבן דרייען ווייניגער און ווייניגער ביים רש"ג (מען רעדט דא א גאנצע צייט פון 'עולם אהער עולם אהין' . נעמטס אין באטראכט אז גאנץ ליבאוויטש איז נישט באשטאנען דאן פון מער ווי ארום צוויי הינדערט משפחות ...)אקיצור עס האט זיך היפש געוואנדן אין די נאנטע שטוב מענטשן און אזוי אויך און די בעל בתי הביהמ"ד וועמען זיי גייען דערקלערן און אויפנעמן אלטץ מנהיג ,

נאך א שטיקעל תקופה איין שבת ביים ליינען האט מען געהערט אויסרופען : יעמוד כ"ק מרן וכו. מנחם מענדל ...דער רש"ג האט דאן געפלאקערט פאר בושה און זינט דאן יעדע וואך ארויס שפאנצירט ביים ליינען מאכענדיג אן אייגענע מנין קריאת התורה אינעם קליינע שטוב , אקיצור פון דאן האט זיינע הוועדות'ער אנגעהויבן שרינקען ביז צו א קארגע מנין . פארשטייט זיך אז די יונגע חברה האבן געווארפן עפלעך און אנדערע שטיקעס אויף די באטייליגטע חסידים פונעם רש"ג ...

מיט די צייט האט דער עלטערער שוואגער זיך פולשטענדיג מכניע געווען צום יונגערן שוואגער . מען פלעגט איהם זעצן אויפן אויבן אן אויסגעדרייט צום רבי'ן גאר נאנט , שפעטער ווען זיין זון 'בערי' (דער איינציגער אייניקל פונעם ריי"ץ . ליידער זיך פארמיאוסט פוןדאס גאנץ חסידות ) מיטן צושטימונג פון חנה גערופן ליבאוויטש אין ערכאות האט איהם דאס שטארק פארדראסן און ארויסגעוויזן התנגדות צו די סארט התנהגות , (איך מיין אז זי האט דאן אוועק געמופט פון איהם ! אויב איינער קען קאנפורמען ביטע) עכ"פ בערי האט מיאוס פארלוירן אינעם קאמף ,

שפעטער שנת תשמ"ט ווען דער רש"ג איז אוועק . מען האט זיך נישט גערעכנט אויף קיין גרויסע לוויה . דער רבי אבער האט געהייסן גיין און עס איז געווען א שווערע מאסן עולם , דער רבי האט שטארק געבעטן אז מען זאל איהם באערדיגן אינעם ליבאוויטשער חלקה אין קווינס . בערי האט אבער דווקא זיך געעקשנט איהם נישט צו באגראבן דארט. איך מיין אז ער ליגט אין ניו דזשערסי , תהא נשמתו צרורה.

דאס איז אזוי בקיצור אויבערפלעכליך ,

געוואגטער; דו האסט גאנץ גוט אראפגעלייגט דער מצב, מען קען אסאך אריינגיין אין דעם ענין, איך וויל זיך אבער באציען צו א צווייטער נושא, די כוחות פון רש"ג וואס מען שרייעט אז עס איז גארנישט קעגן רמ"ש און ער וואלט נישט געקענט מאכן אזא ארבעט וכו'...

לאמיר עס צונעמען:
רש"ג איז געווען א חסיד, א תומכי תמימים תלמיד, בעת דער רמ"ש איז געווען א סטודענט און באטראכט געווען פון אנהויב אלס איינער וואס איז ווייט פון רבי'סטעווע און חסידות כרחוק מזרח ממערב. אפילו ווען ער איז געקומען דאהי קיין אמעריקע, האט ער קודם זיך געוואלט אריינלאזן אין ארבעט, ביז דער שווער האט אים געשטעלט אויף געוויסע פונקציעס. למעשה אין 770 האבן געוואוינט דער ריי"ץ מיטן רש"ג, בעת דער רמ"ש האט געוואוינט אויף פרעזידענט סטריט.

יעצט, ווי אזוי דער רמ"ש האט אהערגעשטעלט אן אומפעריע מיט א מיליטער, דארפן מיר דאך נישט דערציילן, הנגלות כבר גלוי וידוע, קיינער האט נישט גע'חלומ'ט אז חב"ד וועט זיך אזוי אויסשפרייטן אירע ארעמעס, אבער מען טראכט נישט אויף די אנדערע זייט.

שטעלט אייך פאר ווען דער רש"ג וואלט למעשה איבערגענומען ליובאוויטש, ער וואלט געוויס אהערגעשטעלט א חסידי'שער אומפעריע, עס וואלט געווען חב"ד אויפן אלטן שטייגער ווי אמאל, לאנגע תפילות, דביקות וכו'. ריכטיג, עס וואלט נישט געווען קיין החזרת תשובה באוועגונג (אפשר אויף א קליינער פארנעם, וויבאלד דאס האט שוין דער שווער זיינער אנגעהויבן), עס וואלט נישט געווען אלע אנדערע זאכן, אבער עס וואלט געווען א געהויבענע חסידות, נוסח קארלין, סלונים (פארשטייט זיך אנדערש, אבער אינעם רוחניות'דיגן זין פון ווארט), עס וואלטן געווען זקנים וואס וואלטן משפיע געווען אויף די צעירים און עס וואלט אויסגעשטיגן חסידי'שע יונגעלייט.

וואס וואלט מען היינט געשמועסט אויף קאווע שטיבל? - 'עה, דער רמ"ש וואלט קיינמאל נישט געקענט פירן חב"ד, ווי אזוי וואלט ער געקענט אהערשטעלן חסידי'שע יונגעלייט אזוי ווי זיין שוואגער? - ס'איז נישט געווען געמאכט פאר אים, ער וואלט זיי געשיקט שטודירן וכו' וכו'...' קיינער וואלט דאן נישט גע'חלומ'ט אז דער רמ"ש וואלט געקענט פארוואנדלען חב"ד אין אזא אומפעריע אזוי ווי זי איז היינט. מען דארף נעמען אין באטראכט, אז דער רמ"ש איז בעצם מטבעו געווען א שטילער, א נחבא אל הכלים, און ביז ער איז געווארן רבי האט ער נישט אזוי פארפירט ווי שפעטער, דעריבער קענט איר אויך נישט וויסן ווי אזוי דער רש"ג וואלט גענומען זאכן אין די הענט אריין.

נאך א זאך:
חב"ד האט אריינגעשפילט אין די הענט פון רמ"ש. אויב וואלט דער ריי"ץ נפטר געווארן צען יאר פריער, איז נישט קיין ספק אז דער רש"ג וואלט זי איבערגענומען. דאס זעלבע, אויב וואלט ער נפטר געווארן מיט א פופצן יאר שפעטער. די יונגווארג אין חב"ד איז דעמאלס געווען עטוואס אמעקאניזירט (שא, זאג נישט הויך...), עס איז גווען נאך א שווערער מצב פון רוסלאנד און דער קריג און גאנץ יהדות איז געווען עטוואס אמעקאניזירט. דער דעמאלסדיגער מצב האט אריינגעשפילט אין די הענט פון רמ"ש.

דער באשעפער האט עס אזוי אונטערגעפירט.

[אפשר זאל מען דאס רוקן אין א באזונדער אשכול]
[tag]אינגל[/tag], יא זי האט געמופט מיט איר זון נאכדעם וואס זי האט געקראדן קלעפ פון א בחור (ליובאוויטש האט שטארק געליטן פון דעם אין קארט)
רש"ג ליגט לעבן זיין שווער, און דער רבי האט ניט געהייסן גיין, נאר ער איז אליין געגאנגען איז במילא געווען א עולם.
פאקטיש האט ליובאוויטש גענומען בערי אין ערכעות. ואין לי כח לתקן שאר טעויותך.
דאכצעך אז פון אלע מבינים דער איינציקער וואס רעדט צום זאך איז [tag]אדנירם[/tag]

איך הער אז ביים דריטע טאכטער האט מען געטראפען אן אייניקעל, נישט וואר?

רש"ג ליגט טאקע לעבן שווער אבער זיין ווייב, די טאכטער פון ריי"צ, ליגט אין מונקאטשער חלקה אין ניו זשערסי

@רוסישער גערעכט. טעיתי ער ליגט יא נעבן שווער . (אבער בערי האט נישט געוואלט מען זאל איהם באערדיגן דארט. )
און ער האט טאקע נישט געהייסן גיין , נאר ער האט געהייסן די בחורים לערנען לעילו נשמתו דערנאך וואס ער איז געווען איבער די ישיבה ,

ליטוואק פון בודאפעסט האט געשריבן:איך הער אז ביים דריטע טאכטער האט מען געטראפען אן אייניקעל, נישט וואר?

ניין זענען דאכט זיך אומגעקומען קינדערלאז אין פאריז ביים קריג
אפשר מישסטו מיט רמ"ש פלומעניק זיין ברודער זוהן
Sent from my DROID Pro using Tapatalk 2

פד. צווישן דער מלאך פון אמעריקע און חצר ליובאוויטש מהריי"צ [ומהרש"ב].
פה. צווישן דער קדושת ציון מבאבוב און זיין איידעם דער הארנאסטייפלער רבי.
פו. צווישן רבי ברוך'ל מונקאטשער ובנו היינטיגער מונקאטשער רבי.
פז. צווישן רבי יענקל'ע פשעווארסקער און היינטיגער בעלזער רבי.
פח. צווישן רבי אברהם קאליסקער און רבי יעקב שמשון משפיטיווקא.

אפשר מיינסטו ר"א קאליסקער און די בעל התניא

ניין. כ'ווייס פונקטליך וואס איך שרייב...
כ'האב שוין געשריבן אויבן אז דער קאליסקער איז געווען צוקריגט מיטן בעל התניא. וואס איז נישט אזוי באקאנט איז אז ער איז אויך געווען צוקריגט מיט רבי יעקב שמשון משפיטיווקא וואס האט אויך עולה געווען קיין ארץ ישראל.

אגב, דער קאליסקער מיט'ן שפיטיפקער זענען ביידע געווען כהנים.

צווישן האדמו"ר משש משזירא און האדמו"ר מוויזניץ סטעטן איילענד

איטרעסאנט, וויפיל איך ווייס האט כ"ק אדמו"ר מ'וויזניץ סטעטן-איילענד שליט"א גאר מכתיר געווען אדמו"ר רבי אדנירם פאר רבי פון קאווע שטיבל.

( פאר דעם איז ער נאר געווען רב...)