קאווע שטיבל

שמעקעדיג האט געשריבן:

ליטוואק פון בודאפעסט האט געשריבן:א. איך טרעף נישט אין די תורה אז דער משפחה פון א מענטש וואס ס'קומט אן עונש איז בכלל א נושא.

#על שהעמידו דבריהם על דין תורה
ביטע קום מיר נישט יעצט מיט די תורה. עס קומט נישט אריין אינעם שמועס.

מִי שֶׁאֲמָדוּהוּ וּכְשֶׁהִתְחִיל לִלְקוֹת נִתְקַלְקֵל מִכֹּחַ הַהַכָּאָה בֵּין בְּרֵיעִי בֵּין בְּמֵימֵי רַגְלַיִם אֵין מַכִּין אוֹתוֹ יוֹתֵר שֶׁנֶּאֱמַר (דברים כה-ג) 'וְנִקְלָה אָחִיךָ לְעֵינֶיךָ' כֵּיוָן שֶׁנִּקְלָה פָּטוּר.
רמב"ם שופטים יז ה

ירא שמים האט געשריבן:ווי שטייט אין די תורה אז א מאלעסטער באקומט א עונש ?

וואס שטייט אין שולחן ערוך?" - זהו ותו לא מידי. [גראדע שפעטער פרובירט ער יא, אן הצלחה, צו מסביר'ן מיט שכל].

יעקב מענטש האט געשריבן:הרב ליטוואק טענהט אז אין די תורה זעהט מען נישט אז מ'דארף זיך רעכענען מיט די געפיהלן פון די משפחה פון דעם בשטראפטן.

אמת,

אבער ווער רעדט דא פון געבן עונשים ? ווען דו גייסט רעפארטן צו די פאליציי, טוסטו דאס כדי יענער זאל באקומען א עונש ? חס ושלום! זייט ווען איז מען דן אן קיין בי"ד ?
די איינציגע סיבה פארוואס מ'רעפארט איז - אנגעבליך- צוליב פראטעקטן אנדערע קינדער, (די 'עכטע' סיבה איז נקמה), נו, אויב אזוי מאך א קאסט/בענעפיט אנאלאסיס, און זעה צו דו מאכסט מער ריוח ווי שאדן אדער פארקערט,


וועגן דו אנדערע זאכן וואס דו האסט געשריבן, ביסטו פשוט נישט אפדעיטעט מיט די עדווענסמענטס וואס די מוסדות און עסקנים האבן געמאכט אין דעם געביט, הן מיטן פריווענטן א פראבלעם, רוב מוסדות האבן היינט קעמערעס איבעראל, און הן ווען ס'מאכט זיך א אומגליק,
און במציאות ווערן זאכן סאך בעסער געסאללווט אינדרויסן פון דעם שטאטישען סיסטעם, וואו די ציהל איז בכלל נישט צו 'סאלוון' א פראבלעם, נאר 1) צו טוהן 'דזשאסטיט', באשטראפן דעם באשולדיגטן (אפיציעל) 2) פארשענערן דעם רעזומעי פון דעם פראסעקיוטער אז ער האט מצליח געווען צו פארשיקן נאך איינעם אויף לעבנסלעגליכע טורמע, אזוי ארום ארויפרוקן זיין ווערט ווען ער גייט זוכן א דזשאב אין דעם פרייוועט סעקטער (אומאפיציעל, אבער זיכער אמת),

שלום על ישראל האט געשריבן:

געוואלדיג האט געשריבן:

יעקב מענטש האט געשריבן:מ'מאכט אים גיין צו טעראפי, און אויב דאס העלפט נישט פארלאנגט מען אמאל אן אפעראציע אויכעט,

כ'האב שוין געהערט פון דעם כמה פעמים. קודם כל - ווי ווייט מיין ריסורטש האט דערגרייכט - האב איך נישט געקענט פעסטשטעלן קיין איינציגסטע קעיס ווי מען האט פאקטיש דורכגעפירט אן אפעראציע. צווייטענס, די אפעראציע פארריכט נישט אלעס, כמובן.

mevakesh האט געשריבן:רבי שש די מעשה איז געווען אז די מאמע האט געמיינט אז מען האט מאלעסטערט די קינד און די פאליציי נאך אויספארשען דאס קינד האט געזאגט אז על איז נישט ריכטיג
די גאנצע איבריגע וואס דו שרייבסט איז נישט קיין חלק פון די מציאות נאר דיין בליק
און ווי ווייט איך זעה איז דער ווייטאגליכער מציאות אז געווענליך ווען עס קומט אזא מעשה איז די טענה ווי וואויל און פיין דער באשולדיגטער איז און ווי פארריקט דער באשילדיגער איז עס איז שוין צייט אויפצוהערן מיט דעם און זיך מתייחס זיין לגופא דעובדות

עזריאל האט געשריבן:די מעשה וואס שש ברענגט איז א אמת׳ע מעשה וואס איך האב מיטגעהאלטן בשעת מעשה זייענדיג קרוב אל החלל.

דער אינגערמאן איז באמת א פיינער מענטש און דאס אלעס וואס [tag]אדנירם[/tag] שרייבט אויף אים איז נישט איבערגעשאצט, און די נקודות פון [tag]שלום על ישראל[/tag] הערט זיך זייער גוט אויב קען מען נישט די באטרעפענדע וואס דאן קען עס אויסקוקן אז א מאמע פון א נארמאלע משפחה האט געמאכט א טעות קעגן א פלעינע אינגערמאן, אבער ווען מ'ווייסט ווער די צדדים זענען הערט זיך עס גאר אנדערשט.

דער משפחה וואס האט אים געקלאגט איז לפי ידיעתי נישט קיין גע'גט'ע עלטערן נאר פשוט שלעכטע מענטשן מיט א פארביסנקייט צו די מענטשהייט. לויט ווי איך הער האלט די מאמע אז צענדליגער מענטשן האבן זיך שוין פארזינדינגט מיט איר קינד, (צום באמערקן דער קינד איז '4' יאר אלט, ואידך זיל גמור).

דער טאטע האט א ברודער וואס איז א משפיע אין מאנסי, צופעליג האט ער אין פארגאנגענהייט אסאך אויף געטוהן מיט קירוב אקטיוויטעיטן, אבער שכל האט ער ווייניגער פון ווייניג וואס איז גראדע נישט קיין סתירה צו זיין רעזומעי, מיט זיין גוטסהייסונג (לכאורה וועלענדיג קריגן א נאמען פון אקטעוויסט וואס פייט פאר קינדער) איז דער מאמע געלאפן צו די פאליציי נאכן הערן די ווערסיע פונעם 4 יעריג'ס וואס אויב איז דער קינד פון דער מין וואס הייסט 'מענטש' אדער 'אדם' ווייסט עס ניטאמאל וואס מאלעסטעישאן מיינט, און ווייסט ניטאמאל צו באריכטען אויב איינער האט געטון מיט אים מעשים אשר לא יעשו.

נאכדעם וואס א צווייטער חוץ די עלטערן האט גערעדט צום קינד האט מען קוקט אויס געזעהן אז דער ווייסט נישט מימינו לשמאלו, אבער אזויפיל האט דער משפחה אויף געטון אז ס'איז נאך אין די נייעס אז דער אינגערמאן האט געטשעפעט א קינד, פארשטייט זיך מיט א גרויסער בילד פון אים, לכאורה בלייבט עס אויפן געוועב לאורך ימים ושנים אז זיינע קינדער און אייניקלעך זאלן עס נאך קענען זעהן. אלעס ווייל א צעדריקטער עסקן האט געוואלט ווערן פאפעלער אויף די בלוט פון אומשולדיגער אינגערמאן וואס מוטשעט זיך אויף פרנסה דרייווענדיג א באס.

וואס [tag]mevakesh[/tag] שרייבט:

mevakesh האט געשריבן:אגב די מעשה געבט מיר חיזוק אז דער סיסטעם איז נישט אזוי שלעכט אזוי ווי מען זעהט דא אז די אמת איז ארויסגעקומען גאנץ שנעל אפילו דער יונגערמאן האט געהאט גאר שטארקע בזיונות וכו איז צום האפן אז ביז א צייט וועט עס זיין פארגעסען און פון די אנדערע זייט די שולדיגע באקומען זייער פארדינטע שטראף

איז אינגאנצן אום גערעכט, א) ווי איך האב געשריבן אז דאס איז אויפן אינטערנעט און ס'וועט זיין אוועילבעל פאר זיינע קינדער אין אייניקלעך, ב) דא איז טאקע דער אמת נתגלה געווארן שנעל אבער אנדערע האבן יא געליטן לענגער און אויסגעשטאנען קאורט קעיסעס אין א משך פון צוויי דריי יאר נישט וויסענדיג וואס צו ערווארטן, און ווער זאגט אז יעדער וואס מ'האט יא געטראפן שולדיג ווייל ער האט נישט געהאט די באווייזן סותר צו זיין זיינע קלעגער איז טאקע שולדיג?

berlbalaguleh האט געשריבן:אדנירם: ייש"כ פאר אראפברענגען די צווייטע זייט פון די מטבע, און צורירן (פאן אינטענדעד.) צו א זייער ווייטאגליכע פרשה וועלכע האט שוין גורם געווען א סאך צער און עגמת נפש און איז אויך באגלייט מיט א גרויסע מאס היסטעריע.
דער סאבדזשעקט פון טשיילד מאלעסטעישן איז זייער א פארצווייגטער און האט פילזייטיגע אספעקטן. ס'האט זיך אנגעהויבן מיט אמת'ע פאקטן, ווען א טייל רבי'ס, טיטשערס אדער יוגנט קאונסלערס זענען באשולדיגט געווארן אין אביוזן קינדער וועלכע זענען געווען אונטער זייער קאנטראל. קיינער האט זיך נישט געמאכט קיין סאך צו טון. ביז מ'האט אנגעהויבן איינצוזעהן די שעדליכע עפעקטן וואס דאס האט געהאט אויפ'ן לעבן פון די קינדער וועלכע זענען געווארן אביוזד.
אבער צוזאמען מיט די רפואה איז אויך געקומען די זייטיגע השפעות וואס דאס האט גורם געווען. די מענטשן זענען אריינגעגאנגען אין עפעס א מין היסטעריע. וואו מ'האט נאר געהערט פון עפעס א באשולדיגונג אקעיגן א מענטש. מעג ער זיין דער פיינסטער און ארנטליכסטער מענטש. איז ער שוין געווארן אפגעסטעמפלט אלס מאלעסטער און אביוזער. פארשטייצעך אז יענער (אומשולדיגער) האט באלד פארלוירן זיין דזשאב און פרנסה. אויך זיין גאנצע משפחה איז פארשעמט געווארן. ווען אין א סאך פעלער האט זיך אויסגעלאזט אז די גאנצע פרשה איז נאר געקומען צוליעב עפעס א מיספארשטענדעניש אדער בייזוויליגער בלבול פון האלב-צודרייטע אדער רשעות'דיגע מענטשן וועלכע האבן געהאט זייער אייגענע אגענדא. צו ביי משפחה סיכסוכים פון שלום בית, וואו איין צד האט געזוכט צו באקומען קאסטעדי פון די קינדער.
אבער א גרויסן טייל פן דעם געשאפענעם מצב קענמען אנלייגן אויף די אזוי-גערופענע "עדוואקעיטס". זיי זענען (אין די מערסטע פאלן) נישט געווען קיין נייטראלע מענטשן וועלכע האבן אויס זארג פאר'ן וואוילזיין פון די קינדער זיך אונטערגענומען צו פובליצירן די נעמען פון די באשולדיגטע מענטשן נאך גרונטליכע אויספארשונגען פון אלע זייטן פון די באשולדיגונג. נאר זיי האבן ענדערש געמאכט דעם רושם אלס טומלערס און פובליסיטי-זוכערס.
לאמיר נאר דערמאנען צוויי פון די מערסט באוואוסטע מתעסקים אין באקעמפן טשיילד אביוז. נחום ראזנבערג און "הרב" יעקב הורוביץ פון מאנסי. זיי וועלן קיינמאל נישט ארויסקומען מיט פאקטן און אפענע ראיות און באשולדיגונגען אקעיגן א מענטש. אדער אפילו ארויסברענגען אפילו א ספק אין זיין שולד. אזוי ווי ס'איז געווען לעצטנס ביי א פרשה אין ראקלענד קאונטי, וואו עפעס א בחור/יונגערמאן וועלכער האט זיינע אייגענע פסיכאלאגישע און עמאציאנעלע פראבלעמען איז ארויסגעקומען מיט לעכערליכע באשולדיגונגען אקעיגן א באוואוסטן, ארנטליכן איד א תלמיד חכם און פעמילי מענטש. זיי (די עדוואקעיטס) האבן חדשים לאנג געשריבן אלערליי בייזוויליגע, אויסגעטראכטע בילבולים אקעיגן דעם איד, וואס נאר א קראנקהאפטיגע פאנטאזיע קען פראדוצירן אזאלכע באשולדיגונגען. און ווען ס'איז, צום סוף אויפגעוויזן געווארן אין קאורט (מיט די הילף פון אן ערפארענעם לאיער) אז ס'איז געווען לא דובים ולא יער. קיין איינע פון די באשולדיגונגען זענען נישט געווען אמת. האבן זיי, די אזוי-גערופענע עדוואקעיטס זיך גענומען שרייען און באשולדיגן דעם דזשאדזש און דעם קאורט אין זיין קארופטירט. שטאטס אננעמען דעם פסק. אפילו ביי די פרשה פון נחמיה וועבערמאן איז אויך געווען די זעלבע זאך."הרב" יעקב הורוביץ האט געטענה'ט אז ס'איז דא לכה"פ נאך פיהר באשולדיגערינס אקעיגן איהם. איז מיין קשיא. פארוואס האט ער זיי נישט ארויפגעלייגט אויפ'ן סטענד אז זיי זאללן עדות זאגן אקעיגן איהם אין קאורט. ער איז אויפגעקומען מיט אלערליי לעכערליכע תירוצים פארוואס זיי "קענען" נישט עדות זאגן...!
לאמיר נאר האפן אז דער מצב וועט זיך סטאביליזירן און אלע באשולדיגונגען פון אביוז אדער מאלעסטעישן וועלן ווערן גרונטליך אויסגעפארשט. און די שולדיגע זאללן טאקע באצאללן א פרייז פאר זייערע שלעכטע מעשים. אבער די אומשולדיגע זאללן ריינגעוואשן ווערן אן דעם וואס זיי זאללן האבן געליטן אומזיסטע פארשעמונגען און עגמת נפש פאר זיי און זייער משפחה...!

אדנירם האט געשריבן:פאר אומגעפער צוויי וואכן צוריק, איז מיר אויסגעקומען צו כאפן א שמועס מיט מיין אלטער חבר, דער קרבן און העלד פון די האר-אויפשטעלנדע מעשה מיט וואס איך האב געעפנט דעם אשכול [הוסיף ואמר, אז די מעשה פארמאגט נאך פרטים וואס איך אליינס האב נישט געוואוסט. מעגליך אז ס'וועט פובליצירט ווערן, מעגליך נישט].

האמת יאמר, אז כ'האב געציטערט ער זאל עס ליינען, וויבאלד - וויסנדיג ווי שטארק די פרשה האט אים צוטראגן - כ'האב חושש געווען ער וויל נישט זיין פערזענליכע מעשה זאל באשריבן ווערן בחוצות עיר. דערפאר האב איך אים קיינמאל נישט געמאלדן איבער מיין אשכול. אבער לעצטענס אין א שמועס מיט אים, האט ער מיר געזאגט אז ער האט געזען דעם אשכול גלייך נאך עס איז פובליצירט געווארן [א צווייטער האט עס אים געשיקט], און לפי דבריו, איז ער ממש אויפגעלעבט געווארן ליינענדיג דעם אשכול.

'דו האסט נישט קיין השגה ווי שטארק עס האט מיר מחיה געווען'!!! האט ער מיר געזאגט.

איך נעם עס פאר א גרויסע קאמפלימענט, און עס איז ווערט אנגעמערקט צו ווערן אין דעם אשכול.