דאנק השי"ת פאר די לעכער

[געוואלדיג]

אין האנט האב איך א וואסער מעלאנע געהאלטן
אין א הייסן טאג וואס איז בעסער פון א מאכל א קאלטן,
די קינדער ארום מיר נעמען זיך צונויף
אויפן מעלאנע קוקן זיי ארויף,

טאטעניו, פרעגט מיט וואונדער
משה'לע, איינער פון די קינדער,
די מעלאנע איז אזוי גוט און פיין
וואס זענען די לעכער אין די שטיקל מיין,
פארוואס איז עס נישט גאנץ אן קיין מום
אזוי שיין ארום און ארום.

מיין קינד הער צו און פארשטיי
וועסטו וויסן פשט דערביי,
די לעכער וואס דו זעהסט אלס א מום א חסרון
וועלן דיר פאזיכערן אויף לאנגע יארן,
אין די לעכער זענען קערעלעך געווען
ווי דו קענסט דא אין די זייט זעהן,
זיי גייען אין די ערד גיין
און פון זיי נייע מעלאנעס וועלן זיין,

דאנק השי"ת פאר די לעכער
ווייל זיי וועלן דיר ברענגען העכער.

[בת קול]

צומאל אין לעבן גייען מיר אויף א שפאציר,
ווען פלוצלינגע שטרויכלונגען באגעגענען מיר
באמערק נאר אידעלע- ס'איז טאקע נישט גרינג,
אבער ס'וועט דיר דערהייבן, ווען וועסט געבן א שפרינג!