קאווע שטיבל

ווען קעלנער האט מודיע געווען די טרויעריגע בשורה אפאר וואכן צוריק אז קאווע שטיבל גרייט זיך צוצומאכן, האט זיך ערווארבן א שמועס דא איבער פארוואס אסאך אלטע ניקס באזוכן דא אזוי ווייניג, צו ווייל די שטיבל האט זיך גערוקט רעכטס, צו לינקס, צו וועגן צענזור, וויל איך דא זאגן פארוואס איך בין אוועק.

איך האב געטראפן אינטערעסאנטערע פלעצער.

וויאזוי קען דאס זיין? קאווע שטיבל איז דאך א מקור החכמה, פערל ווערטער וואלגערן זיך אויף די געסער, בריליאנטן גענוג ווי שטויב, טא ווי קען דאס זיין אן אינטערעסאנטערע פלאץ ווי דא? כ'עב ענק זאגן דעם אמת אז אין אנהויב האב אויך אויך אזוי געמיינט, אבער כ'האב מיך געטראפן שפענדען מער און מער צייט אויף וואטסעפ און אנדערע סאציאלע נעטווארקס. כ'האב מיך געווינדערט פארוואס איך פארליר אינטערעסע אין מיין באליבטע קאווע שטיבל, וואס פעלט אין שטיבל וואס איך טרעף ערגעץ אנדערש. און איך וועל ענק מגלה זיין די סוד וואס ס'פעלט דא. דאס אז פופציג פראצענט פון יהדות החרדית איז באגרעניצט פון קאמענטירן דא געהעריג. וועלכע פופציג פראצענט פרעגט איר? יא, איר האט צוגעטראפן, פרויען.

יא, איך ווייס אז געוויסע וועלן גלייך אוועקמאכן, "דער בעל תאוה האט זיך פארגלוסט אביסל מרבה שיחה זיין", "אפשר רעדט ער זיך איין ער וועט אנקומען ערגעץ מיט יענע פרויען, נעבעך..." אבער איך שרעק מיך נישט פאר די קריטיקירער, דעם אמת מוז געזאגט ווערן. דאס פרויע'ישע מין גיבט צו סובסטאנץ צו א שמועס, א פערספעקטיוו, א דינאמיק, וואס פעלט דא אין קאווע שטיבל, און ס'האט גארנישט צוטוהן מיט תאוה.

רוב פון אונז זענען אויפגעוואקסן אין חרדישע סאסייעטי וואו פרויען ערפילן געוויסע ראלעס, זיי זענען אונזערע מאמעס, ווייבער, זיי קאכן פאר אונז, וואשן, זעען נאך אלע אונזערע געברויכן, גיבן אונז מוטערליכע און פרוי'ישע ליבע, ביים שבת סעודה קענען זיי אויסהערן וואס די מענער שמועסן, אדער שמועסן זיי באזונדער אין קיך, צומאל ווען די שמועס איז עפעס וואס אינטערעסירט זיי קענען זיי זאגן א דעה, א מיינונג, אבער דאס איז נישט זייער עיקר ראלע. פשוט ווייל אונזער טראדיציאנאלע געזעלשאפט האט באשטומטע ראלעס פאר יעדן איינעם, און זיין א מענטש צום טיש, א גלייכע דעה זאגער, א דענקער, א פשט זאגער אין די סידרה, א מיינונג האבער אויב די אהרונים אדער זאלוינים זענען גערעכט, צו גיוס בני ישיבה איז א פראבלעם, דאס איז נישט זייער ווירטשאפט.

די פאקט איז אבער אז מענער און פרויען קאמפלעמענטירן איינער דעם צווייטן, פונקט ווי חז"ל האבן געזאגט אז א בחור אדער מיידל איז א פלג גופא, וויבאלד ווען ער\זי פארט זיך צוזאם מיט זיין\איר פאר ווערט א נייע בריה באשאפן, א טראדיציאנאלע פאמיליע, א פאר וואס קען ברענגען קינדער, אויפשטעלן א שטוב. צווישן זיי ביידע איז דא ווער ס'זאל אריינברענגען פרנסה, אכטונג געבן אויף זייער סעיפטי, וואשן, קאכן, וכו'. די זעלבע קען געזאגט ווערן וועגן א סאסייעטי, א קולעקטיוו, ווען ס'איז נאר דא איין האלב איז עס א פלג חבורה, ס'פעלט עפעס. פונקט ווי איר פארשטייט אז אויב וועט מען נאר אריינלאזן מענטשען פון איין חסידות, עידזש גרופע, אדער פינאנציעלע שטאפל, וועט פעלן די פערספעקטיוו פונעם אנדערען האלב, די זעלבע איז דא, ס'פעלט דא די פערספעקטיוו פון א גאנצע פופציג פראצענט פון אידיש רעדענדע אידן.


די וועג וויאזוי די מענערישע און פרויערישע מוחות אנאליזירן א נושא איז אנדערש, נישט אז איינס איז בעסער פונעם צווייטען, נאר אנדערש, מיטן האבן ביידע פערספעקטיוון באקומט מען א פולערע פיקטשער, און נאך אלעמען זענען זיי א האלב פון אונזער מענטשהייט, אונזער קולטור, אונזער קאלעקטיווע באוויסזיניקייט, פארוואס זאלן מיר אפשפארן א האלב מענטשהייט פון קאווע שטיבל, און פארוואס זאלן מיר זיך אפשפארן פון האלב מענטשהייט?

******

מיר האבן אויפגענומען מיט גרויס שמחה די בשורה טובה אז דאס ערגסטע איז פארמיטן געווארן, קאווע שטיבל בלייבט לעבן נאך א טאג, וויל איך טאקע באגריסן דעם [tag]קאפיטאן[/tag] פארן זיך אונטערנעמען דאס אויפגאבע פון קעיר נעמען פונעם זייטל, דיעלן מיט דעם עם קשה עורף, מייסעלף אינקלודעד, און מיר האפן אז דאס שטיבל זאל טאקע בליען אונטער זיין וואך, להחזיר ימי שטיבלנו כקדם, וגדול יהיה כבוד הבית האחרונה מהראשונה. מיר האפן אז ער וועט אנהאלטן די טראדיציע פון פירן דאס פלאץ דורך דעמאקראטיע, און אז רוב ציבור זאל מחליט זיין על הן הן ועל לאו לאו.

*******

ווען דער שטיבל האט זיך געעפענט האט זיך דעמאלס געטוהן דא א מדובר איבער לייגן בילדער פון פרויען, געווען אזעלכע וואס האבן געטענה'ט אז ס'איז קעגן הלכה, און אויב וועט מען דאס ערלויבן וועלן זיי אוועקגיין, אנדערע האבן אפגעשלאגן אז ס'האט מיט הלכה גארנישט צו טוהן, ס'איז נישט דא קיין איסור אויף לייגן בילדער פון פרויען סתם אזוי, צום סוף איז געבליבן א מין פשרה, אז מ'קען לייגן אין געוויסע פעלער יא, געוויסע נישט, אזוי צו אזי.

אזויווי מ'האלט יעצט ביי א מצב פון אריבערגאנג וואלט געווען א גוטע צייט צו מאכן א חשבון הנפש איבער דעם געביט. אזויווי ראובן מיט זיין שווערע הארוואניע האט שוין איבערגעוויזן שווארץ אויף ווייס אז בילדער פון פרויען איז קיין פראבלעם מצד ההלכה, און אז די פרומסטע שטרעמען אין חרדיזם פלעגן לייגן בילדער אין זייערע צייטונגען און זשורנאלן, בעפאר מיר זענען געשלאגן געווארן מיט די אכשר דרא מחלה. דאס ליינען וואס פרויען שרייבן איז זיכער נישט קיין פראבלעם, די פרומסטע היימישע אויסגאבע -די מעלות- איז רובו געשריבן דורך פרויען, וואלט איך פארגעשלאגן אז מ'זאל דא עפענען די טויערן פארן בעסערן מין, לראות ולהראות, אונז זענען גרויסע קינדער, מיר קענען ביהעיוון אפילו ווען ס'דרייען זיך דא יעניגע וואס זענען געבוירן מיט א גוף וואס איז אביסל אנדערש פון אונזערס, און מיר קענען זיך באהערשן ווען מ'זעט בילדער פון נארמאל געקליידטע פרויען.

מיר זענען אלעמאל מלא טענות אויף די היימישע אויסגאבעס פארן נאכשפרינגען יעדע אכשר דרא משוגעת, צו מיטן מעקן פרוי קלינטאן פון א בילד, אדער ביים איבערדרייען נייעס געשעענישן פון פרויען צו מענער, וויאזוי קענען מיר מאנען פון זיי, ווען די פאן טרעגער פון אפענקייט און גלייכקייט אין יהדות החרדית באגייט זיך מיט די זעלבע היפאקריטסווע?

לאמיר זיך צוזאמען נעמען און אפשטעלן די דיסקרימינאציע, עכ"פ דא אין שטיבל ווי מיר האבן א כח צו מאכן א טויש, #למעשה!

לייקט אויב איר זענט מסכים.

איך לייק נישט ווייל איך בין נישט מסכים אז דא הערשט דיסקרימינאציע, ווער לאזט נישט אריין קיין פרויען?

נו, אז ס'הערט סייווי נישט קיין דיסקרימינאציע וואס שטערט דיר צו לייקן?

וועגן דו ווייסט אז ס'הערשט יא. היינט צוטאג איז אקעגן די תקנות פאר א ניק זיך צו רופן מיט א פרויערישע נאמען, אז חנה דבורה שפיגלאייזן וויל מארגן אריינקומען קען זי זיך נישט רופן ביי א פרויערישע נאמען, אירס צו א צווייטענס, און סתם בילדער פון פרויען זענען אויך קעגן די תקנות, אויף ווי ווייט איך ווייס.

אסאך וואסער האט שוין געפלאסן אינעם האדסאן זינט דעמאלס, איך האב געטראפן נייע מענטשען, געהערט נייע דעות, און איך זע אז איך האב זיך דעמאלס טועה געווען.

כעלעם'ר מגיד האט געשריבן:איך בין אויך נישט קיין סעקסיסט און מיט דעם אלעם פארשטיי איך אז אויב די פרויען און מיידלעך דא זאלן זיך רופן מיט זייערע ווייבערישע נעמען וועט שוין איינמאל נישט זיין דא 'רואיג', ס'וועט פליען שטעכערייען מיט קאמפלימענטן ווי זאמד אין מדבר סאהארא, ס'וועט פארלירן יעדען חן און נארמאלקייט, איך פארשטיי אז די מנהלים דא זאלן עס נישט צולאזן. דאך האט מיר שטארק געוואונדערט אז אין גם אחד?? אזעלעכע ניקיס וואס טראגן נעמען פון טראקס און פיליזאפישע טערמינען וכדומה קענען ווען פונקט אזוי זיין פרויען ווי מענער, און למעשה לא מיניה ולא מקצתיה, נישטא קיינער דא וואס האט בכלל אן השגה וואס טוט זיך אין די הערצער פון יענע זייט מחיצה, מ'שרייבט זיך דא ארום ווי כאילו די גאנצע פרויען עקזעסטענס איז לא היה ולא נברא, אפילו קיין משל נישט, דאס וואונדערט מיך, הצרי אין בגלעד, נישטא קיינער, וואס איז פשט דערפון? הדרת נשים??

דאס האט כעלעמער דארט געשריבן אין זיין צווייטע תגובה.
למעשה, ס'קען אויסקוקען אדער אזויווי כעלעמער האט עס ארפכעלייגט, אדער פונקט פארקערט. די שמועסן וועלן דא ווערן מער ערענסטער און העכסט באלערענד אז ס'וועט זיין א נחת אריינצוקומען דא.

למעשה איז די הלכה חלק דערפון נישט אזוי פשוט. קאמפלימענטירן, באגריסן, אישי'ען, אלע פשוט'ע זאכן וואס מען טוט אויף א דעילי בעיסיס קען זיין פראבלעמאטיש הלכה'ווייז. ס'קען זיין אז ס'איז שייך צו טרעפן היתירים, אדרבה זאל זיך א דיין אריין ווארפן אין די שאלה און מברר זיין לעומקה.

נאכדעם וועט דארפן קומען א גרויסע 'מענער - פרויען 101' און מען וועט דארפן מסביר זיין און אריין לייגן אין ביידע זייטנס קעפ אז דער ציל איז פשוט צו פארברענגען און שמועסן אינאיינעם, און פלוני האט גארנישט געמיינט, און אלמונית האט נישט קיין שום פייגעלעך אין קאפ. זאכן וואס זענען בעיסיק אין די אלגעמיינע וועלט, אבער ביי אונזער אום - עדיוקעיטעד עולם (אין דעם פרט) איז דאס כסדר גורם מכשולות, דמיונות און נסיונות.

און הערשט נאכדעם דארף מען זען צי עס איז טאקע אינטערעסאנט בכלל צו פארברענגען אינאיינעם, ס'איז בכלל נישט א דבר מוכרח. למשל אין אייוועלט וואלט עס געווען א דיזעסטער מיט די עווערעזש היימישע פרויען. ק"ש וואס הייבט נאטירליך אן מיט די קלוגערע עלעמענט, קען זיין עס וואלט געארבעט בעסער.

געפילטע פיש האט געשריבן:נו, אז ס'הערט סייווי נישט קיין דיסקרימינאציע וואס שטערט דיר צו לייקן?

וועגן דו ווייסט אז ס'הערשט יא. היינט צוטאג איז אקעגן די תקנות פאר א ניק זיך צו רופן מיט א פרויערישע נאמען, אז חנה דבורה שפיגלאייזן וויל מארגן אריינקומען קען זי זיך נישט רופן ביי א פרויערישע נאמען, אירס צו א צווייטענס, און סתם בילדער פון פרויען זענען אויך קעגן די תקנות, אויף ווי ווייט איך ווייס.

בנוגע ניק נעמען איז שטארק גילטיג ראובן'ס טענה. בנוגע בילדער געדענק איך נישט אז די מתנגדים זאלן אריינקומען דיסקרימינאטיש, זיי האבן גע'טענה'ט אז זיי ווילן זיך היטן די אויגן. אבער בפועל האט מען געשטערט א פרוי צו שרייבן דא? איינער האט דא געוויזן דעם טיהר פאר ווענוס? (זי איז אריינגעקומען לייקן דעם אשכול...) איינער האט דא געשטערט מרת. אפטע? איינער שטערט דער געוואגטע אינגל'טע?

נאדיר דעם לייק.

נאך אלעם קומט די קשיא, וויאזוי דרעפט מען אריין פרויען? וויפיל היימישע פרויען וואלט געווען אינטערסירט צו פערטיסיפעטן אין א היימיש אידיש רעדענדע פארום? ואשה בכל אלה לא מצאתי.

סהדי במרומים אז דא שרייבן פרויען, טאקע נישט קיין סך, אבער ס'זענען דא אפאר. ביודעי ומכירי קאמינא.

ראובן איז אבער גערעכט אז אזא מהלך וועט אהערברענגן טראק-לאודס לאנגווייליגע פרוכתל'ך פון קווינס. פעיסבוק וטוויטער יוכיחו.

אפטעמיסט האט געשריבן:סהדי במרומים אז דא שרייבן פרויען, טאקע נישט קיין סך, אבער ס'זענען דא אפאר. ביודעי ומכירי קאמינא.
.

איך האב מורא אז זיי זענען אוועק מיט די מענער...

אבטולמוס האט געשריבן:אגרי 100%, נאר ס'וועלן זיין מער פערווערטירטע מענער וואס פרעטענדירן צו זיין פרויען ווי פאקטישע פרויען.

די שאלה איז אויך וואס גייט מען טון נאך מ'געפונט אויס אז פאקטיש זענען זיי נישט קיין פרויען.

איך מיין אז ס'איז נישט אזוי שווער צו דערשנאפן אזא התנהגות.

כבעהט למען השם נישט צו הערן געפילטע׳ס טענה.
ס׳זאל דא ארויף קומען איין פרוי מיטן נאמען רבקה פעפערקארן מיט א פרוישע עוואטער, וועט דא ח״ו ווערן א היים סטאנציע פון די שווארצע זאקן חזירים, מאלעסטערס, שמוציגע פארזאנען וואס קיינער וויל נישט זיין מיט זיי אויפ איין פארום.
סאיז ברייט באקאנט פארן חשובע ציבור א ביי אונז הערשט א מוראדיגע תאווה פשוט צו טשעטן מיט א פרוי, אסאאאאך מער ווי ביי די מאדערנע, פשוט ווייל ס׳איז דא אזויפיהל פון אונזערע וואס האבן נאכנישט ארויס געטרויטען אויפן גרויסע וועלט, נאר זיצן אנגעמאכט אין ביהמ״ד אדער אין כולל, אין לעכצען נאך פרויען.
געבט א באזוך צו פאליש פאר א רגע וועט איר זעהן ווי רוב שמוסען דארט זענען ווי מקען טרעפן היימישע טשעטס וגו׳.ליידער איז אונזער קרייז נישט געלערנט ווי אזוי צו פיהרן צום פרוי. די מינוט זיי זעהן א פרוי צינד זיך או א לעקטער. בווםםםם. לאמיר טרייען טשעטן מיט יענער.
אלץ וואס זיי ווילן איז ליידער שטילן די תאווה אין פארגעסען פון די 250 פונטיגע שפיצל פיהל מיט פימפעלס וואס זיצט אין די היים אויסגעשטרעקט אויפן קאוטש מיט גרויסע ווייסע סניקערס.
פעיסבוק יוכיח. ס׳איז ביי מיר נישט קיין ספק אז טאמער מ׳פרעגט אן ביי א פרוי וואס האט א עקאונט דארט מיט א בילד פון זי, וועט זי קענען מייעד זיין בפה מלא אז ס׳איז זייער שכיוחדיג אז זי זאל באקומען פרייוועט מעסידז פון אונזערע ברודער.

אבער סתם א פרוי וויל דא ווערן א ניק אין ארום רעדן גלייב איך נישט אז סהערשט א דיסקרומנאציע דערצי, אין כווייס פון א פאל ווי א היימישע פרוי האט דא געהאט א ניק אין זי איז ארויס מיט גאנצע ביינער.
יעצט צו די געפילטע, א אנדערע וועבזייטל ווי מרעדט אזוי ברייט ווי דא וועסטו נישט טרעפן לכאורה, זאדזע מוחל, ווילאנג אונז לערנען מיר נישט אונזער געמיינדע ווי אזוי זיך צו פיהרן מיט די אנדערע סארט דזענער בלייב צווישען אונז, לאז אונז איבער מיט דיינע קלוגע רייד אין זיי מהנה אונזער קהלה קדושה.

צוויי וואכן צוריק איז געווען א ארטיקל פון ראביי יוסי ראזענבערג אין יתד, צווישן שרייבט ער:
In the Telegraph piece, the female rabbi bemoans the “erasure of women from [our] society” and the lack of “female role models” for our boys. She declares that “it leaves impressionable young men with a deeply unhealthy perception of women.” One wonders what religion she is speaking of, for she – a self-proclaimed feminist – seems to have completely and curiously missed thousands of years of Jewish female role models with whom the average Orthodox boy and girl is acquainted since pre-school.

We, who believe in the wisdom of Torah – given by G-d – understand how living according to its precepts leads to the healthiest of lifestyles. After all, the same G-d Who gave us the Torah created the world and its many life forms. Only those who place a higher premium on progressive lifestyles than on Torah wisdom frown on the inconvenient facts that fail to jibe with the politically correct fantasy world they imagine.

Typically, the piece in the Telegraph fascinatingly states that the absence of women’s pictures has “of late become standard practice in Ultra-Orthodox periodicals, etc.” Archives of Orthodox Jewish periodicals and newspapers going back hundreds of years are readily available for any educated person who wishes to peruse them. Whether halachically mandated or not, the practice of “Ultra-Orthodox” papers not including women’s photos is nearly universal and goes as far back as the archives go. As such, to label this as some sort of new practice and wonder what terribly tragic results will ensue indicates an ignorance of the subject matter upon which one pretends to opine

כ'שטילע ועוד. ס'איז זייער קלאר אז ווען ווערט דא א ווייבער הויף מיט אנערקענטע פראפילן וועט דער שטיבל צוגרונד גיין איינס צוויי אין אלע הינזיכטן. דאס איז ליידער דאס טרויעריג מציאות מיט אונזער עולם ווי שטילע ברענגט ארויס מען קען דעם פאקט נישט טוישן. די וואס ווילן באמת צוגעבן שרייבן שוין לאנג דא עס פארט גוט. לאזן אפענע פרויען ניקס וועט קלאר נישט ארבעטן.

ליבי אומר לי, די געפילטע פארשלאגן האבן נישט טובת השטיבל בדעה ודו"ק.

דא איז א לינק צו יענע קאלום פון ראזענבערג
https://yated.com/12192-2/

ס'וויל זיך לייקען, געפילטע, פשוט ווייל איך בענק זיך נאך דיר. אבער איך דיסעגרי 100%. איך האלט אז געוויסע מענער האבן א געוויסע רעספעקט / שוואכקייט פאר א פרוי'ס מיינונג, עכ"פ בפניה, און ס'לאזט זיך שווער מגיב צו זיין בכל חומר הדין. ממילא, איז בעסער אז מ'זאל נישט וויסן די גוף-פיגור פון א ניק, כדי צו לאזן די שמועס לויפן נעטראל.
דער אמת מוז געזאגט ווערן, אז ווען ניק'ס קענען זיך, קומען נישט די תגובות ארויס מיטן גאנצען נאקעטע אמת. נאך מער, אמאל האלט מען זיך צוריק פון קריטיקירן, פשוט כדי נישט צו באליידיגען "יענעם", אבער ווער יענער איז virtual only איז די צונג פריי...
למעשה, ביסטו דען זיכער אז ס'נישט דא קיין (ארגינעל געבוירנע) פרויען? איך קען באשטיין נישט צו וויסן. וואס אינטרעסירט מיר וועלכע זייט מחיצה @געוואלדיג שטייט ביים דאווענען, ער איז געוואלדיג either way

א תירוץ פאר'ן באבע'ן (זיידע'ן). אז ס'וועלן זיין דא פרויען וועט געפילטע טענה'ן אז מ'קען נישט פירן דא א שמועס ווייל מ'לאזט ארויס אונזערע פלעטבושע און לעיקוואדע ברודער וואס ליינען נישט אידיש. ואין קץ לדברי רוח. און לאמיר שוין זאגן רז פרויען וועלן זיך יא באטייליגן דא, פון וואספארא פרויען רעדט מען, פון די פינף פראצענט חסידישע וואס ווילן שרייבן אין ליינען אידיש?

אלזא טייערע געפילטע, דיין תירוץ איז נישט אקצעפטירט. איך גלייב שווער אז די האסט א סאושעל נעטווארק ווי מענער און פרויען קאמיוניקירן אין אידיש. איז די תירוץ פאר דיין אוועקגיין ווייל דיר איז ענגליש פונקט אזוי גוט. אבער אין אידיש איז נישטא בעסערס ווי קאווע שטיבל

אויב ס'וועלן זיין דא פרויען אפיציעל וועט מען שיקן א אישי צו מענער ניקס און שיקן א אישית פאר פרויען ניקס

איך עגרי מיט געפילטע, אבער איך קען זעהן די תקלה דערפון. אולי וואלט געווען א פשרה אז א פרויענישע ניק זאל מען נישט קענען שיקן פריוואטע מעסעזשעס.

די מענער וואס רעדן זיך איין אז זיי וועלן זיך איינקויפן עפעס פוינטס מיט א פרוי ווייל זיי עגריען מיט איר, זענען סתם clueless.

דעת תורה האט געשריבן:למעשה איז די הלכה חלק דערפון נישט אזוי פשוט. קאמפלימענטירן, באגריסן, אישי'ען, אלע פשוט'ע זאכן וואס מען טוט אויף א דעילי בעיסיס קען זיין פראבלעמאטיש הלכה'ווייז. ס'קען זיין אז ס'איז שייך צו טרעפן היתירים, אדרבה זאל זיך א דיין אריין ווארפן אין די שאלה און מברר זיין לעומקה.

לאמיר שוין זאגן אז ביזט גערעכט אז קאמפלעמענטירן וכדו' איז אסור, וועגן דעם גייסטו אסר'ן פרויען אריינצוקומען דא? דאס איז כמעט דומה צו נישט אריינלאזן ארונים און זאלוינים וויבאלד מ'קען צוקומען צו הלבנת פנים. מיר דארפן זיין אפען, און יעדער איינער פאר זיך דארף אכטונג געבן זיך צו האלטן ציוויל, און אין די ראמען.

דעת תורה האט געשריבן:נאכדעם וועט דארפן קומען א גרויסע 'מענער - פרויען 101' און מען וועט דארפן מסביר זיין און אריין לייגן אין ביידע זייטנס קעפ אז דער ציל איז פשוט צו פארברענגען און שמועסן אינאיינעם, און פלוני האט גארנישט געמיינט, און אלמונית האט נישט קיין שום פייגעלעך אין קאפ. זאכן וואס זענען בעיסיק אין די אלגעמיינע וועלט, אבער ביי אונזער אום - עדיוקעיטעד עולם (אין דעם פרט) איז דאס כסדר גורם מכשולות, דמיונות און נסיונות.

איר קענט נישט צוגלייכן אונזערע בעזעצענע חבירים דא אין שטיבל צו די עלעמענטן וואס דרייען זיך אויף די נידעריגע ערטער. מיר זענען אויף סאך אן העכערן קליבער, און אונז עקספעקטן מער פון אונזערע חשובע חברים דא.

דעת תורה האט געשריבן:און הערשט נאכדעם דארף מען זען צי עס איז טאקע אינטערעסאנט בכלל צו פארברענגען אינאיינעם, ס'איז בכלל נישט א דבר מוכרח. למשל אין אייוועלט וואלט עס געווען א דיזעסטער מיט די עווערעזש היימישע פרויען. ק"ש וואס הייבט נאטירליך אן מיט די קלוגערע עלעמענט, קען זיין עס וואלט געארבעט בעסער.

וויבאלד דיר איז נישט אינטערעסאנט גייסטו אויסשפארן פרויען? די ערשטע נושא דא איז נישט אויב ס'איז אינטערעסאנט פאר אונז, מענער, זיי צו האבן דא צו נישט. מ'רעדט דא פון גלייכבארעכטיגקייט, און נאר אלס יהודא ועוד לקרא האב איך צוגעלייגט אז זיי געבן צו אסאך צו א שמועס, און אז חוץ פון דעם וואס ס'איז אבסורד זיי נישט אריינצולאזן לוינט זיך עס אויך.

ריכטיג האט געשריבן:בנוגע ניק נעמען איז שטארק גילטיג ראובן'ס טענה. בנוגע בילדער געדענק איך נישט אז די מתנגדים זאלן אריינקומען דיסקרימינאטיש, זיי האבן גע'טענה'ט אז זיי ווילן זיך היטן די אויגן. אבער בפועל האט מען געשטערט א פרוי צו שרייבן דא?

אויסגעלאסענע בילדער ביזטו גערעכט, אבער ווער רעדט פון פראפיל בילדער, האט דען דא איינער אן עכטע בילד פון זיך בכלל? (חוץ שמעקעדיג און קאווע טרינקער'ס סעקרעטארשע) דאס זאגן אז זיי קענען אריינקומען אונטערן שלייער פון גענדער נוטראלע נעמען איז אזויווי איינער זאגט דיר אז דו מעגסט אריינקומען אין פארק, מעגסט אפילו זיצן אויפן באנק, אבער ווייז נישט ארויס אז דו ביזט א איד. דאס גופא איז א געפערליכע דעסקרימינאציע וואס מאכט זיי נישט זיין וועלקאם דא.

ריכטיג האט געשריבן:איינער האט דא געוויזן דעם טיהר פאר ווענוס? (זי איז אריינגעקומען לייקן דעם אשכול...) איינער האט דא געשטערט מרת. אפטע? איינער שטערט דער געוואגטע אינגל'טע?

משם ראי' אז דער עולם קען זיך יא באהערשן, נו לאז זיי שוין אריינקומען ווי נארמאלע מענטשען.

פרייוויליג האט געשריבן:נאך אלעם קומט די קשיא, וויאזוי דרעפט מען אריין פרויען? וויפיל היימישע פרויען וואלט געווען אינטערסירט צו פערטיסיפעטן אין א היימיש אידיש רעדענדע פארום? ואשה בכל אלה לא מצאתי.

קיינער דארף נישט דרעפטן, מיר זענען נישט קיין מיסיאנערן. אויב ווילן זיי קומען איז גוט, אז נישט איז אויך גוט, קיינער צווינגט קיינעם נישט צו שרייבן דא.