ראמני טרייבט אויף 35 מיליאן דאלאר מער ווי אבאמא

[שמעלקא]

נישט לאנג צוריק איז עס געווען ווען אלע האבן גערעדט איבער אבאמא'ס שטארקע פאנדרעיזינג מעגליכקייטן און מען האט ערווארטעט אז ביי די היי יעריגע וואלן וועט ער אויפטרייבן א רעקארד ציפער אין די געגענט פון א ביליאן דאלאר מיט א גרויסן "בּ".

איינס פון די זאכן וואס די באוויינער וועלכע האבן געקלאגט אויף מיט ראמני איז געווען די שוועריגקייטן וואס ער וועט האבן איבער צו שטייגן אבאמא'ס געלט מאשין, אבער זיינע מענטשען האבן זיך געטרייסט מיט די דרויסענדיגע זעלבסשטענדיגע קאנסערוואטיווע גרופעס און סופערפעקס וועלכע וועלן אריין גיסן שווערע מיליאנאן ארויס צו זעען זייער שונא נומער איינס פון אפיס.

אין די לעצטע צוויי חדשים האט אבער ראמני געוויזן זיינע ביזנעס קוואליפיקאציעס, און באוויזן איבער צו שטייגן אבאמא מיט שיינע ציפערן.

די ראמניי קאמפיין האט פאר JUNE אויפגעטריבן איבער 106 מיליאן דאלאר, א רעקארד ציפער פאר די היי יעריגע פרעזידענטליכע פארמעסט.

אבאמא האט אויך נישט אויפגעטריבן קליין געלט אריין ברענגענדיג 71 מיליאן דאלאר די גרעסטע ציפער זינט די קאמפיין האט זיך אנגעהויבן, אבער די דיפערענץ פון 35 מיליאן איז גאר שטארק און ברענגט זיכער זארג ביי אבאמא'ס ראטגעבער.

דאס קומט שוין נאכדעם וואס אין MAY האט האט ראמני אויפגעטריבן 77 מיליאן אקעגן די 60 מיליאן פאר אבאמא.

ד"ה אז אין די צוויי חדשים זינט ראמני איז געווארן די איינצעלע ריפובליקאנער קאנדידאט האט ער ביידע מאל אויפגעטריבן היבש מער ווי אבאמא, און אויב האלט ער אן אויף דעם ליניע קען ער אין די ענדע האבן אויפגעטריבן מער ווי אבאמא.

עכ"פ יעצט קען שוין אבאמא שרייען אז ראמני איז פון די רייכע...