קען איינער זיין א מערדער, און נישט געכאפט ווערן?

[בלויע רעקל]

א גוטן טייערע ידידים מכירים אנ"ש וכל באי בית השטיבל.

איך פארשטיי אביסל צו אינוועסטיגעשאנס, אויב האב איך צייט פאר א יוטאב דאקומענטרי, קען איך וואטשן פאר שעות, וויאזוי סייענס האט געפאקט און אויפגעכאפט מיאוסע מערדערייען, א מעיזשער חלק פון די אויסטרעפונגען ווערט געטוען דורך די מעדיקעל עקזעמינער, פאר די וואס ווייסן נישט וואס דאס איז, ער איז איינער וואס קען א יעדן פרט ופרט מגופו של אדם ער לעבט עס און ער אטעמט עס.

כדי צו ממחיש זיין די נושא, העלעך צוברענגען א מעשה שהיה, פון א שפיטאל וואס מען האט געטראפן אז איינער פון די מענער נורסעס האבן ערמארדעט צענדליגע פאציענטן, און קיינער האט נישט געוואוסט דערפון, ביז ווען א האלב פאראליזירטער מאן איז געשטארבן, און די דאקטורים האבן שוין באצייכנט זיין טויט פון א נעמאניע, אבער בשעת דער אטאפסי, אינמטן אויפשניידן זיין מאגן האט דער עקזעמיער דערשפירט א ריח פון סייאנייד, שוין יעצט ווייסט מען שוין אז מען דארף אויספארשן איינעם, און כך הוה, מען האט געכאפט דער מערדער, און אלס אויסטויש אז מען וועט אים נישט הינריכטן האט ער מודה געווען אויף אלע זיינע קאלט בלוטיגע מערדערייען דארט אין שפיטאל, סך הכל האט ער געהרגעט ארום 57 מענטשן, דער אטאפסי האט געראטעוועט אסאך פאציענטן פון דאמאלט און ווייטער.

יעצט צום נושא וואס באדערט מיר, עס איז שוין נישט קיין סוד וואס איך וויל דא ארויסברענגען, יא די נושא פון אטאפסי ע"פ הלכה.
לעצטנס קומט פאר א מלחמה אין לאנדאן, עס איז אלעמאל דא מלחמות אין א"י אין דעם נושא, איך בין נישט קיין דיין, און איך וויל נישט דא דיסקוסירן די הלכה, לאמיר זאגן אז מען טאר נישט שניידן א מת ע"פ הלכה, אויב אזוי קען מען הרגענען א פרומער איד וואס איז אביסל שוואך, און "געט עוועי וויט איט".

וואס איך וויל וויסן איז, ווען איז מען מתיר אטאפסיס, און אויב מען קען אנטפלעקן א מערדער איז עס דאן מותר און צוגעלאזט ע"פ הלכה? ווער זענען די וואס מאכן די החלטות אז מען גייט "זיך שלאגן פאר כבוד המת", עסקנים אדער רבנים וואס קענען די סוגיא?

[[NAMELESS]]

ווען עס איז דא א חשש פון א מעשה רציחה שנייד מען פיין... נישט אלעס פארציילט מען פאר די ציבור...

[קל וחומר]

דאכציך ס'דא א תשובה פון ר' משה פיינשטיין אז טאמער וויל דורך דעם מונע זיין רציחות איז יא מותר

[מור וקציעה]

איבער ניתוחי מתים לצורך רפואה איז שוין געשריבען געווארען הונדרעטער תשובות די לעצטע צוויי הונדרעט יאר (סאיז דא איבער דעם אין נוב''י, חת''ס, בנין ציון, מהר''ם שיק ועוד ועוד)

ולמעשה ידוע שכבר התירו פרושים את הדבר בעת הייסוד (בפועל) של הפקולטה לרפואה באוניברסיטה העברית, פנו הנהלות האוניברסיטה וההסתדרות המדיצינית הדסה בשאלה בנידון להרב הראשי לישראל, הגריא"ה הרצוג, והרב הראשי לירושלים הגרצ"פ פרנק, והתירו ניתוחי מתים כאשר יש בהם צורך לרפואה משפטית כאשר לא ניתן להגיע לאבחנת סיבת המוות, או כאשר הנתיחה עשויה להציל חיים של חולים אחרים, או כאשר הנתיחה דרושה לבירור מחלה תורשתית לשמירת בריאותם של קרובי הנפטר שנותרו בחיים. כמובן שכל זאת בתנאי שינהגו בגופה בכבוד הראוי בעת ביצוע הנתיחה, ובתנאי שימסרו לחברה קדישא לקבורה את הגופות אחר זה, כמו כן נקבע בהחלטת הרבנות הראשית לארץ ישראל במועצתה המורחבת, שאין הרבנות הראשית מתנגדת שבגופותיהם של אלה אשר הסכימו לזה מחיים בכתב, חתום על ידיהם מרצונם הטוב, ישתמשו לניתוחים אנטומיים לצורכי לימוד הרפואה בבית הספר לרפואה, בתנאי שישמרו על החלקים המנותחים להביאם לקבורה בכבוד כדין תורה

ועיין כאןתשובה נוקבת למרן הגרי''י וויינברג להתיר נתוח מתים בארצינו הקדושה לצורך רפואה


ולגבי שאלתך אם מותר לנתח המת לבירור סיבת מותו,
עיין כאןלהגרי''מ טוקצינסקי שהתיר בשופי
וז''ל

אסור לעשות בידים איזו השחתה כל שהיא בגוף המתת וכל זה לא אמרו רק בכל סתם מת שמת מיתה טבעית. אולם כשמת מיתה בלתי טבעית ע״י איזה אסון שמצד חק ממשלתי מוכרחים לנתחו בכדי לדעת סבת האסון, ומי הם האחראים והגורמים לאסון, והרבה פעמים נוגעת הבדיקה גם למת וליורשיו, ומכיון שזהו חק המדינה הרי מלבד שאין כאן מקום להשתדל למנוע מזה, אף גם אין בזה כל כך משום בזיון

[[NAMELESS]]

און ווער זענען די אוסרים?

[שלום על ישראל]

קען איינער צוברענגן מרמ"ק צו די נודב"י חת"ס...

[מור וקציעה]

קען איינער צוברענגן מרמ"ק צו די נודב"י חת"ס...

שו"ת נובי"ת חיו"ד סי' רי, שו"ת חת"ס חיו"ד סי' שלו, שו"ת בנין ציון סי' קע-קעא, שו"ת מהר"ם שיק חיו"ד סי' שמז-שמח

[מור וקציעה]

און ווער זענען די אוסרים?

הרב משה דב וולנר חתן הגר''י ועלץ, הרב אלישיב ועוד

[[NAMELESS]]

רב אלישיב איז דאך אויך געווען אין די רבנות? ומי יבוא אחר הגרצ"פ פראנק וכו'
און ווער איז דער 'ועוד' וואס ברענגען אן אזעלכע הפגנות ורציחות??

[מור וקציעה]

הרב אהרנברג פון בעלז אין זיינע תשובות דבר יהושע איז מחמיר אויף אן עקסטרעים,
מנחת אלעזר איז דאך איבעריג צו זאגען,

דא האט איר על דרך אבותינו אויפן אונגארישען נוסח פון עצי חיים

[berlbalaguleh]

אין די טעג רודערט זיך אין א"י איבער א רוסישן אימיגראנט מיט'ן נאמען פיאדאר בייזשענערי, וועלכער ווערט באשולדיגט אין אדורכפיהרן לכה"פ. 4 רציחות אויף איינזאמע פרויען אין פארשידענע שטעט אין משך פון די לעצטע 3 יאר. אין צוויי קעיסעס האבן די פאליציי 100 פראצענטיגע הוכחות מיט די.ען.עי. אז ער איז געווען דער רוצח. אויף וואס ער איז טאקע אפיציעל באשולדיגט געווארן (אינדייטעד). ביי 2 אנדערע קעיסעס האלטן זיי נאך אינמיטן אויספארשן. אבער אלע סימנים ווייזן אז ער איז געווען דער רוצח.
פארשטייצעך אז ער לייקנט אלעס. די אינטרעסאנטע זאך איז אז א סאך פון די (פרייע) באפעלקערונג נעמט זיך אן פאר איהם. זיי טענה'ן אז ער איז נישט קיין מערדער. אפילו זיין געוועזענע ווייב האט זיך אויך אנגענומען פאר איהם.אויך די מאמע פון איינע פון זיינע קרבנות. זי זאגט אז ער איז א פיינער מענטש. און ער האט נישט געקענט הרג'נען איהר טאכטער.
ער האט זיך אנגעגעבן אלס קאנטראקטאר און ווען ער איז געקומען צו די הויז האט ער מאנס געווען און בארויבט זיינע קרבנות. און נאכדעם אנגעצונדן די אפארטמענט. די פאליציי און פייער אינוועסטיגעטארס האבן צו ערשט געמיינט אז די פייערס זענען געווען צוליעב אן עלעקטרישן שארט. אבער זיי האבן אין אלע פיהר קעיסעס געטראפן סימנים פון רציחה.און ביי 2 האבן זיי געטראפן די זעלבע די.ען. עי. פונ'ם מערדער...!

[קל וחומר]

שלום עליכם!

זאלסט האבן געפועלט אלעס גוטס!

וויזוי איז געווען די נסיעה?

[berlbalaguleh]

שלום עליכם!

זאלסט האבן געפועלט אלעס גוטס!

וויזוי איז געווען די נסיעה?

אמן גם אתם. איך בין געווען בקירוב מקום און א ביסעלע בריחוק לב...!

[יאסל ראקאווער]

אלע תשובות פיין און וואיל. אויב קען מען ראטעווען א צווייטע מענטש מיט מיינע איברים, למען השם ותורתו, די consent איז אויף מיין לייסענס. זאל איך זיין פארווארפן פון אלע עולמת אבער א צווייטע וועט לעבן א געזונט לעבן.

האף איך אז ער/זי וועט טון מעשים טובים פאר א תיקון פאר מיין נשמה.

ומי שאמר לכל המקיים נפש אחת מישראל די יאמר לצרותינו די ונאמר אמן

[קנאק-יענקל]

דאכציך ס'דא א תשובה פון ר' משה פיינשטיין אז טאמער וויל דורך דעם מונע זיין רציחות איז יא מותר

ר' משה ברענגט א קנאקעדיגע ראי' פון די מעשה אין תנ"ך ביי פילגש בגבעה ווען מ'האט צושניטן די פרוי אין צוועלף שטיקער כדי צו ברענגען דעם כעס פון כל שבטי ישראל קעגן שבט בנימין, זעט מען אז לצורך המת איז מותר.

ווען מ'האט איבערגעזאגט די ראי' פאר הרב אלישיב, האט ער זיך צושמייכלט [אז מ'ברענגט א הלכה באווייז פון פסוקים אין ספר שופטים"] און געזאגט:
"די ראי' נו [כלומר מהיכי תיתי...], אבער דער צושטעל איז גוט".