קאווע שטיבל

היינט י' באייר מערקט מען אפ דעם הונדערטסטן יארצייט פון דעם גרויסן קלאסיקער פון דער אידישער ליטעראטור שלום עליכם. האב איך געוואלט עפענען דעם אשכול כדי אז די וואס האבן אים שוין געליינט וועלן דא קענען שרייבן וועגן זייערע באליבסטע ווערק. איך האף אז די פון אייך וואס האבן נאכנישט זוכה געווען צו פארזוכן דעם טעם פון דעם גרויסן שרייבערס וואונדערליכע מעשיות, רייכער שפראך און אומפארגעסליכע העלדן (טביה דער מילכיגער, מנחם מענדל, מאטל פייסי דעם חזנ'ס און פיל אנדערע) וועלן יעצט קענען נאשן פון זיינע שאפונגען.

וויל איך אנהייבן דעם אשכול מיט א שטיקל וואס איז מיר זייער טייער. דאס איז שלום עליכמ'ס "פיר קשיות פון אן 'אמעריקאן באי'".
אין דעם קורצן ווערק קען מען זען בפירוש וואס פאר א הומאריסט און פאראדיסט ער איז געווען, און ווי טיף און ערנסט ער האט זיך אריינגעטראכט אין די פראבלעמען פונעם אידישן פאלק אין אמעריקע.