קאווע שטיבל

קומט יעצט אריין די נייעס אין וויליאמסבורג אז עס עפענט זיך אויף א חדר וואס גייט נאר אריין נעמען קינדער וואס די עלטערן האבן נישט קיין טעכנעלאגיע כלים

נאך אפאר יאר גייט מען קלאר זעהן אז סמארט פאון'ס לייגן אוועק דורות, ווען מען וועט זעהן אז די פראצענט נושרים איז כמעט נול ביי די ת"ת וואס די עלטערן האבן נישט קיין כלים

אדער גייט מען זעהן ווי די סמך מם האט זיך פארלייגט אויף די הייליגסטע, בבחינת כל הגדול מחבירו יצרו גדול.

ס'איז א געוואלדיגע מעלה. יעצט וועלן אלע מוסדות קענען זאגן פאר די "עלטערן וואס פארלאנגן שטרענגע תקנות" אויפן חשבון פון אנדערע עלטערן אין די מוסד: "ס'געפעלט דיר נישט דא, האסט א ברירה צו גיין צו די די טעכנעלאגיע-פריי מוסד."

(מה-דאך ווען ס'איז נישט פאראן אן אלטארנאטיוו פאר די וועלכע וואס ווילן נישט עקסטרעמע תקנות פלעגט מען זיי זאגן, "ס'געפעלט דיר נישט, גיידיר ערגעץ אנדערש", אפי' ס'איז נישט געווען קיין ערגעץ אנדערש, כ"ש יעצט אז ס'וועט יא זיין אן אלטארנאטיוו וועט מען דאס קענען זאגן פאר די עקסטרעמע פארלאנגערס.)

וואו שטייט דא אז מען וועט בכלל נישט מעגן האבן קיין טעכנאלאגישע כלים? עס שטייט נאר אז עס וועט זיין שטארקע תקנות - עפעס וואס אלע מוסדות פארמאגן שוין.

שמעתי אז מאנכע ווילן אויך אוועקשטעלן די יסודות פונעם מוסד על טהרת הקודש-קדשים, מיט נאך פארשידענע תקנות און וויכטיגע אידישקייט זאכן.
און זו ואין צריך לומר זו אז נישט טראגן מיט דער וומסב"ג עירוב שב"ק קען זיין א תנאי. איינער ווייסט אפשר?

יואליש האט געשריבן:ס'איז א געוואלדיגע מעלה. יעצט וועלן אלע מוסדות קענען זאגן פאר די "עלטערן וואס פארלאנגן שטרענגע תקנות" אויפן חשבון פון אנדערע עלטערן אין די מוסד: "ס'געפעלט דיר נישט דא, האסט א ברירה צו גיין צו די די טעכנעלאגיע-פריי מוסד."

(מה-דאך ווען ס'איז נישט פאראן אן אלטארנאטיוו פאר די וועלכע וואס ווילן נישט עקסטרעמע תקנות פלעגט מען זיי זאגן, "ס'געפעלט דיר נישט, גיידיר ערגעץ אנדערש", אפי' ס'איז נישט געווען קיין ערגעץ אנדערש, כ"ש יעצט אז ס'וועט יא זיין אן אלטארנאטיוו וועט מען דאס קענען זאגן פאר די עקסטרעמע פארלאנגערס.)

קיין אלטערנטיוו וועט עס נישט זיין ווייל סאטמאר וועט קיינמאל נישט צולאזן קיין בעסערס און פרומער פון זיי, מ'וועט טרעפן עפעס א חטוטי שכבי עוולה פון א מנהל און די מוסד וועט ווערן די נייע עירוב.

כמדומה אז חיטוטי שיכבי איז שוין ברייט געזאגט
עס איז גענוג אז דער מנהל זאל האבן געכאפט א היטש אין א קאר וואס האט געהאט אן עיר קאנדישן סיסטעם דורך א קאמפעני וואס איז פארדעכטיגט צו האבן שייכות מיט מתחם גלנצביץ אין בית שמש אדער מיט אברהם סלאנים
און דאס וועט שוין זיין גענוג פאר אלע יראי' ה' וחושבי שמו נישט צו קומען אין בארירונג מיט די אלע רוצחים פושעים אפיקורסים...

אויך גייען זיי פארשטייט זיך נישט נעמען קיין נדבות פון מענטשן וואס האבן סמארט פאונ'ס

איך פארשטיי נישט על מה יצא כל הקצף הזה? אין אזא מקום קדוש ווי קאווע שטיבל וואו פרייהייט פון ווארט און אינדיווידזשועליטי איז פראמאוטעד וואלט מען געדארפט שפרינגען פאר שמחה אז אידן מיט א געוויסע מיינונג האבן זיך צוזאמגעקומען און אנשטאט ארויפצווינגען אויף יענעם מאכן זיי שבת פאר זיך און ווער עס וויל נישט מוז נישט אהינשיקן.

איך פערזענליך האלט אז זיי לעבן אין עולם הדמיון אבער זיי האבן א רעכט פאר זייער מיינונג פונקט ווי איך האב א רעכט אויף מיינס, איך באגריס די פאזיטיווע שריט און איך וואונטש זיי גרויס הצלחה

בין נייגעריג וואס הרב יחיאל פריעד האט דא קשר. ער'ז דאך געווען פון די מייסדים פון בני יואל, געווען דער ערשטער מנהל. זיי האבן איהם פארשיקט ווייל ער'ז געווען משוגע עקסטרעם אפילו פאר די הייפער עקסטרעמיסטן דארט, מיט מיטל אלטער טאקטיקן און געדאנקען. מען הייבט אן פריש בשינו מקום ושיניו מעשה און וועט נאך זיין גענוג בעלנים צו קויפן באנקראטירטע עקסטרעמיזם ריפעקעזשד פאר גוט געלט.

שושן פורים האט געשריבן: און אנשטאט ארויפצווינגען אויף יענעם מאכן זיי שבת פאר זיך און ווער עס וויל נישט מוז נישט אהינשיקן.

מיינסט טאקע? וויאזוי מיינסטו איז פארמירט געווארן אונזער געזעלשאפט אויב נישט פון אנדערע וואס האבן 'געמאכט שבת פאר זיך'.

לעצטענס, איז אנגעקומען קיין לעיקוואוד דער מוסד חומת יהושע, פון דער קרישעווסקי פראקציע פון נטו"ק, נאך געלט. אין זייער פראפאגאנדע איז געשטאנען אז זייער קינדער קומען פון שטיבער ווי ס'איז נישט דא קיין קאמפיוטער'ס און די עלטערען שלאגען זיך מיט ציונים (ט'האבען זיי עפעס ווי געטוהן די ציונים?) און נאך אזעלכע וויכטיגע סבות זיי צו שטיצען.
איך בין נייגעריג צו קנאת סופרים האט געטוהן זיינס

Sent from my HTC Desire 510 using Tapatalk

איך וואלט עקספעקטעט די מעלדונג פון אזא הייליגע מוסד צו זיין געשריבן מיט א מעזשיק מארקער אדער אין ארגסטן פאל מיט א טייפרייטער. ווי קומט דאס אז מ'זאל דריקן א מאדערן צעטל דיזיינט דורך א גראפיקער אויף א טריפענע קאמפיוטער?

שושן פורים האט געשריבן:איך פארשטיי נישט על מה יצא כל הקצף הזה?

דו זעסט ערגעץ קצף?

שמעון וואלף האט געשריבן:איך וואלט עקספעקטעט די מעלדונג פון אזא הייליגע מוסד צו זיין געשריבן מיט א מעזשיק מארקער אדער אין ארגסטן פאל מיט א טייפרייטער. ווי קומט דאס אז מ'זאל דריקן א מאדערן צעטל דיזיינט דורך א גראפיקער אויף א טריפענע קאמפיוטער?

זיי זענען לכאורה געגאנגן צו א גויאישע גראפיקער.

שוין געבויעט אויף גויאשע יסודות.............

סשוין דא און וויליאמסברוג א חדר פאר די גאר פרימע, כמיין סהייסט תשבר. וואס קען מען נאך צילייגן?

מוסדות דאבשינא
אויפן קומענדיגן זמן גיימער בעזר השם עפענען א מוסד פאר קינדער וואס ביי זיי אינדערהיים עסט מען נאר וואלאווע הכשר.
די מטרה איז פאר די וואס ווילן נישט אז זייערע קינדער זאלן לערנען אינאיינעם מיט אזעלכע וואס קומען פון שטובער וואס עסן גרובער מיט מאגרוב.
ק/פ

Sent from my Fire Phone using Tapatalk

ווער איז דער פרישער ספרים פאקער יחיאל פריעד?
האסט נישט קיין זשאב גייסטו טאנצן קדוש קדוש קדוש? די אפגעריסענער באגאבונד.
פראבלעם איז אז פרום קוקאריקא ווערט אלעמאל דער נארם. קומט אויף א משוגענער און מאכט צעדרייטע תקנות אוו ביז א קורצע צייט מאכט יעדער נאך.
#זשאאאאן_מאנטאאאאן_טען_טען_ווינס

שמעון וואלף האט געשריבן:איך וואלט עקספעקטעט די מעלדונג פון אזא הייליגע מוסד צו זיין געשריבן מיט א מעזשיק מארקער אדער אין ארגסטן פאל מיט א טייפרייטער. ווי קומט דאס אז מ'זאל דריקן א מאדערן צעטל דיזיינט דורך א גראפיקער אויף א טריפענע קאמפיוטער?

און די אלע אנדערע מחאות וקונמות וחרמות אקעיגן קאמפיוטער און טעכנאלאגישע כלים ווערן דען נישט געשריבן אויף א קאמפיוטער...?!

שאולדיספריםפאקער האט געשריבן:קומט יעצט אריין די נייעס אין וויליאמסבורג אז עס עפענט זיך אויף א חדר וואס גייט נאר אריין נעמען קינדער וואס די עלטערן האבן נישט קיין טעכנעלאגיע כלים

נאר די מלמדים און מנהלים גייען דאס האבען

אודה ולא אבוש,
טייל-מאל האב איך הרהורים, אפשר זענען זיי גערעכט...
מאן יימר אז זיי זענען נישט דער שבט לוי פון די היינטיגע דור???

אפשר ביים חטא העגל האט מען אויך אזוי שטארק געלאכט פון די א.ג. פאנאטישע און פארפרימטע יודן???
ווער ווייסט...