תפילין דר"ת

[זר זהב]

איך בין שוין חתונה געהאט היפש אפאר יאר און נאך קיינמאל נישט אנגעטון ר"ת תפילין. די ריזען איז איך דענק ערגעץ האב איך געהערט אז אויב לייגט מען עס איינמאל מוז מען שוין לייגן יעדן טאג, דאס האט מיר אפגעשראקן, איך טראסט מיר נישט אז איך וועל איין טאג פארגעסן אדער סתם נישט האבן קיין נערווען ולמה לי ולצרה הזאת? איך דאווען נישט יעדן טאג שחרית מיט א מנין אז איך זאל האבן ליידיג צייט ביי הויכע שומענעשרע צו לייגן ר"ת, מילא האב איך קיינמאל נישט אנגעהויבן.
לויט וויאזוי איך האב פארשטאנען איז עס נישט ממש א חיוב, ווייל א חבר האב איך וואס זיין פאטער איז ארעם און קיין ר"ת'ס תפילין האט ער פאר זיין זון נישט געקויפט איז לייגט ער נישט קיין ר"ת. אויב וואלט עס געווען א חיוב וואסערע טערעץ איז דאס אז דו האסט נישט? מילא איז געדרינגען (פון מיין חבר) אז ס'נישט קיין חיוב!

וואס זאגט דער עולם לגבי ר"ת? איז עס א מאסט? יעדער לייגט טאקע? ביטע קאמענטירן.