קאווע שטיבל

א נייע טעלעווישען שוי פון אמנון לוי האטצעך אנגעהויבען און ער רעדט איבער די רעוועלושען ביים היימישען ציבור אין א"י אז כדי די מענער זאלען זיין אפגעהיטען טארען זיי נישט ארויסגיין אין די אפענע וועלט נאר בלייבען פארשלאסען אין כולל, האט מען געמאכט אז דע מאמע גייט ארויס ארבעטען

וואס האלט די עולם איז די דרך אויסגעהאלטען?
קודם פארוואס מעג די מאמע יא געעפענט ווערען צו די גאס און אינטערנעט ? צווייטענס זי הארגעט זיך דאך מיטען האבען 12 קינדער און די שטוב ווערטשאפט פארוואס דארף זי אויך ברענגען פרנסה?
דריטענס לדעתי איז עס קעגען די תורה, אין די כתובה שטייט אז די מאן דארף אויסהאלטען די פרוי און קינדער

http://10tv.nana10.co.il/Article/?Artic ... 79&sid=169

זיי זענען דאך מחבר ספרים און פארקויפן עס

אהא, הייסט עס אז דו ערווארטסט צו הערן דא אויף ק"ש צוויי צדדים אין דעם נושא... גוד לאק

כ'האלט שוין לאנג. מ'דארף האבן מער וואס טענה'ן די רעכטע זייט. אמאל האט מען געהאט מער. כ'האב מורא איך וועל מוזן נעמען דעם כיבוד..

אודאי דארפן פרויען ארבייטן. אמער, זיי האבן דאך נישט קיין איסור פון ראיות אסורות

טאמבל סאס האט געשריבן:כ'האלט שוין לאנג. מ'דארף האבן מער וואס טענה'ן די רעכטע זייט. אמאל האט מען געהאט מער. כ'האב מורא איך וועל מוזן נעמען דעם כיבוד..

נעם נעם, ס'קען דיר נאך געלונגען איך זאל גיין לינק... (טאמבל איי לאוו יו )

צוויי מאדנע זאכן געשעהן דא.
איינס, אז מען גייט איבער רעדן א נושא, וואס איז שוין איבערגשמועסט געווארן דא אזויפיל מאל ווילאנג די וועלט שטייט.
צוויי, אז סאיז נאך דא איינער וואס נעמט אמנון לוי ערנסט.

מיינע צוויי מיליאן סענט, די פרויען ארבייטען איז א מֵיינער, און נאר א ספיח, צו די פאדאמענטעל פראבלעם.

טמיר האט געשריבן:אהא, הייסט עס אז דו ערווארטסט צו הערן דא אויף ק"ש צוויי צדדים אין דעם נושא... גוד לאק

ריכטיג האט געשריבן:

טאמבל סאס האט געשריבן:כ'האלט שוין לאנג. מ'דארף האבן מער וואס טענה'ן די רעכטע זייט. אמאל האט מען געהאט מער. כ'האב מורא איך וועל מוזן נעמען דעם כיבוד..

נעם נעם, ס'קען דיר נאך געלונגען איך זאל גיין לינק... (טאמבל איי לאוו יו )

אין מיינע אויגן קוקט נישט אויס ווי סאיז בכלל דא צוויי צדדים, תורה׳דיג דארף דער מאן ברענגן פרנסה. און אויב קוקט מען נישט תורה׳דיג דארף דער מאן נישט קוועטשן דאס בענקל אין תולדות אהרן. און מיט א מענטשליכער בליק איז א פארברעך אז א מאמע פון אפאר קינדער זאל דארפן ארבעטן יעדן טאג, זי האט גענוג אויפן קאפ, און אויך א פארברעך מצד די קינדער אז זייער מאמע גייט ארבעטן און געבט זיך נישט אפ מיט זיי ווי ס׳ברויך.

נישט דא קיין שום מקום צו טראכטן פארקערט און ס׳נישטא קיין צוויי צדדים.

ווען די שטייסט לעבן מיר און די זאגסט דאס און די רופסט עס נאך אן די מיינונג אלץ די רעכטע כאפסטו צוויי קלינגעדיגע אז דיין צאן וואלט ארויסגעפאלן

אחד העם האט געשריבן:צוויי מאדנע זאכן געשעהן דא.
איינס, אז מען גייט איבער רעדן א נושא, וואס איז שוין איבערגשמועסט געווארן דא אזויפיל מאל ווילאנג די וועלט שטייט.
צוויי, אז סאיז נאך דא איינער וואס נעמט אמנון לוי ערנסט.

מיינע צוויי מיליאן סענט, די פרויען ארבייטען איז א מֵיינער, און נאר א ספיח, צו די פאדאמענטעל פראבלעם.

און וואזשע איז די פאנדאמענטאלע פראבלעם?

אז מ'קוקט אין היסטאריא, איז אלעמאל געווען צוויי זאכען. א. פרויען האבען גע'ארבעט און גאר שווער. מ'איז נישט געזעסען אינדערהיים זינגען לידער מיט די קינדער. נאר געציילטע עשירים האבען דאס געקענט ערלויבען. ס'איז נישט קיין אלטע מסורה אז ווייבער ארבעטען נישט. נאר דאהי אין א קורצע תקופה אין אמעריקא איז דאס אזוי געווארען ווען יעדער איינער איז געווארען מיטל קלאסיג. אין מארק אינדערהיים זענען בעיקר ווייבער געשטאנען פארקויפען. ב. דער ענין אז ווייבער זאלען זיך אונטערנעמען דער גאנצע עול הפרנסה כדי דער מאן זאל קענען לערנען איז אויך אייביג געווען. נישט יעדער איינער, אבער ס'איז געווען אן אפציע פאר די שרידים אשר ה' קורא.

נאר וואס? היינטיגע צייטען, ווען אלס איז סיסטעמיזירט און קיין אייגענע החלטות מאכט שוין קיינער נישט, איז דאס געווארען דער מאדע ביי די קליינע צאל ליטווישע חרדים. איך גלויב נישט אז צווישען די וועלטס אידענטום זענען די פראפארציע פון מענער לערנען פול טיים מער ווי סיי ווען אין היסטאריא. נאר וויבאלד רוב רובם פון כלל ישראל היטען גארנישט, זעט עס אויס ווי מער ווי ס'איז אויפ'ן אמת.

און ר' שלום שטיסל, דיין וועג פון אויפווייזען דיין פונקט, מיט ווירטואלע קלינגעדיגע פראסקע'ס, זעט מיר אויס גאר קלוג און צום זאך. איך בין שיער געווארען איבערגעצייגט. ווען ס'וואלט געווען עכטע פראסקע'ס, וואלט איך מיר אינגאנצען מיטגעשטימט.

Sent from my HTC Desire 510 using Tapatalk

וועלכע פרויען האבן געארבעט? איך מיין ס'איז חלומות. עס איז געווען די אלמנה, די ווייב פונעם ת"ח / פרוש / רב, און דעם טויגעניכטס ווייב. אדער א גרעסער מיידל וואס האט צוגעהאלפן דעם טאטן, אבער געווענליך א פרוי האט נישט געארבעט.

וואס א חילוק וויפיל אידן זענען דא אויף דער וועלט?

ארבעטן אין דער אלטער היים האט געמיינט גאר עפעס אנדערש פון היינט, עס האט געמיינט באוואסערן די געוואוקסן אין הויף, מעלקן די קיהען ביים עלות האקן די האלץ צום הייצן, וכדו', סא אוודאי האבן די פרויען געארבעט, די שאלה דארף זיין וועגן ברענגען פרנסה וואס אויף דעם איז נישט געווען קיין כללים נאר הכל כפי הענין ווען די מקור הפרנסה איז געווען אזאנס וואס ברויך מער פון צוויי הענט האט די פרוי געהאלפן און אזוי אויך אויב דער מאן איז געווען א לא יוצלח.

מסכים מיט ליטוואק פון אות ב' און ווייטער.

פרויען האבן געהאקט האלץ?

אוודאי טוען פרויען - דאן ווי היינט - שטוב ארבעט. דאס נעמט אריין קינדער ערציאונג, קאכן באקן רוימען וואשן א.א.וו. אויב עפעס מיינסטנס אמאליגע פרויען האבן נישט געוואשן די וועש, בעת היינט טוען זיי עס יא.

פארוואס טראכסטו אז די אמאליגע פרויען האבן נישט געוואשן וועש?

זיי האבען געהאנדעלט אין מארק, געהאנדעלט אין שענק, עכ"פ דאס ציל אז מ'זאל זיצען אין שטוב זיך אפגעבען מיט די קינדער איז זיכער נישט געווען. נאר נאכ'ן קריג אין אמעריקא. מיט מאשינען צו טוהן רוב ארבעט, מיט גויטע'ס אויף דאס איבעריגע און רעסטאראנטען מיט טעיק אוט ווען די גויטע קימפעט מאכט ווייבער וואס זענען גרייט אויף סעיל''ס און ריטערנ''ס און סתם ליידיגייען.

פארדריי מיר נישט קיין היסטוריה צו ריינוואשן דאס לעיקוואד׳ע ליידיגייעראציע. פרויען פלעגן נישט ארבעטן. דאס צוויי דריי מעשיות וואס מאכט טראכטן אז זיי האבן געארבעט קומט פון מנחם מענדל ביכלעך פון וועם ליטוואק איז אין אלגעמיין א קנאפער חסיד.

דעת תורה האט געשריבן:וועלכע פרויען האבן געארבעט? איך מיין ס'איז חלומות. עס איז געווען די אלמנה, די ווייב פונעם ת"ח / פרוש / רב, און דעם טויגעניכטס ווייב. אדער א גרעסער מיידל וואס האט צוגעהאלפן דעם טאטן, אבער געווענליך א פרוי האט נישט געארבעט.

וואס א חילוק וויפיל אידן זענען דא אויף דער וועלט?

ווייל אידן ארבעטן און זענען מפרנס די ווייבער, נישט אזוי זאגט מען און די כתובה כהלכות גוברין יהודאין דפלחין כו׳?

באמת די נקודה ווערט דא שוואך ארויסגברענגט. מקען טענה'ן צו ס'איז געוועהן א לעגאטימע מהלך אין די עבר צו שיקן פרויען ארבעטן צו נישט. אבער אפילו סאיז געוועהן אזא זאך איז דאס דען געוועהן א נחלת הכלל אזוי ווי ס'איז היינט אין לעיקוואד? און געבט דאס גערעכט אזא געפיראכץ אדער איז עס א קשיא אויף די עבר אויך?
און די גרעסטע וויי געשריי איז אז גיין ארבעטן איז בכלל אפגעפרעגט דארט, אזא איינער ווערט אנגעקוקט ווי א צווייטער קלאס פארשוין כאילו עפעס איז נישט בסדר מיט אים, בו בזמן ווען מדארף נאך זוכן א תירוץ צו פארשטיין פון ווי ס'נעמט זיך אפילו די רעכט צו לערנען אגאנצן טאג ווען מ'דארף ברענגן פרנסה.

די פראסקע'ס זענען געווען פיהל פארשטענדליכער
נישט פון מעשה ביכלעך, נאר פון הסיטארישע פארשונגען. יפה אליאך האט געדרוקט א בוך וועגען דער שטאט איישישאק. זי באשרייבט דער לעבען דארט. יעקב ליפשיץ באשרייבט די לעבען פון זיין שטאנדפונקט ועוד.

און די פאקטען אויף לעיקוואוד זענען דמיונות פון די ראשי ישיבה. מער ווי זעכציג פערצענט גייען ארבעטען און נאך פאר די דרייסיג. די ווייבער ארבעטען אויך, און זיכער בשעת מ'איז נאך אין כולל. און דאס צווייטער קלאס ראנג אין שטאט איז נאכאלס פאר כולל יונגעלייט. איינער וואס האט א פאסטען איז אמאל עפעס, א גביר איז עפעס און ערשט נאכדעם כולל יונגעלייט. פונדערווייטענס גלויבט מען די פראפאגאנדא.

און נאכאמאל, דאס 'נחלת הכלל' האט מיט דער גאנצע געזעלשאפט אז יעדער איינער גייט אין שפאן אין יעדער זאך. קיינער קויפט נישט קיין קליידער ווי ס'שמעקט איהם, קיינער וואוינט נישט ווי ס'שמעקט איהם. אונזער לעבען איז געוואנדען אויפ'ן סיסטעם, און אין לעיקוואוד איז דער סיסטעם כולל אכט יאר אין כולל. דער אנדערע אפציע איז נישט כז יעדער איינער וועט וויילען פאר זיך, נאר בלייבען מיט א סיסטעם פון עם הארצים וואס לערנען א שיעור איז די גרעסטע השגה אין לערנען. אויף דעם וועט זיין א פוסק צדק בראש, וואס קען גאנץ פסקי תשובות ישר והפוך. א נארמאלע ברירה איז סייאווי נישט בידינו

Sent from my HTC Desire 510 using Tapatalk

דעת תורה האט געשריבן:פרויען האבן געהאקט האלץ?

אוודאי טוען פרויען - דאן ווי היינט - שטוב ארבעט. דאס נעמט אריין קינדער ערציאונג, קאכן באקן רוימען וואשן א.א.וו. אויב עפעס מיינסטנס אמאליגע פרויען האבן נישט געוואשן די וועש, בעת היינט טוען זיי עס יא.

דעת תורה: אוודאי האבן פרויען געוואשן וועש. ס'דא ראיות אויף דעם נאך פון די גמרא'ס צייטן....נשים העומדות על הכביסה...אי איכא דרכא אחרינא , וכו'...!

געזאגט א טייער ווארט אינדערהיים: ווילסט וואוינען לעבן מאמי? דעק מינימום די דיפערענץ.

https://m.youtube.com/watch?v=Itq7BvTGgWI
פרק ב