א אפענע בריוו צו ר' יואל אשר לאבין הי"ו

[געוואלדיג]

שלום וברכה,

געווענליך ליין איך אייערע מחשבה עדיטאריעלס מיט דורשט, און איך טרעף זיך מיט אייך אויף איין בלאט, אבער די חודש ווען אייער עדיטאריעל איז געשריבן געווארן טאקע נישט מיט אייער קאפ נאר מיט א דאקטערס קאפ, מוז איך מגיב זיין זיין אויף א פאבליק פלאטפארמע צו אפשלאגן די אטאקע אויף אונז אחריות'דיגע עלטערן.

אין אייער עדיטאריעל אינעם שפאקטיוו מאגאזין פון חודש סיון שרייבסטו אויפן פארלאנג פון דאקטוירים גאר א לאנגע ארטיקל, וואו דו באשולדיגסט די עלטערן וואס וועלן אויס נישט צו געבן וואקסינען פאר זייערע קינדער, אלס פאנטאזיעס און קאנספיראציעס גלויביגע, אלס אומפאראנטווארטליכע עלטערן, אלס היפאקריטן וואס גלייבן דעם דאקטער ווען עס קומט צו פאסטן יוהכ"פ אבער נישט ווען עס קומט צו ואקסינען, אלס אזעלכע וואס ברענגען צוריק די מחלות פון די ביכער ווי מיזעלס אדער טשיקן פאקס, און איהר ציטירט פונעם דאקטאר וואס רעדט זיך אפ אז "מיר דאקטוירים זעהן די מחלות, עס מאכט זיך גאר זעלטן אבער דווקא ביי די וואס האבן נישט וואקסינירט די קינדער".

איך בין איינע פון די באשולדיגטע עלטערן, אבער נישט ווי איהר שרייבט אז איך בין אומפאראנטווארליך און א היפאקריט, נאר פארקערט, פאר איך האב געמאכט די החלטה האב איך געבעטן מיין דאקטער מער אינפארמאציע איבער וואס עס ליגט אינעם וואקסין, און וויפיל איז די וואקסינס פראצענט סוקסעס ראטע, וואס זענען די סייד עפעקטס פון דעם.

אבער חוץ פון זאגן אז "עס איז עפעקטיוו עס ארבעט און גיב דאס אין צייט", האט ער מיר נישט געהאט וואס צו זאגן, די וואקסין אינסערט מיט די דעטאלן וואס עס ליגט דערין האט ער מיר נישט געהאלטן ביים געבן, ער האט מיר אנשטאט געגעבן א פאמפלעט פון אכט זייטן וואס שרייבט סתם וועלכע וואקסינס מען זאל געבן און ווען, אן קיין שום מער אינפארמאציע.

האב איך זיך געמוזט ווענדן צו די אינטערנעט און דארט בין איך טאקע יא געוואר געווארן וואס עס ליגט דערין, און צווישן אנדערע ליגט דערין, די מסוכן'דיגע מוירקערי, צואה פון בהמות, קערפער טילן פון מאנקיס, וכדו', נישט סתם האבן סורוועיס געוויזן אז דווקא מער געלערנטע מענטשן וועלן זיך אפהאלטן פון געבן וואקסינס, אדרבא זאל דער דאקטער וואס איז אזוי באזארגט פון אונזער וואוילזיין אפשר מסביר זיין וואס ליגט דערין, אבער ער איז נישט קיין נאמן ווייל די cdc האט קלאר באשטעטיגט אז זיינע וועטער זענען ליגנט און מיזעלס וכדו' זענען געטראפן געווארן די זעלבע ביי די וואס געבן יא אדער נישט וואקסינס, חוץ אויב טוהט ער אזוי ווי א דאקטער אין מיין געגענט וואס ווען עס איז געווען א מיזלס אויסברוך האט ער יעדע מאמע וואס איז געקומען צו איהם געפרעגט די ערשטע זאך אויב איז דאס קינד וואקסינירט, אויב איז די ענטפער געווען יא, האט ער ניטאמאל באקוקט דאס קינד נאר גלייך געזאגט אז עס איז סתם א געשווילאכטס און נישט מיזלס, אבער אויב איז די ענטפער געווען ניין, האט ער גלייך געזעהן דערין מיזלס.

אבער פארט בין איך נישט קיין היפאקריט, ווייל דער דאקטער לערנט זיך רפואה אבער נישט וואקסינס, ער האט אין מעדעצין סקול טאקע געלערנט ווען מען דארף עסן און ווען מען מעג פאסטן אבער ער האט גארנישט געלערנט איבער וואקסינס און זיי ווייסן גארנישט מער ווי מיר, עס איז נישט מער ווי א האקס צו זאגן געטרוי איהם, אדרבא פרעג איהם מער פרטים איבער די וואקסינס און פון וואס זיי זענען צוזאמגעשטעלט, און אויב וועסטו שוין יא אנטרעפן איינער וואס וועט דיר ענטפערן גיי נאך צו ער ווייסט וואס ער רעדט, און דריי נישט קיין קאפ וועגן אומאחריות ווען עס איז פארעפנטליכט געווארן לעצטנס א בריוו פון גדולי תורה וואס באשטעטיגן אז זיך אפהאלטן פון געבן וואקסינס איז נישט נגד התורה.

איך רעד שוין נישט פון דעם אז עס ברויך געפרעגט ווערן ווער גיבט אונז רשות צו אריינלייגן אין אונזערע קינדער די לעבנס מסוכנדיגע מוירקערי וכדו' צו (מכלומערשט) אפהאלטן א נישט לעבנס סכנה פון מיזעלס.

יא, מיינע קינדער זענען אמת'דיג געווארן וואקסענירט פון טשיקן פאקס דורך עס האבן, און וואונדער איבער וואונדער, זיי האבן דאס איבער געלעבט, פונקט ווי זייערע עלטערן האבן איבער געלעבט די קרענק, עס איז טאקע זייער אומבאקוועם אבער נישט מסוכן, און וואס וועסטו זאגן צו מיין שכן וואס זיין זוהן האט גענומען די וואקסין קעגן וואופינג קאף און א טאג דערויף אריינגעיאגט געווארן אין שפיטאל מיטן קינד וואס האט געאכפט גאר א שווערע וואפינג קאף אטאקע, און געברויכט פארוויילן דארט א לאנגע תקופה, און זייט דעמאלטס געבן זיי טאקע נישט קיין וואקסינס.

איך בין נישט געקומען דא צו נעמען א שטעלונג צו מען זאל יא אדער נישט געבן, צו עס איז סעיף אדער נישט, איך בין נאר געקומען צו פארטיידיגן מיר און די די עלטערן וואס האבן געמאכט די החלטה, אונז זענען נישט קיין לייכטזיניגע עלטערן, פארקערט גאר, עס וואלט מיר געווען פיל גרינגער צו גיין מיטן שטראם און געבן וואקסינס און נישט האבן קיין פראבלעמען מיט אונזערע מוסדות.

אבער מתוך מחשבה רבה און נאך זיך נאכפרעגן, און ליינען ביכער פון ביידע זייטן פון די ארגומענט האב איך געמאכט אזא החלטה, סא באשולדיג נישט די עלטערן און אוודאי נישט ווען די באשולדיגונג איז מתובל מיט דברי שקר, (נישט דיינע, די דאקטוירים) און א עצה טובה איז זאלסט טאקע ליינען די אויסגאבעס אין וואו דו שרייבסט, וועסטו דארט טרעפן אין איינע פון די אלטע אויסגאבעס א אויספירליכע באשרייבונג וועגן די אזוי גערופענע פלארייד קאנפיראציע, אז עס איז גארנישט אזוי זיכער אז עס איז עפעס א ווילדע קאנספיראציע, אדער ליין וועגן א מעדעצין אין א אלטע ביכל וואס האט זיך ארויסגעשטעלט צו זיין ווירקזאם מער ווי סיי וועלכע אנטיביאטיק וואס מיר פארמאגן.

איך זאג נישט אז מיר האבן נישא געמאכט פארשריט אין מעדעצין, אבער צוזאמען מיט דעם האבן מיר אויך געווארן מער אומוואוסנד, אונז האבן באקומען א אמונה אין דאקטוירים כאטש עס איז מעגליך אז זייערע רעקאמענדאציעס קומען מיט א טובת הנאה פאר זיי כידוע.

יא איך בין שטאלץ צו זיך ציילן צווישן די איבערגעטראכטע עלטערן וואס מאכן א החלטה געבויעט אויף אייגענע ידיעות און נישט אויף פארנעפלטע אומוואוסנדע דאקטערישע סטעיטמענטס וואס רעדן אריין אין א נושא וואס זיי האבן נישט שטודירט.

און צו אייך עלטערן זאג איך, נישט קיין חילוק וואס איהר זענט מחליט צו יא געבן אדער נישט געבן, מאכטס א געלערנטע החלטה, בעהט פון אייער דאקטער די וואקסין אינפארמאציע, לייינט ביכער פון אלע זייטן וואס שרייבן אויף די נושא, און השי"ת זאל העלפן אז סיי וועלכע החלטה איהר מאכט זאלן אייערע און אונזערע קינדער זיין געזונט און שטארק.

[אחד העם]

חודש תמוז? וועלכע יאר?

[berlbalaguleh]

געוואלדיג: ייש"כ פאר דיין אפענע בריוו. ניין. איך הייס נישט הרב יואל אשר לאבין. איך הייס בערל בעל עגלה. אזוי ווי מיין נאמען זאגט עדות ביניך נישט קיין רב. און אוודאי נישט קיין דאקטאר ראבינער. נאר א פשוט'ער בעל עגלה. וועלכער פארשטייט נאר צו שמייסן די פערד. און זיי געבן צו עסן.
איך וועל זיין א ביסל א נבהל להשיב. טאקע צוליעב די סיבה אז איך מוז שוין באלד זיך צוריקקערן צו מיין פערד-און וואגן. ווייל דאס איז מיין פרנסה. מאמענט, דער שטערן/שפאקטיוו און קאווע שטיבל האבן נאך דערווייל מיך נישט געדינגען צו שרייבן ארטיקלען פאר זיי.
יעצט צום ענין: צווישן אנדערן שרייבסטו אין ארטיקל צוויי נקודות, וואס איך נעם ארויס. איינס. אז די עם.עם.אר. וואקסין אנטהאלט צווישן אנדערע זאכן מערקיורי, צואה פון בהמות און באדי פארטס פון מאנקי'ס.נקודה נומער צוויי: אז ד סטאטיסטיקס ווייזן אז די פראצענט פון אפעקטירטע קינדער פון מיזעלס איז די זעלבע ביי וואקסינירטע קינדער ווי ביי נישט וואקסינירטע קינדער. איך וועל דיר ענטפערן על ראשון אחרון ועל אחרון מפטיר (קרעדיט:בערל בעל עגלה(. לפי ידיעתי, זאגן אלע מעדיצינישע סטאטיסטיקס אז די רעישיא פון וואקסינירטע צו אום וואקסינירטע קינדער איז 80/20. ד.מ. אז וואקסינירטע קינדער האבן אן 80% באשיצונג אקעיגן מיזעלס און די אנדערע מחלות וואס די וואקסין באשיצט פון זיי.
אויב דאס איז דער מצב. דאן פאלט שוין אוועק נקודה נומער איינס. ווייל אויב די וואקסין איז עפעקטיוו, אינטרעסירט מיך זייער ווייניג אויב ס'איז אויך דא דערין צואה פון קיען אדער פערד. אדער חלקים פון דעם מאגן פון טשימפעניזיס אדער גאריללאס...

[געוואלדיג]

חודש תמוז? וועלכע יאר?

טעות חודש סיון, א דאנק פאר מעורר זיין

[געוואלדיג]

לפי ידיעתי, זאגן אלע מעדיצינישע סטאטיסטיקס אז די רעישיא פון וואקסינירטע צו אום וואקסינירטע קינדער איז 80/20. ד.מ. אז וואקסינירטע קינדער האבן אן 80% באשיצונג אקעיגן מיזעלס און די אנדערע מחלות וואס די וואקסין באשיצט פון זיי.

איך האב געשריבן כפי זכרוני, און איך שטיי מיט דעם, איך האב נישט די פונקטליכע נומערן, אבער זיכער נישט 20/80,

אויב דאס איז דער מצב. דאן פאלט שוין אוועק נקודה נומער איינס. ווייל אויב די וואקסין איז עפעקטיוו, אינטרעסירט מיך זייער ווייניג אויב ס'איז אויך דא דערין צואה פון קיען אדער פערד. אדער חלקים פון דעם מאגן פון טשימפעניזיס אדער גאריללאס...

מיך אינטרעסירט יא, ווייל מיזעלס איז נישט קיין טויט סכנה און האט נישט קיין לאנג טערמיניגע אפעקטס, און מוירקערי יא.

אבער אפגעזעהן, מיין ארגומענט דא איז נישט צו מען זאל יא אדער נישט, צו עס איז סעיף אדער נישט, נאר אז מיין החלטה איז א אחריות'דיגע החלטה און א מיושב'דיגע געבויעט אויף ידיעות און ליינען, און נישט ווי די אנדערע וואס עפ"י רוב טוהען זיי דאס אומוואוסנד וואס עס פארמאגט און וואס עס זענען די סייד עפעקטס.

[גאנצל]

אקעי לאבין האט גערעדט צו דאקטורים

געוואלדיג האט געקוקט אויפ'ן נעט

און גאנצל בלייבט צומישט

משום שתי סיבות איינס דאס וואס מ'זעיט אנליין איז נישט קיין זאך וואס קען ברענגען די ריכטיגע החלטה ודי למבין ס'איז אינפארמאציע ? יא נעמען החלטות דערפון ? דאס איז שוין נישט אזא זעכערע יא

צווייטנס סוף סוף פוק חזי גיי קוק אויפ'ן גאס איז דערמציאות אז די וואס נעמען נישט קיין וואקסינען מאכן אן חורבנות אין קלאסן
און די וואס נעמען יא זענען במציאות מער פראטעקטעט פון די סארט זאכן איי ס'קען געשען מיט וואקסינען אנדערע זאכן ? אמת אבער וואס איז דעס שטערקער פון דעם

סאו ווער ס'קען פונקטליך אויסקלארן מער

[געוואלדיג]

געוואלדיג האט געקוקט אויפ'ן נעט

איך האף אז דו ווייסט אז אויפן נעט קען מען טרעפן גאר גאר וויכטיגע אינפארמאציע צומאל מער ווי אין ריעל לייף, און נישט נאר אויפן נעט האב איך געקוקט נאר אויך אין ביכער פון אלע זייטן.

משום שתי סיבות איינס דאס וואס מ'זעיט אנליין איז נישט קיין זאך וואס קען ברענגען די ריכטיגע החלטה ודי למבין ס'איז אינפארמאציע ? יא נעמען החלטות דערפון ? דאס איז שוין נישט אזא זעכערע יא

פארוואס איז עס אינפארמאציע יא אבער נישט בעיסן החלטות לויט דעם, כמובן אז נישט יעדע ווארט וואס ווערט געשריבן אויפן נעט איז אמת, עס איז דא פיל מיסאינפארצמאציע, אבער עס איז דא פיל גוטע אויך, און נישט נאר אויפן נעט, אינפארמאציע איז אויך דא אין פארעם פון ביכלעך, און אין פארעם פון אינסערטס וואס קומט מיט די וואקסינען, בעט דאס דיין דאקטער.

סוף סוף פוק חזי גיי קוק אויפ'ן גאס איז דערמציאות אז די וואס נעמען נישט קיין וואקסינען מאכן אן חורבנות אין קלאסן
און די וואס נעמען יא זענען במציאות מער פראטעקטעט פון די סארט זאכן

אויב קומט די שורה פון ידיעה, ביסטו שוין נאכגעקומען מיין נקודה פון מאכן א החלטה מיט ידיעה, אבער אויב קומט דאס פון קול מבשר אדער שמועות, דאן פרעג זיך נאך פון וועלכע גרופ זענען געווען מער געשלאגענע.

לפי ידיעתי איז עס שטותים.


אבער גאנצל טייערער בלייב נישט צומישט, ברויכסט מיר נישט פאלגן איך זאג נישט צו מען זאל יא אדער נישט געבן וואקסינען, נאר אז עס איז נאך גענוג חשוב אויף צו מאכן אביסל ריסוירטש פאר דו גיבסט דאס פאר דיינע טייערסטע אויף די וועלט, און ווי געזאגט, בעט פון דיין דאקטער די אינסערטס און ליין דאס דורך, דאס איז די מינימום.

[גאנצל]

איך וויל דיך פאלגן

פארוואס נישט נעמען החלטות איז פשוט ווייל סטאדיס פון דאקטורים נעמט אריין נאך פארשידענע אינפארמאציע פונעם באדי סיסטעם וואס אפשר האסט זיך נישט אנגעטראפן דערמיט און אזוי אויך דארפן זאכן זיין געבעיסט אויף היסטערי און אויף קאלקעלעישנס נעמענדיג אין באטראכט אפאר פעקטארס צוזאם

אבער איך נאר מיך נישט א גרויס חלק פון מיין פראקייט קומט פון גלייבן דאקטורים מיטן פשוטן סיבה ווייל ער האט געלערנט און איך נישט

אבער אדרבה מיר ווילן הערן אנדערע זייט מטבע אויך

[געוואלדיג]

אקעי, פארש נאך און ווער געוואר אז עס איז אזוי, און גיב וואקסינס, געזונטערהייט, אבער פרעג זיך נאך.

[קל וחומר]

ווער קען לייקענען אז פאוליא איז אויסגעראטן אין אמעריקע אדאנק וועקסינס??
לגבי פאוליא ווייסן זיי יא און די איבעריגע איז סתם פאר געלט אדער ווי מאנכע זאגן אז זיי ווילן קאנטראלירן די פאפיולעישן ממילא פארסמ'ן זיי דעם עולם גולם (געהערט בשם איינע פון די גרויסע אקטיוויסטן אקעגן וועקסינס) וכו'.

איך נעם אויך נישט קיינמאל קיין מעדעצינען, ווייל לויט ווי איך הער ווייסן נישט די דאקטורים פונקטליך וואס מ'לייגט דארט אריין. קיין צייט צו פארשן אויפן אינטערנעט האב איך נישט, און אפילו אויב יא אפשר איז עס אינטערגעשטעלט פון די געלטגייציגע מעדעצין קאמפעני'ס וואס שארן ביליאנען און זיכן נאר דעם דאלער.

[דעת תורה]

איך בין זייער נייגעריג, געוואלדיג, וואס דיין מומחיות איז אין העלט בכלליות. כ'פארשטיי אז אין וואקסין'ס ביסטו א גרעסערער מומחה ווי דער דאקטאר, פארט איז מיר נוגע צו וויסן דיין מאס פארשטאנד און וויסנשאפט אין העלט ענינים, צו קענען אננעמען דיין מיינונג קעגן די מומחים.

[מפוזרי]

איך אליין וואקסיניר מיינע קינדער, נישט ווייל איך האב געטאן דערין, נאר וויבאלד איך פארלאז מיר אויף מיין דאקטאר און אויף די געזונט אינסטאנצן, און איך בין רואיג דערמיט.

מיט דעם האלט איך אז דו האסט געשריבן זייער א שיינער בריוו, און אז דו האסט רעכט צו נעמען אויף זיך די פאראנטווארטליכקייט פון די אייגענע געזונט, און דו מעגסט מחולק זיין מיט הרב לאבין, כבודו במקומו מונח.

[געוואלדיג]

[tag]דעת תורה[/tag], מיין החלטה איז נישט קיין דעת תורה און מעגסט זיין מחולק מיט דעם, עס איז בכלל נישט רעלעוואנט מיין מאס באהאוונטקייט אין העלט בכלל און אין וואקסינס בפרט, אבער אויף אזוי פיל, ווען הרב לאבין פרעגט וועמען אונז גלייבן די דאקטוירים אדער קאנספיראציע טעאריקער, איז די ענטפער, קיינעם, מאך אליין דיין ריסוירטש און דיין אייגענע החלטה.

[דעת תורה]

יא, מיר וואונדערט פשוט אויף דיר וויאזוי דו טראסט דיין החלטה אין זאכן וואס דו האסט נישט קיין שמץ מושג? וואלסטו געבויט א בריק - אדער געטוישט א חלק פון די געבוי - ווייל דו (מיט זערא נאולעזש אין ענזשינירונג, בלויז דער ספעציפישער חלק האסטו געטראפן סייטס אנליין וואס האבן דיר געוויזן וויאזוי עס צו 'דורכטון' און מאכן מסקנות) האסט עס שטודירט און געקומען צו די החלטה אז מ'ברויך אזוי טון? סתם נייגעריג

[berlbalaguleh]

געוואלדיג: אין דיין ענטפער צו גאנצל זאגסטו בתוה"ד אז ער זאלל פארלאנגען די אינסערטס פון די וואקסינען ביי זיין דאקטער. וויל איך דיר מעורר זיין א קליינע, אבער וויכטיגע נקודה. נישט האבנדיג געליינט די אינסערטס פאר די עם.עם.אר. וואקסין. איך האב אין א געוויסע תקופה געהאט צוטריט צו די פי.די.אר (פיזישנ'ס דעסק רעפערענס.) און איך האב דארט געזעהן אז ביי א יעדע מעדיצין אן אויסנאם רעכנט ער אויס אלע מעגליכע סייד עפעקטס וועלכע קענען געשעהן ביי דעם וואס נעמט די מעדיצין. אפילו אזאלכע וועלכע זענען סטאטיסטיש כמעט אוממעגליך. אז ווען איינער גלייבט באמונה שלימה ובפשטות א יעדעס ווארט וואס דארט שטייט וואלט ער קיינמאל נישט גענומען אפילו אן אספירין אדער טיילענאל. די מסקנא איז אז נישט אלעס וואס ס'שטייט אין דעם אינסערט ווערט מקויים. ווייל זיי מוזן שרייבן אלע באווארענישן כדי זיך צו פראטעקטן לעגאל...!

[געוואלדיג]

יא, מיר וואונדערט פשוט אויף דיר וויאזוי דו טראסט דיין החלטה אין זאכן וואס דו האסט נישט קיין שמץ מושג?

האסט עס שטודירט און געקומען צו די החלטה אז מ'ברויך אזוי טון? סתם נייגעריג

יא איך האב דאס שטודירט מער ווי א געווענליכער דאקטער, אנשטאט צו חולק זיין אויף מיר פרעג דיין דאקטער וויפיל האט ער געלערנט אין מעדעצין סקול וועגן וואקסינס, און פרעג איהם די סייד עפעקטס, און נאכדעם קוק אויפן אינסערט צו עס שטימט מיט זיינע ווערטער.

[tag]berlbalaguleh[/tag], אין די אינסערט שרייבט מען אלעס וואס ווערט באשטעטיגט אז עס קען קומען פון די זאך, זאת ועוד אין די אינסערט וועסטו ליינען די באשטאנדטיילן פון די וואקסינען, ואינו דומה א מעדעצין וואס מען נעמט ווען מען איז שוין נישט געזונט וואס דאן עפ"י רוב איז די שאלה וואס איז ערגער די יעצטיגע וודאי קרענק אדער די ספק'דיגע סייד עפעקטס, צו א וואקסין וואס מען נעמט געזונטערהייט און די שאלה איז וואס איז ערגער די יעצטיגע וודאי געזונט אדער די ספק'ידיגע סייד עפעקטס,

אין א סייד נאוט, איך נעם טאקע זעלטן טיילענאל ווייל די סייד עפעקטעס קענען זיין ערגער ווי די ווייטאג לכשעצמו.

[דעת תורה]

דו האסט מסתמא פארזען אז דער ציטאט איז א המשך פון מיין תגובה. וואלסטו געבויט א - חלק פון א - בריק, קעגן די אנוויזונגען פונעם אינזשעניר, ווייל דו האסט עס שטודירט און געקומען צו די החלטה דער אינזשעניר איז ראנג? באופן ווען דיינע אינזשענירונגס קענטעניסן זענען מינימאלע און באגרעניצט צו דעם ספעציפישן חלק פון די בריק.

[שלי שלך]

איך וויל ח"ו נישט פארדרייען די שמועס אבער ווי האסטו געטראפן די נייע שפאקטיוו? איך קען נישט טרעפן.

Sent from my MELROSE S9 using Tapatalk

[שמערל]

געוואלדיג. הגם דאס איז פשוט אז דו ביסט א גרעסערער עקספערט אין וואקסינען ווי דאקטורים, ווייל זיי לערנען עס נישט אין סקול, און דו האסט אינטערנעט ( זיי נישט?). אבער ביי מיר איז הרב יואל אשר לאבין גאר חשוב, במילא וואלט ווען געווען רעכטפארטיג אויב וואלסט ווען מקיים געווען שמוע בין אחיכם און ארויפגעלייגט זיין ארטיקל, אזוי אז דער עולם זאל קענען זעען ביידע צדדים. (כ'בין זיכער אז דו ווילסט אודאי אז מען זאל אדורכטוהן "ביידע" צדדים, נישט אזוי? )

נאך אזאך, איך למשל און נאך פילע האלטן אז איינער וואס האט א פראבלעם מיט פלאורייד אין וואסער פעלט א שרייפל אין מוח, איז מיין שאלה צו וואקסינען אין פלאורייד זענען אין די זעלבע קאטאגאריע? אדער איז שייך צו טרינקען פלאורייד וואסער און נאכאלטס זיין אקעגן וואקסינען?

[עדיאל]

קאווע שטיבל איז ב"ה רייך אין אויבער חכמים; און איך זאג דאס אלס א מעלה.
אויבער-חכם'שאפט קען זיין געווארצלט אין ברייטקייט אדער אין שמאלקייט. מ'פרעגט זיך מהיכי תתי יענער ווייסט וואס ער רעדט? אפשר זענען די רבנים, די דאקטורים, אדער אנדערע אויטערטעטן נישט גערעכט? נישט איך האב עקסלוסיוו דעם אמת און נישט יענער האט. דאס איז ברייטע אויבער-חכם'שאפט. דער שמאל קעפיגער האלט אז זיין רב, זיין שיטה, ער אליינס, ווייסט דעם אמת לאמתו, קעגן די גאנצע וועלט.
טענה'סט דיין קינדער דאקטאר ווייסט ווייניג איבער וואקסינען. אמת, ער ווייסט טאקע נישט, און דארף נישט צו וויסן. ס'איז נישט זיין זשאב צו וויסן. ער דארף וויסן די סקעדשול ווען מ'דארף איינשפריצען. דאס אלעס. ווער קען יא וואקסינען? ס'דא ספעציאליסטן וועלכע ווייסן, און די איבעריגע דאקטורים ווייסן אז זיי ווייסן נישט, און הארכן די עקספערטן.
זאגסט דו האסט געמאכט "רעסוירטש". מיינסט אודאי צוזאגן האסט געליינט בלעטער ווי איינער שרייבט וואס זיין אדער איר מיינונג איז נאכדעם וואס ער אדער זי האט געליינט שטודיעס און אויסגעטייטשט לויט זיינע אדער אירע אנשויאונגען. רעסוירטש מאכט מען נישט אויפן געוועב. רעסוירטש מאכט מען אויף מייזעלעך, און לאנגע דורכדרינגליכע שטודיעס אויף מענטשן. דו קענסט נישט מאכן דיין אייגענע רעסוירטש. דו קענסט בסך הכל ליינען די החלטות פון עקספערטן און "עקספערטן" אויף שטוידעס וואס דו אליינס ביסט נישט קוואליפיצירט אויסצוטייטשן. ווען דו באשליסט וועמען צו גלייבן ביסטו סוביעקטיוו און באיינפלוסט פון א שרייבער'ס איבערצייגונג, און נישט פון אביעקטיווע אויסטייטש פון דאטא.
אונז פשוטע אידן קענען באמת נישט וויסן דעם אמת. ווער ס'האלט ער פארשטייט איז א בעל גאוה און אן אויבער חכם פונעם צווייטן סארט. ס'טויג צו מאכן די אייגענע ריסוירטש ווען דיין מעכאניקער זאג דיר אכט הונדערט צו פאריכטן דיין אויטא. גיי שאפ ארום. גיי ליין וואס אנדערע מעכאניקער זאגן. זיי ווייסן. זיי זענען מעכאניקער. אין זאכן וואו אונז קליינע מענטשן פארשטיין נישט, אפילו אונזערע דאקטורים פארשטיין נישט, האבן מיר נישט קיין ברירה נאר פאלגן די CDC ערספערטן.
מדבריך ניכר אז דו ביסטו נישט קיין גרויסער ידען אין אימיוניזאציע. א וואקסין דארט לכל הפחות טעג צו בויען באשיצונג. נעם היינט ווער קראנק מארגן איז בכלל נישט אפגעפרעגט. נאך אלע דיינע ביכער האסט זיך נאך וואס צו לערנען. אינצווישן פאלג שיין וואס מ'זאגט דיר.
שרייבסט אז די אינטעליגענציע פארמירט די באזע פאר אנטי וואקסערס. פארגעס אבער נישט אז זייער אינטעליגענט איז הויפטזעכליך אין סאציאלע שטודיעס און קונסט, נישט אין מעדעצין. טאמער זוכסטו די שטערקסע גרופע שחצנים און בעלי גאוה, זוך נישט ווייטער ווי די אינטעליגענציע.

[זבולון]

כל זמן געוואלדיג זאגט נישט קבלו דעתי, נאר ער זאגט אז ער האט געמאכט זיין ריסערטש אליינס, דאן פארשטיי איך זייער גוט זיין פוינט פארוואס ער טוהט אזוי.
אבער - כמובן - פאר מיר, וואס איך האב נישט געמאכט די ריסערטש, איז עס ביי מיר נישט מער ווי ווען איך הער וואס דער דאקטער זאגט.

[דעת תורה]

ער זאגט יא קבלו דעתי. ער שיקט זיינע קינדער אין די חדרים אינאיינעם מיט אנדערע, ער האומסקול'ט נישט.

[לעיקוואד]

.