קאווע שטיבל

איך וויל דא עפענען א נושא, איבער די משיחיזם פון דער ליובאוויטשער רבי שליט"א, נבג"ם, נפג"ם, נ"ע, מלך המשיח און ווי אזוי דו ווילסט אים נאר אנגרופן. אינטערעסאנט אז קיינער האט נאכנישט געטאן דערין דא אין קאווע שטיבל.

דאס איז קיין ספק נישט, אז דער ליובאוויטשער רבי האט געוואלט זיין משיח, ער האט געגלויבט אין זיך און זיך געהאלטן פאר א שטיקל משיח, מער אדער ווייניגער, באופן זו או אחרת. דאס איז אויך זיכער, אז אפילו די נארמאלע ליובאוויטשער, די נישט משיחיסטן האלטן אויך אז דער רבי איז געווען בחזקת משיח, נאר זיי האלטן דאס בסוד און זענען דאס נישט מפרסם, כפי הוראת הרבי שליט"א. די שאלה איז נאר ווי אזוי עס האט זיך אויפגעבויעט, דער איז דאך געווען א קלוגער געלערנטער מענטש, אפילו א שטודירטער, ווי אזוי איז אים די משוגעת אריין אין קאפ? - ווי אזוי האט זיך אנטוויקלט במשך די יארן, און וואס פונקטליך איז דא פארגעקומען?

איך מוז שוין גיין, וועל איך זיך דא אפשטעלן, אבער דער עולם קען ווייטער דעבאטירן אין דעם נושא, לאורך ולרוחב ולעומק.

וויפיל הנחות און דעמאגאגיע! און דאס איז נאר פאר'ן אנהויבען ארומשמועס'ן!

דער רבי האט קיינמאל געזאגט עפעס אויף זיך אז ער איז משיח, ער האט קיינמאל נישט אזוי געגלויבט. נערישע מענטשען האבען אזוי געוואלט זיך אויפבויען דורכ'ן ערקלערען אז מיין רבי איז משיח. אזוי בין איך אויך א זאך. דער היפך פון ביטול הישות.

זייער לאקשען תורה אין רמב"ם ווייסט דאך יעדער און ס'פעלט נישט אויס ארומצושמועסען. ווען זיי וואלטען געלערנט דער רמב"ם אמת'דיג, וואלטען זיי פיהל גיכער ארויפגעלייגט דער טיטל משיח אויף הרב עובדיה יוסף, וואס רבים השיב מעון כפשוטו, נישט דורך א.ג. שלוחים וכדו'.

איז נישט אמת אז די חסידים האבן געזינגען- דער רבי איז משיח... און ער האט געהאקט/געפאטשט מיט די הענט?

האסט געזען דער ווידיאו? דער עולם האט געזינגען א ניגון, און מאנכע האבען צוגעליגט די ווערטער, און ער האט געקלאטשט. ווען מ'גלויבט אז דער רעבע איז א קול יכול, מוז מען גלויבען אז אט די שטימע האט ער אויך געהערט. איך טראג נישט אזעלכע דאגות.

בת קול האט געשריבן:איז נישט אמת אז די חסידים האבן געזינגען- דער רבי איז משיח... און ער האט געהאקט/געפאטשט מיט די הענט?

ווען ער איז געווען געזונט האט ער עס קיינמאל נישט צוגעלאזט איינמאל ווען ער איז שוין געווען קראנק אין די לעצטע יאר האט מען איהם ארויסגעברענגט אויפן פארטש און מען האט אנגעהויבען זינגען יחי און ער האט מחזק געווען מיט די הענט

אין די גאר פריע יארן נאך אין די י' יארן האט ער געזאגט א מאמר וואס ס'האט משמע געווען אז ער האלט אז ס'קען זיין אז ער איז טאקע דער משיח. און אפשר איז ער טאקע געווען?

ער איז געווען א מושלם אין אלע הינזיכטן, און איז געווען פון די שטארקסטע טוה'ער פאר אידישקייט אין לויף פון די אידישע היסטאריע.
עכ"פ מ'קען פארשטיין פארוואס מענטשן האבן ענדערש געטראכט אויף אים אלס משיח ווי אויף לדוגמה רב שך.

אוי לוטוואק לוטוואק, דו האסט א שוואכקייט שטענדיג אריינצורעדן אין ענינים וואו דו האסט נישט קיין שום מושג און בקיאות. אזוי האסטו געטאן מיטן לעווער אשכול, וואס האט זיך לכבודך אפגעשפארט און אין דעם סקווירא אשכול און איבעראל וואס האט מיט חסידים, וואו אלע האבן געזען אז דו פארשטייסט בכלל נישט צו די נקודה און דו האסט נישט ארויס די גאנצע נושא, און יעצט טוסטו דאס זעלבע מיטן חב"ד אשכול.

דער רבי האט קיינמאל נישט מרמז געווען אויף זיך משיחיות? - טאקע נישט? - ער האט נישט געהאלטן אזוי אויף זיך? - טוה מיר א טובה.

פון מיין זייט קען זיך די אשכול אפשפארן, איך האב געוואלט אריינגיין באריכות, אבער אז לוטוואק הויבט אן מיט דעם דאזיגן דירעקציע, זעה איך שוין ווי עס וועט אנקומען.

קעיס קלאזט!

ליטוואק פון בודאפעסט האט געשריבן:האסט געזען דער ווידיאו? דער עולם האט געזינגען א ניגון, און מאנכע האבען צוגעליגט די ווערטער, און ער האט געקלאטשט. ווען מ'גלויבט אז דער רעבע איז א קול יכול, מוז מען גלויבען אז אט די שטימע האט ער אויך געהערט. איך טראג נישט אזעלכע דאגות.

עס איז דא מער ווי איין ווידיא, און עס איז דא מער ווי איין מענטש וואס האט געזינגען.
עס זענען אויך דא די וואס האבן דאס בייגעוואוינט, און קענען אליין דערציילן.

קל וחומר האט געשריבן:ער איז געווען א מושלם אין אלע הינזיכטן, און איז געווען פון די שטארקסטע טוה'ער פאר אידישקייט אין לויף פון די אידישע היסטאריע.
עכ"פ מ'קען פארשטיין פארוואס מענטשן האבן ענדערש געטראכט אויף אים אלס משיח ווי אויף לדוגמה רב שך.

און אויך ווייל הרב שך האט דאס קיינמאל נישט מעיד געווען אויף זיך.

לכבוד שבת קודש האט געשריבן: דאס איז אויך זיכער, אז אפילו די נארמאלע ליובאוויטשער, די נישט משיחיסטן האלטן אויך אז דער רבי איז געווען בחזקת משיח, נאר זיי האלטן דאס בסוד און זענען דאס נישט מפרסם, כפי הוראת הרבי שליט"א.

אינטערעסאנט צו באמערקן אז ווען איך רעדט צו א משיחיסט, טענה'ט זי, אז רוב, רוב האלטן ווי איר, און ווען איך רעדט צו אן אנטי- טענה'ט זי פארקערט.
וואס איז זיכער- כמעט אלע חסידים האבן אזוי געהאלטן בחייו.

בחייו מילא, ר' יואל כהן האט דאך אזוי פראפעגאנדירט און יעדער האט אזוי אנגענומען. אבער אפילו היינט, האלטן אזוי רוב חבד'סקער, אפילו נישט פון די משיחי'סטן, אפילו ר' יואל אליין האלט אז דער רבי איז בחזקת משיח. עס איז נאר פאראן א הוראה פונעם רבי'ן אז מען זאל דאס נישט מפרסם זיין און מאכן אן עסק דערפון ברבים. די נארמאלע חבד'סקער האלטן אז דער רבי איז טאקע משיח, אבער עס ברענגט גארנישט עוסק צו זיין אין דעם רבי'נס משיחיזם, און דאס זענען בלויז דברים טפלים, אנשטאט דעם דארף מען עוסק זיין אין קירוב רחוקים און אין אנדערע מבצעים, אנשטאט מאכן א טראסק פונעם רבי'ן אלס משיח.

דאס איז די גאנצע חילוק צווישן די צוויי פראקציעס.

די מיידל מיט וועם איך האב געשמועסט האט גאר געטענה'ט אז דער רבי לעבט, נאר מיר קענען אים נישט זעהן.
איך געדענק נישט פונקטלעך וויאזוי זי האט מיר פרובירט צו איבערצייגן.

דאס איז שוין א זאך וואס נאר די משוגעים גלויבן דערין.

אומגלויבליך די מאס טיפשות און איגנאראנץ פון געוויסע אין דעם אשכול. לכבוד שב"ק, כ'מיין אז דו זאלסט טאקע גונז זיין די אשכול.

האסטו כאטש דורכגעטון איין ספר פון משיח'יסטן אדער פון די נארמאלע מעינסטרים? ווייל דיין ארויס'פסק'ענען פון ארבל מיט א פשטות וואס דער רבי האט געהאלטן, און וואס זיינע נארמאלע חסידים האלטן היינט, צייגט אויף אסאך אסאך ידיעה אין ווי ווייט אי-ידיעה קען דערגרייכן.

איך וויל נישט אריינגיין אין דעם שמועס, ווילאנג ליטוואק נעמט אנטייל, פאר דיר שש האב איך דרך-ארץ. עס איז ברור פון כמה וכמה שיחות אז דער רבי האט אזוי געהאלטן, אבער איך ציה צוריק פון מיין עפענען דעם אשכול, איך וועל נישט אריינרעדן דערין.

בלויז איין זאך יא: וויבאלד איך האב אפגעהאלטן א שמועס מיט א חבדניק (פון די א.ג. נארמאלע) איבער דער נושא, וויל איך עס אהערברענגען. די שמועס איז אבער אויף עברית און איך האלט עס אינמיטן איבערזעצן אויף אידיש, לתועלת הקוראים פה. ובזה אני מושך את ידי.

כ'בין ממש לעצטנס געווען אין 770, צוזאמען מיט נאך א חשוב'ע ניק פון ק"ש [[tag]רויטע וואנצעס[/tag], כ'מעג ארויסגעבן אז ס'דיר?...], און מ'האמיר ארומגעשמועסט מיט אסאך חברה דארט, צו כאפן די נקודה [מ'דארף אביסל חוצפה צו פרעגן שארפע פראגעס, טשעלענדזשינג די רבי אליינס, אין בית רבינו שבבבל. אבער אדנירם איז ל"ע א שטיקל חצוף]. ס'איז סאך מער קאמפליצירט ווי מ'מיינט פון אינדרויסן.

אולי יבוא יומו, צו געבן א שטיקל באריכט איבער 'א שפאציר אין 770, א שמועס מיט חסידים ואנשי מעשה'.


אה, און אגב, כ'האב א פעטער א חב"ד'סקער. א געווארענער.

איך פרעג נישט אז הרב שך זאל זיין משיח, כפי דער סולם ערכים פון חב"ד. איך פרעג אז לשיטתם זאל הרב עובדיה יוסף זיין משיח. דער ליובאוויטשער רבי האט קיין איין בעל תשובה געמאכט, קיינער נישט 'השיב מעון', זאגאר נישט רבים. נאר גע'שיקט' אנדערע צו טוהן. הרב עובדיה האט אליינס געטוהן בגופו, ער זאל זיין משיח

Sent from my HTC Desire 510 using Tapatalk

[justify]מיר דארפן זיך ברעכן קאפ צו ערקלערן סאטמאר'ס פאקטן איבער דער ליובאביטשער רבי? ווער עס נעמט דער טעמע דא ערענסט ווייסט נישט א טראפ איבער ליובאביטש און די רבי. די רבי (ווען ער איז געווען בדעתו) האט קיינמאל מעודד געווען משיחיזם נישט בעקיפין און נישט בשעת'ן זינגן. אדרבא ער האט געהייסן אויפהערן מיט די משיח קאמפיין עטליכע מאל. די שאלה וואס וואלט יא געווען אינטערעסאנט אדורך צו טון איז וואס האט געברענגט אז זיינע חסידים זאלן אים קרוינען אלץ משיח, סיי בחייו און ביי טייל אפילו אחר מותו. עס איז א לענגערע שמועס, יוסף טלושקין טוט עס אביסל אדורך אין זיין ביאגראפיע איבער דער רבי.


.[/justify]

mevakesh האט געשריבן:

בת קול האט געשריבן:איז נישט אמת אז די חסידים האבן געזינגען- דער רבי איז משיח... און ער האט געהאקט/געפאטשט מיט די הענט?

ווען ער איז געווען געזונט האט ער עס קיינמאל נישט צוגעלאזט איינמאל ווען ער איז שוין געווען קראנק אין די לעצטע יאר האט מען איהם ארויסגעברענגט אויפן פארטש און מען האט אנגעהויבען זינגען יחי און ער האט מחזק געווען מיט די הענט

וואס מיינט ער האט קיינמאל נישט צוגעלאזט? האט ער דען מוחה געווען?

דרך אגב, ביי אונז אין כולל פלעג מען זאגען אז אויב די שמועס האלט שוין ביי ליובאוויטשער משיחיזם אדער די אסור'ע עירוב דעמאלסט איז צייט זיך צירוק זעצען לערנען...

וואלווי האט געשריבן:

mevakesh האט געשריבן:

בת קול האט געשריבן:איז נישט אמת אז די חסידים האבן געזינגען- דער רבי איז משיח... און ער האט געהאקט/געפאטשט מיט די הענט?

ווען ער איז געווען געזונט האט ער עס קיינמאל נישט צוגעלאזט איינמאל ווען ער איז שוין געווען קראנק אין די לעצטע יאר האט מען איהם ארויסגעברענגט אויפן פארטש און מען האט אנגעהויבען זינגען יחי און ער האט מחזק געווען מיט די הענט

וואס מיינט ער האט קיינמאל נישט צוגעלאזט? האט ער דען מוחה געווען?

דרך אגב, ביי אונז אין כולל פלעג מען זאגען אז אויב די שמועס האלט שוין ביי ליובאוויטשער משיחיזם אדער די אסור'ע עירוב דעמאלסט איז צייט זיך צירוק זעצען לערנען...

דאכטס זיך ער האט מוחה געווען

ליטוואק פון בודאפעסט האט געשריבן:איך פרעג נישט אז הרב שך זאל זיין משיח, כפי דער סולם ערכים פון חב"ד. איך פרעג אז לשיטתם זאל הרב עובדיה יוסף זיין משיח. דער ליובאוויטשער רבי האט קיין איין בעל תשובה געמאכט, קיינער נישט 'השיב מעון', זאגאר נישט רבים. נאר גע'שיקט' אנדערע צו טוהן. הרב עובדיה האט אליינס געטוהן בגופו, ער זאל זיין משיח

Sent from my HTC Desire 510 using Tapatalk

איך פארשטיי נישט. וואס מיינט בביאת משיח צידקינו ומלכינו בראשינו. וואס יעדע חסידות באניצט זיך מיט?

ברוך שאמר האט געשריבן:

ליטוואק פון בודאפעסט האט געשריבן:איך פרעג נישט אז הרב שך זאל זיין משיח, כפי דער סולם ערכים פון חב"ד. איך פרעג אז לשיטתם זאל הרב עובדיה יוסף זיין משיח. דער ליובאוויטשער רבי האט קיין איין בעל תשובה געמאכט, קיינער נישט 'השיב מעון', זאגאר נישט רבים. נאר גע'שיקט' אנדערע צו טוהן. הרב עובדיה האט אליינס געטוהן בגופו, ער זאל זיין משיח

Sent from my HTC Desire 510 using Tapatalk

איך פארשטיי נישט. וואס מיינט בביאת משיח צידקינו ומלכינו בראשינו. וואס יעדע חסידות באניצט זיך מיט?

יעצט בין איך דער עקספערט אויף פוסטע חסידישע לאזונגען?

וואס האט דאס מיט מיין תגובה?