קאווע שטיבל

היות די ניין טעג זענען ממשמשין ובאין ווערט א גרויסער פראבלעם
אז אויסער בעיקד סעלמאן, גרילד טעלאפיע, פלאנדער פיש, טונא סטעיק, טונא פאשיט (פעטיעס בלע"ז), באנדאש, פיצא, פאלאפל, עג פלענט פאמארזשאן, בעיקד זיטי, לאזאניא, טשיז טורנאוווער, פילד שעלס, טונא, אייער, פאטעיטעס, קארן, איז ממש נישט דא וואס צו עסן אז מען מיז אויפקומען מיט א פרענק און בלענק וואס איז פארעווע געמאכט פון סעלמאן און טעיסט ממש ווי די פליישיגע אדער מאק ליווער וואס איז נישט אין מויל צו נעמען פרעג מיך נישט פון וואס ס' איז געמאכט כדי צו שפייזן דאס געזינדל אז נישט קען מען דאך אויסגיין פאר הונגער ביז תשעה באב
וויל איך דא בעטן די חשובע ציבור דא אז אויב איינער האט עפעס א אינטערעסאנטע מאכל וואס איז נישט פליישיג זאל מען זיך נעמען די מיה און מזכה זיין דעם רבים

אז קיינער שרייבט נישט וועל איך מוזן אנהייבן
מען קען נעמען קרויט די קאול סלאו מיקס און דינסטן דערנאך צולייגן שרעדעד טשיז און אפבאקן און א טורן אוווער טייגל גאנץ גרינג און זייער גוט פאר א פארשפייז אין די 9 טעג די וואס עסן נישט קיין סטארטש קענען דאס סערווירן אנן די טייגל סתם דינסטן די קרויט און מישן ביז די טשיז ווערט צולאזט (סאונדט ווי א עונג שבת רעסיפי ניין?)

נס קאווע!
איך האף דו הינגערסט נישט, ווייל די עולם העלפט דיך נישט

ביז דערווייל האב גענומען אפאר גוטע רעסעפיעס פון דיר...

you dont have to learn its enough if you just say

טעפל האט געשריבן:ביז דערווייל האב גענומען אפאר גוטע רעסעפיעס פון דיר...

דערווייל האב איך נאר געשריבן איין רעסיפי

יעצט ערהאלטן:

טשיז קעיק, בלינטצעס (סינעמען אן טאפ), טשיז לאטקעס (אהה...), עגפלענט פארמעשזאן, סי בעסס, אמעלעט מיט מאנסטער טשיז און געדינסטע צוויבל אין די זייט, מילכיגע אייז קרים נאט קראנטש אן טאפ, לאטע'ס קאפאטשינא אייסד קאפי מיט דעלישעס עמברוישזע אין פיינע אונטערגעשלאגענע מילכיגע קאלטע טשערי סופ (ס'שפייעכטס פליסט שוין), און די פשוט'ע סעלמאן פילעי רעדט מען שוין נישט...
דאס אלעס גיימיר אסאך זעהן די קומענדיגע טעג... וואלטן די חכמים היינטיגע צייטן געווען, וואלטן זיי באפוילן צו עסן אין די 9 טעג טשיקן מידיעם - וועל יעדע נאכט...

איך הער אז ס'קומט א נייע רעסיפי פון חזקיהו המלך: באר בי קיו סטעיק רעסיפי אן פלייש

אהן פלאהרייד וואלט געווען אן ארטיקל

האט שוין איינער פרובירט טונא סטעיק? נישט צו טרוקן? איז דא עצות בכלל פעטער צו מאכן א סטעיק
אז מ' רעדט שוין, איז א טשיקן באטטאם פיהל בעסער רער - מידיום?...

היינט נאכט קומט פאר א BBQ אונטערן שלייער פון סיום מסכת און פדיון שבויים... אינמיטן העלן שטאט, עיר ואם בישראל, בארא פארק.
לדעתי איז דאס ריינע ליצנות פון די שלחן ערוך!
וואלט איך געהאט מער יראת שמים וואלט איך דאס אונטערגעברענגט במו ידי.
נאר וואס דען, ס'איז נישט זייער שולד, ווייל דאס האבן זיי געזעהן אין קעמפ אלץ קינד, א כולל אינגערמאן מאכט א סיום און דר'עולם ריקט פלייש, כאילו ס'איז ערב פסח, וואס די פאסטען פאר בכורים איז א האלבע, אפשר גאר א טעות'דיגע, מנהג.

אויב דערקלערסטו אז דו ביסט נישט אונטער געווארפען דעם שלחן ערוך, איז איין זאך. אבער חוזק מאכן?!

מה עשה השטן? מ'טרעפט א צוועק, פדיון שבויים, נו, ווער האט נישט רחמנות אויף דעם איד?

עתיד ליתן את הדין. קיינער זאל נישט אהינגיין

נעכטן האב איך מיר משתתף געווען ביי סיום מסכת נישט סתם זיך מיטגעשלעפט, איך בין געווען פון די 10 געלאדענטע. מיר האבן געהאט ב"ה פון בעסטן, פיינע גריללד ריב סטעיק, פעפער סטעיק ועוד. די חורבן איז נאר געווען אז סאיז געווען גאנץ פרי נאכמיטאג סאיז אריבער א שטיקל צייט דער הינגער האט זיך אנגעהויבן צו דערוועקן און כהאב מיר געדרייט פון א הינט מיט'ן צינג אינדרויסן קיין פליישיג טאר מען דאך נישט, קיין מילכיגס קען מען דאך נישט פאר 6 שעה, הקיצור כהאב דערשפירט וואס דאס איז די 9 טעג.

למדן האט געשריבן:האט שוין איינער פרובירט טונא סטעיק? נישט צו טרוקן? איז דא עצות בכלל פעטער צו מאכן א סטעיק
אז מ' רעדט שוין, איז א טשיקן באטטאם פיהל בעסער רער - מידיום?...

איך עס טונא סטעיק א גאנץ יאר. די רעסיפי איז סימפלe.
נעם א ברייטן טעלער, מאך א צומישעניש פון זאלץ, רויטע און שווארצע פעפער,און קנאבל פאוידער. קענסט צולייגן טיים, פארסלי, ארעגענאוי און די סארט ספייסעס צו דיין גלייכן, אבער נאר אביסל פאר טעם.
לייג אריין די טונא סטעיק אינעם געמישאכץ, קאווער עס פון אויבן אויך, מיט א גאפל שטעך אריין דא און דארט ס׳זאל אריין גיין פון אינעווייניג.
לאז עס פאר א צוויי שעה ביז די זעהסט אז דאס פישל הייבט אן טוישן קאליר פון רויט צי ברוינליך (עס מיינט אז עס קאכט זיך אפ פון די ספייסעס) שטעל ארויף א פרייאינג פען מיט אביסל (איילבירט) אויל אויף א הויכ׳ן פלאם, ווען עס איז גיט הייס לייג אריין די פיש פאר 1 מינוט אויף א זייט און ארויס. עס וועט נישט זיין טרוקן.

טשיקען באדדעם, עס ווענד זיך ווי די מאכט דאס.
אין די אויווען, גוט פארמאכט, איז גארנישט אז ס׳באקט זיך אביסל לענגער.
אין א טאפ, אויב לייגסטו גענוג צוויבל, וואס גיבט ארויס וואסער, איז אויך נישט קיין פראבלעים אז ס׳וווערט מידיום
אויפן גריל, מיט די הויט (ס׳זאל האלטן די פעט) איז די בעסטע צי עסן ממש דזשאסט אפגעקאכט. נישט לאזן צי לאנג.

[tag]קאווע טרינקער[/tag], אלץ איז נאר להגדיל תורה ולהאדירה!!!

פון מיר אויס, האט געזאלט זיין 20 טעג צו עסן מילכיגס, ווייל פון די 9 טעג ווערט נאר 5 אדער 6 טעג, ווייל פרייטאג צו נאכטס און מוצ"ש רעכנט מען דאך נישט, און תשעה באב אליין זיכער נישט, ממילא פאלט אוועק אסאך געשמאקע נאכטמאלן,

דעריבער בין איך בייז אויף די וואס מיינען אז זיי טוען איינעם א טובה צו מסיים זיין א מסכת כדי אונז 'מזכה צו זיין' מיט נאך א באארינג טשיקן באדעם פון וועלכע איך בין שוין נמאס א גאנץ יאר צו האבן דאס זעלבע.

-