אישתישבי האט געשריבן:שא שא, עס טוט זיך א רעש, מען גייט געבען די תורה פאר חרדים. שוין מען האט געמאכט אלע הכנות, אלע פרישות, אלע גדרים, און? קראך. כ'ווייס, נאך אלץ נישט וואס איז דאס איך דארף טוהן צו זיין א חרדי, אדער אויב למשל כ'וויל ווערען אויס חרדי, וואס זאל איך טוהן?
כ'האב געקלערט פין חלילה רעדען אויפ'ן טעלעפאן שבת, נעה, אפילו איוואנקא טוט עס נישט, און זי איז זיכער נישט קיין חרדי.
נישט עסען טשולענט שבת? אפילו די א.ט ד. זינגען קה אכסוף אויף א טעלער טשולענט.
שוין כ'בין נבוך.
ביטע העלפט מיר ארויס און ביטע זאגט מיר ווי זענען די פארשריפטען וואס געבן אהן וואס מ'מעג יא און וואס נישט.
יישר כח.
הערט א ספעקטאל וואס האט זיך אפגעשפילט:
דער אייבערשטער געבט די תורה פאר אידישע קינדער, די יודן נעמען עס בחפץ לב! א שאלה? אז דער אייבעשטער געבט וואס איז דא נאכצוטראכטן, עס איז זיכער עפעס א גוטע זאך.
יארן לויפן אדורך, לא ראו זה כראו זה, עס איז נייע צייטן, עס קומט אן די וויי געשריי פון רוב מנין און רוב בנין פון כלל ישראל: וואס זענען מיר שולדיג אז אונזערע זיידעס האבן ליב געהאט די תורה, עס איז אוממעגליך, עס איז ממש אומדערטרעגליך, זייער א שווערע תורה, עס איז נישט מעגליך עס צו היטן, מעיקרא מאי כסבר? פרעגן זיי מיט פאטאס, וואס האבן זיי געקלערט ווען זיי האבן גענומען די תורה אין מדבר ביים מעמד הר סיני.
מלאכי מעלה, בית דין של מעלה, האבן זיך צאמגענומען איבערצוקוקן וואס אזאנס האט דא פאסירט? קען דען זיין אז דער עם הנבחר איז נישט צופרידן מיט'ן תורה וואס זיי האבן מקבל געווען? נאך חקירות און דרישות שטעלט זיך ארויס: והנה אמת נכון הדבר, יא! עס ליגט עפעס דברים בגו, עס איז א טענה וואס כלל ישראל טענה'ט צום אייבערשטן.
די וויי געשריי פון יונג און אלט, פרום און פריי, פון אלע שיכטן און קרייזן, חסיטוויש ליטוויש, מאדערן, אדטעדאקס, אזש ביז פארפרומטע, די געשריי האט געגרייכט די העכסטע פענסטער'ס, א פעטיציע איז געשיקט געווארן און דערגרייכט דעם... כסא הכבוד, כביכול נאר דער אייבערשטער אליין ער קען זיך מטפל זיין מיט דעם קעי"ס, ס'זענען דאך זיינע קינדער, ווער נאך ווי א טאטע קען פארשטיין די צער פון זיינע טייערע קינדער.
נישט פאריבער אפאר טאג, און די גאנצע פמליא של מעלה, במעמד מלאכי מעלה, בית דין של מעלה, איז גע'פסק'נט געווארן נישט מער און נישט ווייניגער: די אידן האבן א טענה! די טענה איז נשמע ונתקבל געווארן אין הימל, און לאור דעם וועלן די אידישע קינדער האבן די געלעגענהיייט צוריקצושיקן די תורה צום אייבערשטן, ריטורן טא סענדער בלע"ז... א מקח טעות.
עס איז באשטומט געווארן א דאטום וואס ביז דאמאלטס וועט יעדער קענען קומען צוריקברענגן די תורה, אזוי ווי די שיפמענט וועט געענדיגט אנגעלאדענט ווערן וועט מען דאס אראפשטעלן ביי א לאקאציע פון ווי מען וועט עס קומען אפנעמען.
דער גורלדיגער טאג איז אנגעקומען אידן האבן זיך אפגעלאדענט די שווערע זעק מיט מצוות און די לאוי"ד איז גרייט פאר שיפמענט.
מלאכים, שרפים, ואופני הקודש, קומען אן צום באשטימטן ארט אינם באשטימטן צייט, מען גייט צוריקגעבן די תורה... מלאכי צבאות ידודון ידודון... עלה בסערה השמימה... די דיע"ל איז געשלאסן דאס גאנצע סחורה איז צוריקגענומען געווארן.
אין הימל ווייטער ווארט מען די פמליא של מעלה איבערצונעמען דאס געפעק, מען דארף זעהן וואס מען טוט דא ווייטער, מאנכע טענה'ן: תורה לא בשמים הוא, מן וועט מוזן גיין צום אייבערשטן אליין, ער זאל זעהן וואס מען טוט דערמיט דא ווייטער.
דער טרעלער ווערט געעפענט: א הילכער געלעכטער הערט זיך פון עולם האצילות, קינדערליך דאס איז נישט די תורה וואס איך האב אייך געגעבן... איך ווייס נישט ווער עס האט אייך פארקויפט דעם תורה, אבער איין זאך איז זיכער: איך האב דעם תורה נישט גיגעבן ביים מעמד הר סיני, אויף די אלע זאכן וואס איר האט צוריקגעשקיט איז קיינמאל קיין קבלת התורה נישט געווען...
וואס איז דארט געליגן? וואס אידישע קינדער האבן אזוי שווער געטראגן, און געווען מלא טענות אויף ד תורה, און אויפ'ן נותן התורה?
דאס, און נאך גאר אינטערסאנטע פארקטארן ארום די מיסטעריעזע געשיכטע וועט נאכגעפאלגט ווערן דא אין קאווע שטיבל
פרטים יבואו בעזרת השם
אדער 