קאווע שטיבל

viewtopic.php?f=4&t=11177&p=358096#p358096

מיין ארטיקל אויף ראבערט מאזעס ערשיינט אינעם הערליכן ״וועקער״ אונטער׳ן פסעוודאנים ״בן שיח״, כ׳האף אז דער עולם וועט דערפון הנאה האבן.

כ'האב ערשט פרובירט צו דערשנאפען ווער איז דער בן שיח.

קינד_אן_קייט האט געשריבן:http://www.kaveshtiebel.com/viewtopic.php?f=4&t=11177&p=358096#p358096

מיין ארטיקל אויף ראבערט מאזעס ערשיינט אינעם הערליכן ״וועקער״ אונטער׳ן פסעוודאנים ״בן שיח״, כ׳האף אז דער עולם וועט דערפון הנאה האבן.

איך האב עס נעכטען געליינט. ממש אין מילים! פון ווי האסטו געהערט פון איהם? וואס האט דיר מעורר געווען איהם צו באשרייבען?
און בעיקר, וואס איז טאקע געווען זיין פאליטישע כח?

Sent from my LG-K373 using Tapatalk

ליטוואק פון בודאפעסט האט געשריבן:איך האב עס נעכטען געליינט. ממש אין מילים! פון ווי האסטו געהערט פון איהם? וואס האט דיר מעורר געווען איהם צו באשרייבען?
און בעיקר, וואס איז טאקע געווען זיין פאליטישע כח?

Sent from my LG-K373 using Tapatalk

בערך א יאר צוריק האב כ׳מיר אנגעשטויסן אינעם גאטעמיסט אינטערוויו וואס כ׳דערמאן אינעם ארטיקל און דערנאך געטראפען מערערע רעקאמאנדאציעס אז דאס איז דער בוך וואס מען מוז לייענען, כ׳האב עס געקויפט און טאקע נישט חרטה געהאט. דער ארטיקל איז בעצם א שטיקל פארש ארבעט געבויעט אויפ׳ן בוך און אויף אנדערע מקורות.

צו דיין שאלה וויאזוי ער האט ערהאלטן אזויפיל מאכט, ער האט אויף א גאונות׳דיגער אופן געשאפן דעם נייעם אויטאריטעט פון ״סטעיט פארק קאמישאן״ (ס׳האט קיינמאל נישט עקזיסטירט בעפאר) און דאס אויפגעבויעט אלץ אן אויטאנאמיע מיט איר אייגענע געזעצן און פרעצעדענטלאזע מאכט.

דאס איז פארשטייט זיך ממש בלויז אויפ׳ן שפיץ גאפל, די מערערע פרטים איז א אריכות הדברים וואס מען מוז לייענען דעם בוך דאס באמת צו פארשטיין. אפשר, און אויב ס׳וועט טאקע זיין א שטיקל אינטערעסע, וועל איך בלי״נ מרחיב זיין דערויף אין א קומענדיגער ארטיקל.

א יישר כח בן שיח פאר דעם אינטרעסאנטן ארטיקל.

דער ארטיקל האט בכלל נישט ארויסגעברענגט וואס זענען געווען די חסרונות פון מאזעס, וואס אויבנאויף קוקן זיינע מאסיווע בריקן און הייוועיס אויס ווי געוואלדיגע אויפטוהן, איך פארשטיי אז דאס פארלאנגט א באזינדערע ארטיקל.

נישט לאנג צוריק האט גוגל באערט זשעין זשעיקאבס מיט א גוגל דודל לעילוי נשמתה, ווי איך האב דעמאלטס געליינט איז איר בוך געווען פאראנטווארטליך אויף די אויפוואכונג אנטקעגן מאזעס, זי האט באוויזן אפצושטעלן זיי גראנדיעזן פלאן פון בויען א מאנהעטן עקספרעסוועי וואס זאל אדוירכשניידן די ברייט פון מאנהעטן, און האט אויפגעוועקט די אמעריקאנע פאלק זיך אנטקעגן צושטעלן די ארבעניזעישן פלענינג וואס ביז דעמאלטס געווען אנגענומען.

אדאנק [tag]שמערל[/tag].

לגבי מאזעס׳ס חסרונות, כ׳דערמאן גראדע יא אז ער האט עוקר געווען הונדערטער טויזענטער מענטשן פון זייערע היימען און מחריב געווען גאנצע געגענטער, אבער ווי דו זאגסט, עס פארלאנגט זיך א באזונדערער און פיל לענגערער ארטיקל כדי דורכצוקעמען מאזעס׳ס פילע קאנטראווארסיאלע אקטיוויטעטן.

לגבי דזשעין דזשעקאבס, זי איז טאקע געווען פון די איינציגסטע צו באזיגן א מאזעס פראיעקט (אויך נאר סוף ימיו), אבער זי איז געווען מער א קאמיוניטי אקטיוויסט און סיי איר קאמפיין קעגן מאזעס און סיי איר בוך האבן זיך פארנומען בעיקר בנוגע פראעיקטן וואס אפעקטירן שטאטישע געזעלשאפט און נישט מאזעס דעם פערזאן, זי האט אליינס נישט געוואוסט פון מאזעס׳ס קארופציע און אומגעהויערע מאכט ביז זי האט שפעטער געלייענט דערוועגן אין קעראו׳ס בוך.

דער מאזעס איז געווען א כמו ליפא פריעדמאן אין סאטמאר.

דאס אז ער האט אויסגעריסען גאנצעטע געגנטער קען נישט באטראכט ווערן ווי א חסרון אויב האלט מען אז ער האט עס געטוהן פאר די גרעיטער גוד, די חסרון פון מאזעס לויט זיינע געגנער איז ער האט בכלל נישט אויפגעטוהן. למשל די בי קיו אי שפארט נישט לשיטתם קיין טרעפיק וכדומה.

שמערל האט געשריבן:די חסרון פון מאזעס לויט זיינע געגנער איז ער האט בכלל נישט אויפגעטוהן. למשל די בי קיו אי שפארט נישט לשיטתם קיין טרעפיק וכדומה.

זיינע חסרונות זענען געווען פילפאכיג, ער האט למשל נישט געגלייבט אין פובליק טראנספארטאציע און דירעקט אויסגעשטעלט ניו יארק אויף אזא אופן אז פובליק טראנספארטאציע זאל נישט טויגן, דאס איז איינס פון די גרעסטע סיבות פארוואס מיר ליידן היינט פון אומגעהויערע טראפיק קאשמארן איבער כמעט גאנץ ניו יארק.

ער איז אויך געווען א פרעכער ראסיסט און אויף א געמיינעם אופן, ער האט אונטערגעשטעלט פיסלעך קעגן מינאריטעטן און מונע געווען זיי זאלן הנאה האבן פון שטאטישע פראיעקטן.

ועוד, ועוד.

כ'מיין ס'וואלט געווען כדאי צו מאכן א באזונדערע אשכול צו דיסקוסירן די ארטיקל פון מאזעס.

אזא שיין ארבייט ס'מיר שווער זיך צו לייגן שלאפן פאר איך לייען עס אדורך.

דער ארטיקל איבער מאזעס איז אטעם פארכאפנד און ליינט זיך העכסט שפאנענד. דערצו איז עס רייך מיט אינפארמאציע און היסטארישע קרישקעלעך. די שפראך און דראמא איז אויף דער ניווא פון שמעון ראלניצקי.
קאדוס פאר קא"ק.

קינד_אן_קייט האט געשריבן:http://www.kaveshtiebel.com/viewtopic.php?f=4&t=11177&p=358096#p358096

מיין ארטיקל אויף ראבערט מאזעס ערשיינט אינעם הערליכן ״וועקער״ אונטער׳ן פסעוודאנים ״בן שיח״, כ׳האף אז דער עולם וועט דערפון הנאה האבן.

הערליכער ארטיקל!

הגם די עצם ארטיקל דערציילט נישט גענוי וואס די עוולות פון ראבערט מאזעס זענען געווען, און וואס פונקטליך דער ראבערט השני האט אויפגעדעקט, האב איך אבער געכאפט התפעלות פון די זאפטיגע שפראך, און אממערסטנס - פון דעם אויספיר. לדעתי איז עס א געוואלדיגע גאונות, אז די גאנצער ארטיקל איז בעצם א הקדמה צו אפאר וויכטיגע שורות פאר אלע לייענער/שרייבער: איר קענט זיין דער אינספירירער פארן קומענדיגן דור!

קינד און קייט, הלוואי איר לאזט אייך הערן אפטער, און טאקע מיט לאנגע סטיל ארטיקלען [ווי זאגט נאר קא"ק? "ברויך א יעדער יחיד אויסנוצן אט דעם כח צו פארשפרייטן רעיונות, מיטצוטיילן פערזענליכע ידיעות פון וואס אנדערע קענען שעפן פראקטישקייט און הנאה האבן" (מתוך דברות קודש בסוף הארטיקל)].

אדנירם האט געשריבן:הגם די עצם ארטיקל דערציילט נישט גענוי וואס די עוולות פון ראבערט מאזעס זענען געווען, און וואס פונקטליך דער ראבערט השני האט אויפגעדעקט

ער שרייבט דאך יא עטליכע מאל איבער זיין תאוות השררה, געווען א קאנטראל פריעק און אויסגעפירט פראיעקטן וואס מען ליידט נאך דערפון ביז היינט נאר כדי צו ווייזן אז ער האט דאס לעצטע ווארט, וכו'.

גערעכט דאס איז געווען די מאטיוו, אבער ווי אזוי האט ער עס אויסגעפירט זאגט ער נישט.

קורקלענד האט געשריבן:כ'מיין ס'וואלט געווען כדאי צו מאכן א באזונדערע אשכול צו דיסקוסירן די ארטיקל פון מאזעס.

אזא שיין ארבייט ס'מיר שווער זיך צו לייגן שלאפן פאר איך לייען עס אדורך.

ייש״כ [tag]אסף המזכיר[/tag] פאר׳ן אפטיילן אין א באזונדערן אשכול.

דער עולם קאמענטירט אז מ׳וויל וויסן מער וויאזוי מאזעס איז געווארן אזוי מאכטפול און אז דער ארטיקל באהאנדלט נישט גענוג די שאדענס וואס ער האט אפגעטאן, דאס פארלאנגט באמת א לענגערע אפהאנדלונג ווי שוין ערווענט אינעם ארטיקל גופא, אפשר אין קומענדיגע אויסגאבעס אויב צייט וועט ערמעגליכן בלי״נ.

שטארק הנאה געהאַט פונעם ארטיקל. גאר קונצליך געשריבן. ס'איז זייער שווער צו באשרייבן אזא גראבן ביכל אין אן ארטיקל פון אפאר בלעטער. מיט דעם אלעם האט @קינד אן קייט באוויזן עס צו שרייבן און קורץ אזוי אז פון יעדע ווארט זאל זיך ליינען א גאנצע זאץ.

ישר כח ס'געווען א ספעציעלע הנאה. איך האב פארן ליינען דעם ארטיקל נישט געוואוסט פון דעם פארשוין אחוץ פון די פאר הייוועי'ס און פארקוועיס וואס רופן זיך על שמו ולזכרו. ס'האט צוגעלייגט א גאר דיקע ביכל צו מיין 'ריעדינג ליסטע'. די איינציגסטע שאלה יעצט איז וואו העט מען נעמען די צייט.

כ'האב דעם שבת געליינט דעם ארטיקל, ס'איז באמת אטעם פארכאפנד און גאר אינטערסאנט, און ווי [tag]כוכב[/tag] דערמאנט איז עס אויפן ניווא פון שמעון ראלניצקי, סיי אז ס'איז גאר שפאנענד און ציענד, און נאכמער מיט דעם פרט אז ס'קאנעקט דעם ליינער מיטן מענטש אינעם ארטיקל, מ'לעבט מיט זיינע דערגרייכונגן און פארלוסטן.

אבער איך בין פארט א היימישער, און איך מוז צולייגן א ווארט קריטיק, ס'פעלט אינפארמעישאן פונעם ארטיקל, ס'שטייט נישט וואס דער בוך האט אנטדעקט אז ס'האט אינטערגעברענגט מאזעס, ווי אויך שטייט נישט מיט וואס מאזעס איז געווען אזוי קארופטירט, און וואס זיינע געפעכטן זענען געווען מיט די מעיארס און גאווענערס פון ניו יארק. כאטש מ'באקומט א אויבן אויף קלארע בילד וואס ס'איז פארגעגאנגן, וואלט אבער אויסגעפעלט צו ארויסברענגן איין גוטע אויפדעקונד וואס דער בוך האט געמאכט אויף אים, און אויך ארויסברענגן כאטש איין געפעכט מיט א פאלעטישאן. דאס איז אבער נאר א נקודה למחשבה אבער דער ארטיקל זעלבסט איז מיר געווען מורא'דיג אינטערסאנט און נאך מער די וועג וויאזוי ס'איז געשריבן געווארן, די איבריגע וועל איך לאזן פאר מורי ורבי הרב גוגל מיר צו לערנען

WOW האסטו א פעדער!! הערליך שיין באשריבן, ערשט קלאסיג.

@שטיסל ס'נישט מעגליך צו באשרייבן עלף הונדערט בלעטער אין אן ארטיקל פון קוים עלף בלעטער. מ'זעהט פונעם ליינען דעם ארטיקל אז @קינד_אן_קייט האט דורך געליינט די ביכל פון דעקל צו דעקל. ווי אויך האב איך פארשטאנען אז ער האט אויך געליינט נאך דאקומעטעריס און ארטיקלעך אויף איהם. קינד_אן_קייט האט אויך א שטארקע כח אין זיין פעדער מיט דעם וואס ער האט שטארק מקצר געווען אבער מ'האט אין יעדע ווארט געקענט ליינען א גאנצע זאץ. איך האב גאר שטארק הנאה געהאַט פון ליינען און ס'האט מיר געצויגן גאר שטארקע אינטערעסע. איך האב זיך אויך אביסל גע'חידוש'ט אז כ'האב פון דעם פארשוין קיינמאל נישט געהערט. נאכן ליינען דעם ארטיקל האב איך שיינער הייט צוגעלייגט דעם ביכל צו מיין ליסטע פון ביכער וואס דארפן געליינט ווערן.

אז דו ווילסט ליינען מער וועגן איהם זיי אזוי גוט און לייען דעם גאנצן ביכל. פון גוגל'ן א פאר בלעטער פאר צוויי דריי מינוט און טרעפן אפאר פאקטן וואס דער שרייבער האט ארויסגעלאזט מחוסר מקום און אויף דעם קריטיקירן איז נישט יושר. ער האט קלאר געשריבן אז ער קען נישט אלעס שרייבן און האט נאר געשריבן וואס ער האט פארשטאנען איז וויכטיג נאכן ליינען די 'גאנצע' ביכל. ווען דו וואלסט געליינט די גאנצע ביכל און הערשט נאכדעם קריטיקירט וואלט איך אנגענומען דיין קריטיק. אבער אזוי ווי די לאזט קריטיק בעיזט אויף אביסל אינפארמאציע וואס די האסט געזען אויף גוגל איז עס שוואכע קריטיק.

כ'וואלט עס געקענט מאכן קערצער אבער אזוי ווי דו האסט א מנהג פון שרייבן גאר לאנגע הודעות האב איך געפילט אז איך מיז עס אויך מאכן לאנג..

קורקלענד האט געשריבן:@שטיסל ס'נישט מעגליך צו באשרייבן עלף הונדערט בלעטער אין אן ארטיקל פון קוים עלף בלעטער. מ'זעהט פונעם ליינען דעם ארטיקל אז @קינד_אן_קייט האט דורך געליינט די ביכל פון דעקל צו דעקל. ווי אויך האב איך פארשטאנען אז ער האט אויך געליינט נאך דאקומעטעריס און ארטיקלעך אויף איהם. קינד_אן_קייט האט אויך א שטארקע כח אין זיין פעדער מיט דעם וואס ער האט שטארק מקצר געווען אבער מ'האט אין יעדע ווארט געקענט ליינען א גאנצע זאץ. איך האב גאר שטארק הנאה געהאַט פון ליינען און ס'האט מיר געצויגן גאר שטארקע אינטערעסע. איך האב זיך אויך אביסל גע'חידוש'ט אז כ'האב פון דעם פארשוין קיינמאל נישט געהערט. נאכן ליינען דעם ארטיקל האב איך שיינער הייט צוגעלייגט דעם ביכל צו מיין ליסטע פון ביכער וואס דארפן געליינט ווערן.

אז דו ווילסט ליינען מער וועגן איהם זיי אזוי גוט און לייען דעם גאנצן ביכל. פון גוגל'ן א פאר בלעטער פאר צוויי דריי מינוט און טרעפן אפאר פאקטן וואס דער שרייבער האט ארויסגעלאזט מחוסר מקום און אויף דעם קריטיקירן איז נישט יושר. ער האט קלאר געשריבן אז ער קען נישט אלעס שרייבן און האט נאר געשריבן וואס ער האט פארשטאנען איז וויכטיג נאכן ליינען די 'גאנצע' ביכל. ווען דו וואלסט געליינט די גאנצע ביכל און הערשט נאכדעם קריטיקירט וואלט איך אנגענומען דיין קריטיק. אבער אזוי ווי די לאזט קריטיק בעיזט אויף אביסל אינפארמאציע וואס די האסט געזען אויף גוגל איז עס שוואכע קריטיק.

כ'וואלט עס געקענט מאכן קערצער אבער אזוי ווי דו האסט א מנהג פון שרייבן גאר לאנגע הודעות האב איך געפילט אז איך מיז עס אויך מאכן לאנג..

כ'האב נישט וואס צו מגיב זיין אויף דיינע ווערטער, זאגסט זייער גוט. אויב זוכסטו א תירוץ פון מיר קענסטו איבערליינען מיין פאריגע תגובה, ס'איז אזוי קלאר געשריבן אז ס'פארענטפערט אלעס וואס די פרעגסט נאך פאר די האסט אפילו אנגעהויבן פרעגן.

נאר איין זאך קען איך מוסיף זיין צום עצם שמועס (נישט דוקא צו דיר), כ'האב געוואלט שרייבן אז [tag]קינד_אן_קייט[/tag] וואלט געקענט אויסלאזן אנפאנג ארטיקל אסאך זאכן וואס איז געשריבן בדרך כללי און ענדערשט אריינגיין אין אפאר פרטים, אבער איך בין נישט זיכער דערין דעריבער האב איך נאר געשריבן וועלעכע פרטים מ'פילט ביים לייענען אז ס'פעלט, ווי אויך ביים שרייבן דארף מען זיך נישט רעכענען אז א ארטיקל איז צולאנג און ס'וועט נישט זיין קיין פלאץ וכדו', ענדערשט צעטיילן אין צוויי ווי אויסלאזן נקודות. און מיין תגובה איז נישט געשריבן געווארן מיט א ציל פאר קריטיק, ענדערש דרך קאמפלימענט מיט א קאנסטרוקטיוו הערה פון וואס איך בין זיכער דער שרייבער וועט הנאה האבן.

פארגעס נישט אז די עלף הונדערט בלעטער וואס קעראו האט געשריבן איז אויך בקיצור נאכן ארויסנעמען כמעט אלעס וואס ער האט געשריבן. מ'קען מן הסתם שרייבן מער ווי עלף הונדערט בלעטער אויף רוב פון זיינע פראיעקטן באזונדער.

געווען אמאל באשריבן אין שטערן ווער געדענקט וועלכע

קינד_אן_קייט האט געשריבן:http://www.kaveshtiebel.com/viewtopic.php?f=4&t=11177&p=358096#p358096

מיין ארטיקל אויף ראבערט מאזעס ערשיינט אינעם הערליכן ״וועקער״ אונטער׳ן פסעוודאנים ״בן שיח״, כ׳האף אז דער עולם וועט דערפון הנאה האבן.

שכח קינד און קייט, איך האב עס געליינט 2 וואכן צירוק, און די קוואליטעט פונעם ארטיקל איז ווינדערבאר, די חלק פון מאכן די תמצית אויף אזא ציענדע אויפן איז מיר נאך אלץ אין די ביינער, איך באמת ווינדער זיך וויאזוי די האסט עס געמאכט, איך האב געליינט די ארטיקל אויף איין מאל און הנאה געהאט אויף יעדע ווארט, איך קוק ארויס אויף נאך,