חסידים ביים רבין׳ס שמחה, וויפיעל איז אמת און וויפיעל איז..

[תורה ומדע]

https://youtu.be/sdiFg-7X5W0
קוקענדיג און אנאליזערן דעם עולם, שטעלט זעך די פראגע, איז דען מעגליך אז די חסידים פרייען זיך באמת מיטן רבין, אדער איז דאס נאר מצוות אנשים מלומדה. אויב יא וויפיעל פראצענט פונעם עולם און וויפיעל שמחה. אויב דער מספר איז קליין, לוינט דען נישט בעסער אהיים שיקען דעם עולם אדער זיי שיקען אין ביהמ״ד אריין. און וואס איז מיט די הונדערטע בחורים וואס זענען מבטל תורה אין מיטען זמן. איז טאקע יצא הפסדו בשכרו. איך מיין באמת, און נישט ח״ו לקנטר, כידוע בין איך אליין א שטיקעל חסיד און ידיד קיין בעלז. דער בעלזער רב שליטא און אנדערע רביס זענען דאך יראי השם און מאנכע אפילו בני תורה. וואס איז פשט פון דעם? איז דאס פאר די פארטיי אזוי וויכטיג?

[ליטוואק פון בודאפעסט]

יעדער איז אן ערליכער איד, נאר בנוגע געוויסע זאכן איז זיי שווער איבערצוהערשן זייערע אינטערעסן.

[אישתישבי]

איז וואס פונטקליך ​זענט איר מציע?

מאכען אז נאר אהאלב עולם וואס פילט באמת מיט דער שמחה זאל קומען?

[די קעניג פין אמעריקע]

דאס מיינט חסידות. זיי מקושר מיטן רבי. איך בין זיכער אז ווען די בעל שם טוב האט חתונה געמאכט זענען חסידים אויך געקומען צו פארן און מבטל תורה געווען. די שיטה פון חסידות איז אז זיין מקושר מיטן רבי איז פונקט אזוי וויכטיג ווי לערנען. איינס גייט נישט אנעם צווייטער.

[די קעניג פין אמעריקע]

יעדער איז אן ערליכער איד, נאר בנוגע געוויסע זאכן איז זיי שווער איבערצוהערשן זייערע אינטערעסן.

אפ"ל

[ליטוואק פון בודאפעסט]

יעדער איז אן ערליכער איד, נאר בנוגע געוויסע זאכן איז זיי שווער איבערצוהערשן זייערע אינטערעסן.

אפ"ל

ואפ"ל פארקערט אויך

[תורה ומדע]

דאס מיינט חסידות. זיי מקושר מיטן רבי. איך בין זיכער אז ווען די בעל שם טוב האט חתונה געמאכט זענען חסידים אויך געקומען צו פארן און מבטל תורה געווען. די שיטה פון חסידות איז אז זיין מקושר מיטן רבי איז פונקט אזוי וויכטיג ווי לערנען. איינס גייט נישט אנעם צווייטער.

עד כדי כך? בחורים וואס לערנען א גאנצען טאג זאללען מבטל זיין תורה? ממילא לערנען און דאווינען שלא לשמה איז דאך בעצם א קיום מצוה אפילו מען טוט עס אבי יוצא צו זיין, אבער טאנצען ביים רבינס שמחה אהנע געמיט, נאר ווייל מהאלט איצטער ביים פינפטער חתונה פון רבינס זוהן.. תורה מה תהא עלי׳.

[[NAMELESS]]

דאס מיינט חסידות. זיי מקושר מיטן רבי. איך בין זיכער אז ווען די בעל שם טוב האט חתונה געמאכט זענען חסידים אויך געקומען צו פארן און מבטל תורה געווען. די שיטה פון חסידות איז אז זיין מקושר מיטן רבי איז פונקט אזוי וויכטיג ווי לערנען. איינס גייט נישט אנעם צווייטער.

ביסט אוף די קאפ געפאלן??
דו האלסט טאקע די בעש''ט איז געווען ווי די היינטיגע יורשים???

די קשר צו א רבי איז געווען די לימוד בעבודת השם.

[די קעניג פין אמעריקע]

אז ענק גלייכן נישט תורת הבעל שם איז דאס ענקער פראבלעם.

[די קעניג פין אמעריקע]

ס׳געווען מתנגדים וואס האבן געהאלטן אז זינגען י-ה אכסוף פרייטאג צונאכטס איז אויך ביטול תורה.

[ליטוואק פון בודאפעסט]

איינער זאגט פאר 'זיכער' אז דער בעש"ט'ס תלמידים האבען עס געטוהן, א צווייטער שרייט איהם אן אז דער בעש"ט'ס תלמידים וואלטען נישט, און דער אנדערער זאגט אז דער דינגט זיך אויפ'ן בעש"ט.

זאג עפעס צו דער זאך.

א. ווי שטייט אז דער בעש"ט האט דאס מחדש געווען?
ב. וואס האט מקושר זיין מיט פארען צו א חתונה?
ג. פון ווי שטאמט דער ענין אז מ'קען ירש'נען דער פאסטען פון 'דער מיט וועמען מ'דארף זיך מקשר זיין'?
ד. וואס האט יענעמ'ס חתונה צו טוהן מיט שבת זמירות?

[די קעניג פין אמעריקע]

פון דיינע שאלות ווייזט אויס אז די האסט נישט קיין רבי. א חסיד וואס האט א רבי האט נישט די אלע קשיות.

[תורה ומדע]

לאו דוקא

[די קעניג פין אמעריקע]

די אלע נשתכח קאקאש קעיק פרעסערס אין ווילי מיינען אז זיי וועלן אונז אויסלערנען וואס מיינט חסידות. אלע יארן האבן אונזער זיידעס געוואוסט אז פארן צום רבי׳ן איז פונקט עבודת השם ווי זיצן אין שטעטל מיט די גמרא תוס׳. און זיי זענען געפארן מיט מסירת נפש ממש. נישט קיין חילוק צו אויף א יו״ט צו א שמחה און רבי׳נס הויף צו ס׳האט סתם געכאפט א הייליג רייץ צו פארן. (גיי לערן מיט א גוי ברטנורא)

[ליטוואק פון בודאפעסט]

יעצט זאגסטו 'אלע יארען' מיט זיידעס. פריער האסטו געזאגט 'בעש"ט'. האסט נאך ווערטער פאר דיין ענין?

און ווען מ'רעדט פון מסירות נפש, וועמענ'ס נפש מיינט מען? די הונגעריגע ווייב און קינדער?

[[NAMELESS]]

די אלע נשתכח קאקאש קעיק פרעסערס אין ווילי מיינען אז זיי וועלן אונז אויסלערנען וואס מיינט חסידות. אלע יארן האבן אונזער זיידעס געוואוסט אז פארן צום רבי׳ן איז פונקט עבודת השם ווי זיצן אין שטעטל מיט די גמרא תוס׳. און זיי זענען געפארן מיט מסירת נפש ממש. נישט קיין חילוק צו אויף א יו״ט צו א שמחה און רבי׳נס הויף צו ס׳האט סתם געכאפט א הייליג רייץ צו פארן. (גיי לערן מיט א גוי ברטנורא)

אזוי? נישט געוויסט אז קאקאש איז עקסלוסיוו צו ווילי.

צו סאטמר רב איז מען אויך געקומען צו פארן צו דאווענען ביי עם און מיט האלטן א שבת צו א יו''ט.

צו זאגן א כלל אז עס איז פונקט ווי גמרא תוס'... וואס זאל איך דיר זאגן? אז דו האסט קיין השגה וואס גמ' תוס' איז? זאל איך דיר זאגן אז דו ביסט א עובד עבודה זרה? איך זאג בעסער גארנישט.

די מערסטע וואס מען קען זאגן אז עס איז א מיטל צוציקומען צו לערנען גמ' תוס'.

איינער וואס שפירט אן התרשלות אין עבודת ה' און א רבי קען עם באיזה אופן ארויף ברענגען צו עבודת השם א וודאי זאל ער פארן במסירות נפש ווייל עבודת ה' איז די יסוד אין א איד.

די אלטע רבי די בעל התניא איז געווען א חסיד?? ער שרייבט אין ספר אז די גרעסטע דרגא אין עבודת ודביקות בשם איז לימוד התורה דאס איז ממש דביקות בשם ממש אן לבושים. עיי''ש

ער שרייבט ערגעץ וועגן די עצמיות פון דביקות בהרבי???

א רבי איז א מיטל צו ציקומען צו עבודת השם ולימוד התורה הקדושה.

אין איינער וואס לערנט בהתמדה און ער פילט נישט אז די רבי קען עפעס מוסיף זיין אין זיין עבדות השם. איז ביטול תורה יעדע רגע. ופשוט ניט.

[דער גאלדענער אדלער]

אז ענק גלייכן נישט תורת הבעל שם איז דאס ענקער פראבלעם.

אנטשולדיג אייך @קעניג פון אמעריקא, פון וואספארא א קשר רעדט איר דא? פון דעם וואס ס'שטייט אין רמב"ם מצות עשה להידבק בחכמים, כדי ללמוד ממעשיהם  שנאמר: ובו תדבק.  וכי אפשר לאדם להידבק בשכינה?  אלא כך אמרו חכמים בפירוש מצוה זו: הידבק בחכמים ותלמידיהם" (הלכות ו ב).
דא שטייט קלאר ארויס "חכמים ותלמידיהם" אין נישט "ברבי'ס ויורשיהם".
אדער אפשר גאר מיינסטו דאס וואסי שטייט אין לקוטי הלכות אדער אין לקוטי מהר"ן? יענץ האט גארנישט מיט תורה צו טוהן און אויך נישט מיט גאט.

ווען די פארסט צו א רבין ערגעץ ווי, מ'רעדט פון אזא איינעם וואס האט אויף זיך די "ברענד" די וואס קעניגליכע רויטערע בלוט פליסן אין עם, פון אזא איינעם וואס וויל נעבעך נישט זיין א רבי, וואס מ'האט עם נעבעך געצווינגען צו זיין א רבי, אין ער זיצט אויבנאן אזוי בדרך אפשר, און דו גייסט דיך "מקשר" זיין מיט אזא איינעם, איז וואס פינקטלעך מיינט דיין קשר מיט עם?? צו שטיין נעבן עם ווי א מעגענעט? אדער מיינט עס זיך אפלערנען פון עם אזוי ווי דער רמב"ם שרייבט "כדי ללמוד ממעשיהם" איז וואספארא מעשים גייסטו דיך אפלערנען פון עם, ווי מ'רייסט אויף א פיש? אדער ווי מ'עסט זופ אנעם זיך צובייגן און ס'טראפט נישט אראפ? אדער ווי ער קריגט זיך מיט אנדערע?? אדער אפשר קוקן אויף זיינע הערליכע קאלירטע בעקישעס!
ביטע זיי מסביר וואס מקושר מיינט.

[ליטוואק פון בודאפעסט]

מ׳רעדט זיך אפ אז דער שטיבעל ווערט אלס פארוואנדעלט אין פערזענליכע שלעגעריי, לאמיר דא נוצען די געלעגענהייט צו רעדען איידעל.

דער פותח האשכול האט געפרעגט אז די צייט פארשווענדעניש אויף דער רבינ׳ס אייניקעל׳ס שמחה איז א ביטול תורה, פארוואס לאזען עס צו די מנהיגים פון חסידות׳ער. א פיינע קשיא.

ענטפערט דער קעניג פון אמעריקא אז דער בעש"ט\זיידעס האבען געהאלטען פון אן ענין פון התקשרות צדיקים.

טענה׳ט עמעזאן אז התקשרות צדיקים איז א מיטל צו עבודת ה׳, נישט קיין עבודה פאר זיך, און דעריבער בלייבט די שאלה, פארוואס דארף יעדער קומען צום חתונה פון דער רבינ׳ס אייניקעל, זאל יעדער קומען ווען ער דארף א הייב אין עבודת ה׳? נאך א שאלה פרעגט ער, וויאזוי ווערט א יורש פון מוסדות און בניינים א צדיק? (די שאלה קען מען לייכט פארענטפערען. מ׳קומט נישט אלס ר׳ ישכר דוב פון ירושלים׳ס אייניקעל, נאר אלס ר׳ ישכר דוב פון בעלזא׳ס אייניקעל. נאר צו דעם דארף מען פרעגען מאי אולמיה האי אייניקעל מהאי אייניקעל? א מאכנובקא חו א סקווערער אייניקעל איז פונקט אזא אייניקעל?)

יעצט, בעלזער ניקס וואס זענען שוין נאך די ברמצוה ווערען געבעטען, געמוטליכעהייט, ערקלערען זייער שטעלונג. עפרא לפומיה׳ס וועלען גארנישט אויפווייזען. ביטע ברענגען מקורות צו סברות. דא איז א פלאץ ווי ערוואקסענע מענטשען האבען נישט קיין מורא אריינצוטראכטען אין אלטע גלויבונגען צו זען צו זיי שטימען.

Sent from my LG-K373 using Tapatalk

[דערבער]

הערט אויס אלעס איז על פי סוד מען וועט פרעגען וועט עס נישט לוינען ווייל אלעס בשם התורה וחסידות

Sent from my SM-G955U using Tapatalk

[די קעניג פין אמעריקע]

מ׳רעדט זיך אפ אז דער שטיבעל ווערט אלס פארוואנדעלט אין פערזענליכע שלעגעריי, לאמיר דא נוצען די געלעגענהייט צו רעדען איידעל.

דער פותח האשכול האט געפרעגט אז די צייט פארשווענדעניש אויף דער רבינ׳ס אייניקעל׳ס שמחה איז א ביטול תורה, פארוואס לאזען עס צו די מנהיגים פון חסידות׳ער. א פיינע קשיא.

ענטפערט דער קעניג פון אמעריקא אז דער בעש"ט\זיידעס האבען געהאלטען פון אן ענין פון התקשרות צדיקים.

טענה׳ט עמעזאן אז התקשרות צדיקים איז א מיטל צו עבודת ה׳, נישט קיין עבודה פאר זיך, און דעריבער בלייבט די שאלה, פארוואס דארף יעדער קומען צום חתונה פון דער רבינ׳ס אייניקעל, זאל יעדער קומען ווען ער דארף א הייב אין עבודת ה׳? נאך א שאלה פרעגט ער, וויאזוי ווערט א יורש פון מוסדות און בניינים א צדיק? (די שאלה קען מען לייכט פארענטפערען. מ׳קומט נישט אלס ר׳ ישכר דוב פון ירושלים׳ס אייניקעל, נאר אלס ר׳ ישכר דוב פון בעלזא׳ס אייניקעל. נאר צו דעם דארף מען פרעגען מאי אולמיה האי אייניקעל מהאי אייניקעל? א מאכנובקא חו א סקווערער אייניקעל איז פונקט אזא אייניקעל?)

יעצט, בעלזער ניקס וואס זענען שוין נאך די ברמצוה ווערען געבעטען, געמוטליכעהייט, ערקלערען זייער שטעלונג. עפרא לפומיה׳ס וועלען גארנישט אויפווייזען. ביטע ברענגען מקורות צו סברות. דא איז א פלאץ ווי ערוואקסענע מענטשען האבען נישט קיין מורא אריינצוטראכטען אין אלטע גלויבונגען צו זען צו זיי שטימען.

Sent from my LG-K373 using Tapatalk

אויב גלייבסטו אין תורת הבעל שם ליין ווייטער וואס איך שרייב. אויב נישט דאן זעץ זיך עסן א שטיקל קאקאש קעיק בעסער ווייל די וועסט סיי ווי נישט פארשטיין וואס איך שרייב.

ע״פ תורת הבעל שם פארנעמט די אויבן אהן פון אידישקייט אין זיין מקושר צום רבי׳ן. צו ס׳איז ר׳ ישכר דוב פון ירושלים פאר א בעלזער חסיד. צו ס׳איז ר׳ישראל פון בני ברק פאר א וויזניצער חסיד צו ס׳איז ר׳דוד׳ל פון ראקלענד קאנטי פאר א סקווערע חסיד. נישט קיין חילוק צו זיי האבן געירשנט דאס רבנות פאסטן צו נישט. וואס ס׳קאונט איז אז די חסידים האבן זיך געפיקט דער איד פאר א רבי נישט קיין חילוק פארוואס זיי האבן איהם געפיקט איז ער רבי. פאקט איז אז די אלע חסידים לערנען א דרך אין עבודת השם ביי די אויבן דערמאנטע אידן. אט דאס מיינט א רבי. דאס אז די האלסט אז אין די פריערדיגע דורות זענען געווען גרעסערע רביס מאכט זיי נישט אויס רבי. אין די פאקט וואס די האלסט אז אין היינטיגע דור איז דא גרעסערע צדיקים ווי זיי מאכט זיי אויך נאך נישט אויס רבי. סך הכול אז די האלסט אז אנדערע זענען גרעסער דאן גא עהעד פיק די אנדערע אלץ דיין רבי. דאס מאכט אבער נישט אנדערע אידענס טשויס אויס. אנדערע אידען זענען אינטייטלד צו האבן זייערע רביס.

[דער גאלדענער אדלער]

וואס ס'קאונט איז אז די חסידים האבן זיך געפיקט דער איד פאר א רבי נישט קיין חילוק פארוואס זיי האבן איהם געפיקט איז ער רבי.

אויב דעיס איז דיין פאוינט אז די חסידים האבן געפיקט א רבי'ן, איז עס זייער א שוואכע פאוינט, ווייל די אלע רבי'ס וואס דו רעכנסט אויס האבן זייערע חסידים "נישט" געפיקט, די חסידים זענען דארט געבוירן געווארן אן צו קענען בוחר זיין אין וועלכע איינשטאלט זיי זאלן דינען.

[איש את רעהו]

וואס ס'קאונט איז אז די חסידים האבן זיך געפיקט דער איד פאר א רבי "נישט קיין חילוק פארוואס זיי האבן איהם געפיקט איז ער רבי".

WOW
חידושים בתורת החסידות
בספרי חב"ד ותורת ברסלב לא מצינו כזה
אגב 99% עולם האט נישט געפיקט, איין פראצענט אפשר פיקט זיך א רבי.

[וואלווי]

איך בין שוין העכער די בר מצוה און גיי פרובירן צו רעדען איידעלערהייט.

אביסעל דומה צום פותח האשכול'ס פראגע, אבער מער כלליות'דיג, באדערט מיך שוין יארן פון פאר די בר מצוה ווי אין גאנץ תורת החסידות ווערט מבואר די ענין פון זרע קודש, ענף עץ אבות, בנן של קדושים'ס, וכו'. חלילה נישט לקנטר ערענסט גערעדט דאס איז ווי ווייט איך ווייס ארויס געצויגן פון פון פינגער. אפי' אז ס'דא עפעס זכות אבות אדער איינער וועט אפיר זוכען עפעס מראה מקומות מהיכי תיתי ס'גייט נישט ארויף אויפ'ן ראש כולל פון דער קהילה אדער די חסידישע ראשי חבורה, אדער ווי מ'זאגט "גאד פארביד" אויף עפעס א תלמיד חכם און חסיד פון אן אנדערע קרייז.

אויב איינער האט עפעס לייטישע מראה מקומות זיי מוחל און פאוסט עס, האפענטליך וועט איינמאל פאר אלעמאל געסאלווד ווערען די קווענקעלנישן.