קאווע שטיבל

און אן איבעראשענדע אפ-עד שילדערט די ידיעות אין א לאנגער ארטיקל אז די חרדישע אידישקייט אזויווי מיר קענען עס איז א פארגאנגענהייט.

ער איז מסביר באריכות אז ס'פאלט אוועק שטיקער פונעם טראדיציע. אנגעהויבן מיט די לבוש און ווייטער מיט די לייפסטייל וואס נעמט אריין שטודירן און פרנסות. ווי אויך מיט השקפה ענינים ווי אינטערנעט וכדו'.

דא קענט איר לייענען די גאנצע ארטיקל.

פון זיין מויל צו גאט'ס אויער

יתרו האט געשריבן:פון זיין מויל צו גאט'ס אויער

מושב זקנים׳ס ברודער?

למעשה, יענער ארטיקל איז נערישקייטען געבויט אויף נאנסענס באזירט אויף דמיונות. הענג נישט דיין שווארצע הוט דערויף

Sent from my LG-K373 using Tapatalk

נישט ווילאנג מהאט פראגראמן צו גנבנן AKA ביטחון

די חדרים זענען קיינמאל נישט געשטאנען אזוי גיט ווי זיי שטייען היינט! קיינמאל נישט! נישט אין מספר און נישט מיט גארנישט...

לדעתי וואקסט עס אויף הייווען... וואס פאלט צוזאמען??? גארנישט פאלט נישט צאם! סווערט שטערקער פון טאג צו טאג און פון יאר צו יאר.

#שטותים מיט לאקשן

קורקלענד האט געשריבן:און אן איבעראשענדע אפ-עד שילדערט די ידיעות אין א לאנגער ארטיקל אז די חרדישע אידישקייט אזויווי מיר קענען עס איז א פארגאנגענהייט.

ער איז מסביר באריכות אז ס'פאלט אוועק שטיקער פונעם טראדיציע. אנגעהויבן מיט די לבוש און ווייטער מיט די לייפסטייל וואס נעמט אריין שטודירן און פרנסות. ווי אויך מיט השקפה ענינים ווי אינטערנעט וכדו'.

דא קענט איר לייענען די גאנצע ארטיקל.

געליינט דעם ארטיקל, עס איז נישט אז חרדיזם טוישט זיך נישט, נאר אז ער האט נישט די ריכטיגע באווייזן

די חרדים ווערען מער און מער.נאר וואס דען, דאס מושג חרדי באקומט אברייטערער משמעות. דער שרייבען פארשטייט דאס נישט.
אז זיי האבען אינטערנעט עקסעס און זענען אקטיוו אויף טוויטר מיינט נישט אז זיי ווערען אויס חרדים. אין אמעריקע זענען דא צעהנדליגער טויזענטער חרדים מיט די אללע זאכען און זיי זענען נאכאלץ חרדים לכל דבר. כל זמן אז זיי פיהרען זיך בדרכי אבות און זענען מחנך די קינדער בדרך אבותם זענען זיי חרדישע אידען.
לדעתי דארף מען יעצט האבען א מנהיג אין ארץ ישראל בדוגמת הגה״ץ ר׳ שרגא פייבל מאנדלוביץ זצל, זאל העלפען באלאנסירען דעם עולם אביסעל.

Aint gonna happen
אן וואלן אין מועצת קענען זיי אלס פארלירן

שבת אחים האט געשריבן:די חדרים זענען קיינמאל נישט געשטאנען אזוי גיט ווי זיי שטייען היינט! קיינמאל נישט! נישט אין מספר און נישט מיט גארנישט...

לדעתי וואקסט עס אויף הייווען... וואס פאלט צוזאמען??? גארנישט פאלט נישט צאם! סווערט שטערקער פון טאג צו טאג און פון יאר צו יאר.

#שטותים מיט לאקשן

דער שרייבער טייטלט אויף אן ערשיינונג אז עס אנטוויקלט זיך א דאפלטע סטאנדארט צווישן חרדים וואס איז קיינמאל נישט געווען, נעמליך אז עס זענען דא געזעצן אין די עפנטליכקייט, מען טאר נישט אפיציעל האבן א סמארטפון, מען דארף זיך אויפפירן לויט געוויסע כללים, אבער אין פאקט איז די רעאליטעט שטערקער פון אלע תקנות און גזירות, און עווענטועל אנטוויקלט זיך א קריטישע מאסע פון חרדים וועלכע זענען מיט איין פוס אינעווייניג אבער זענען מער אפן צו די וועלט, א ערשיינונג וועלכע איז קיינמאל נישט געווען, די פאקט אז אזא ארטיקל ווערט געליינט און דעבאטירט דורך חרדים איז א נייע ערשיינוג, עס איז רגיל על לשוני אז ״א חרדי וואס ווייסט אז ער איז א חרדי איז נישט קיין חרדי״ די חרדי׳שע ציבור פלעגט זיין אמאל א אפגעזונדערטע געטא אין וועלכע מען האט נאר געהערט די אייגענע ווידערקול, מען האט זיך נישט אנגעקוקט פאר חרדים נאר ענדערש פאר ״אידן״ וועלכע געבן איבער דעם פאקל פון סיני צו די ווייטערדיגע דורות, די עצם פאקט אז מיר ווייסן היינט אז מיר זענען א טייל פון די ברייטערע וועלט, און מיר האלטן אפ א דיאלאג מיט די דרויסנדיגע גאס איז שוין א ״געים טשעינדשער״ אבער לאמיר האפן אז צום גוטן, טיילמאל קען אזא צומישעניש אן קיין קלארע פירערשאפט פירן צו כאאס און ראדיקאליזם (אזוי ווי מען זעהט שוין אז עס פאסירט, אבער פון די אנדערע זייט פאסירן אויך פאזיטיווע שינוים, לאמיר האפן אז די זייט פון נארמאלקייט און ציוויליזאציע וועט זיגן)

א גיטן איש עברי

עס איז גוט אייך צוזעהן דא מיט אונז.

ביזט גערעכט מיט די פוינט.

חרדזים as a whole וואקסט און בליעט. אמאל איז עס באשטאנען פון א קליינע מספר פון מענטשען, אין צוויי דריי געגענטער (געטאס) אלזא איז איז עס געוועהן גאר גרינג צוהאלטן די מענטשען פארמאכט גרינגערהייט און געוועלטיגען אויף יעדעם איינעם. היינט ווען סהאט זיך אזוי צוגעוואקסן אויף אלע זייטן, ספעציעל אין די עפאכע פון סמארטפאונס און די אינטערנעט איז אסאך שווערער צוהאלטן די מענטשען פארמאכט.

צוויי זאכן האבן געטוישט די equation

(געים טשעינער ווי דו רופסט עס)

1)די ציבור איז היינט פיהל מאהל מעהר אין צאל ווי אמאל

2)מיט די אינטערנעט און סמארטפאונס וואס יעדער שמויגער נוצט היינטיגע צייטן איז אסאך שווערער צוהאלטן א מענטש געצוימט.

ביסט גערעכט אז מיט די צייט ציעט אלעס מעהר און מעהר צו לינקס און די מענטשען ווערן מיט די צייט מעהר און מעהר ליבעראל, ווען מכאפט זיך פיינעלי אז רעליגע מוז נישט זיין אזוי עקסטרים, עכ״פ עס איז צו דערווארטען און צוהאפן אז די מענטשען אויף דער וועלט זאלן ווערן קלוגער און קלוגער מיט די יאהרן און וואס מעהר זיך אפדעיטן צו די היינטיגע פארגעשריטנע צייטן ווי איידער זיין שטעקן אין די אלטמאדישע פארצייטישע פארגאנגענהייט...

דו האסט אנגעוויזן אויף די ריבוי הכמות אלס א סתירה צו דעם ארטיקל, במחשבה שניה אפשר איז דיין רעאקציע געווען סארקאסטיש.
לגבי דיין האפענונג, עס איז צום האפן אז דער ציבור וועט טרעפן א באלאנס, אנהאלטן די טייערע און שיינע טראדיציעס, האלטן טייער אונזער אויסנאמליכע אחדות און געמיינזאמשאפט, אבער גלייכצייטיג זיך צופאסן צום מציאות.

סאיז בעיסיקלי א פשוטע mathematical חשבון.

אמאל זענען די היימישע באשטאנען פון צוואנציג ביז דרייסיג טויזנט נפשות. רוב מענטשען ווארפן נישט אזוי שנעל אוועק די רעליגע מיט וואס זיי זענען אויפגעוואקסן, די גירסא דינקתא פארבלייבט אין די ביינער, ספעציעל ווען מאיז נישט נאר אויפגעוואקסן אין א ״רעליגע״ נאר אויך אין א געוויסע ״קולטור״ און עטנישקייט מיט א אייגענע קאמיונטי, אייגענע שפראך, און אייגענע עסען, וכו׳ וכו׳, ממילא האט זיך קיינער נישט דערוואגט צו אנטלויפן און אפלאזן די אויסגעטרעטנע וועג, ספעציעל אז ער האט געהאט גאר גרויסע שאנסן צו פארלירן זיין משפחה, חבירים, און אפילו די אייגענע קינדער, האט זיך קיינער נישט דערוואגט צוטוהן אזא זאך כמעט, סאיז נאר געוועהן גאר איינצלע וואס האבן געהאט די גאטס אבערצולאזן די קאמיונטי און סאיז נאר געוועהן צוויי דריי דא און דארט. אבער וואס מעהר די עולם איז זיך צו וואקסן איז געווארן א גרעסערע טשאנס אז ס׳זאלן זיין ״אויבער חכמים״ וואס וועלן גיין קעגן זייער אייגענע קאמיונטי און משפחה. קודם האט זיי יעדער אנגעקוקט ווי זיי זענען אראפעפלויגן פון די לבנה, מיט די צייט זענען מעהר און מעהר ארויסגעקומען פון די קלאזעטס, און מ׳האט געזעהן אז אטד קען געשעהן ביי יעדע שטוב, פון די שענסטע און די בעסטע הייזער ווי אפילו ביים רבינס שטוב, דער דיין, דער מעיאר פון שטעטל, דער נגיד, דער עסקן, דער כולל אינגערמאן, און מיט די פארשפרייטונג פון סאושעל-מידעא האבן זיך די ״אויסגעשפיגנע״ געקענט האלטן אביסל צוזאמען און זיך מחזק זיין איינע דעם צווייטן, ביז סאיז געקומען צו די היינטיגע מצב אז אין בית אשר אין שם מת, אטד איז געווארן א נארמאלע ערשיינונג, און סאיז צוריקגעפארן צו די זעלבע זאך ווי פאר די קריג (כמעט).

אין דער אלגעמיינע וועלט, האט דער אינטרנט געברענגט מער ראדיקאליזם. פארוואס? ווייל וויבאלד מ׳האט אן אויסוואל פון נייעס קוועלער און פארוויילונגס ערטער, פיהל מער ווי אמאל, קלויבט מען אויס די אייגענע. א רעכטער ווערט מער רעכט, ווייל ער שטויסט זיך קיינמאל נישט אן מיט א לינקע, וכן להיפך. ווען איך האב דאס געכאפט, האב איך פארמאכט מיין פעיסבוק קאנטע. אלץ אין מיין פי"ד איז געווען געווידמעט צו מיין פארגאנגענהייט, אלץ קעגען טראמפ אדער חסידישע גרופעס וכדו׳.

ביי אונז איז עס נאך נישט אזוי. דער איסור אויף אינטרנט האט אויפגעטוהן (!) אז יעדער וואס באקומט א סמארטפאון צו אינטרנט, לויפט גלייך צו דער ברייטע וועלט, ווייל חרדישקייט איז אזוי נישט דא. און די ענגליש רעדענער איז אפגערעדט אזוי. ס׳איז נישט דא קיין שום אינטרעסאנטע סייט פאר חרדים אויף ענגליש, נאר הינקעדיגע שטותים. אויף אידיש האט אייוועלט מער וויסענשאפטען (פאר די וואס זענען אין דער באקס און זוכען נישט ארויס צו גייען), אויף ענגליש האט מען דער נערישע אפגעריסענע יעשיווע ווערלד וואס פארטרעט נישט קיינעם.
דעריבער איז דער אינטרנט א געפאר.

אגב, וועלקאם בעק אישעברי.

עס איז דא אזא טעאריע אז די אינטערנעט האלט אפ פראגרעס אין די עכטע וועלט וויבאלד מענטשן מאכן זיך באקוועם אין א ווירטואלע רעאליטעט און געבן זיך דארט אויס, בייזערן זיך, שמועסן זיך אויס מיט פריינט, און די זעלבע צייט טוען זיי פארנאכלעסיגן די סביבה אין וועלכע זיי לעבן און טוען ווייניגער צו טוישן. לדעתי איז דאס איינע פון די טראגעדיעס פון די אינטערנעט אז געלונגענע און טאלאנטפולע מענטשן וואס פלעגן אמאל נישט האבן קיין אנדערע פלאטפארמע ווי צו אויסגעבן זייערע טאלאנטן ווי אינערהאלב זייער אייגענע געמיינדע אדער געגענט, אבער היינט מאכט זיך ווירטואלע קהלות און מען מאכט זיך באקוועם אויפ׳ן געוועב אין די צייט וואס די מרחב הציבורי לאזט מען איבער פאר ראדיקאלע ראבינאוויטשעס און קרישעווסקי׳ס למיניהם...
למעשה איז דאס בלויז איין זייט פון די מטבע, פון די אנדערע זייט טוט די פאקט אז מענטשן ווערן מער אפן צו וויסנשאפט און לאגיק אומדירעקט משפיע זיין אויפ׳ן צייטגייסט, מיין האפענונג איז נאר אז עס וועט זיך מאכן א קהלה/סביבה/געגענט אין די עכטע וועלט ווי עס זאל זיין א באקוועמע אטמאספערע פאר רעכט דענקיגע מענטשן וואס זוכן א באלאנסירטע לעבנסשטייגער, אוועק פון די ראדיקאלע שגעון וואס באנעמט אונזער מחנה, און אויך מיט די פולסטע רעספעקט פאר תורה ומסורה. מי יתן והי׳.

ליטוואק פון בודאפעסט האט געשריבן:אין דיר אלגעמיינע וועלט, האט דער אינטרנט געברענגט מער ראדיקאליזם. פארוואס? ווייל וויבאלד מ׳האט אן אויסוואל פון נייעס קוועלער און פארוויילונגס ערטער, פיהל מער ווי אמאל, קלויבט מען אויס די אייגענע. א רעכטער ווערט מער רעכט, ווייל ער שטויסט זיך קיינמאל נישט אן מיט א לינקע, וכן להיפך. ווען איך האב דאס געכאפט, האב איך פארמאכט מיין פעיסבוק קאנטע. אלץ אין מיין פי"ד איז געווען געווידמעט צו מיין פארגאנגענהייט, אלץ קעגען טראמפ אדער חסידישע גרופעס וכדו׳.

ביי אונז איז עס נאך נישט אזוי. דער איסור אויף אינטרנט האט אויפגעטוהן (!) אז יעדער וואס באקומט א סמארטפאון צו אינטרנט, לויפט גלייך צו דער ברייטע וועלט, ווייל חרדישקייט איז אזוי נישט דא. און די ענגליש רעדענער איז אפגערעדט אזוי. ס׳איז נישט דא קיין שום אינטרעסאנטע סייט פאר חרדים אויף ענגליש, נאר הינקעדיגע שטותים. אויף אידיש האט אייוועלט מער וויסענשאפטען (פאר די וואס זענען אין דער באקס און זוכען נישט ארויס צו גייען), אויף ענגליש האט מען דער נערישע אפגעריסענע יעשיווע ווערלד וואס פארטרעט נישט קיינעם.
דעריבער איז דער אינטרנט א געפאר.

אגב, וועלקאם בעק אישעברי.

אמת. ס׳וועט זיך אלץ מאכן איינער וואס איז ראדיקאל אז ער וועט טרעפן ראדיקיליזם אויפן נעט.
אבער ווען די קוקטס אן די ״אקטואלע נומבערס״ זייט די אינטערנעט האט זיך אנגעהויבן ביז היינט האט רעליגע פארלוירן 25 פראצענט.

אלזא דיין טעאריע שטימט און ריפלעקט נישט די ״אמתע מציאות״.

אינטערנעט איז א גיטע זאך פאר סאסייעטי לדעתי און סהאט געברענגט די מענטשהייט צו גאר א נייע סאפיסיטיקעט וועלט, וואס מיט דעם קען מען מאכן פארשריט אין יעדע עספעקט אין אונזער לעבן און אונזער סאסייעטי.

יעדע זאך קען מען אויסנוצן אויף ביידע וועגן...

שבת אחים אבער ווען די קוקסט אויף די 'אקטואלע נומערן' וועסטו זעהן אז א רעדוקציע אין רעליגיע איז נישט קיין שום מעלה. עס ברענגט נישט צופיל גוטס.

א לעבן אונטער רעליגיע ברענגט מער צופרידענהייט וכדו'.

על כל פנים דאס איז נישט קיין לדעתי. נאר איך האב אמאל געליינט ערענסטע שטודיעס אויף דעם.

@איש עברי איר זאגט ערענסטע דברים של טעם. איך בין נישט איבערצייגענד אז יענע חילוני האט אט דאס געמיינט. איר שרייבט מער צו דער זאך ווי איהם.

לכאורה רעדען זיך די ישראלים איין אז ווען דער חרדי גייט ארויס ארבעטען ווערט ער אויס חרדי.

ווען זיי קוקן אויף די אמעריקאנער חרדים וואלטען זיי געזעהן אז חרדים קענען ארבעטן און בלייבן חרדים.

מצד שני, לכאורה שטערט נישט פאר די ישראלים חרדים וואס ארבעטען, און טאקע דאס ווילען זיי מיט דער גיוס נישט גיוס אז די חרדים זאלען ווערען נארמאלער בעלי אחריות מיט פרנסות וכו', נישט דוקא אפשמד'ן דער עולם ווי מען לייגט פאר.

און אין דער סענס איז דער ארטיקל גערעכט.

לכאורה רעדען זיך די ישראל חרדים איין אז ווען דער חרדי גייט ארויס ארבעטען ווערט ער אויס חרדי.

ליטוואק דא איז אויך ניש גוט פאר דיר

קורקלענד האט געשריבן:שבת אחים אבער ווען די קוקסט אויף די 'אקטואלע נומערן' וועסטו זעהן אז א רעדוקציע אין רעליגיע איז נישט קיין שום מעלה. עס ברענגט נישט צופיל גוטס.

א לעבן אונטער רעליגיע ברענגט מער צופרידענהייט וכדו'.

על כל פנים דאס איז נישט קיין לדעתי. נאר איך האב אמאל געליינט ערענסטע שטודיעס אויף דעם.

@איש עברי איר זאגט ערענסטע דברים של טעם. איך בין נישט איבערצייגענד אז יענע חילוני האט אט דאס געמיינט. איר שרייבט מער צו דער זאך ווי איהם.

״כהאב אמאל געליינט״ העלפט מיר נישט, לאמיר ביטע זעהן די שטודיעס און נאכדעם וועלן מיר רעדן ווייטער. דערווייל פארשטייט יעדער נארמאלע מענטש פארקערט. גלייבן אין עפעס בלינדערהייט מאכט נישט קיין מענטש בעסער. כמעט אלע מחלוקות און קריגערייען זייט די וועלט שטייט איז געקומען ווייל מ׳האט געגלייבט אין עפעס...

אפילו קאמיוניזם איז דער פראבלעם געוועהן אז זיי האבן געגלייבט אז אויב מ׳וועט נאר אפהארגענען און אויסרייסן אלע שלעכטע ״דערנער״ וועט די וועלט זיין ממש א גן עדן, אריינגערעכנט אויסרייסן יעדעמס רעליגע און אידיאלגעס חוץ זייער אייגענע בעלאוני.

אלע גרויסע וועלטליכע פראבלעמען כמעט שטאמט פון ארגאנייזט רעליגע און די מערסטע רשעות, רציחה, און בלוט איז פארגאסן וועגן רעליגע, יעדער חדר-יונגל וואס האט שוין געלערנט קמץ בית ווייסט דעס, איך האב עס ערגעץ געליינט, נישט אויף איין פלאץ, נאר וועלכע היסטאריע בוך די כאפסט אן וועסטו זיך אנשטויסן מיט הריגות און רציחות פון איין גלויבן צום צווייטן...
און נישט אלע זענען פעיק ניוס... סאיז דאקיומענטירט געווארן... קיינער לייקענט דאס נישט. פארשטייט זיך אז יעדער פוינט די פינגער אויף די צווייטע רעליגע אז זיי זענען די שולדיגע, די ארונים שרייען אז די זאלונים זענען שולדיג און די פאלעסטינער שרייען איז די ישראלים זענען שולדיג, די בלעימען געים איז אין פולן קראפט...אייביג איז יענע רעליגע שולדיג, ח״ו נישט די אייגענע.

מענטשען וואס לעבן אינטער רעליגע לעבן ״נישט״ מעהר א צופרידנע לעבן... צופרידנהייט און גליקליכקייט איז נישט פארבינדען מיט רעליגע, סהאט צוטהן מיט די מענטש אליינס און זיין בליק אויף לעבן... און מיט נאך אסאך אנדערע זאכן, אבער סתם ווייל מאיז צוגעווינט צו א געוויסע לעבן פון קינווייז אן מאכט נישט יענעם מעהר פרייליך ווי איינער וואס איז אויפגעוואקסן סעקיולער.

שטותים מיט לאקשן, וואס מ׳קען קלאר אויפווייזן אלץ פאלש און ריינע רעליגעזע און אנטי-סעקיולער פראפעגאנדא...!

קען זיין ביסט גערעכט שבת,

די קענסט זאגען, ווען ביסטו געוועהן מער צופרידן פארען פורש זיין אדער יעצט נאך פורש זיין?

פארשטייט זיך גייסט זאגען נאך פורש זיין!! א נארישער שאלה, אבער אויב די וועסט מסביר זיין מיט דוגמאות וועט מיר דיר אפשר גלייבן.

פרעג א לב טהור דעפעקטירער. אינעווייניג פילט מען נישט וויפיל פעק מהאלט אין איין ארויפאקן, מיט כתיבת התלמוד,הלכה, התגלות הזוהר,קבלה, חסידות, דאלטער רבי, מיטלר, לעצטע, היינטיגע וכו וכו

כפול

דער גאנצע נומער פון 25% רעדוקציע אין רעליגיע זינט דער אינטרנט זעט מיר אויס גאנץ נישט אין פלאץ. ווער קען זאגען וויאזוי ס׳איז געשען?
יעדער וואס קען פרומע אידען פארשטייט גלייך ווי נישט צו דער זאך איז געווען דער pew institute research אויף ארטאדאקסישע אידען, מטיבן של קרובים אתה יודע טיבן של רחוקים. יעדער טרעפט וואס ער וויל.