קאווע שטיבל

נשלח: **מאנטאג אוגוסט 21, 2017 11:10 am**

רימעניווער רבי וואס האט שוין געזעהן פילע עתידות ווי ווי איז לייבי קלעצקי און נאך זאגט פאר א נביאות אז ס'קימט א בירגער קריג.

חברה פאקסט פעק און לויפטס...
http://m.bhol.co.il/article.aspx?id=81678

נשלח: **מאנטאג אוגוסט 21, 2017 11:19 am**

שרעקעדיג אז מקען אזוי זאגן

נשלח: **מאנטאג אוגוסט 21, 2017 11:22 am**

כהאף מוועט נישט דרעפטן ישיבה לייט

נשלח: **מאנטאג אוגוסט 21, 2017 11:24 am**

קודם כל, פארוואס האט ער זיך דערמאנט פונקט ווען ס'שוין הייס?
ווען איך בין א נביא זאג איך עס ווען קיינער וואלט אזאנס זיך נישט פארגעשטעלט.
צווייטענס, ס'איז א win win situation, מ'קען תמיד זאגן אז ס'גייט אט אט קומען, אזוי ווי די וואס שרייען שוין די לעצטע פאר יאר אז ס'קומט א ריזן עקאנאמי קראך.

נשלח: **מאנטאג אוגוסט 21, 2017 11:25 am**

לויט די באריכט האט רבינו שליט''א אליינס מעיד געווען אז שכינה מדברת מתוך גרונו, וואס איז שייך זיך צו טענה'ן אויף דעם.

In addition the Rebbe explained, saying, "I am a man of the few in our time who can say that, for it has been published that my eyes see far and wide, like finding the child Leibi Kletzky hy"d and the three boys in Halhul and dozens missing, where others do not have permission to see and order, and I have been planted in this generation by Hashem and Divine Providence, as known, that when I have to talk in public and give instructions I do so when the Divine Presence speaks from my throat, and wherever my name reaches, it is known that those who listen to me shall dwell assured".

נשלח: **מאנטאג אוגוסט 21, 2017 4:52 pm**

ער זאגט אז איינמאל די בירגער קריג ברעכט אויס וועט מען נישט קענען קראסן סטעיט ליינס. דאס איז זייער ביטער! ס'מיינט איך וועל נישט קענען פארן פון קרית יואל קיין וויליאמסבורג אויף שמחת תורה דורך די דזשארדש וואשינגטאן בריק. כ'וועל מיזן נעמען די טאפאנזי בריק. כ'האב נישט קיין כוח דערצו! כ'בלייב אין ק"י אויף יו"ט.

נשלח: **מאנטאג אוגוסט 21, 2017 5:13 pm**

קל וחומר האט געשריבן:קודם כל, פארוואס האט ער זיך דערמאנט פונקט ווען ס'שוין הייס?
ווען איך בין א נביא זאג איך עס ווען קיינער וואלט אזאנס זיך נישט פארגעשטעלט.

Old Article
Moshe Weisberg 23:48 26/03/2015

נשלח: **מאנטאג אוגוסט 21, 2017 5:47 pm**

לכאורה רעדט ער פין וויזניץ, ווייל סאטמאר און באבוב האבן שוין געהאט א בירגער קריג.

נשלח: **מאנטאג אוגוסט 21, 2017 7:24 pm**

ער איז מעיד אויף זיך אז ער האט געוויסט פון לייבי קלעקצי ע"ה און נאך, קען איינער באשטעטיגן, קראנט מיט באווייזן אז ער האט טאקע געוויסט. אויב נישט איז דאך אפגערעדט אז עס איז לופט, אויב האט ער יא געוויסט, קען מען אנהייבן דעבאטירן צו ער רעדט פון היץ צו נישט.

נ.ב. אז ער האט געוויסט ביי לייבי ע"ה, וואס איז די רשעות אז ער האט נישט פארציילט פאר מען האט אים געבוטשערט?

נשלח: **מאנטאג אוגוסט 21, 2017 8:07 pm**

ער האט יא פארציילט ביי לייבי, דורכן גיסן בליי איז ער געוואויר געווארן וואו ער איז, מען האט אים דארט אנגעהויבן צו זוכן. מען האט געמיינט אז ער מיינט א קירכע וואס געפינט זיך אויף יענעם גאס, ווען מען האט אים נישט געפונען דארט האט מען אפגעשטעלט די זוכעריי. פארוואס נישטערן אין פרעמדע הייזער ע"פ צוואתו פון עפעס א באבא?

למעשה האט ער שוין פארגעזאגט פילע אנדערע זאכן וואס זענען אבסולאט דורכגעפאלן. ווי די הושענא רבה נוקלעארע מלחמה לעצטע יאר... ער איז א ריזיגער בעל דמיון, ער קען די חכמה פון אויפזוכן פארלוירענע מענטשן, ער האט שוין כמ"פ געטראפן מענטשן אויסער לייבי. אבער אויסערדעם ווייסט ער נישט בחייכון... חברה, גלייבסט מיר...

א בירגער קריג איז נישט קיין חכמה פאראויס צו זאגן היינט, אויב האט ער אינטערנעט קאנעקשין...

נשלח: **מאנטאג אוגוסט 21, 2017 8:27 pm**

יואליש האט געשריבן:ער זאגט אז איינמאל די בירגער קריג ברעכט אויס וועט מען נישט קענען קראסן סטעיט ליינס. דאס איז זייער ביטער! ס'מיינט איך וועל נישט קענען פארן פון קרית יואל קיין וויליאמסבורג אויף שמחת תורה דורך די דזשארדש וואשינגטאן בריק. כ'וועל מיזן נעמען די טאפאנזי בריק. כ'האב נישט קיין כוח דערצו! כ'בלייב אין ק"י אויף יו"ט.

פארן שמח"ת אין וויליאמסבורג? דארטן זעלבסט האט שוין פאסירט א בירגער קריג, כידוע.

נשלח: **מאנטאג אוגוסט 21, 2017 8:32 pm**

איי איי, ווי זענען די ווידעאס? דאס איז געווען א זאך.

נשלח: **מאנטאג אוגוסט 21, 2017 9:00 pm**

איסר האטלקי האט געשריבן:ער האט יא פארציילט ביי לייבי, דורכן גיסן בליי איז ער געוואויר געווארן וואו ער איז, מען האט אים דארט אנגעהויבן צו זוכן. מען האט געמיינט אז ער מיינט א קירכע וואס געפינט זיך אויף יענעם גאס, ווען מען האט אים נישט געפונען דארט האט מען אפגעשטעלט די זוכעריי. פארוואס נישטערן אין פרעמדע הייזער ע"פ צוואתו פון עפעס א באבא?

למעשה האט ער שוין פארגעזאגט פילע אנדערע זאכן וואס זענען אבסולאט דורכגעפאלן. ווי די הושענא רבה נוקלעארע מלחמה לעצטע יאר... ער איז א ריזיגער בעל דמיון, ער קען די חכמה פון אויפזוכן פארלוירענע מענטשן, ער האט שוין כמ"פ געטראפן מענטשן אויסער לייבי. אבער אויסערדעם ווייסט ער נישט בחייכון... חברה, גלייבסט מיר...

א בירגער קריג איז נישט קיין חכמה פאראויס צו זאגן היינט, אויב האט ער אינטערנעט קאנעקשין...

רבותיי:איך גיס בליי א יעדן טאג. ס'הייסט. נישט איך אליינס. נאר מיין רבי דער בעל עיני הישועה שליט"א, תמ"ל גיסט בליי אין מיין שליחות איעדן טאג אום 3 אזייגער פארטאגס. ס'איז נאר דא איין פראבלעים. די סאניטעישן דעפארטמענט האט אויסגעפונען. און זיי וויללן אז די רבי שליט"א זאלל איבערנוצן די געגאסענע בליי. ריסייקלינג, בלע"ז. אבער מיין רבי האט זיי מסביר געווען אז די געגאסענע בליי קענמען שוין מער נישט איבערניצן. ווייל ס'קומען דארט ארויס אלערליי צורות פון בערן און לייבן און אדלערס. און אויב מ'וועט עס וועללן נאכאמאל אויפלאזן וועללן די אלע חיות זיך נעמען שרייען מיט באנומענע קולות. אז אלע שכנים וועללן זיך אויפוועקן. אבער פארוואס גיסט מיין רבי בליי...? כדי צו וויסן וואו דער סטאק מארקעט האלט. אויך מיינע ריעל עסטעיט פראפערטיעס. די גרויסע קאמערשל בילדינגס וואס איך פארמאג אין ניו דזשערסי. און מיין רבי האט געזאגט אז ער האט געזעהן אין די געגאסענע בליי אז ס'וועט נישט זיין קיין בירגער קריעג. אין זכות פון כולל חצות. און תהילים כולל...!

נשלח: **דינסטאג אוגוסט 22, 2017 2:25 am**

דא רעדט מען פון א איד וואס איז אויפגעקומען מיט א געניאלע בייפאל פאר פרייע פובליסיטי

לויט זיינע חזיונות איז שוין משיח לאנג דא, די גאנצע וועלט חרוב, ארץ ישראל נאך א נוקלערע אטאקע, די מענטשליכע מין אראפגעווישט פון די מאפע, נו וויאזוי קען איצט פארקומען א ברודער קריג?

אינטערסאנטער איז, אויב איז ער אזוי קראנט אז זיינע לאקשן פארקויפט זיך אויף העדליינס, פארוואס טרעפט זיך נישט קיין איין מענטש, אינקלאדעט ער זעלבסט צו פארלאזן אמעריקא. #קראנק

נשלח: **דינסטאג אוגוסט 22, 2017 8:07 pm**

ביי מנחם שטארק האב איך געהערט אז ער האט שוין געזאגט פרייטאג נאכמיטאג אז ער איז פארברענט און ער האט אפילו געזאגט ווי, איך האב אבער געהערט דערפון אפאר וואכן שפעטער סאו איך ווייס נישט ווי קראנט ס'איז.

נשלח: **דינסטאג אוגוסט 22, 2017 8:09 pm**

ס'איז מסתמא געווען א ווערטל, ווייל איך ווייס בידוע אז ער האט דעמאלטס גארנישט געזאגט.

נשלח: **דינסטאג אוגוסט 22, 2017 8:36 pm**

מוזיק עקספערט: דו קענסט גאנץ רואיג זיין אז ער האט גארנישט געזאגט. און אפילו ער האט געזאגט האט ער גערעדט הוילע שטותים מיט לאקשן. ס'איז נאך קיינמאל נישט געווען ביי סיי וועלכן פאל אז איינער זאלל קלאר ארויסזאגן פונקטליך וואו מ'קען געפונען דעם פארלוירענעם מענטש. אונז האמיר געזעהן ביי דעם הייליגן מישקלאצער אין א"י וואו ער האט געזאגט אז די בחורים לעבן. און אויב די מאמעס וועללן באקן חלות וועללן די בחורים אפיהרקומען. ווען זיי זענע שוין געווען צושניטן, רח"ל...!

נשלח: **דינסטאג אוגוסט 22, 2017 9:23 pm**

איך כאפ מיך יעצט איך האב אריינגעלייגט דעם אשכול אין די ראנג פלאץ איך האב עס געדארפט אריינגעלייגן אין א שמייכל

נשלח: **מיטוואך אוגוסט 23, 2017 8:14 pm**

[justify][/justify]ער האט א היסטאריע פון מאכן היסטאריע

מען ברויך איהם איינזעצן אין תפיסה פאר'ן לאזן הרג'ענען לייבי קלעצקי בעת די גאנצע וועלט האט געווארט מיט אנגסט אז מען זאל איהם געפינען און ער האט 'געוויסט' ווי ער געפינט זיך

נשלח: **מיטוואך אוגוסט 23, 2017 8:16 pm**

איסר האטלקי האט געשריבן:ער האט יא פארציילט ביי לייבי, דורכן גיסן בליי איז ער געוואויר געווארן וועלכע גאס ער איז, מען האט אים דארט אנגעהויבן צו זוכן. מען האט געמיינט אז ער מיינט א קירכע וואס געפינט זיך אויף יענעם גאס, ווען מען האט אים נישט געפונען דארט האט מען אפגעשטעלט די זוכעריי. פארוואס נישטערן אין פרעמדע הייזער ע"פ צוואתו פון עפעס א באבא?
.

נשלח: **זונטאג אוגוסט 27, 2017 8:12 am**

בקיצור, זיין מגיד ווייסט נאר וועלכע גאס, נישט וועלכע הויז, וועלכע שטוב, עפעס א צובראכענע דזי.פי.עס. פין בערעל בעל עגלה.

און דאס אז ער האט געוויסט וועלכע גאס, איז אויך נאך נישט אזוי זיכער, בשעתו האב איך געזיכט איינער זאל עס מיר קאנפארמירען, און נישט געטראפן. כלומר, נאך דעם וואס מען איז דערגאנגן שפירען אז לייבי איז געגאנגען צו אכצען און פיר און פערציג צו דער געגענט פין דער דענטיסט, האבען אלע' שומרים און וואלענטירן אנגעהויבן גיין אין יענעם ריכטונג, (עס איז אלץ געווען א צד אז ער איז געגאנגען ארויפציר), און בתוכם דער רימונובער וואס איז מיט געגאנגן מיט די זוכערס, און מענטשן זוכערס גלייבען דאך, און ווילען טרעפען, און זיי זאגען פאר דעם רימונובער, און דער רימונובער זאגט זיי, און עס איז דא א מעשה צו דערציילען.

איבער צו חזר'ן דער מעשה אביסעל, לייבי איז פארלוירן געגאנגען אויף א זונטאג? נאכמיטאג, מען האט אים הערשט געטראפען מאנטאג ביינאכט אדער דינסטאג פארטאגס. זונטאג אגאנצע נאכט זענען שומרים ארום געפארן מיט הויכע מייקס און געשריגען לייבי, מאנטאג אינדערפרי איז איינער גערמאן געלונגען צו באקומען דער פוטאדזש פין דער שיך סטאר פעילעסס אויף דרייצען, און קלאר אויפגעוויזן אז לייבי איז דארט נישט אדורך, פין דארט האט ער באקומען דער פוטאדזש פין ווארייעטי קארנער, וואס דארט האט ער געזעהן אז לייבי איז יא אדורך, פין דארט איז ער געגאנגען ווייטער ארויף פיר און פערציג.

אגב,שומרים מעמבערס האבען שוין געקוקט אין מיטען דער נאכט אויף ווארייעטי קארנער קאמערא, און "גארנישט" געזעהן, להודיעך כחן של שומרים.

ממילא, ביי צוועלעף אזייגער אין מיטען טאג, האט מען שוין מער ווייניג געהאט אויסגעשלאסען פין זוכען אלע אנדערע געגענטער. ווייסט איינער ווען די מעשה מיט דער רימונובער האט געזאלט פארקומען? איך שטעל מיר פאר נישט פאר דריי אזייגער נאכמיטאג. יישר כח רימונובער, ביסט א שקרן.

נשלח: **זונטאג אוגוסט 27, 2017 11:14 am**

נאר א שקרן און א פאנטאזירער...?! א שארלאטאן. וועלכער נוצט אויס יענעם'ס טראגעדיע ל"ע זיך איינצורעדן אז ער וועט יעצט גרויס ווערן. און זיינע מעגאלאמאנישע חלומות וועללן מקויים ווערן איבער נאכט. נאר די אלע קעלבלעך וועלכע זענען איהם נאכגעלאפן און האבן ..."געגלייבט".. אין איהם זענען אויכעט שולדיג...!

נשלח: **זונטאג אוגוסט 27, 2017 2:12 pm**

יואליש האט געשריבן:ער זאגט אז איינמאל די בירגער קריג ברעכט אויס וועט מען נישט קענען קראסן סטעיט ליינס. דאס איז זייער ביטער! ס'מיינט איך וועל נישט קענען פארן פון קרית יואל קיין וויליאמסבורג אויף שמחת תורה דורך די דזשארדש וואשינגטאן בריק. כ'וועל מיזן נעמען די טאפאנזי בריק. כ'האב נישט קיין כוח דערצו! כ'בלייב אין ק"י אויף יו"ט.

ק"י און וויליאמסבורג זענען נישט צוויי אנדערע סטעיטס? כ'על מוזן אויסהערן קאנטרי יוסי נאכאמאל מאכן זיכער...

קאווע שטיבל

נבואות פינעם רימעניווער רבין : א בירגער קריג איז אויפן וועג

נבואות פינעם רימעניווער רבין : א בירגער קריג איז אויפן וועג

Re: נבואות פינעם רימעניווער רבין : א בירגער קריג איז אויפן ו

Re: נבואות פינעם רימעניווער רבין : א בירגער קריג איז אויפן ו