קאווע שטיבל

אצינד איז געווען כ"א כסלו ווען תלמידי רבינו יואל מסאטמאר פייערען דעם נס הצלה איז כדי ארויפצוברענגען די מעשה פון די באן ווי אזוי די סאטמאר רבי איז געראטוועט געווארען דורך א ציניסט ישראל קסטנער, חסידי סאטמאר פארציילען גאר אז די רבי האט געראטוועט די באן! ווער עס ווייסט מער אינפארמאציע איבער דער קאפיטעל היסטאריע איז מכובד

און אנדערע ווערטער ווילסטו זאגן אז אנשטאט די ציונים האבן עים געראטעוועט האט ער געראטעוועט די ציונים?

גר ותושב האט געשריבן:און אנדערע ווערטער ווילסטו זאגן אז אנשטאט די ציונים האבן עים געראטעוועט האט ער געראטעוועט די ציונים?

נאך מער, די גאנצע חורבן אייראפע איז דאך נאר צוליב די ציונים

און טאקע די ציונים וואס האבן אנגעמאכט די חורבן זיי האט ער געראטעוועט?

שמועסן פון אמאל

www.kaveshtiebel.com/viewtopic.php?p=67559#p67559

שמעון וואלף האט געשריבן:

גר ותושב האט געשריבן:און אנדערע ווערטער ווילסטו זאגן אז אנשטאט די ציונים האבן עים געראטעוועט האט ער געראטעוועט די ציונים?

נאך מער, די גאנצע חורבן אייראפע איז דאך נאר צוליב די ציונים

האסט אמאל געליינט מן המיצר?

קלערסט אז רבי מיכאל בער איז געווען א בעל דמיון?


וויאזוי דו ווילסט נאר דרייען די מעשה מיטן רבינס באן, בלייבט א גרויסע קושיא אומפארענטפערט, וועלכע אינטערעסע האבן די ציונים געהאט ארויפצולאזן דעם סאטמערען רבין, איינס פון זייערע גרעסטע שונאים?

פארוואס קלערסטו אז די ציונים האבען זיך בכלל צו טוהן געמאכט פון דער סאטמארער רב? ער האט זיי דען עפעס שאדן געמאכט?

סה"כ האט ער באצאלט ווי יעדעם, וכדמרגלא בפומא דאינשי that and a token gets you on the train

יא!

זיי האבן געזוכט אז ווי מער גדולי ישראל זאלן זיין אויף זייער זייט און צוהעלפן די מאסיווע עליה צו ארץ ישראל, און יעדע ביג נעים וואס איז מיטגעשטאנען מיט זיי איז געווען א געווינס.

איך האב ערגעץ געהערט, אז איינער פון די ח"כ זענען אמאל געקומען באזוכן דעם ריבניצער אין בארא פארק אין געמוטיגט אז ער זאל עולה זיין קיין א"י, און זיי וועלן אים צושטעלן א שיין ביהמ"ד וכו'.

יעקב מענטש: לאמיר לייגן אלע אנדערע זאכן אין די זייט. יא ציונים. נישט ציונים. און זייערע מאטיוון. די הויפט באשולדיגונג אקעיגן רודאלף קאסטנער וחבריו פון די ציוניסטישע באוועגונג אין אונגארן איז, אז זיי האבן געוואוסט איבער די פלענער פון די נאציס, ימ"ש צו דעפארטירן די אונגארישע אידן. און זיי האבן עס בכוונה פארהוילן פון זיי...! וואס זיינע מאטיוון און פון זיינע חברים איז געווען איז שוין נישט קיין חילוק. זיי זענען שולדיג אויף די רציחה און אומקום פון דעם אונגארישן אידנטום. ווייל זיי האבן קאלאבארירט מיט די נאציס. לאמיר לייגן די שטותים פון יא עליה אדער נישט עליה אין א זייט. דער טרעין וואס די נאציס האבן געלאזט ארויספארן צ די פרייע וועלט איז נאר געוון א קאנצעסיע צווישן חברים. ווייל קאסטנער האט געהאט אן אפמאך מיט די פיהרערס פון די נאציס אז ער וועט עדות זאגן לטובת זיי. אז זיי האבן זיך נישט באטייליגט אין הרגנ'ען אידן. ווייל די נאציס האבן שוין געהאלטן זייער שמאל מיליטעריש. זיי האבן פארלוירן אויף אלע פראנטן. די רוסן זענען שוין געווען זייער נאנט צו זיי..!

יעקב מענטש האט געשריבן:יא!

זיי האבן געזוכט אז ווי מער גדולי ישראל זאלן זיין אויף זייער זייט און צוהעלפן די מאסיווע עליה צו ארץ ישראל, און יעדע ביג נעים וואס איז מיטגעשטאנען מיט זיי איז געווען א געווינס.

איך האב ערגעץ געהערט, אז איינער פון די ח"כ זענען אמאל געקומען באזוכן דעם ריבניצער אין בארא פארק אין געמוטיגט אז ער זאל עולה זיין קיין א"י, און זיי וועלן אים צושטעלן א שיין ביהמ"ד וכו'.

לאמיר דיר זאגען א יסוד, עס איז נישטא קיין 'זיי'. די ציונות באוועגונג באשטעט פון א מערהייט פון אינטערסען, מאטיווען און גלויבונגען. כל אלה חברו צו מאכען א יד אחת צו גרינדען א מדינה. אז א חבר כנסת האט געוואלט אז דער ריבניצער רבי זאל באשיינען ארץ ישראל מיינט נישט אז קאסטנר און זיין פיהרערס האבען געהאט עפעס א חשבון מיט דעם סאטמארער רב.

און [tag]berlbalaguleh[/tag] עס איז לייכט צו רעדן לאחר המעשה. בשעת מעשה, ווען די ציונים האבען געדארפט מחליט זיין אדער צו ראטעווען בתורת ודאי א געוויסע פערצענט, אדער מספק ראטעווען אנדערע, איז עס צו לייכט צו פסק'נען באופן וודאי וואס איז דארט געשען. די זאכן זענען אלס מוטל בספק, און טאמער עס איז דארט געווען א judgement call און ער האט געמאכט א נישט ריכטיגע, מיינט עס נישט אז ער איז א 'קאלאבארירער'.

דו האסט נישט מדייק געווען. איך האב קלאר געזאגט אז די אלע אידעאלאגישע שטותים מיט ציונות/קנאות/סאטמאר זענען געלייגט אין די זייט. דער פאקט אז קאסטנער האט געוואוסט אז די נאציס פלאנירן צו דעפארטירן די אידן קיין אוישוויץ און ער האט זיי נישט אויסגעזאגט. פארקערט זיי האבן זייער שטארק געהיטן אז די נייעס זאלל נישט ארויסליעקן. עיין אין דעם בוך פון די 2 חברים וועלכע זענען אנטלאפן פון אוישוויץ. דאס כשהוא לעצמו איז א קרימינאלער אקט. אפגעזעהן פון אנדערע חשבונות. ווייל די אידן וואלטן כאטש געהאט א פאר פערצענט טשענס פון אנטלויפן אדער שטעללן א באוואפנטן ווידערשטאנד... און אזוי זענען זיי געגאנגען כצאן לטבח...!

אבער ווען זיי זאגען אויס, וואלטען זיי נישט געקענט ראטעווען דער באן וואס זיי האבען יא געראטעוועט. דאס איז געווען א ספק ביי זיי וועלכע צד צו נעמען, א וודאי הצלה פון די זייט אדער א ספק פון א גרעסערע הצלה. ווער קען פסקנ'ן?

רבי בערל און הרב ליטוואק.

דא האסטו פון מן המיצר, ס'איז גאנץ קלאר אז די ציונים האבן געוואלט אז די אידן זאל אומקומען און דייקא צוליב זייער ציונות

אחד הדברים הקשים שוי' מטיח במוסדות הלאומיים הוא שני מכתבים שהביא שליח משוויץ. האחד מסאלי מאיר, נציג הג'וינט בשוויץ, בתשובה לבקשה להעביר כסף כדי לשחד את הנאצים ולעצור את ההשמדה באירופה כולה. סאלי מאיר, הודיע שהדרישות לכסף מוגזמות, וכן שלפי חוקי ארצות הברית אסור להעביר כסף למדינות הציר. המכתב השני היה מכוון, "לאחוזת מרעיו של שוואלב בפרסבורג". נתן שוואלב היה הממונה מטעם ההסתדרות הציונית בשוויץ, והמכתב היה מכוון לשליחים בפרסבורג. להלן המכתב (מן המצר, עמוד צב)
מאחר שמזדמן שליח הוא כותב להחבריא שעליהם לזכור תמיד, את הדבר היותר נחוץ שהוא העיקר שצריך שיהיה נגד פנינו תמיד, שסוף כל סוף ממלכות הברית ינצחו. ואחר הנצחון יחלקו את העולם מחדש בין העמים, כמו שעשו בסוף המלחמה הראשונה. ואז פתחו לפנינו את הדרך למען צעד הראשון – ועתה ככלות המלחמה עלינו לעשות הכל שארץ ישראל תתהוה למדינת ישראל, וכבר נעשו צעדים חשובים בדבר הזה. ועל הזעק הבא מארצנו, צריכים אנו לדעת כי כל העמים בני ממלכות הברית שופכים דם לרוב, ואם אנו לא נביא קרבות במה אפוא נקנה את הזכות לגשת אל השלחן בשעה שיעשו את החלוקה של העמים והארצות אחר המלחמה, ואם כן שטות ואפילו חוצפה הוא מצדנו לשאול מאת הגויים ששופכים את דמם, שהם יתנו רשות להביא את כספם למדינת אויבם, להגן על הדם שלנו - - כי רק בדם תהיה לנו הארץ. זהו מה שנוגע להכלל - ומה שנוגע אליכם בני החבורה, אתם טיילו, ולמען זה אני מזמין לכם כסף בדרך שחור על ידי שליח זה.

http://www.daat.ac.il/encyclopedia/value.asp?id1=2316

http://www.daat.ac.il/daat/hungary/document/43.htm

קוק דא

ליטוואק פון בודאפעסט האט געשריבן:קוק דא

איך ווייס נישט צו דו מיינסט דיין רעספאנס צו מיר אדער צו בערל.

ווי ווייט מיין ידיעה גייט (מעגליך אז ס'איז זייער קורץ...) האבן די פרייע ציונים מיטגעטיילט מער ווייניגער איין מאטיוו, הערצעלס וויזיע.

בכל אופן קענסטו זעהן אז די הויכע פענסטער ביי די חברה האבן באגריסט די אידישע קרבנות אלץ פעימענט פאר די מדינה, און זיי זענען נישט געזיצן און מטכס עצה געווען וויאזוי מ'ראטעוועט דעם אידנטום פון די נאצישע נעגל.

יעקב מענטש: איים סארי אז איך מאך אויף נאך א ווינדאו אין די דעבאטע. איך גיי יעצט נישט אריין אין דעם רוחניות'דיגן מצב פון די ציוניסטישע פיהרערס, ווייל ס'איז זייער א ברייטע און פארצווייגטע נושא. ס'איז נישט גלאט שווארץ און ווייס. אויב מ'וויל זאגן אז די ציונים זענען געווען שקצים ואפיקורסים. פשיטא...! מאי קא משמע לן...?! ווייל דער יואל בראנד וועם מיין פעיוואריט רבי הרב סענדער דייטש זצוק"ל לייגט אראפ כמעט ווי אן ערליכן איד איז געווען אין זיין פערזענליכן לעבן א שייגעץ שבשקצים. ער האט געפרעסן נבילות וטריפות, געוואוינט מיט א גוי'טע, ועוד יש הרבה שבחים לספר עליו. און ר' סענדער דערמאנט מיט קיין איין ווארט נישט אין אלע זיינע באשרייבונגען דעם רעליגיעזן מהות פון דעם פארשוין.

לגבי די געלט פאר סחורה דיעל וואס הרב ר' מיכאל דוב ווייסמאנדל זצוק"ל האט פארגעשלאגן, דאס איז געווען זייער א גוטער פלאן, טעארעטיש. אבער אלע אליאירטע גרויסמאכטן ווי אמעריקע און עגלאנד זענען געווען להשמיד ולהרוג אקעגן דעם. מ'האט נישט געדארפט אז די ציונים זאללן זיין אקעגן דעם. ווייל רוזוועלט און טשוירטשילל האבן אפן געזאגט אז ס'קומט אפילו נישט אין באטראכט צו געבן געלט און סחורה פאר די דייטשן. נאר דער איינציגער וועג, לשיטתם איז געווען אז מ'וועט געווינען די מלחמה און מ'וועט זיי באזיגן מיליטעריש...!

אז מ'רעדט שוין פון ווייסמאנדל און דזשאדזשמענט קאָלל'ס.

יעקב מענטש האט געשריבן:
וויאזוי דו ווילסט נאר דרייען די מעשה מיטן רבינס באן, בלייבט א גרויסע קושיא אומפארענטפערט, וועלכע אינטערעסע האבן די ציונים געהאט ארויפצולאזן דעם סאטמערען רבין, איינס פון זייערע גרעסטע שונאים?

איר לעבט אין א בּאָבּעל, וואו אידענטום הייבט זיך אן און ענדיגט זיך מיט סאטמאר. סאטמאר איז נישט אידענטום און אידענטום איז נישט סאטמאר. כאטש אפי' ער איז געווען רבן של כל בנין הגולה באנעזאם מיט מרא דארעא דישראל.

קורקלענד האט געשריבן:

יעקב מענטש האט געשריבן:
וויאזוי דו ווילסט נאר דרייען די מעשה מיטן רבינס באן, בלייבט א גרויסע קושיא אומפארענטפערט, וועלכע אינטערעסע האבן די ציונים געהאט ארויפצולאזן דעם סאטמערען רבין, איינס פון זייערע גרעסטע שונאים?

איר לעבט אין א בּאָבּעל, וואו אידענטום הייבט זיך אן און ענדיגט זיך מיט סאטמאר. סאטמאר איז נישט אידענטום און אידענטום איז נישט סאטמאר. כאטש אפי' ער איז געווען רבן של כל בנין הגולה באנעזאם מיט מרא דארעא דישראל.

ביזט מעגליך גערעכט, אבער דאס האט גארנישט מיט די באן.

דא שרייבט אדווארי רב ז"ל וואס איז אויף געווען אויפן קאסטנער באן, אז דאס איז געווען א באן פאר די ציונישע שישקעס און מיט א גאנצע סייעתא דשמיא זענען א גאנצע גרופע רבנים ארויפגעלאזט געווארן אויף די באן, און נאכמער, די ציונים האבן געוואלט פטור ווערן פון זיי נאר ס'איז במציאות שוין נישט געווען שייך.

רבי בערל.

ס'קאן זיין אז איר זענט מער באהאווענט אין די ציונישע היסטאריע ווי איך, פון די פאר ביכער וואס איך האב געליינט איבער אונגארישע היסטאריע, ווען זיי האבן באשריבן ציונות, האבן זיי אלע פה אחד געזאגט אז די פרייע האבן דאס געפיהרט און די פאר פרומע זענען געווען די וואס זענען מיטגעשטאנען.

אלנפאלס, איך זעה נישט פארוואס דו קענסט נישט געטרויען זייערע אייגענע ווערטער פון "רק בדם תהיה לנו הארץ" צו פארשטיין אז פאליטיק איז געווען זייער פריאריטעט און נישט הצלת נפשות.

איך זעה דער עולם האט דא א הארד טיים מסכים צו זיין אז די אוכלי נבילות וטריפות האבן נישט געזוכט צו ראטעווען אידן, פארקערט, זיי האבן גאר שטארק בענעפיטירט פון די הריגות (עד היום הזה). זייט וויסן, אז די הנחה איז נישט קיין געוואונס פאר סאטמער, אלץ דעם אויס קען מען נאך רואיגערהייט גיין צו די בחירות צו ראטעווען די שטייער וואס מ'צאלט איין (אזוי האב איך לעצטענס געהערט אין א שיעור פון הרב רייזמאן שליט"א, ברויך מען טאקע זעהן צו ס'איז דאלער פאר דאלער...), און דער כותל ווערט נאכנישט פארבאטן.
מ'דארף סך הכל נוצן קאמאן סענס און געטרויבארע, ערליכע, אגענדעלאזע, מקורות צו שעפן אינפארמאציע, און אזוי ארום באקומען א קלארע בילד איבער די סיטואציע.

איך מיין אז דער איש האמת רבי מיכאל בער ז"ל וואס האט איינגעפיהרט א תקנה אז איינעם וואס מ'כאפט 3 מאל זאגן ליגענט (מיט עדים) טאר נישט וואוינען אין זיין שטעטל, האט מער נאמנות ווי די 'געשיכטע שרייבער' וואס פראבירן צו מאלעווען א בילד וואס זיי וואלטן ווען געוואלט אז ס'זאל געשעהן און ס'זאל זיין די מערסטע נאנט צו די אמת'ע פרטים פון די מעשה, אבער מיט זייער נערעטיוו.

אן זיך אריינמישן אין די טעמע זעלבסט, וואס איז זייער א פארפלאנטערטע סוגיא און כ'בין נישט אויסן אריינצוגיין דערין, וויל איך זיך יא באציען צו יעקב מענטש'ס לעצטע תגובה וואו ער דערמאנט די ווערטער "רק בדם תהיה לנו הארץ" אז דאס ווייזט אז זיי האבן נישט געזוכט הצלת נפשות א.א.וו.

דער אמת איז, אז דאס איז א פשוטע עלילת דעם אויף די ציונים. אין פאקט האבן זיי גענוצט דעם פראזע כדי ארויסצוגיין אין מלחמה צוזאמען מיט די בריטישע וואס האבן דעמאלט געהערשט אין ארץ ישראל, אקעגן די פאשיסטישע כוחות. זיי האבן געהאט א אידישע בריגאדע ביים פראנט, און האבן באקעמפט די דייטשע פארבינדעטע.

דאן האבן זיי גענוצט דעם טערמין פון רק בדם תהיה לנו הארץ, זאגנדיג אז אויב מ'איז נישט גרייט פאר מסירות נפש, מלחמה צו האלטן קעגן די פאשיסטישע רשעים, וויאזוי וועלן מיר קענען בעטן נאכדעם א מדינה'לע ווען מ'וועט פון פריש צוטיילן די וועלטס לענדער נאכן קריג? אויב מ'איז גרייט צו גיין מיט מסירות נפש, און פארגיסן בלוט כדי צו פטור ווערן פון די דייטשן, דאן וועלן מיר קענען קומען מיט א טענה אז עס קומט אונז א מדינה

(די געדאנק איז שוין געבויט אויף זייער היסטאריע ביים ערשטן וועלטס קריג. ווען די טערקן האבן געהערשט אויף ארץ ישראל, און די בריטישע האבן געמאלדן פאר די ציוניסטישע שישקעס אז אויב זיי וועלן מיטארבעטן מיט זיי שטילערהייט, איינצונעמען ארץ ישראל, וועלן זיי שענקן א חלק פון ארץ ישראל פאר די אידישע איינוואוינער. אזוי איז טאקע געווען, ווען נאכן ערשטן וועלט מלחמה איז ארויסגעקומען די הצהרת בלפור, און ס'רעשט איז היסטאריע. אצינד האבן זיי פארשטאנען אז די נעקסטע שטאפל פעלט זיך אויס ארויסצוגיין אין מלחמה גופא קעגן די דייטשן)

יעקב מענטש - פארוואס ביסטו מחליט וואס יענער טראכט? דו האסט א הארד טיים פארשטייען אז איין מימרא פון איין מענטש מיינט נישט אלס. יא, דיין חינוך איז אז די ׳ציונים׳ האבען געזאגט דער מימרא פון ׳רק בדם׳, און אויף דעם איז געבויט די גאנצע מדינה. דאס מיינט נישט אז דאס איז טאקע אזוי געווען.

ביזערווייל זענען אסאך ציונים געווען פארמישט אין הצלה אקטיוויטעטען, בפרט די רעוויזשעניסטען.

Sent from my LG-K373 using Tapatalk

איך בין דאך נישט דארט געווען בשעת די מימרות זענען יא, אדער נישט געזאגט געווארן. און אין וואספארא קאנטעקסט. איך בין נוטה אנצונעמן דעם הסבר פון .."ארי נוהם"...ערשטנס ווייל דאס לייגט זיך אויפ'ן שכל. קאממאן סענס. איך בין נישט חושד אידישע קינדער מזרע אברהם, יצחק ויעקב אז זיי זאללן זיין אזוי קאלבלוטיג און ציניש לגבי זייערע ברידערס וועלכע געפונען זיך אין אן עת צרה. ומצד השני. די וועלכע שטופן די אגענדא אין די פארקערטע ריכטונג זענען די גרעסטע דעמאגאגן און פעלשערס פון אידישע היסטאריע אין די לעצט 150 יאר. ווי ר' סענדער דער דייטש זכותו יגון עלינו און זיין גרופ...!

נאר דאס האט גארנישט צו טון מיט די החלטה פון די פאליטישע פיהרערשאפט פון אונגארישן אידנטון אין יאר 1944. דאס אז קאסטנער וחבריו האבן בכוונה פארהוילן דעם אמת'ן פלאן פון די נאציס צו דעפארטירן די אונגארישע אידן קיין אוישוויץ, האט גארנישט צו טון מיט זייער אידעאלאגיע פון ציוניזם. אפילו ווען זיי וואלטן געווען נטורי קרתא וואלט עס אויך געווען א קרימינאלער אקט כשהוא לעצמו....!