א פרישע צרה, פארפלאנטערן בנות אין מיליטער !

[איש את רעהו]

אין ארץ ישראל קומט פאר א פרישע צרה אויף בנות ישראל
די וואס זיצן אינעם כנסת ווילן פארפלאנטערן ווי מער בנות ישראל מיטן מיליטער
די 3 צייטונגען פון די חרדישע פירערשאפט [המודיע, יתד, המבשר] שרייבן איבער דעם

מודעה בהמודיע והמבשר ויתד.png

די בד"ץ העדה רופט אויף א כינוס

לזעוק ולהריע - בד''ץ.png

[איש את רעהו]

הרב מאזוז

[בן פרצי]

ס'דרייט זיך ארום א גוט ווארט פארוואס די סיקריקים האבן געטוישט זייער נוסח פון גיוס בנים צו גיוס בנות, ווייל דער אמת איז דאך אז גיוס מיינט 'גיוס כספים', נאר קוקט אויס אז היות די שקלים האבן לעצטענס געטוישט די בילדער אויף דעם פון מענער צו ווייבער, דערפאר האט מען געדארפט טוישן.
אבער לפי פשוטו של מקרא, יעדע קאמפיין אז מ'מאכט נישט קיין טשעינדזש מפעם לפעם, גייט עס ארויס פון די נאז און מ'קוקט עס שוין נישט אהן, כדי זיך אויפצופרישן דארף מען אמאל טוישן א נוסח אויכט.
מ'קען זיך אסאף אפלערנען פון זיי וויאזוי מ'דארף פירן א קאמפיין

[ליטוואק פון בודאפעסט]

זייער פיין. וואס וועט אבער זיין ווען עפעס קראנט קומט ארויף? וויאזוי וועט מען דעמאלס קענען בעטען הילף?

די פראפעסיאנעלע טומול מאכערס, די געלט זויגערס פון מיטל מזרח, נישט נאר זיי שלאגען זיך נישט מיט גזירות, זיי זענען גאר די שטער קעגען דאס זיך שלאגען מיט גזירות.

און די אומשולדיגע שעף שאין ווסמב"ג לאזען זיך ווידער. עס לוינט זיך ווידער פאר די חברה צו קומען קיין אמעריקא און שטעלען א טומול חתונה צו מאכען זייער קינדער.

Sent from my LG-K373 using Tapatalk

[קאצקע ציקער]

איש את רעהו פארוואס עפענסטו נישט אויף דע אלע אשכולות וועגן גיות אויף איי וועלט? דארט וועט מען זיך באלעקן די פינגער

[ימים ידברו]

איש את רעהו סאיז א שאד די צייט די זענעןם האלקוסט דינייערס א שאד אויף אייער עפערט שכוח

[berlbalaguleh]

איש את רעהו סאיז א שאד די צייט די זענעןם האלקוסט דינייערס א שאד אויף אייער עפערט שכוח

איין האנט שרייבט צו די אנדערע...לאל

[בן פרצי]

איש את רעהו סאיז א שאד די צייט די זענעןם האלקוסט דינייערס א שאד אויף אייער עפערט שכוח

אויב די סיבה פארוואס דו גלייבסט אז ס'איז געווען א האלאקאוסט איז געבויט אויף אזעלכע ראיות ווי אויף דעם גיוס'ל, דעמאלץ ביזטו טאקע א נער פארן גלייבן יעדער שנארער אדער פליטיקאנט פון אר"י וואס פרובירט צו אדורך פירן זיינע אדזשענדעס אויף דיין ריקן.

[שמעון וואלף]

איש את רעהו סאיז א שאד די צייט די זענעןם האלקוסט דינייערס א שאד אויף אייער עפערט שכוח

איין האנט שרייבט צו די אנדערע...לאל

מהיכי תיתי? פארוואס קען נישט זיין אז למשל די שפיטיווקע'ר שרייבט צו יואלי צימערמאן?

[berlbalaguleh]

שמעון וואל: איך וייס נישט אויב איין האנט. אבער איין קאפ/מח האבן זיי זיכער...!

[cictim]

אין פולין פלעגט מען זאגן: אמאל - פאר עס איז געווען א צייטונג - פלעגט א דאקטאר טראכטן ווי א דאקטאר, א שניידער ווי א שניידער, אין א בעלעבאס ווי א באלעבאס. איינמאל ס'איז ארויס געקומען א צייטונג - טראכט די דאקטאר ווי די צייטונג, די שניידער ווי די צייטונג, און די בעלאבאס ווי די צייטונג...

[ליטוואק פון בודאפעסט]

פאר די וואס אינטרעסירן זיך, איז די מעשה מיט די גיוס בנות ווי פאלגענד:

נאך דער גרויסער טומל קעגען גיוס בנות, מיט הפגנות אין א"י און חו"ל, האט מען אויסגעארבעט מיט די רעגירונג אז יעדער פרוי\מיידעל וואס וועט זאגן פאר די מיליטער אז זי וויל פטור ווערען מטעמי דת, וועט באקומען א פטור. אין אנהייב האט יעדער פרוי געדארפט אליינס אראפגיין צום אפיס פון דעם מיליטער און זיך פארשטעלן אלס א פרומע. צומאל האבן זיי געדרייט די פרוי א קאפ, עס זענען זאגאר געווען פעלער ווי מ'האט געשלעפט פרומע פרויען אין מיליטער, אבער ביז 1977, האט עס אנגעהאלטען אזוי.

ווען בעגין איז אריין אין זיין אמט, האבען די פרומע פארטייען געמאכט א ריי תנאים אויף אריין צו גייען אין קואליציה, ובתוכם אז יעדע מיידל קען חתמ'נען אז זי וויל א פטור מטעמי דת, און זי זאל חתמ'נען אז זי היט שבת און כשרות. מ'האט אויך אויפגעטוהן אז אנשטאט דארפן אראפגיין צום אפיס, קענען די מיידלעך אין שולע צוזאמען שיקן זייערע צעטליך, אבער מ'דארף א צעטל פון א רב וואס באשטעטיגט די רעליגיעזע צושטאנד פון די פרוי\מיידעל.

למעשה האט זיך עס אויסגעלאזט אז על אף אז נאר בערך 9% פון תושבי מדינת ישראל זענען חרדיים, האבען 36% פון פרויען באקומען פטורים מטעמי דת. אין 2012 האט די מיליטער מחליט געווען אז דאס טויג נישט, און מ'דארף עפעס טוהן דערוועגן.

יעצט זוכן זיי צו מאכן נייע תנאים צו קענען באשטעטיגען די פאקט אז די פרוי\מיידעל וואס שטייט פאר זיי איז פרום. די פרומע חברי כנסת ווילען פארמיידן די מעגליכקייט אז א פרומע פרוי זאל געשלעפט ווערען אין מיליטער, און זיי ווילן אנהאלטן דער סיסטעם אז פרום מיינט שבת און כשרות ותו לא. מ'האט מורא אז זיי וועלן זעהן אומכניאקישע בילדער אויף פעיסבוק, און מחליט זיין עפ"י דעם.

בקיצור, מ'גייט ווייטער אין דרכי גדולי ומאורי ישראל, און מ'לאזט נישט צו אז די רעגירונג זאל מאכן געזעצן וואס זענען אונז נוגע, אן צו פראבירן צו מינערן וואס מער די שלעכטס דערפון.

אזוי האט מען מיר געזאגט פון א"י, איך האב אליינס נישט נאכגעפארשט.

[ימים ידברו]

נאך איין מזל די האסט נישט אליינס נאכגעפארשט, ווען די פארשט נאך ביסטו הינדרעט פראצענט אמת יעצט איז דא א מקום לומר ניטא א ברירה

[berlbalaguleh]

דער מצב מיט נעמען מיידלעך אין מיליטער איז בדרך כלל אן אויפגעבלאזענע אישו. געטריבן דורך די געוויינליכע דעמאגאגן וועלכע האבן אן אגענדא. צי איז עס כבוד. אדער געלט .געשנארט פון די אמעריקאנער און ענגלישע , סאטמאר'ער גבירים. ווייל די מיליטערישע אינסטאנצן נעמען נישט קיין פרומע מיידלעך אין מיליטער אקעיגן זייער ווילן. (ס'איז אויך דא מיידלעך וועלכע געבן זיך אן אלס פרום. און זיי גייען יא אין מיליטער.).

דער פראבלעם איז, אז ווען ס'קומט זיך ארויסצודרייען פון מיליטערישע דינסט, וויללן די פרייע אויך נהנה זיין דערפון. און זיי געבן זיך אן אלס ערליך. אבער אין אמת'ן זענען זיי מחלל שבת, גייען פריצות'דיג אנגעטון און עסן טריפות. אויף דעם נוצן די מיליטערישע אינסטאנצן די סאשיעל מידיא אזוי ווי פעיסבוק, אויפצודעקן זייער אמת'ן פרצוף. אבער ווען זיי האבן א חשד אויף א מיידל אדער א פרוי אז זי איז נישט ערליך, האבן זיי דעטעקטיווס וואס גייען זיי נאך. און אויב זיי ווערן געכאפט, רופט מען זיי אראפ צו די אפיס פון צה"ל. און אין א טייל פעלער (נישט אלעמאל) נעמט מען זיי אוועק דעם פטור. זיי האבן נאך קיינמאל נישט אוועקגענומען דעם פטור אויפ'ן סמך וואס זיי האבן געזעהן אויף פעיסבוק אליין. און די אמת'ע ערליכע מיידלעך און פרויען האבן זיך גארנישט וואס צו זארגן.

[[NAMELESS]]

פאר די וואס אינטרעסירן זיך, איז די מעשה מיט די גיוס בנות ווי פאלגענד: וכו' וכו'...
אזוי האט מען מיר געזאגט פון א"י, איך האב אליינס נישט נאכגעפארשט.

ע"כ.

גערעכט. און ס'גייט נאך ווייטער, די אלע הפגנות וואס קומט יעצט פאר דורך די עדה החרדית איז אויף די פערזענליכע בקשה פון די חברי כנסת, (און אפילו די הפגנות אין פארנט פון די ח"כ הייזער...) צו ווייזען פאר די מדינה אז א יעדע ריר אין די גזירה גיוס בנות וועט מאכען אן איבערקערעניש.

[נאטירליך]

http://m.jpost.com/Israel-News/Extremis ... ent-542520

[איש את רעהו]

פאר די וואס אינטרעסירן זיך, איז די מעשה מיט די גיוס בנות ווי פאלגענד:

נאך דער גרויסער טומל קעגען גיוס בנות, מיט הפגנות אין א"י און חו"ל, האט מען אויסגעארבעט מיט די רעגירונג אז יעדער פרוי\מיידעל וואס וועט זאגן פאר די מיליטער אז זי וויל פטור ווערען מטעמי דת, וועט באקומען א פטור. אין אנהייב האט יעדער פרוי געדארפט אליינס אראפגיין צום אפיס פון דעם מיליטער און זיך פארשטעלן אלס א פרומע. צומאל האבן זיי געדרייט די פרוי א קאפ, עס זענען זאגאר געווען פעלער ווי מ'האט געשלעפט פרומע פרויען אין מיליטער, אבער ביז 1977, האט עס אנגעהאלטען אזוי.

ווען בעגין איז אריין אין זיין אמט, האבען די פרומע פארטייען געמאכט א ריי תנאים אויף אריין צו גייען אין קואליציה, ובתוכם אז יעדע מיידל קען חתמ'נען אז זי וויל א פטור מטעמי דת, און זי זאל חתמ'נען אז זי היט שבת און כשרות. מ'האט אויך אויפגעטוהן אז אנשטאט דארפן אראפגיין צום אפיס, קענען די מיידלעך אין שולע צוזאמען שיקן זייערע צעטליך, אבער מ'דארף א צעטל פון א רב וואס באשטעטיגט די רעליגיעזע צושטאנד פון די פרוי\מיידעל.

למעשה האט זיך עס אויסגעלאזט אז על אף אז נאר בערך 9% פון תושבי מדינת ישראל זענען חרדיים, האבען 36% פון פרויען באקומען פטורים מטעמי דת. אין 2012 האט די מיליטער מחליט געווען אז דאס טויג נישט, און מ'דארף עפעס טוהן דערוועגן.

יעצט זוכן זיי צו מאכן נייע תנאים צו קענען באשטעטיגען די פאקט אז די פרוי\מיידעל וואס שטייט פאר זיי איז פרום. די פרומע חברי כנסת ווילען פארמיידן די מעגליכקייט אז א פרומע פרוי זאל געשלעפט ווערען אין מיליטער, און זיי ווילן אנהאלטן דער סיסטעם אז פרום מיינט שבת און כשרות ותו לא. מ'האט מורא אז זיי וועלן זעהן אומכניאקישע בילדער אויף פעיסבוק, און מחליט זיין עפ"י דעם.

בקיצור, מ'גייט ווייטער אין דרכי גדולי ומאורי ישראל, און מ'לאזט נישט צו אז די רעגירונג זאל מאכן געזעצן וואס זענען אונז נוגע, אן צו פראבירן צו מינערן וואס מער די שלעכטס דערפון.

אזוי האט מען מיר געזאגט פון א"י, איך האב אליינס נישט נאכגעפארשט.

טערסאנט אז נאר וואס מען זאגט 'דיר' נאך פון ארץ ישראל דאס גלייבסטו און שרייבסט נאך
וואס 'יענער' זאגט נאך דארף מען קודם ליצנות'ן


סיז כדאי צו הערן די ליצנות שוי פין די זיצערס אין כנסת, זיי שרייען בקול רם אז ס'ממש יהרג ואל יעבור, און זיי טרייען צו טון וואס זיי קענען אבער נעבעך... די כנסת האט עס באשטעטיגט און זיי נישט געוואלט הארכן
די גרויסע ליצים דא און צולייגערס ווערן געבעטן צו מקבל זיין בנאמנות זייערע רייד, און חלילה מהרהר זיין אז סהאט א פארבינד צו זייערע גרויסע געהאלטן און תקציבים וואס קומט אויך אגב פין די פאזיציעס אינעם קאליציע
אבער געדענקען ווייטער צו חזרן די לאזונג ס'נישטא קיין גזירה...

[בן פרצי]

ס'דא נאך א שינוי. כידוע אז ביי אחינו בני הפרענקים זענען דא צענדליגע טויזענטע משפחות, וואס שמירת הדת איז ביי זיי למחצה לשליש ולרביע, די עיקר איז ביי זיי די מסורת, היטען שבת, צינדן לעכט ער"ש, לייגן תפילין, בקיצור די עקרי המצוות, אבער זייערע קינדער רוב רובם פאלן אוועק, די טעכטער גייען הויזן, ניצען זייער סמארטפוין שבת, בקיצור זיי האבן קיין סאך א שייכות ניט מיט יודישקייט, און רוב רובם פון זייערע עלטערן האבן ניטאמאל אן איינונג אז זייערע טעכטער דרייען זיך מיט בחורים און היטן נישט קיין שבת, זיי קומען אהיים טוען זיי זיך אן זייער סקירט און טיען אויס זייער הויזן, זיי לנעמן נישט ארויס זייער סמארטפואן וכו' וכו'.
די חברה, פארשטייט זיך אליינס זיי זענען מצהיר אין חתם'נען אז זיי היטען שבת און כשרות, מאידך גיסא הייבט זיך עס נישט אהן. היינט די ערשטע זאך ווען אזא מיידל קומט אהן, בעט מען איר איר פייסבוק/אינסטעגראם/וכל-שם-דאית-ליה אקאונט, און דארט זעט מען פינקטליך ווען זי ניצט איר סמארטפאון, און צו זי היט שבת צניעות און כשרות, און די היינטיגע וועלט אז עין רואה און מ'נעמט סעלפי'ס פון זיך אגאנצע טאג, איז שווער צו לייקענען. און ווען מ'וויל זיי נישט געבן א פטור, פאנגען אהן די עלטערן א ויצעקו, זיי האבן ניטאמאל אן האנונג אז די צבא ווייסט מער פון זיי.
נישט אומזיסט האבן זיך דייקא די ספרדישע רבנים צאמגענומען צו אן אסיפה.

און צו דיר @איש את רעהו, זאג מיר די אמת, מיט וואס ועסטו זיך מער פרייען, אז דו הערסט אז ס'איז יא דא א גיוס, אדער אז די וועסט אויסגעפונען אז אלעס איז האולי בלאף און שקר. ממילא ס'איז שווער צו רעדן מיט דיר א גלייך ווארט, ווייל דו ווארסט שוין ארויס אויפן טאג וואס ס'וועט שוין באמת זיין א גזירת גיוס, און דו וועלסט קענן שרייען "זעסט! כ'האב ענק געזאגט אז די ציונים ....". פארשטייט זיך אז די פרייסט דיך מיט אזא סארט ידיעה אז ס'דא כביכול עפעס "א פרישע צרה" על פי לשונך, ס'איז מיר שווער צו צושטערן דיין שמחה, אבער אפשר וועט עס נאך אנקומען איין טאג די א"ג גזירת גיוס, לאמיר ווארטן צוזאמען מיט געדולד, אזויווי מ'זאגט דאך ביי די אני מאמין "ואע"פ שיתמהמה עם כל זה אחכה לו בכל יום שיבוא", צדיקים האבן געזאגט אז אמונה איז א המשכה, מיטן גלייבן אזוי קען מען ממשיך זייך די ישועה... כ'מיין צו זאגן די גזירה. סבלנות איז א גוטע זאך.
ס'דערמאנט מיר א גוט ווארט וואס איינער האט מיר אמאל געזאגט, אז ווי א יאר ס'גייט אדורך זעט מען וואס פאר א ווייטערע בליק די סאטמארער רבי האט געהאט, ער האט דאך גע'טענה'ט אז די מדינה וועט נישט האבן קיין קיום, און ס'גייט אדורך 50 יאר, 60 יאר, 70 יאר, און אין קול ואין עונה, ס'ווערט א שטערקערע אקאנעמי, א שטערקערע מיליטער, א פארגעשריטענער מדינה. יעדעס יאר ווערט נתגלה ווי מער א ווייטע בליק ער האט געהאט, אמאל האט מען געמיינט אז ער האט געזען וואס וועט זיין נאך 20 יאר נאך 30 יאר, היינט זעט מען אז ער האט געזען אפילו אסאך ווייטער, לפחות מער ווי 70 יאר.

[איש את רעהו]

א פלא'דיגע הנהגה
די חברי כנסת ארבעטן אויף זייער אחריות..

[berlbalaguleh]

איש את רעהו: איך וועל מיך בלויז שטעללן אויף די לעצטע סענעטנס פון דיין פריער'דיגע תגובה...."זיי שרייען אז ס'איז נישטא קיין גזירה"... ניין. ס'איז טאקע ב"ה נישטא קיין גזירה פון גיוס בנות. כמו שאמרתי למעלה. אן אמת'ע ערליכע פרוי אדער מיידל האט זיך נישט וואס צו זארגן. יא. אויב איינע שטעלט אן דו פרצופים. זי קומט צו גיין אין אפיס פון לישכת הגיוס מיט א שפיצל. און זי האלט א קרבן מנחה סידור און א תהילים אין האנד. און זי מורמלט קאפיטלעך תהילים. אדער ליינט זי ערליך איבער די קול קורא'ס פון די רביצין קלוגהויפט שתליט"א. און זי רעדט שטיל און איידל. און זי בעט אז מ'זאלל איהר מוחל זיין און געבן א פטור ווייל זי איז רעליגיעז. און אין מיליטער וועט זי ח"ו, היל"ת נישט קענען זיין אזוי אפגעהיטן ערליך און הייליג. נאכדעים גייט זי ארויף אויף פעיסבוק אדער אנ'אנדערע סאושל מידיום און זי ברענגט פיקטשערס פון זיך ווי זי זיצט אין א ב---י בעידינג סוט צוזאמען מיט איהר בויפרענד אויפ'ן ביעטש אין תל אביב. נאכדעים גייט זי פרעסן שרימפס אין א רעסטאוראנט. און דאס אלעס ווערט געפאוסט און ארומגעשיקט אום שבת קודש. יעצט וואס זאללן די מיליטערישע אינסטאנצן טון...?! זאללן זיי זיך פיהלן ווי כעלעמער אז א יעדער חילוני און שייגעץ און שיקסע נוצן אויס זייער פארגרינגערונג. און דרייען זיך ארויס פון מיליטער דינסט. אדער נאכגיין און אויספארשן די אמת'ע פאקטן. און אז מ'רופט אזא פארשוין'טע אראפ אין לישכת הגיוס און מ'פרעגט זי אויס. וואס איז די עוולה דארט...?! ווייל א פאר נארישע אידעלעך, ליידיגגייער וועללן קרומען מיט די נאז. מילא. זאללן זיי פאררופן אסיפות אין בארקלעי'ס אדער אפילו אין מעדיסאן סקווער גארדן. און א פאר אידעלעך וועללן זיי צוזאמשעלטן אויף איי וועלט אדער קאווע שטיבל. זיי לאכן זיך אויס פון די אלע זאכן...! (אויך אונז.)...!

[ליטוואק פון בודאפעסט]

נעכטען איז אריבער טאקע די נייע תקנות\תיקונים און א פראבלעם שטעלט זיך יא אויס. מ׳דארף עס נאך פארהאנדלען, אזוי ווי מ׳האט אלס פארהאנדעלט אלע יארען. די געזעץ האט געמאכט א וועדה וואס וועט דן זיין אין יעדער פאל פון ספק צו די מיידעל זאגט ליגענט צו נישט. און טאמער א מיידעל\פרוי לאזט אפ אידישקייט, וועלען זיי איהר נעמען אין מיליטער, אפילו ווען דעמאלס איז זי געווען פרום. די חברי כנסת האבען זיך שטארק געטענה׳ט אז די וועדה זאל באשטייען בעיקר פון פרומע מענטשען, וואס ווייסען וואס איז דאס פרומקייט. דאס האבען זיי נישט דורכגעפיהרט, און דאס קען פאראורזאכען פראבלעמען.

יעצט האבען זיי צוויי עצות:-

א. ווייטער זוכען וועגען צו האנדלען דער ענין, מאכען אפמאכען און עפעס אויספיהרען.

ב. לאזען די געזעץ ווי עס שטייט און גייט, און זאלען די פרייע טוהן ווי זיי ווילען.

איש את רעהו וויל פלאן ב., דרכי אבותינו ורבותינו איז אלס געווען פלאן א. און עס זעט נישט אויס אז עפעס האט זיך גע׳ענדערט.

(אגב אורחא, בן גוריון האט דאך געוואלט אויסשפילען די פרומע, דורך לאזען בני תורה בלייבען ביים לערנען. ער האט געמיינט אז אזוי וועלען זיי בלייבען מחוץ למחנה. דערווייל האט זיך אויסגעלאזט אז דערמיט האט זיך דער עולם התורה געבליהט און געוואקסען, ווייל קיין ברירה צו ארבעטען איז דאך נישט געווען. טאמער יעצט ווילען זיי זיכער מאכען אז א יוצאת לשאלה וועט מוזען דינען אין מיליטער, וועלען זיי מעגליך\האפעדיג אפשטעלען די פרוי פון אזא שריט)

Sent from my LG-K373 using Tapatalk

[berlbalaguleh]

ליטוואק פן בודאפעסט: קומט דאך אויס לויט דעם. אז מגלגלין זכות ע"י זכאי. אט די פארהאסטע און פארשאלטענע ציונים (צו וועם מ'לויפט נאך די טשעקס פון ביטוח לאומי און קופת חולים. אויך ווען די פארשאלטענע אראבערס שטעקן אריין א מעסער אין רוקן פן זייערע אזוי גערופענע גוטע פריינט.) האבן די זכי' צו האלטן א סאך העיליגע פרויען און מיידלעך פון מאה שערים און גאולה ביי זייער ערליכקייט. (לכה"פ לפנים) כדי זיי זאללן נישט מוזן גיין דינען אין מיליטער. זיי (די ..."ציונעם"... טענה'ן ..ביסט א שיקסע. דאמאלס גיי דינען אין מיליטער. אבער אונזערע היימישע דעמאגאגן וויללן סתם האבן אן אישו איבער וואס ארומוצרידערן און שלעפן געלט ביי די סאטמאר'ע גבירים פון אמעריקע און ענגלאנד. פונקט אזוי ווי ..."נטרונא"..וואס איז א פעיק אישו און א פעיק ארגאניזאציע. ס'האט נאכנישט געראטעוועט דאס לעבן פון קיין איין איד. אין די גאנצע וועלט איז נישט רעקארדירט געווארן אז א גוי וועלכער האט געוואלט שלאגן אדער ח"ו הרג'נען א איד האט זיך צוריקגעהאלטן ווייל ער האט געהערט די נטרונא פראפאגאנדע...!

[ליטוואק פון בודאפעסט]

דער לעקציע איז פארקערט, אפילו ווען זיי וועלען וועלען שטיקען תורה און אידישקייט, וועט דער אויבישטער נוצען זייער מעשים אויף פארקערט. אזוי ארבעט די השגחה. דער בריסקער רב פלעגט זאגען, דער רמב"ם זאגט אז נצרות איז א פארגייער פאר משיח, ט׳זאלען מיר בויען קלויסטערס פאר דעם?

מהאוכל יצא מאכל ומהעז יצא מתוק

Sent from my LG-K373 using Tapatalk