קאווע שטיבל

אונז זעמיר אלע אויפגעוואקסען אז היטלער ימ"ש איז געווען די ערגסטע מענטש אין די היסטאריע פון די מענטשהייט, ערגער ווי עשיו, נמרוד, טארקוועמאדוא, כמילניצקי, און ווער אימער.
לויט מאנכע האט זיך היטלער'ן פארדינט די טיטעל אלץ די סאמע ערגסטע מענטש אין די היסטאריע צוליב זיינע פילע שחיטות, נעמלעך עס ליגט אויף אים די בלוט פון צענליגע מיליאנען מענטשען וואס זענען אומגעקומען ביי די צווייטע וועלט מלחמה, בפרט די זעקס מיליאן אידישע נפשות וואס ער האט גרויזאם פארשניטען מיט זיין אכזריות.
לעצטענס איז אבער ארויסגעקומען פרישע דאקומענטען איבער דאס לעבען און שאפען פון היטלער ימ"ש וואס שאפען א נייעם בילד איבער די אכזריותדיגע דיקטאטאר, עד כדי כך אז מענטשען וואס ליינען די באריכט זאגען אז אויב האבען זיי געמיינט אז היטלער איז שלעכט זענען זיי הערשט יעצט געוואר געווארען ווי אמתדיג שלעכט ער איז.
איז אזוי, ס'איז ארויסגערינען אז היטלער פלעגט אנרופען זיינע קעגענער מיט ביליגע צונעמען, למשל ער פלעגט זאגען, נארישע רוזעוועלט! און די צייטונגען האבען עס פארשפרייט און דאס האט גורם געווען אסאך האסע געפילן.
אזוי פלעגט דער רשע היטלער ימ"ש כסדר טוהן אזעלכע זאכענעס, אויב איינער האט עים אויפגערעגט און אים אראפגעריסען האט ער אים גלייך צוריק אראפגעריסען. אויב א צייטונג האט געשריבען ארטיקלען קעגען אים, האט ער צוריקגעשריבען א ארטיקעל און מסביר געווען ווי זיי זענען סייווי א נארישע צייטונג וואס פארלירט געלט יעדע טאג, און אלעס איז שקר. דאס האט גורם געווען אז קיינער זאל נישט גלייבען די צייטונגען און דאס האט געברענגט אן א שיעור קרימינאלע פאברעכנס און האסע אין די גאנצע לאנד.
אויב האט מען אמאל געהרגעט א איד, ואס האט דער רשע היטלער ימ"ש געטוהן? ער האט זיך אויפגעשטעלט האלטען א דרשה און אראפגעריסען די מערדער, און נאכדעם איז ער געגאנגען באזוכען די שוהל צו ווייזען שטיצע.
דאס האט ער אלץ געטוהן מזאל נישט כאפען וואספארא פינסטערע אנטיסעמיט ער איז באמת. פגר'ען זאל ער.
נאך א זאך וואס דער רשע היטלער ימ"ש פלעגט טוהן, ער האט געטרונקען אסאך דייעט קאוק. דאס האט באשיינפערליך געוויזען וואספארא רשע ער איז.
כהאף אז ער באקומט יעצט א שטיקעל בליק איבער די אמתדיגע רשעות פון היטלער ימ"ש.

וואס ווילסטו
ווער האט דיר געהייסן שרייבן האסט א פראבלעם מיט טראמפ ווי קומט דא אריין הילטער מיט "זאכענעס"

דאכצעכמער האט געשריבן:וואס ווילסטו
ווער האט דיר געהייסן שרייבן האסט א פראבלעם מיט טראמפ ווי קומט דא אריין הילטער מיט "זאכענעס"

ווי קומט דא אריין טראמפ

איך זעה דרעוילם איז שוין היפש אויפגעשטורעמט, אט וועל איך אייך פארציילען נאך אביסעל פון די נייע אנטדעקטע געפינסען
ס'האט זיך אנגעהויבען מיט א שיירא אידען וואס האבן ארויסגעמארטשט פון רוסלאנד נאך די קישענעוו פאגראמען, זיי האבען זיך געשפירט אז זייער לעבען איז א סכנה. אויכעט איז נישט געווען קיין פרנסה אין רוסלאנד.
דרעוילעם האט באשלאסן אז מלאזט זיך ארויס אויפען וועג קיין דייטשלאנד, דארט וואלגערט זיך גאלד אויף די גאסען.
אומר ועושה, מלאזט זיך ארויס. אין יעדע שטעטל ווי מאיז אנגעקומען האט מען געמאכט א גרויסע מסיבה און סהאט זיך אנגעשלאסען נאך אידען. ס'האט שוין געהאלטען ביי זעקס טויזענט מאן, און ס'האט געהאלטען אין איין שטייגען.
אין אלול שנת תרצט זענען זיי ענדליך אנגעקומען צו די גרעניץ פון דייטשלאנד און געוואלט אויפברעכען די טויערען פון לאנד צו קומען זיך באזעצען דארט.
היטלער האט געהערט וועגען די שיירא, און מהאט איהם שיין מסביר געווען אז ס'איז דא ביים גרעניץ צען טויזענט אידען וואס זוכען פרנסה און בסך הכל ווילען די צען טויזענט אידען אריינקומען אין לאנד אומלעגאל.
און וואס האט דער רשע מרושע געטוהן? ער האט געזאגט אז זיי גייען אלע זיך מוזען שטעלען פאר די עס עס אימיגראציע באאמטע און זיי קענען נישט אריינקומען אין לאנד אן די לעגאלע דאקומענטען.
אזוי זענען די אלע אידען געבליבען אן פרנסה א דאנק די רשעותדיגע אויסגערעכענטע נקמה אקציע פון היטלער ימ"ש.

סדרנים! גבאים! מקען דא אפשר אריינרופן א גוט'ן דאקטער

דאכצעכמער האט געשריבן:סדרנים! גבאים! מקען דא אפשר אריינרופן א גוט'ן דאקטער

נו גבאים! דער איד ברויך מעדיצינישע הילף, וואס לאזט מען אים ווארטען?

אויך איז געווען עפעס א גאנצע באלאגאן ווען ער איז עפעס זאת חנוכה אויפגעשטאנען אויף די לינקע זייט, און עפעס א איד האט איהם זייער אויפגעברויזט, איז ער געווארן אזוי אין כעס, אז ער איז אריינגעלאפן אין טורמע, אפיר געזוכט די העכסטע פראפיל אידישע ארעסטאנטן, און אנגעכאפט ביים קארג און ארויס גע'זרק'נט אויפן פרייען גאס. אזוי אז דער וועלט זאל גוט וויסן וויאזוי מ'דארף זיך באגיין מיט די אידישע פאלק.

גדליה האט געשריבן:

דאכצעכמער האט געשריבן:סדרנים! גבאים! מקען דא אפשר אריינרופן א גוט'ן דאקטער

נו גבאים! דער איד ברויך מעדיצינישע הילף, וואס לאזט מען אים ווארטען?

הילף צום באקומען אין אישי. ביטע נישט שטערן דאס קאווע טרונקן..

גדליה: איך פארשטיי (אזוי ווי איך האב שוין געכאפט אין די ערשטע שורה) פון דיין פראוו צו ארפאלייגן א גוט סאטירישן שטיקל. אבער איך מוז דיר זאגן אז ס'לאזט איבער א זויערן און ביטער'ן טעם אין מויל ביי א יעדן אנשטענדיגן מענטש. (חוץ ביי שבת אחים)...!

כ'מיין. אלעס האט א גבול. ס'איז פארהאן א מענטש. אן אויסגעשפראכענער אוהב ישראל. וועלכער ווילל ארויפברענגען די פירונג פון דעם גרויסן, גאט-געבענטשטן לאנד אויף די ריכטיגע רעלסן. און ער איז דער לעגאל דערוויילטער פרעזידענט. ס'זענען אבער פארהאן לינק געשטימטע פארשוינען וועלכע זענען טיילווייז קאמוניסטן און טיילווייז אנארכיסטן. זיי וויללן מקיים זיין דעם מאמר חז"ל במלואו. ווי די גמ' זאגט..."עבדא בהפקירא ניחא ליה"...און זיי קענען נישט אראפשלינגען דעם פאקט אז זייער פארטיי האט פארלוירן. און זייער אגענדא פון לעגאליזירן גזל ועריות (אויף וואס די בני נח זענען אויכעט מצווה) און פארמערן שנאת ישראל, איז ליידער (ב"ה) צייטווייליג צושטערט געווארן. אויך איז פארהאן א זעלבסט-האסנדער ..."איד"...וועלכער איז גאר א גרויסער עושר. וואס ער האט געמאכט זיין געלט אויפ'ן בלוט און שווייס און אומגליק פון מיליאנען פון די עמי הארץ. און ער שטיצט און פינאנסירט די אלע לינקע און צושטערערישע ארגאניזאציעס. אבער מעשה שטן הצליח. און צענדליגער (און אפשר הונדערטער) טויזנטער תמימות'דיגע מענטשן פון די באפעלקערונג לאזן זיך פארנארן פון אט די פאלשע וועגן. און זיי זענען מבזה און וואלטן אפילו געהרג'עט, ווען זיי קענען, דעם פרעזידענט...!

אש על כן. דעריבער דארף א יעדער אנשטענדיגער מענטש ובפרט אן ערליכער איד וואס פארשטייט אז אונז זעמיר אין גלות. מחשיב זיין און אפשאצן דעם פאקט אז מר. דאנאלד טראמפ יר"ה איז דער פרעזידענט פון די פאראייניגטע שטאטן. עכ"פ נישט נאכגיין נאך די פארדארבענסטע. און ערגסטע גרופס. די גרועים שבאומות און זייער רעטאריק...אפילו נישט פאר סאטירע פאסט אריינצולייגן מר. טראמפ מיט דעם גרעסטן רוצח אין די היסטאריע. ובפרט פונ'ם אידישן פאלק...וכדי ביזיון וקצף...

רבי בערל כ'האב אייך אזוי ליב, איר זענט מיין בעסטע שרייבער דא.
יאך וואלט קיינמאל נישט פארגליכען טראמפ צו היטלער'ן ימ"ש, איך ווייס נישט פון ווי איר נעמט עס.
אז איר פרעגט מיך וואלט איך ענדערשער פארגליכען מר. טראמפ'ען צו הרב הגאון ספרא רבא רבי מנשה פילאף שליט"א

ר' בערל: אט דאס האב איך פארשטאנען איז געווען [tag]גדליה[/tag]'ס מעסעדזש, ער האט עס פשוט גוט ארויסגעברענגט.

קורקלענד: איך האב אויך אזוי פארשטאנען. איך האב דאך געזאגט אז ס'לאזט איבער א זויערן טעם אין מויל. פי' מ'קען עס זאגן און שרייבן. אבער דאך...!

berlbalaguleh האט געשריבן:קורקלענד: איך האב אויך אזוי פארשטאנען. איך דאך געזאגט אז ס'לאזט איבער א ויערן טעם אין מויל. פי' מ'קען עס זאגן און שרייבן. אבער דאך...!

אט דאס האט ער ארויסגעברענגט, אט יענע ווייטאג, די ווייטאג וואס אונז פילן יעדעס מאל וואס זיין אפאזיציע דעזיגנירט איהם נאכאמאל אלס א היטלער. טאקע דערפאר האט ער ארויסגעברענגט ווי שטארק די ליצנות איז אויף זיי.....

ר' גדליה: אויף צו פארגלייכן מר. טראמפ צו הרב הגאון והצדיק לוחם מלחמות ה' דוגל בשיטת רבינו הק' זי"ע, ביניך נישט מסכים. ווייל מר. טראמפ איז א געפערליכער ציוני. און דאס ברענגט התגרות באומות. ער האט אריבערגעפיהרט די עמבעססי פון מדינת ישראל קיין ירושלים. און ער האט גערעדט אפענע דברי כפירה, וועלכע גייען אקעיגן די שיטה הקדושה. ער האט געזאגט...(רחמנא ליצלן מהאי דעתא)...אז ירושלים איז די הויפטשטאט פון אידישן פאלק..,רח"ל. כבר אמרנו. צי ווייסט ער דען נישט אז וויליאמ-פעסט איז די הויפטשטאט פון די ערליכע אידן...!

הרב שמעקעדיג שליט"א: ביטע געב מיר נישט קיין לייק. דו קענסט אויפמאכן נאך עפעס א ציפעדיגן מאמר. אז איך דארף א דאקטער עמערדזשענסי. ואיתך הסליחה. אויב האביך בארירט דיינע איידעלע געפיהלן...!

דער פראבלעם איז אז זיין אייגענע אדמיניסטראציע ווייסט נישט מיט וואס זיי זענען אנדערש פון היטלער.

ווען דזשעף סעשאנס איז געפרעגט געווארן וועגן די פארגלייך פון זיין זערא טאלעראנץ פאליסי צום האלאקאוסט האט ער געענטפערט אזוי
It’s a real exaggeration. In Nazi Germany, they were keeping the Jews from leaving the country.
https://www.cnn.com/2018/06/19/politics ... index.html
זעהט אויס אז לויט סעשאנס אויב וואלטן די נאציס בלויז געזאגט פארטס אוועק און אויב נישט וועלן מיר ענק פארגאזן וואלט נישט געווען קיין פראבלעם.

אינטערעסאנט אז די טפשותדיגע סטעיטמענט האט באקומען זייער ווייניג דעקונג, ווען איך האב עס געהערט בין איך געווען זיכער אז עס גייט זיין א שטורעם איבער דעם.

אונטער חכם האט געשריבן:דער פראבלעם איז אז זיין אייגענע אדמיניסטראציע ווייסט נישט מיט וואס זיי זענען אנדערש פון היטלער.

ווען דזשעף סעשאנס איז געפרעגט געווארן וועגן די פארגלייך פון זיין זערא טאלעראנץ פאליסי צום האלאקאוסט האט ער געענטפערט אזוי
It’s a real exaggeration. In Nazi Germany, they were keeping the Jews from leaving the country.
https://www.cnn.com/2018/06/19/politics ... index.html
זעהט אויס אז לויט סעשאנס אויב וואלטן די נאציס בלויז געזאגט פארטס אוועק און אויב נישט וועלן מיר ענק פארגאזן וואלט נישט געווען קיין פראבלעם.

אינטערעסאנט אז די טפשותדיגע סטעיטמענט האט באקומען זייער ווייניג דעקונג, ווען איך האב עס געהערט בין איך געווען זיכער אז עס גייט זיין א שטורעם איבער דעם.

נאך אזא נאצישע סטעיטמענט פון זשעף סעשאנס האלט איך אז איר דארפט טוהן וואס איז ריכטיג און זיך אוועקציען פון אמעריקא, ווי איז אייער אחריות פאר אייערע קינדער? איר ווארט אז מזאל אויפשטעלען דא לאגערן און מזאל שוין נישט קענען אנטלויפן?

Reductio ad absurdum

אונטער חכם האט געשריבן:דער פראבלעם איז אז זיין אייגענע אדמיניסטראציע ווייסט נישט מיט וואס זיי זענען אנדערש פון היטלער.

ווען דזשעף סעשאנס איז געפרעגט געווארן וועגן די פארגלייך פון זיין זערא טאלעראנץ פאליסי צום האלאקאוסט האט ער געענטפערט אזוי
It’s a real exaggeration. In Nazi Germany, they were keeping the Jews from leaving the country.
https://www.cnn.com/2018/06/19/politics ... index.html
זעהט אויס אז לויט סעשאנס אויב וואלטן די נאציס בלויז געזאגט פארטס אוועק און אויב נישט וועלן מיר ענק פארגאזן וואלט נישט געווען קיין פראבלעם.

אינטערעסאנט אז די טפשותדיגע סטעיטמענט האט באקומען זייער ווייניג דעקונג, ווען איך האב עס געהערט בין איך געווען זיכער אז עס גייט זיין א שטורעם איבער דעם.

אונטער חכם: די מציאות איז טאקע געווען אז ווען די נאציס, ימ"ש האבן אנגעהויבן איז זייער פלאן טאקע געווען נאר צו פארטרייבן די אידן. ס'נישט אז דאס בארעכטיגט זייער עצם עקזיסטענץ. נאר שפעטער, ווען זיי האבן געזעהן אז די וועלט אינטרעסירט נישט וואס זיי טוען צו די אידן. דאס איז געווען נאך די עוויאן קאנפערענץ. ווען די ..."גוטע"... לענדער האבן זיך פארזאמלט און געטראכט עצות וויאזוי מ'קען ..."העלפן"... די אידן. אבער קיין איין לאנד איז נישט געווען גרייט אריינצונעמען די אידן. האט היטלער, ימ"ש און זיינע אדיוטאנטן פארשטאנען אז זיי קענען טון מיט די אידן וואס זיי וויללן.און אויך נאך דעים וואס דער מופטי פון ירושלים, חאדזש אמין על חוסעיני, ימ"ש איז געפארן צו היטלער און ר'האט איהם מייעץ געווען אז ער זאלל פארניכטן די אידן מיט גאז. און ספעציעל נאך די וואנזעעי קאנפערענץ פון די נאציס, האבן זיי אנגעהויבן ערנסט צו פארניכטן די אידן. צוערשט מיט די ..."איינזאץ"...גרופס. און נאכדעים מיט די פארניכטונגס לאגערן ווי אוישוויץ/בירקענאו. און טרעבלינקא. און נאך א סאך אנדערע...!

ליטוואק פון בודאפעסט האט געשריבן:Reductio ad absurdum

צו זאגן אז פארגאזן אידען איז די זעלבע, אדער אפילו ענדליך, צו נישט אריינלאזן אומלעגאלע אימיגראנטן, איז אזוי reductio ad absurdum ווי עס קען נאר זיין.

קודם כל, מען רעדט נישט פון זיי נישט אריינלאזן, מען רעדט פון זיי צונעמען די קינדער.
והשנית והוא העיקר, נישט איך האב געזאגט אז עס איז די זעלבע, נאר דער טיפש סעשאנס האט אזוי געזאגט, די חילוק צווישן זיינע פאליסיס און נאצי דייטשלאנד איז לויט אים בלויז אז ער לאזט די אימיגראנטן ארויספארן פון לאנד אויב זיי ווילן.

טראמפ איז לדעת הגדליה'ס א היטלער צו די מוסלמענער, נישט צו אידען.

און די מוסלמענער זענען טאקע א גרויס רחמנות, זיי זענען נעבעך יד אחת מיט די ראדאקלירטע, און אלע מוסלימס זענען נעבעך קל להרשיע, און מיט אביסל שטיפת מוח קענען זיי אלע ווערען ראדאקלירטע, אנדערש ווי חרדים וואס קענען טאקע ווערען אוירבאך'ס, אבער אפילו דעמאלס הרג'נען זיי נישט קיין מענטשן.

די מוסלמענער זענען א פראבלעם. דייטשלאנד ליידט זיך אהן, און וועט מן הסתם חרוב ווערן דורך די ראדיקאלע מוסלמענער וואס זענען טאקע דארט אין דייטשלאנד געווארן אזוי.

איז טראמפ גערעכט, לאזט נישט אריין די מוסלמענער דא. סארי.

די אידן זענען א פראבלעם, מ'האט זיך מיט זיי געמוטשעט טויזנטער יארן. וואו זיי גייען וויל מען פון זיי פטור ווערן. אצינד אז היטלער האט זיי פארטריבן ווילן זיי אימיגרירן דא קיין אמעריקע. איינמאל זיי קומט אריין וועלן זיי מיט די צייט קאנטראלירן אלסדינג. און דערנאך וועלן מיר האבן דאס זעלביגע ווי דייטשלאנד. א גרויס רחמנות אבער בעסער זאלן זיי אויסגיין אין אייראפע ווי איידער אונז זאלן אויסגיין דא אין אמעריקע.....

דעס איז געווען די נאראטיוו דאן, די רוב וועלט האט אזוי אנגענומען! און מ'האט טאקע געצוימט די אידן פון אימיגרירן קיין אמעריקע בתורת אסילום, און טויזענטער אידן זענען אזוי געגאנגען צום טויט.

בנוגע די מוסלמענער, איך פארשטיי עס אזויווי דער. אבער פון צייט צו צייט טראכט איך, וואס איז אויב ס'איז סתם א רוח און א נאראטיוו וואס איז נישט אמת? ס'איז אייביג דא א סיבה פארוואס אצינד איז אנדערש... אבער מיט די צייט קען מען געוואויר ווערן אז ס'איז גארנישט געווען אנדערש...... ווען איך פאר מיט אובער איז עס געווענליך אן אראבער, געווענליך איינער וואס איז נאך נישט דא פאר אזוי לאנג, ווען איך פרעג זיי דערויף לייגן זיי אראפ אן אנדער בילד אינגאנצן.

איין זאך וואס איז נישט צום פארשטיין איז אבער, אויב ס'איז טאקע אמת אז כמעט אלע מוסלמענער זענען נישט קיין ראדיקאלע, דאן פארוואס פארדאמען נישט רוב מוסלמענער די פאר ראדיקאלע? אבער דארפסט נישט גיין זוכן צו ווייט פאר א תשובה, ביי אונז אין די געזעלשאפט איז אויך דא א קליין ציפור פון ראדיקאלע, ווערן זיי פארדאמט אפיציעל דורך אונזער מעינסטריט עסטעבלישמענט? פארוואס נישט? טראכט אריין? פארוואס פילסטו אז ביי זיי איז אנדערש?

איך נעם מיך פאר זיי נישט אן ווייל ס'קען זיי אז זיי זענען טאקע א פראבלעם, אבער ס'איז פונקט אזוי מעגליך אז נישט.