גיימער אהיים, אדער נעם אונז אהיים

[דער גאלדענער אדלער]

מ'זעהט אז ווען די אידן זענען צוריקגעקומען קיין ארץ ישראל בימי עזרא, נחמי' איז עס געווען מיט א מנין מצומצם, רוב אידן זענען געבליבן אין בבל, און זיך ארויסגעדרייט מיט כל מיני תירוצים, פארוואס נישט צוריק צו קומען קיין ארץ ישראל. מ'זעהט אין גמ' שוין א שמועס דערוועגן (יומא דף ט' ע"ב) ווי די גמ' איז מגנה די וואס זענען געבליבן וואוינען אין דעם באקוועמען בבל, ווי איידער זיך צו גיין מוטשענען און אנהייבן פון פריש, אויפצובויען א חרוב לאנד, אז צוליב וואס די בעסערע און חשובערע משפחות וואס האבן נישט עולה געווען מיט אלע אידן בימי עזרא, האט די בית המקדש נישט מאריך ימים געווען און איז אויך חרוב געווארן פונקט ווי די ערשטע, און ווען זיי וואלטן ווען יא ארויפגעקומען דאן וואלט דער בית המקדש קיינמאל נישט חרוב געווארן.

ווען מ'לערנט די גמ' פאר צוויי הונדערט יאר צוריק וואלט מען טאקע געקענט האבן שטארקע טענות אויף די בני בבל אז ווען נישט זייער זיך צוריקהאלטן וואלטן מיר אלע נאכאלץ דארט געווען און געוואוינט דארט אהנע דאגות. אבער היינט צוטאגס, קען א חו"ל'דיגער בכלל נישט האבן קיין טענות אויף די דעמאלטסדיגע בבל'שע ווייל אינז פירן זיך אויף אקוראט די זעלבע ווי זיי, אדער אין א וועג אפילו ערגער. זיי האבן כאטשיג געקענט טענה'ן אז ס'לאנד איז חרוב ונחרב, קיין פרנסה איז נישט געווען דארט, און מאדאך אז מ'מעג אוועק פארן פון ארץ ישראל פאר פרנסה, איז מעג מען דאך זיכער בלייבן אינדרויסן פאר פרנסה, אבער היינט צוטאגס אידאך נישטא דער תירוץ, היינט צוטאגס איז ב"ה דא פון אלעם גוטן דארט, פרנסה אויף אלע פראנטן, פון טעכנאלאגיע ביז אגריקולטור, פון מעדיקל ביז דיאמאנטן, פון מיליטער ביז געזעץ, פון פינאנץ ביז עסן, קליידונג וכו' וכו', א העכסט מאדערנעזירטע עקאנאמיע וואס ווערט נאר בעסער פון טאג צו טאג, קאמפאניס האלטן אין איין געווינען פיעס פרייזעס פאר זייערע אויסטרעפונגען.
‏
פאר אזא לאנד וואס מיר פארמאגן היינט צוטאגס וואלטן ווען מיר אלע געברויכט ארויף לויפן אהין מיט די שנעלסטע פליגערס, נאר מיט וואס האלטן מיר זיך צוריק, און יא "מיר האלטן זיך צוריק", קיינער האלט אונז נישט צוריק נאר "מיר אליינס" מיט א פרישן אויסגעבאקענער תירוץ, אז אונז ווארטן אז דער באשעפער אליינס זאל אינז ארויסנעמען פונעם גלות, איר הערט א תירוץ?! אינז ווארטן אויף גאט זאל אויסשטרעקן זיין האנט און אונז פשוט ארויסציען פון גלות! אזוי ווי מ'ציהט ארויס א פוילן מענטש פון בעט. זאג נאר ר' איד, ווען ס'קומט צו דיין פרנסה זאגסטו אויך אזוי, כ'ווארט אויף גאט ער זאל מיר דיפאזיטן מיינע וועידזשעס פאר די וואך, חודש, יאר?? ווען ס'קומט צו האבן קינדער, אדער זיך צו היילן, זאגסטו אויך אזוי, איז וואס איז דאס אנדערש?!
‏
כ'מיין אז די גמ' אדער ערגעצוואו כ'קען מיך נישט דערמאנען, כ'האב עס פרובירט צו מגגל זיין אבער אן ערפאלג, ערגעץ ווערט געברענגט אזא שמועס צווישן די בני ארץ ישראל און די בני בבל, ווי די בני בבל ענטפערן אזעלכע פוילע תירוצים פארוואס זיי זענען נישט ארויפגעגאנגען מיט עזרא און נחמי'. עכ"פ היינט האלטן מיר שוין אריבער צוויי טויזענט יאר פון די עלי' בבית שני און היינט צוטאגס האבן מיר שוין נישט ב"ה די אלע תירוצים פון דאמאלטס, און מיט דעם אלעם האט דער יצר הרע געפונען נייע תירוצים, אזאנע פרומע הייליגערע תירוצים, ווי כאילו אונז ווארטן אויף עפעס העכערס, עפעס הייליגערס, ווי עפעס סתם אהיים גיין קיין ארץ ישראל מיט פשוטע אל על פליגערס. אינז ווארטן אויף כנפי נשרים, אויף נסים חוץ לדרך הטבע וואס גייט לכאורה קיינמאל נישט פאסירן, אויף עפעס אזאנע געדאנקן ווי ס'בית המקדש גייט אראפ לאנדען פון הימל, און קליידער גייען וואקסן אויף די ביימער, גאלד, זילבער און טייערע דיאמאנטן שטיינער גייען זיך וואלגערן אויף די שאסייען! אוודאי האט גאט באוויזן גרויסע ניסים צו אונז אבער אלעס איז בדרך הטבע. איי וואס איז דעמאלטס די נס? אז די טבע איז פינקט געשען אין יענע מינוט. ווי למשל קריעת ים סוף און נאך ניסים. און לאמיר אריין טראכטן פאר א רגע, איז דען נישט די נס פונעם אויפבוי פון ארץ ישראל אין די לעצטע הונדערט יאר נאך אזא גרויסע נס ווי קריעת ים סוף?! איז דען נישט די נס פון קיבוץ גליות אזא גרויסע נס ווי יציאת מצרים?! אין מצרים זענען אידן מער ווייניגער געזעצן אויף איין פלאץ אנדערש ווי אינעם גלות ווי אידן זענען געווען אויסגעשפרייט אומעטום, אידן זענען ארויף קיין ארץ ישראל פונעם ווייטן רוסלאנד, פוילן אונגארן, אמעריקע פראנקרייך, ועוד ועוד,

אלזא מיינע ליבע ברידער הערט אויף חלום'ן און לאמיר טוהן צו דער זאך, ס'נישט גרינג אבער לאמיר כאטשיג בענקען דערפאר, לאמיר כאטשיג אמת'דיג ארויסקוקן דערצו, אנשטאט קויפן א הויז אין מיאמי ביעטש, לאמיר קויפן א הויז אין טברי' צו אין תל אביב, לאמיר אנהייבן עולה רגל זיין די ימים טובים, לאמיר שטיצן אונזערע ברידער אין ארץ ישראל דורך איינקויפן פראדוקטן פון ארץ ישראל, לאמיר כאטשיג טוהן די מינדעסטע השתדלות און ווייזן אז אונז ווילן טאקע יא צוריק אהיים גיין און אונז זוכן בכלל נישט קיין תירוצים. און דער רבוש"ע זאל שיקן א נס בדרך הטבע אונז זאלן זיך אהין ציען בקרוב ממש.

כ'בין באמת מקנא די אידן וואס וואוינען שוין דארט, עפעס א גרעסערע זכי' פון מיר האבן זיי אז זיי וואוינען שוין דארט, צו ווייל זיי האבן בוחר געווען זיך אהין צו ציען, צו זיי זענען שוין דארט ווייל זייערע עלטערן האבן זיי מזכה געווען, ווי אזוי ס'זאל נישט זיין שטייען זיי שוין פאראויס, זיי האלטן מיט די נסים וואס גאט טוט מיט אינז יום יומית פון די נאענט.

נפשי מאד נכספה לראות בזיו זהרך, שלום יהי לך ורב שלום לעוזריך. (רבנו אברהם החוזה, קינות קפיטל ל"ז)

יעצט שרייבענדיג דעם ארטיקל איז מיר פארענטפערט געווארן דעם מימרא פון רבי אלעזר בשם רבי חנינא, תלמידי חכמים מרבים שלום בעולם, שנאמר, וכל בניך למודי ד', ורב שלום בניך, אל תקרי בניך אלא בוניך. ס'טאקע פיין צו זיין א וואויל קינד, אבער ס'קומט אבער נישט צו צו א בויער איינער וואס בויעט איז מער ווי סתם א וואויל קינד.

[רביה''ק זי''ע]

גראדע שטייט אין גמרא אז די סיבה פארוואס די צווייטע בית המקדש איז חרוב געוארן איז דערפאר וואס מ'האט איינגעהאלטן די שלוש שבועות, וז"ל: "ריש לקיש הוי סחי בירדנא, אתא רבה בר בר חנה יהב ליה ידא, א"ל אלהא סנינא לכו דכתיב אם חומה היא נבנה עליה טירת כסף ואם דלת היא נצור עליה לוח ארז - אם עשיתם עצמכם כחומה ועליתם כולכם בימי עזרא, נמשלתם ככסף שאין רקב שולט בו. עכשיו שעליתם כדלתות, נמשלתם כארז שהרקב שולט בו" (יומא ט:). ועיין בהמשך מחלוקת אם גם נבואה בטלה בגלל זה, ועיין גם במדרש רבה עה"פ אם חומה היא, וז"ל": "אלו ישראל העלו חומה מבבל לא חרב בית המקדש בההיא שעתא פעם שנית".

שטייט אין גמרא מסכת ברכות דף כ: "אמר ליה רב פפא לאביי, מאי שנא ראשונים דאתרחיש להו ניסא ומאי שנא אנן דלא מתרחיש לן ניסא? ...אמר ליה, קמאי הוו קא מסרי נפשייהו אקדושת השם, אנן לא מסרינן נפשין אקדושת השם". און די תירוץ איז זייער קלאר, די אלע נסים וואס שטייט אין די נביאים אויף ימות המשיח זענען נאר געזאגט געווארן ווען מ'האלט באמת דערביי דאן העלפט דער באשעפער צו, אזויווי מ'זעהט ביי קריעת ים סוף מיט נחשון, אבער אז מ'זיצט זיך באקווועמערהייט און מ'ווארט אויף נסים קען מען ווארטן לעולם דוד.

[ליטוואק פון בודאפעסט]

איך זעה נישט קיין קשיא אז מ'דארף פארענטפערן. עזרא איז געווען א נביא און אויך פון די אנשי כנסת הגדולה און ער האט געהייסן אז מ'מוז יעצט גיין. אז ער האט גערעדט אלס נביא, האט עס נישט קיין שייכות נישט מיט היינט. ווער זאגט אונז אז היינט וועט געלונגען די נייע עליה? מיר האבען נישט קיין נביא דערפאר.

הייסט'ס אז די טענה אויף זיי דעמאלס איז נישט נאר דאס אז זיי האבען נישט געפאלגט די צו התורה פון 'אליו תשמעון', נאר אז טאמער דער נביא מאכט א קדושה שניה, פאלען אוועק די תירוצים אז יישוב ארץ ישראל איז נישט קיין חיוב, ווייל דאס איז איין מאל זיכער אז די היתרים קעגען ישוב ארץ ישראל זענען געבויט אויף דעם אז עס איז נישט דא קיין כיבוש, און אלס נביא האט עזרא יא געקענט כובש זיין.

אלזא, דער צושטעל עקזיסטירט נישט, און ביזדערווייל איז אלעס תלוי אויף טאמער עס איז דא א מצוה היינטיגע צייטען, און וויפיהל דארף מען נאכגעבען דערפאר. (געדענק אז כמעט אלע ביזנעסער וואס דער היימישער עולם טוט דא, קען מען נישט אריבערפיהרען. פון פליפען בניינים אין ברוקלין ביז עמעזאן ליפערן, ווי אויך די ריזיגע פערצענט פון אונזער GDP וואס באשטייט פון שנאר אפאראטן און ציונים שלעגערס, און ביידע אינאיינעם)

[רביה''ק זי''ע]

עיין כאן למטה בענין חטא המרגלים, ולפי זה אפשר גם ליישב חטאם של המיוחסים בימי עזרא.

[calculator]

טאקי דעם תשעה באב האב איך גענומען דעם טייערען ספר אם הבנים שמחה פונעם גרויסען גאון וצדיק ר' ישכר שלמה טייכטאהל הי"ד און געלערנט אינמוטען מאמר היישוב והבנין אות נה' ווי ער בעט זיך ביים "גלות יוד" ער זאל אויף געבן זיין באקוועמקייט און אנהייבן קוקן א ברייטערן בליק אויפן אידשען פאלק ווי דער אייבערשטער ווייזט אינז, אז מיר זאלן ארויף גיין לארצינו, און ווי ער שרייבט בתוך דבריו זייער שיין ונקח לדמיון החסיד הזה שהוא אדוק ברבו ובהחסידים שמסתופפים בצל רבם, עולמו מתהפך רק בהחוג הקצר שעובר ושב בו ועד כאן תחום שבת, יותר לא איכפת ליה ולא מתחשב כלל עם העם הכללי הישראלי המפוזר ומפורד בעולם, ולו ישאלו ממנו ליתן לדבר הנוגע לכלל ישראל בקושי גדולה יוכלו להוציא ממנו דבר מה, אבל בחוג עולמו שהוא מתהפך בו אין כסף נחשב לכלום און פארדעם שרייבט ער ווען עס קומט צו די ענין פון גלות וגאולה טאר מען נישט זיין פרום אז מען האט מורא מען וועט נשפע ווערן פון די פרייע וועלט, און ער שרייבט יען דארט וויא עס האנדעלט זיך לגלות אורו של משיח, טאר מען ניכט זיין קיץ נאר און קוממען מיט פרומקייט [= כאשר מדובר בענין גילוי אור של משיח, אסור להיות טיפש ולבוא באיצטלא של ’פרומקייט׳].

[רביה''ק זי''ע]

דאס שטימט טאקע זייער גוט מיט די גמרא וואס כ'האב פריער ציטירט פון ברכות דף כ:, וואס אלע מערקן אן אז די ביישפיל וואס אביי ברענגט פאר די מסירות נפש פון דורות הראשונים איז פון רב אדא בר אהבה וואס האט געטון ווילדע שטיק און ער האט שפעטער שאדן געהאט דערפון און חרטה געהאט. און די פשט איז אז דאס גופא איז די מדריגה פון מסירות נפש וואס מ'דארף האבן, נישט זיצן און אויסרעכענען צו ס'איז אויסגעהאלטן צו נישט, נאר אריינשפרינגען און טון צום זאך, ועיין עוד כאן בדברי הרבי מלובלין באריכות נפלא (מספר הקדוש זכרון זאת פרשת פקודי).

[ליטוואק פון בודאפעסט]

דאס שטימט טאקע זייער גוט מיט די גמרא וואס כ'האב פריער ציטירט פון ברכות דף כ:, וואס אלע מערקן אן אז די ביישפיל וואס אביי ברענגט פאר די מסירות נפש פון דורות הראשונים איז פון רב אדא בר אהבה וואס האט געטון ווילדע שטיק און ער האט שפעטער שאדן געהאט דערפון און חרטה געהאט. און די פשט איז אז דאס גופא איז די מדריגה פון מסירות נפש וואס מ'דארף האבן, נישט זיצן און אויסרעכענען צו ס'איז אויסגעהאלטן צו נישט, נאר אריינשפרינגען און טון צום זאך, ועיין עוד כאן בדברי הרבי מלובלין באריכות נפלא (מספר הקדוש זכרון זאת פרשת פקודי).

איך האב דארט געקוקט און ער רעדט נישט דערפון. אפשר ערגעץ אנדערש. ער רעדט פון די צוויי סארטן צדיקים, איינער האלט אלס ווי ס'שטייט אין תורה, און דער צווייטע גייט מאהבת ה' ומיראת רוממותו ית' און אזוי דינט ער דער רבוש"ע. קיינער פון זיי רעדט נישט פון ווילדע שטיק.

[רביה''ק זי''ע]

זעהט אויס אז צווישן ווילדע שטיק און אויסרעכענען יעדע ריר איז דא א ממוצע.

די פוינט איז אז רב אדא בר אהבה - און די דורות הראשונים בכלליות - זענען געווען פון די צווייטע סארט צדיקים, דערפאר האט זיך געקענט אמאל מאכן אזא זאך, און מיט דעם אלעם זענען זיי נאכאלץ געגאנגען אויף דעם מהלך, און זיי זענען געווען גרייט אויף מסירות "נפש".

[berlbalaguleh]

דער גאלדענער אדלער, רביה"ק זי"ע ועוד...!

עטץ זאגטס זייער שיינע און אמת'דיגע רייד. אבער ווען די היינטיגע פארשטינקענע דעמאגאגן ווי מנשה'לע פליפ פלאפ און שמואל שלמה טעללער וואלטן געווען בימי עזרא הסופר, ונחמיה וחנניה מישאל ועזריה, וואלטן זיי געשריבן פייער'דיגע ארטיקלען אין די צייטונג און דער בלאט (נישט אז דער איד מיט א האר בעסער. אבער דיבר הכתוב בהווה) אז די אידישע פיהרער זענען ציונים און אפיקורסים און די רבי. זי"ע האט זיי געמיינט ווען ער האט געשריבן זיין ספר הק'. און זענען פון די סיטרא אחרא. און זיי בעטן זיך בדם נפשם אז דער עולם זאלל זיי נישט פאלגן און זיך לאזן פארפיהרן פון די פארשאלטענע ציונים וועלכע זענען אויכעט געווען בימי חורבן הבית הראשון. און זיי זענען די עמלקים פון א יעדן דור (עפרא לפומייהו פון די 2 היפאקריטן און דעמאגאגן) קעגן וועם רביה"ק האט געקעמפט אלע יארן מיום עמדו על דעתו. און זיי זענען עובר אויף א שרעקליכע און ווילקירליכע התגרות באומות. (וואס לפי שיטת רביה"ק הגה"ק מהר"א מקר"י גייט עס נאר אן אין די טמא'נע מדינת ישראל. נישט אין די הייליגע שטעטל פון פאלם טרי אין ארענדזש קאונטי. לפי שיטת הרמב"ם. הערה: כאטש דער רמב"ם איז געווען א ליובאוויטשער. אבער אין די עניינים פאלגט מען איהם.). זיי בעטן די ברכיים אשר לו כרעו לבעל הציוני אז מ'זאלל זיי נישט אויסהערן ולא תשמע לו ולא תאבה אליו. ווייל דאס גלות איז זיס. מ'האט דארט ב"ה א סאך ריעל עסטעיט. (ס'נישט אז מ'האט נישט אין די טמא'נע מדינת ישראל אויכעט א סאך ריעל עסטעיט. אבער פון דעים ווייסט נישט דער עוילעם.)...!

און אפילו ווען דער עכטער משיח (נישט דער ליובאוויטשער) וועט אי"ה קומען וועללן זיי, די סאטמאר'ע היפאקריטן און דעמאגאגן שרייען אז ער איז א ציוני. און דער עולם זאלל זיך נישט לאזן פארפיהרן פון איהם ווייל ער איז פון די סיטרא אחרא. און די רבי זי"ע ברענגט אין דברי יואל (לפי דבריהם השקריים והמזויפים) אז א יעדער וואס וועט אויפשטיין און זאגן אז ער איז משיח. אפילו דער עכטער איז א משיח של שקר. און די ערליכע אידן טארן נישט נאכגיין נאך איהם...!

[קאך_לעפל]

אין קורצן, איר זענט מער נישט אין די גיסטע צו ווארטן אויף משיח צדקינו... כ'פארשטיי אייך גראדע זייער גוט, ווי לאנג קאן מען דען ווארטן? אקוראט דאס זעלביגע האט שוין רבי וועלווע דזשאַבאָטינסקי זאל זיך מוהען, געשריגן און געלארעמט פאר א צירקע פון ניינציג יאר צוריק. דאן האט דאס אלגעמיינער ארטאדאקסישע יידנטום נישט אקצעפטירט זיין רוף... קאן זיין אז דער הארציגער רוף פונעם נשר זהב וועט פילייכט יא געהערט ווערן... ווער ווייסט דען......

[ליטוואק פון בודאפעסט]

תלי תניא בדלא תניא

ישוב א"י קען זיין א מצוה. ווארטען איז זיכער נישט קיין מצוה. דו ביסט נישט אין דער גוסטע צו האלטן א מצוה.

Sent from my LG-K373 using Tapatalk

[קאך_לעפל]

גערעכט. ווארטן אויף משיח איז נישט קיין מצוה, ס'איז גאר א פליכט. פון די סאמע ערשטע זאכן וואס מ'פרעגט א מענטש ביים ערשיינען פארן הימלישער געריכט נאכן טויט איז: רבי איד, איר האט געווארט אויף משיח? און אויב דער אנטווארט איז ניין, קאן מען פילייכט אויסשטיין פארשידענע אומאנגענמליכקייטן... אזוי פארשטיי איך...
און לגבי ישוב ארץ ישראל פארן אנקום פון משיח. דאס איז טאקע גאר א גרויסע מצוה. אבער אין לויף פון די יארן האט זיך כלל ישראל נישט אזוי צו געכאפט דערצו, צוליב פארשידענע טעכנישע איינצעלהייטן און קאנטארווערסיאלע אורזאכן מיט וועלכע דער דאזיגער הייליגער מצוה איז פארבינדן. אידן האבן מער ווייניגער געזוכט מצות וועלכע זענען ווייניגער פארבינדן מיט קאנטארווערסיע...

[yerushalmi]

דאס איז אמאל זיכער אז היצטערט איז משיח נאך נישט דא ליידער (קען זיין ביי די טיים איך וועל ענדיגען שרייבן וועט ער שוין דא זיין) אין ווי הרה"ק מסאקמאר זי"ע שרייבט איז נישט אויסגעהאלטן צו גיין וואוינען דארט כידוע לשון קדשו עס וועט זיין א צייט וואס קיין יוד וועט נישט קענען וואוינען דארט עכ"ל אבער לגבי די נושא פון שטיצען די אידן דארט וואס האבן נישט קיין לחם לאכול און ואוינען דארט ווייל זיי שפירן קדושת ארה"ק דארהויבענע אידן אט דאס ביסטו גערעכט.

[קאך_לעפל]

אין יעדענס פאל. א איד וואס גלייבט אז משיח קען אנקומען יעדען טאג, האט זיך גארנישט וואס צו איילן מקיים צו זיין די הייליגע מצוה פון ישוב ארץ ישראל. נעמליך, ווי נאר משיח קומט אן, וועלן אלע אידן אין יעדענספאל ארויף גיין אויף ארץ ישראל און מקיים זיין מצות ישוב ארץ ישראל. פארוואס זיך היינט אריינלאזן אין קאנטערווערסיע ווען מארגן קען מען מקיים זיין די מצוה אן קיין קאנטארווערסיע..

[yerushalmi]

אין יעדענס פאל. א איד וואס גלייבט אז משיח קען אנקומען יעדען טאג, האט זיך גארנישט וואס צו איילן מקיים צו זיין די הייליגע מצוה פון ישוב ארץ ישראל. נעמליך, ווי נאר משיח קומט אן, וועלן אלע אידן אין יעדענספאל ארויף גיין אויף ארץ ישראל און מקיים זיין מצות ישוב ארץ ישראל. פארוואס זיך היינט אריינלאזן אין קאנטערווערסיע ווען מארגן קען מען מקיים זיין די מצוה אן קיין קאנטארווערסיע..

דאטס איט גיי און טו צו די זאך און שיק ארויף געלט פאר די עניי ארה"ק אזוי ווי מען האט געטאן אלע דורות ר' מאיר בעל הנס פושקע

[ליטוואק פון בודאפעסט]

עס איז דא לייכטערע און זיכערע וועגן צו שטיצען עניי ארץ ישראל ווי רמבעה"נ. אוודאי קומט אן מעשר פון רמבעה"נ צו עניי ארץ ישראל, אבער עס איז דא וועגן ווי א גרויסע חלק פון די אנדערע ניין צענטלעך זאל אויך אנקומען.

מר קאך לעפל, האסט אזעלכע מיסטעריעזע ווערטער, ווי ׳קאנטראווערסיאל׳. וואס דארף עס צו מיינען? ווען דער ט"ז רעדט פון א הלכה, ברענגט ער אויך א מקור פון ׳קאנטראווערסיאל׳ אדער רביהקזיע? אדער רעדט ער אין לערנען פון סוגיות אין ש"ס?

סתם אזוי, די שאלה ׳פארוואס מקיים זיין א מצוה?׳ הערט זיך ווי שאלת הנשים הארורות. פאר דעם אליינס אז עס איז א מצוה דארף זיין גענוג א סבה פאר א גאטספארכיגע איד.

אגב אורחא, ׳צפית׳ מיינט האפען, נישט ווארטען. עס מיינט נישט אז מ׳זאל ווארטען לאפוקי עפעס טון, נאר פארקערט מ׳זאל האפען אז עס זאל שוין זיין.

[קאך_לעפל]

[justify]אידן האבן געזינדיגט, דער אייבישטער האט זיי פארטריבן פון ארץ ישראל אין גלות אריין, און זיין הייליג ווילן איז - אז אידן זאלן פארבלייבן אין גלות ביז ווי לאנג ער זעלבסט וועט אונז אויסלייזן. ווי דער הייליגער נביא ירמיהו האט געזאגט פאר די אידן נאכדעם וואס זיי זענען פארטריבן געווארן אין גלות בבל: בבלה יובאו ושמה יהיו עד יום פקדי אותם נאום השם. די גמרא פארציילט אפילו אין מסכת ברכות אז רבי אבא האט זיך פארמיטן זיך צו טרעפן מיט רבי יהודה, ווייל ער האט געוואלט ארויפגיין אויף ארץ ישראל. און ער האט געהאלטן אז מ'טאר נישט און מ'איז גאר עובר אויף א עשה, טאקע צוליב דעם פריער דערמאנטען פסוק אין ירמיהו.

איי וואס טיט זיך מיט מצות ישוב ארץ ישראל? אויב איטליכער איד האט א פליכט מקיים צו זיין ישוב ארץ ישראל, דאן ווערט דאך צינישט דעם גאנצער גזירות הגלות? נאר וואסזשע דען? ס'איז זיכער פארהאן א מצוה פון ישוב ארץ ישראל - אבער נישט פאר יעדן... ווער יא און ווער נישט? ס'איז פארהאן א ספר וואס דער פעטער פונעם הייליגן שפע חיים זי''ע בז''ר האט געשריבן, דארט איז פארהאן א גאנצע אפהאנדלונג, איבער ווען, און ווי אזוי, דער מצוה פון ישוב ארץ ישראל גייט אן. ס'וואלט געווען ראטזאם אז איר זאלט דארט אריינבליקן, עס וועט אייך באלייכטן די אויגן אין דעם דאזיגן הינזיכט...[/justify]

[ליטוואק פון בודאפעסט]

הייסט׳ס ביסט שוין מסכים אז עס איז נישט קיין חיוב צו ווארטען, און צפית לישועה האט נישט מיט ווארטען? ביסט מסכים אז די וואס ווילען נישט ווארטען זענען גארנישט עובר?

(אגב, דו וואוינסט אין בבל? וואס איז מיט ירמיה?)

Sent from my LG-K373 using Tapatalk

[קאך_לעפל]

הייסט׳ס ביסט שוין מסכים אז עס איז נישט קיין חיוב צו ווארטען, און צפית לישועה האט נישט מיט ווארטען? ביסט מסכים אז די וואס ווילען נישט ווארטען זענען גארנישט עובר?

(אגב, דו וואוינסט אין בבל? וואס איז מיט ירמיה?)

Sent from my LG-K373 using Tapatalk

רמב''ם הלכות מלכים ומלחמות פרק יא:

א המלך המשיח עתיד לעמוד, ולהחזיר מלכות בית דויד ליושנה הממשלה הראשונה, ובונה מקדש, ומקבץ נדחי ישראל. וחוזרין כל המשפטים בימיו, כשהיו מקודם: מקריבין קרבנות, ועושין שמיטין ויובלות ככל מצותן האמורה בתורה.

ב וכל מי שאינו מאמין בו, או מי שאינו מחכה לביאתו--לא בשאר נביאים בלבד הוא כופר, אלא בתורה ובמשה רבנו: שהרי תורה העידה עליו, שנאמר "ושב ה' אלוהיך את שבותך, וריחמך; ושב, וקיבצך מכל העמים . . . אם יהיה נידחך, בקצה השמיים--משם, יקבצך ה' אלוהיך, ומשם, ייקחך. והביאך ה' אלוהיך . . ." (דברים ל,ג-ה). ואלו הדברים המפורשים בתורה, הם כוללים כל הדברים שנאמרו על ידי כל הנביאים.

וואס שטייט דא מצפה? אדער מחכה? און וואס טייטש מחכה?

[berlbalaguleh]

אין קורצן, איר זענט מער נישט אין די גיסטע צו ווארטן אויף משיח צדקינו... כ'פארשטיי אייך גראדע זייער גוט, ווי לאנג קאן מען דען ווארטן? אקוראט דאס זעלביגע האט שוין רבי וועלווע דזשאַבאָטינסקי זאל זיך מוהען, געשריגן און געלארעמט פאר א צירקע פון ניינציג יאר צוריק. דאן האט דאס אלגעמיינער ארטאדאקסישע יידנטום נישט אקצעפטירט זיין רוף... קאן זיין אז דער הארציגער רוף פונעם נשר זהב וועט פילייכט יא געהערט ווערן... ווער ווייסט דען......

הערר קאך לעפל: איהר האט נישט גוט פארשטאנען מיינע און די אנדערע אידן'ס רייד. ס'האט קיינער נישט געזאגט אז מיר וויללן שוין נישט ווארטן פאר ביאת משיח צדקנו. מיר האבן נאר אויסגעשמועסט וואס די 2 הויפט דעמאגאגן וועלכע דרייען זיך אין סאטמאר זאגן מנהמת ליבם ה'פאררוקטע. אז מנש'קעלע פליפ פלאפ קען זאג אזא וואנזיניגן סטעיטמענט אז היינט, בעיקבתא דמשיחא וועט אן ערליכער איד נישט קענען לערנען תורה. נאר דער פאר וועים די סיטרא אחרא העלפט צו, דער וועט קענען לערנען תורה. צו זאגן אזא סטעיטמענט דארף מען זיין נישט סתם פאררוקט נאר עיקש ופתלתול...!

נ.ב.: ר' וועלוול זשאבאטינסקי זאלל זיך נישט מיהען פאר מיר. ער האט געזאגט איינס פון א סאך סטעיטמענטס אז פון די ערליכע אידן מיט די בארד און פיאות קענמען נישט האבן קיין נוצן. און אז זיי זענען די שטויב פון היסטאריע. זאלל ער נאר בלייבן דארט וואו ער איז. אז ער וועט האבן א זכיה וועט ער ווערן שטויב תחת רגלי הצדיקים...!

[קאך_לעפל]

ו.ב.י.ל.י.כ.ל.

[berlbalaguleh]

לאל-עכל...!

פ.י.דזש.דהע סעים...! ד.ז.ג.א.ד.ר'.ע.א. בקרוב ממ"ש...ע. העוו עי. פ.ד. ענד דזש. אףף עי ברידזש...!

[רביה''ק זי''ע]

אין יעדענס פאל. א איד וואס גלייבט אז משיח קען אנקומען יעדען טאג, האט זיך גארנישט וואס צו איילן מקיים צו זיין די הייליגע מצוה פון ישוב ארץ ישראל. נעמליך, ווי נאר משיח קומט אן, וועלן אלע אידן אין יעדענספאל ארויף גיין אויף ארץ ישראל און מקיים זיין מצות ישוב ארץ ישראל.

אין סומכין על הנס, ואע"פ שאש יורד מן השמים וגו'.