קאווע שטיבל

פילע רבנים זענען ביי די מיינונג אז PEARLS ברענגט אריין זייער נישט גוטע ביכער בבתי החינוך.

Fake

אלוקים נצב בעדת ק-ל
א זעלטענע אסיפת הרבנים פון איז פארגעקומען יום שנכפל בו כי טוב ג' כי תצא
די אסיפה איז געווען גערופן אויף 2:30 נאכמיטאג, די אסיפה איז פארופן געווארן
דורך כ''ק מרן אדמו''ר מ'סאטמאר (מהר''יי) שליט"א
עס האט זיך באטייליגט כ"ק מרן רבינו שליט"א – די וועד הרבנים פון פערלס כ"ק
אדמו"ר מגאלאנטא שליט"א - גאב"ד קאשוי שליט"א - אבד"ק פאיע וחבר הבד"צ שליט"א
– ווי אויכט די חשוב'ע רבנים, גאב"ד סאטמאר מאנסי שליט"א - - אבד"ק גרינוויל
שליט"א – הגה"צ ר' חיים דוד כ"ץ שליט"א דומ"ץ קיט"ל בארא פארק וחבר הבד"צ –
הגה"צ ר' ארי' ראזענפעלד שליט"א דומ"צ קיט"ל קרית יואל – הגה"צ אבד"ק סאטמאר
י-ם שליט"א - אבד"ק סיגוט שליט"א - הגה"צ ר' לייבוש פריעדמאן שליט"א דומ"צ
ביהמ"ד הגדול - הגה"צ ר' אשר מאנן שליט"א דומ"ץ קיט"ל מירטל - הג"ר נפתלי
הארוויטץ שליט"א אבד"ק זכרון נפתלי וחבר וועד החינוך דמוסדותינו הק'
וויליאמסבורג – הגה"צ ר' שלום יושע ווייס שליט"א דומ"ץ ספינקא בארא פארק וחבר
וועד החינוך דמוסדותינו הק' ב"פ - הגה"צ ר' שמעון כ"ץ שליט"א דומ"ץ קיט"ל
מאנסי- הגה"צ ר' אהרן שמואל פאדווא שליט"א דומ"ץ בקיט"ל ב"פ - הגה"צ ר' חיים
קלמן גוטמאן שליט"א דומ"ץ קיט"ל סאוט 8 - הגה"צ ר' משה ארי' ליבערמאן שליט"א
דומ"ץ בקיט"ל –הגה"צ ר'יחזקאל טייטלבוים שליט"א דומ"צ קיט"ל קליימער - הגה"צ
ר' יהוסף שווארטץ שליט"א דומ"ץ בקיט"ל - בני רבינו‎ שליט"א
הרה"ח ר' שלמה הערצאג יו"ר וועד החינוך דמוסדותינו הק' וויליאמסבורג
די מנהלים פון די מיידל שולעס פון וומס"ב, בארא פארק, קרית יואל, מאנסי‎
וואו אויך ר' ארי' ווייס וואס מנוצט שוין יארן די ביכער וואס ער מאכט.
עס האט זיך באטייליגט עטליכע חשוב'ע עסקנים וואס די רבנים האבן זיי
באאויפטראגט זיך אריינצולייגן אין די מציאת הדברים.
כ"ק מרן רבינו שליט"א האט אנגעלייטעט די אסיפה מיט א רגש דקדושה ווי ער האט
ארויס געברענגט דעם אחריות וואס עס ליגט אויף די נאספים ווען מ'איז דן אויף די
חינוך פון תשב"ר וואס איז די יסוד פון די קומענדיגע דורות.
יעדע זאך וואס ווערט געטוען אין די מוסדות וואס רביה"ק האט אוועקגעשטעלט דארף
זיין מיט א געוואלדיגע זהירות מען זאל חלילה נישט מועל זיין בקדשים אין די
פקדון וואס רביה"ק האט אונז איבערגעלאזט.‎
די נאספים די רבנים הגאוה"צ עיני העדה וואס זיי טראגן דעם אחריות אויף דעם דור
דארפן טאקע יעדע זאך דורכטוען לדעת את המעשה אשר יעשון.
דערנאך האט רבינו שליט"א ערווענט די גזירת החינוך וואס איז עומד על הפרק
ארויסגעברענגט דעם קריטשען צייט אין וואס מען שטייט די גרויסע סכנה און פונעם
צווייטען זייט ווי שטארק מען דארף האבן זהירות יעדע זאך און יעדע פעולה וואס
מען טוט וואס וועט האבן א עפעקט אויף לאנגע יארן.
נאכדעם האט רבינו שליט"א מכבד געווען כ"ק אדמו"ר מגאלאנטא שליט"א פון די וועד
הרבנים פון פערלס זאל פארלייגן די אסיפה.
די גאלאנטע רבי שליט"א ‎האט ארויסגעברענגט אז ער איז שוין בעובי הקורה די
גאנצע צייט במשך די לעצטע דריי יאר וואס מען איז לוחם קעגן די גזירה, און די
אלע טענות וואס מאנכע שרייען אז מען מאכט פשרות און אזוי ווייטער קומט פון
חסרון ידיעה והבנה אין די מציאות, ער האט ארויסגעברענגט די לעכערליכקייט פון
די אלע טענות.
דערנאך איז מען אריבער צו דעם נושא פון "קאמען קאר" די גאלאנטא רבי שליט"א האט
מקדים געווען אז ער וועט פארלייגן דאס וואס ער האט מברר געווען אבער ער וויל
הערן וואס די אנדערע רבנים האבן צו זאגן אויף דעם.
נאך א לענגערע צייט אראפלייגן די מציאות הענינים און די אלע טענות וואס מען
טענה'ט דערויף און די אמת'ע פאקטן וואס ער האט מברר געווען, איז ארויסגעברענגט
געווארן אז די נייע ביכער וואס איז ערצייגט דורך פערלס וואס איז געשריבן און
צוזאמען געשטעלט דורך ערליכע אידן אויפן קאמען קאר סיסטעם איז א בחינה פון
רפואה קודם למכה, און מען קען זאגן אז רביה"ק בגנזי מרומים האט דערפון א
שביעות רצון, ווי באקאנט האט רביה"ק משתוקק געווען אז מזאל ערצייגן אייגענע
ביכער.
די גאלאנטע רב ווי אויכט נאך עטליכע רבנים האבן שטארק באטאנט אז די נושא פון
קאמען קאר האט נישט קיין דירעקטע שייכות מיטן גזירתת החינוך דאס איז א ענין
וואס איז נוגע די מוסדות.
עס איז געווען דארטן אויפן טיש מערערע קונטרסים מיט דאקעמענטן פון אלע צדדים,
כדי מען זאל קענען מעיין זיין בשעת מעשה.
‎נאכדעם האבן די רבנים צווישן זיך איבערגאנגען און דורך געשמועסט אלע חלקי
הבונה והסותר מצד א' די אלע טענות וואס ווערן געהערט בחוצות וברחובות, און
דערקעגן די אמת'ע פאקטן.‎
הגה"צ גאב"ד קאשוי שליט"א האט אויכט ארויסגעברענגט אז ער איז באקאנט אין די
מציאות הענינים און ער האט גוט דורכגעטוען די טענת המערערים, ער האט
ארויסגעברענגט אז די מערערים אין להם על מה שיסמוכו.
די רבנים פון די וועד הרבנים פון פערלס האבן ארויסגעברענגט בתו"ד אז זיי זענען
נישט געקומען דא בעטן די רבנים זאלן זיך מצרף זיין צו דעם וואס זיי האבן מחליט
געווען, נאר אדרבה יעדער איינער וואס האט עפעס א טענה אדער א פקפוק זאל עס
אויסשמועסן כדי מען זאל קענען צוקומען צו א קלארקייט.
די מנהלים שליט"א וואס שטייען בראש המוסדות האבן דארט אויפגעטרעטן הרה"ח ר'
בנציון פייערווערגער הרה"ח ר'נחמן זיגעלמאן און די מנהל אין בורא פארק.
די רבנים שליט"א האבן אויכט פארגעלייגט זייערע שאלות פאר די מנהלי המוסדות פאר
די מנהלי המוסדות פון אלע שטעט צו פארשטיין מיט א קלארקייט די מציאות הענינים.
מען האט אויכט איבערגעשמוסט די אלע פרטי הדברים מיט די אנוועזנדע פונעם וועד
החינוך, וועלעכע האבן מעיד געווען אז יעדע זאך אינערהאלב די מוסדות ווערט
דורכגערעדט און דורכגעטראכט כראוי וכיאות.
מען האט געוויזן די אלע ביכער וואס מען ניצט אין אונזערע מוסדות פאר די רבנים
א טייל ארויסגעגעבן דורך פערלס און א טייל פון אנדערע קאמפעניס.
עס האט אויכט אויפגעטרעטן ר' ארי' ווייס וואס טוט שוין אין די ענין פון ביכער
לאנגע יארן און האט מסביר געווען פארשידענע חלקים אין די מציאות, און געוויזען
אין די ביכער די מציאות.
אזוי אוכיט האט מען גערעדט דארט מיט ר' יואל ברוין פון מאנסי וואס ער איז
שטארק באקאנט אין די מציאת הדברים.
ער האט ארויסגעברענגט אז אסאך ביכער וואס ער האט געמאכט נאך איידער עס איז
ארויס די קאמען קאר מהלך איז למעשה נאך וואס עס איז ארויס קאמען קאר דאס אויכט
באשטעטיגט געווארן, און אנדערע ווערטער "קאמען קאר" איז נישט עפעס א גרויסע
חידוש.
ער האט ארויסגעברענגט אז די אלע טשטושים ובלבולים קען נאר זאגן איינער וואס
זעהט נישט די מציאות פאר די אויגן און האלט נישט מיט די סדר הלימודים אין א
בית חינוך.
מען האט נישט דורגעלאזט א דבר קטן און א דבר גדול וואס איז נישט אויסגעשמועסט
געווארן, אין יעדע טענה האט מען מעיין געווען, ביז עס איז ארויס די קלארקייט
ברור כשמלה.‎

די רבנים שליט"א האבן פה אחד מחליט געווען אז די אלע טענות וואס מען הערט אויף
"קאמען קאר" בחוצים וברחובות האבן נישט קיין האפט אין איז נישט אין איינקלאנג
מיט די מציאות הדברים. און עס איז אויכט נישט מקום להחמיר צוליב מראית עין
וכדומה נאר אדרבה עס האט אויכט געוויסע מעלות ברוחניות מער ווי די אאלטע סדר.

במשך די דיונים האבן די רבנים ארויסגעברענגט די מעשה השחתה וואס ווערט
אפגעטוען דורך אזעלעכע יונגען וואס טראגן נישט קיין אחריות אויף זיך, און זיי
זוכן לחרחר ריב פאר אנדערע אינטערעסן.
קאשוי רב האט בתו"ד פארציילט אז די חברה טערעזירן אים אויף אלע סארט אופנים
און אפילו נעכטען שפעט ביינאכט האט מען אים געקאלט שרייען.
הגה"צ ר' חיים דוד כ"ץ שליט"א האט פארציילט ווי זיי זענען ביי אים געזעצן שעות
אויף שעות אויף אים אין יעדען טאג האבן זיי געטוישט טענות... ווי אויכט האבן
זיי אים ארום געשלעפט מיטן ברענגן דאקעמענטן און צום סוף האבן זיי אים
געברענגט די זעלבע דאקעמענטן וואס איז שוין מיט עטליכע טעג פריער געווען
פארשפרייט.
גרינוויל רב האבן עטליכע געזאגט אז טאמער גייט ער אינטערשרייבן וועגן קאמען קאר,
נעמען זיי ארויס די קינדער און גייען אוועק דאווענען‎.
בתוך הדיונים האט הגה"צ ר' חיים דוד כ"ץ שליט"א זיך אויפגעשטעלט און בקול חוצב
להבת אש אויסגעשריגן איבער די השחתה פון די שמוציגע נידריגע האט ליינ'ס און
דיעות זאגגער'ס, וואס דאס רייסט אויס דעם כח התורה והוראה און העצט אן דעם
יונגווארג צו טוען מעשים אשר לא יעשו !
די מאנסי רב שליט''א האט זיך אויסגעדריקט מיט גאר שארפע דיבורים אקעגען די אלע
וואס רעדען אויף די האט ליינ'ס.‎
די דיונים זענען פארגעקומען במשך קרוב צו דריי שעה

ליפא האט געשריבן:Fake

למעשה איז אמת, אדער נישט?

אויף אייוועלט גייט אהין און צירוק, דער זאגט פאלטש און דער זאגט נישט.

אבער טאמער דאס איז אמת, אוי גייט דא זיין יום טוב.

calculator האט געשריבן:

ליפא האט געשריבן:Fake

למעשה איז אמת, אדער נישט?

אויף אייוועלט גייט אהין און צירוק, דער זאגט פאלטש און דער זאגט נישט.

אבער טאמער דאס איז אמת, אוי גייט דא זיין יום טוב.

יום טוב וועט סייווי זיין.

calculator האט געשריבן:

ליפא האט געשריבן:Fake

למעשה איז אמת, אדער נישט?

אויף אייוועלט גייט אהין און צירוק, דער זאגט פאלטש און דער זאגט נישט.

אבער טאמער דאס איז אמת, אוי גייט דא זיין יום טוב.

דעי בריוו איז ריין שקר. אפילו אויף אייוועלט ציעט יענע חכם שוין צוריק אז ער האט אליין געזען 'טייל' פון די חתימות....... יענע טייל איז שוין געווען און פאבליק און מווייסט וואס זיי האלטן. די אלע אנדערע רבנים וואס זיי האבן צוגעלייגט איז ריין שקר

איש את רעהו האט געשריבן:

calculator האט געשריבן:

ליפא האט געשריבן:Fake

למעשה איז אמת, אדער נישט?

אויף אייוועלט גייט אהין און צירוק, דער זאגט פאלטש און דער זאגט נישט.

אבער טאמער דאס איז אמת, אוי גייט דא זיין יום טוב.

יום טוב וועט סייווי זיין.

אודאי ווייל אז ענק האבן נישט קיין שום פראבלעים צו מאכן פורים מיט רבנים און ארומשיקן פאלטשע חתימות און טערעררעזירן דיינים......

רב מ'סערדאהעל אטאקירט די PEARLS גאנג
https://drive.google.com/open?id=0B8stx ... hSREdRLXpv

אין דער איד קהילות אפטיילונג איז די שו"ת בענין קאמען קאר עיין שם

די איינציגע וואס איז א חידוש אז ער האט געחתמ'ט איז ר' בנימין לאנדא און איך גלייב נישט אז עס איז אמת

די יעצטיגע מולטי מיליאן דאללער קאמפיין פאר PEARLS ווערט געבאיקאט דורך קהילת סאטמאר מאנרא
[יעצט האט זיך בני יואל מיט ר' אהרן ווידער געטראפן אויף איין גאנג]

א גוטן

איך וויל זיך מיט דיר אביסל אויסשמועסן, און דיר מעורר זיין עטליכע נקודות וואס איז וויכטיג דו זאלסט נעמען אין אכט.

צוערשט, בתוך עמי אנכי יושבת. גענוי אזוי ווי אנדערע הונדערטער שלומי אמוני ישראל אשר לא כרעו לבעל, האב איך מיטגעהאלטן מיט שפאנונג די אנטוויקלונגען במשך דעם וואך. די אסיפות, און דערנאך דער קול קורא. אבער איך בין ארויס זייער צעטראסקעט. מיר האבן גאר א גרויסן טעות אינעם צוגאנג. במשך דער וואך האט געהערשט א גרויסע אנגעצויגנקייט איבער דער אויסגאנג פון די אסיפות און החלטת הדיינים פון סאטמאר, און מיר האבן געהאפט אז ס'וועט נישט זיין מעשי שטן יצליח. דער אויבערשטער פארלאזט נישט די וועלכע מיינען דאס אמת'דיג.

צוליב דעם האט מען מפרסם געווען שמועות צו בארואיגן דעם ציבור, אז ר' חיים דוד כ"ץ וויל נישט אונטערשרייבן, ר' זלמן לייב פילאף איז קעגן קאממאן קאור און וויל נישט הערן פון גארנישט כו', ס'האט זיך באמת געדאכט אז זיי וועלן מיאוס דורכפאלן מיט דעם גאנצער ענין, און דאס האט גאר שטארק בארואיגט אונזער ציבור.

דאס איז אבער געווען א שרעקליכער טעות, און אין א געוויסער זין געברענגט א דערשלאגנקייט בתוך מחנינו. ווען מ'הייבט אויף די ערווארטונגען און עקסייטמענט, און דערנאך קומט אזא פראסק, קען מען זיך דערפון נישט ערהוילן. דאס איז דער נאטור פון א מענטש. איך פארשטיי אז דורכאויס די צוויי טעג בעפאר דער קול קורא איז ארויסגעקומען, איז מען געווען זייער אנגעצויגן, און מ'האט געוואלט
בארואיגן דעם ציבור, אבער דאס איז ווי א סלינקי, ווען ס'האט זיך ארויסגעשטעלט אלס פאלש, האט דאס געגעבן אזא שפרינג אויף צוריק, און מיר האבן געכאפט דערפון אזא מין פראסק, איך קען זיך נישט באווייזן דער פנים פאר די חברה מיט וועמען איך בין זיך כסדר מתווכח. דאס איז געווען א היסטארישע טעות, און מ'דארף זיך לערנען פאר'ן עתיד.

אונזער ציבור איז געשטאנען נעכטן א גאנצן טאג אויפ'ן פאון און יעדע צוויי מינוט גערופן חומת הדת צו הערן אויב ס'איז דא עפעס נייעס איבער דעם, אביסל צו בארואיגן דעם ציבור, אבער נעכטן האסטו גארנישט גערעדט איבער דעם. ס'האט נאכמער צעקלאפט דעם ציבור. דער אינטערוויו פון ליל ששי איז גאנץ פיין, אבער ס'טוישט נישט קיין סך בגוף הענין, ס'טויג נישט אזוי. מיר ברויכן זיך מער אנגארטלען און אויסארבעטן א בעסערע סטראטעגיע.

נאך א גאר וויכטיג נקודה. מיר האבן גענומען א מהלך צו אראפשטעלן דער בילד ווי עס שפילט זיך אפ נאך א פאבליק סקול פרשה, מ'צווינגט רבנים, מ'איז מתיר מיט בלינדע אויגן כו'. דער מציאות איז אבער אז דער עולם קויפט דאס זייער שוואך, און לדעתי איז דאס צוליב עטליכע סיבות. צוערשט, זייט דער גאנצער פרשה האבן זיי נאכנישט געטון קיין איין ווילדער שריט, נישט גע'רודפ'ט קיין איינער פון די אוסרים, זיי האבן נישט מבטל געווען דער שיעור פון ר' ישעי' ווייס זונטאג אין ראדני, זיי האבן געלאזט ר' מנשה פילאפף און ר' ישעי' רעדן תשעה באב, אין די סאמע אנגעצויגנסטע טעג פונעם מערכה, זיי האבן נישט קיין ברעקל ענג געמאכט פאר ר' יואל מענדלאוויטש אין בלומינגבורג, אויף זייער האטליין האבן זיי ניטאמאל איין מאל גערעדט קעגן איינעם, נישט פארדאמט און פארשריגן. האמת אגיד, איך וואלט זייער שטארק געקענט באשטיין זיי זאלן יא טון אזעלכע שטיק, ווייל דאס איז א טייל פון סוקסעס פון א מערכה, אבער זיי האלטן זיך מיט א זעלטענע גבורה און געבן יעדן דעם גאנצן כבוד.

לעומת זה מאכן מיר יא א גאר שטארקע טעות אין דעם הינזיכט, וואס דאס געבט אפי' דעם אנבליק ווי מיר וואלטן ווען געווען ווי טעראריסטן תשנ"ה. איך שעם זיך צו זאגן, אבער פון אונזער זייט הערט מען נישט אויף טעראריזירן די אנדערע חברה, מ'הערט נישט אויף באשמוצן משה דוד נידערמאן פערזענליך, מ'מאלט אים אראפ ווי א מין און כופר בעיקר וואס וויל אראפפירן כלל ישראל, מ'פראטעסטירט פארנט פון זיין הויז גענוי ווי די קרית יואל סטודענטן פלעגן טון פארנט פון די הייזער פון בני יואל אין קרית יואל. מ'האט שוין עטליכע מאל נאכגעשריגן רבנים, ווי ר' ברוך נתן הלברשטאם כו', וואס עטליכע האבן מיר געפרעגט, "דאס וואס מ'האט געטון מיט ר' יואל'יש פאר 25 יאר צוריק טוען מיר יעצט פאר אנדערע רבנים? ווייל ער האלט אנדערש ווי אונז?". און וואס זאל איך ענטפערן? אויף חומת הדת האמערט מען די 'נערים המנוערים מן המצוות', בזמן וואס זיי האבן קיין שלעכט ווארט נישט געזאגט אויף אונזערע רבנים. מיר ברויכן זיך האלטן אלס נרדפים און נישט ווי רודפים, און אויב זענען זיי נישט קיין רודפים זאלן מיר כאטש נישט זיין.

זאת ועוד, איך ווייס נישט ווער ס'איז זייער קאפ, אבער זיי האנדלען זעלטן קלוג. דער פאקט אז זיי האבן אראפגערופן דוד לייב לעפקאוויטש, ווייזט אז זיי זענען נישט געגאנגען מיטן קאפ אין וואנט, נאר האבן געהערט וואס דער ראש הלוחמים האט צו זאגן. דו האסט אויפן טעלעפאן ליין געברענגט אז מ'האט אים נישט געלאזט אויסרעדן, אבער די אלע וואס זענען דארט געווען זאגן אז ער האט גערעדט ביז'ן סוף, און מענטשן האבן נישט געקויפט אונזער ווערסיע, נאר ס'האט מער אויסגעזען ווי א וועג פון פארלוירנקייט. און בעיקר ווייס איך נישט וואס צו ענטפערן אויף דער פאקט אז ער האט דארט אויפגעברענגט עטליכע זאכן וואס בלויז יענס האבן זיי געהאט דערין ספיקות און זיי האבן אים געבעטן ער זאל ברענגען דערויף פרוף און דאקומענטן, אבער ער האט דאס נישט געברענגט. ס'קויפט זיך זייער שווער דער שפריכווארט 'פאבליק סקול' בלויז צוליב דער פאקט אז ס'איז ארויסגעקומען א קול קורא, בו בזמן וואס מיר האבן זיי נישט געקענט צושטעלן דעקונג אויף אונזערע טענות. וויפיל איך הער פון מענטשן איבער זייער קול קורא, טענה'ן זיי אז ס'איז נאך כמעט נישט געווען א נושא וואס מ'האט זיך געזצט אויף אזויפיל אסיפות, אויסגעהערט ביידע זייטן, געברענגט מומחים, מנהלים און ענגליש פרינציבאלס, און האבן אריינגעלייגט צוויי וואכן פארש ארבעט. דער עולם קויפט דאס נישט.

נאך א נקודה, וואס איך האלט אז דאס איז איינס פון די סיבות פונעם דורכפאל פונעם מערכה, אז מיר ברויכן אנהויבן ברענגען אויף חומת הדת מענטשן וואס מענטשן טראסטן און זענען מקבל וואס זיי זאגן, און ווערן געהאלטן אלס אנשים נאמנים. אנדערש ווערט דאס זייער שווער מקובל על הלב אפי' ביי אונזער ציבור. טראכט אריין דערין, וועסטו זען אז ס'איז ממש פון די גאר וויכטיגע פונקטן, און מ'ברויך דאס שנעל מסדר זיין לתועלת הענין. עטליכע האבן מיר דאס שוין מעורר געווען, צווישן זיי הערשל, און ס'איז א שטארקע פוינט.

נאך א זאך וואס מענטשן ווארפן פאר איז, אז בזמן הפאבליק סקול איז געווען רבנים גדולי עולם וועלכע האבן געשאקלט א וועלט, קאשוי רב זצ"ל, מאנטיווידעא רב זצ"ל, וויזניצער רבי זצ"ל, שארמאשער רב זצ"ל, ויבלחט"א קארלסבורגער רב שליט"א ועוד. לעומת זה שטייען מיר כהיום מיט א הייפעלע צאל רבנים וועלכע טראגן כמעט נישט קיין גרויסער געוויכט ביים ציבור. די גרויסע רבנים וועלכע וואלטן געדארפט ביי אזא הארבע ענין שטיין און קאכן שטייען שטיל, א שטייגער ווי יאוואזשנע רב, וואס ס'הייסט אז ער האלט אז דאס איז נישט קיין פראבלעם. פון צווישן די קאשוי ברידער ווייסט יעדער אז ר' אברהם שלמה שטעלט אין שאטן זיינע ברודער בהשכל ובדעת, און איז דאס מערסטע באהאווענט אין אזעלכע אנגעלעגנהייטן פון אלע יארן. און אפי' דער ברודער ר' אהרן יהודה דער רב פון וויליאמסבורג שול, לאכט אויך דערפון.

אין אלבאני ביים פראטעסט האב איך באטראכט דעם אויבן אן מיט נאך עטליכע יונגעלייט, מיר האבן אינאיינעם נישט געקענט אידענטיפיצירן מער ווי האלב אויבן אן, און יעדער פריוואט האט נישט דערקענט מער ווי 2 רבנים פונעם אויבן אן. די בזיונות איז געווען עד לב השמים. די חברה ווערטלען זיך שוין אויף אונזער חשבון, אז דער פראטעסט האט גאר אסאך אויפגעטון, ווייל מ'האט געוויזן פאר די רעגירונג אז זיי דארפן נישט זיין באזארגט אז דער היימישער עולם איז נישט עדיוקעיטעד און קען זיך נישט מסדר זיין מיט קיין פרנסה, ווייל ס'איז נישט פאראן מער ווי הונדערט ארבעטסלאזע אידן צווישן דעם חרדי'שער ציבור...

ועוד רגע אדבר, לגוף הענין פון קאממאן קאור, איך ברענג דיר נאך א שטיקל וואס איינער האט געשריבן, איך וויל יענעם אפענטפערן, ביטע שיק מיר אריין וואס צוריקצושרייבן. וז"ל:


"די קריטיקעל טינקינג כפירה שרייבן זיי איז באשטעטיגט געווארן דורך 2 חוקרים וועלכע האבן דורכגעפירט קראנטע שטודיעס, און די רעזולטאטן זענען געווען אז קריטיקעל טינקערס זענען קלענערע מאמינים ווי די נישט קריטיקעל טינקערס.

די 2 שטודיעס זענען באשטאנען פון דאס פאלגענדע, מען האט גענומען 2 גרופעס גוים, פון די זעלבע בעקגראונד מער ווייניגער. אין די ערשטע שלב האט מען זיי געגעבן צוזאמצושטעלטע פראזן פון עטליכע צעווארפענע ווערטער א שטייגער ווי 'פליגער', 'לופטן', פליען', 'די', 'אין', און דער מענטש דארף מאכן א סענטענס דערפון, לדוגמא 'פליגער פליען אין די לופטן'. פאר איין גרופע האט מען געגעבן גרינגערע ווערטער א שטייגער ווי האממער, שיך, וכדו', און פאר'ן צווייטע גרופע מער טיפערע ווערטער, א שטייגער ווי 'סיבה', 'אנאליז', און די רעזולטאטן זענען געווען אז די צווייטע גרופע האבן אויסגעדרוקט ווייניגער אמונה ווי די ערשטע.

די צווייטע שטודיע וואס איז דורכגעפירט געווארן איז ווי פאלגענד, מען האט גענומען 2 גרופעס און זיי געגעבן א טעסט מיט שאלות צו ענטפערן איבער זייער צושטאנד אין אמונה, די בחינות זענען געווען געפרינט אין 2 פארומ'ס, פאר גרופע 1 איז געווען געפרינט אין א שיינע פאנט, און פאר גרופע 2 אין מער אן אלטמאדישן פאנט וועלכער קומט אן שווער צו ליינען, און פארלאנגט מער מחשבה און קריטיקעל טינקינג צו דערגיין וואס עס שטייט, און וואונדער איבער וואונדער, די גרופע 1 האבן אויסגעדרוקט מער אמונה ווי גרופע 2, צוליב דעם קומען די חוקרים צו, אז 'קריטיקעל טינקינג' ברענג צו פארלירן אמונה, ותשקוט הסערה, היש לך חוכא וטלולא גדולה מזו?‎

באמת אין לך ליצנות גדולה מזו צו אפי' זיך אריינלאזן אפצופרעגן די זינלאזע רייד, אבער מילין לא נוכל לעצור, אז לפי זה די אלע עלטערע יודן וואס קענען נאכנישט זיך צו געוואוינען צו די נייערע גמרות, און לערנען אין די אלטע פארצייטישע (קריטיקעל טינקינג) גמרות פון דפוס אחים ואלמנה ראם, זענען בסכנת כפירה ואפיקורסות יעדן טאג רח"ל, און באמת וואלט געווען א דבר גדול מאוד, צו מעורר זיין די אומסוויסנדע ציבור איבער די געפערליכע גזירה וואס הויערט אויפ'ן גאנצן עלטערן דור, פון קריטיקעל טינקינג".

פלארידע טוישט איין קאמען קאר אויף קאמען סענס

Florida will eliminate Common Core and ensure we return to the basics of reading, writing and arithmetic

florida-gov-ron-desantis-ends-common-core-embraces-common-sense/

Standards Recommendations Packet

www.fldoe.org/standardsreview/

He also said he does not want any textbooks that include modern partisan messages, a complaint among some anti-Common Core groups who believe federal standards indoctrinate children with left-wing messaging

https://floridapolitics.com/archives/287032-ron-desantis-common-core