וועלכער 'דרך הלימוד' איז די בעסט?

[זר זהב]

איך רעד ווען קיינער יאגט נישט, מ'דארף נישט ענדיגן א דף אדער מער א טאג. נאר פשוט מ'לערנט פאר זיך אדער מיט א חברותה גמרא, און וויפיל מ'קומט אן איז גוט. אפילו 10 שורות זאל נעמען צוויי שעה וועט אויך זיין גוט, דער עיקר איז אז מ'זאל באמת פארשטיין וואס מ'לערנט. איז מיין קשיא וועלכער וועג איז די וועג צו לערנען?

איך האב געלערנט איין יאר אין א גאר גוטע ישיבה (איך בין בטעות דארט אריינגעפאלן.) -- איך, לערענדיג "בלויז" 4-3 שעה א טאג גמרא רש"י תוס' בעיון בין איך נאך אלץ פאררעכענט געווען דארט צווישן די שוואכערע!

אבער דער דרך הלימוד וואס איך האב דארט מיטגעהאלטן פונעם מגי"ש {ווען איך האב געהאלטן דערביי} איז געווען עפעס מתוק מדבש. איך אליין וואלט קיימאל נישט געקענט אפלערנען די גמרא אזוי ווי ער האט עס אויסגעשטעלט, און דאס איז טאקע גוט געווען בשעתו אבער האט געמאכט א חורבן אויף שפעטער.

לאמיר זיך מסביר זיין. -- אויב זאל איך אפלערנען פאר דיר "די זעלבע" שטיקל גמרא רש"י בעפאר'ן עס אויסהערן פון יענעם מגי"ש, און נאכער וועסטו עס אויסהערען פון די מגי"ש, וואלסטע נישט געקענט דערקענען אז מ'רעדט דא פונעם זעלבן שטיקל גמרא! און דאס איז אפילו ווען איך זאל עס נישט האבן אפגעלערנט פאלש!

די גאנצע מהות פון די גמרא, די מחלוקת רש"י מיט תוס' און נאך 100'טער דעטאלן האבן זיך אזוי ארומגעטוישט ווען דער מגי"ש איז געקומען באוואפענט מיט א רשב"א און א תוס' רבינו יונה, מיט א קשיא פון ר' שמעון שקאפף און א סברה פונעם שיטה לא נודע למי צוגעזאלצן מיט א בא הכתוב השלישי ויכריע פונעם קובץ שיעורים.

איך טרייב נישט איבער, ס'האט געהאט אלע טעמים! אלעס האט עפעס מורא'דיג געשטימט, אלעס איז אזוי זיס אריינגעפאלן אין זיין פלאטץ... און איך האב מיר נישט געקענט גלייבן וויאזוי איינער אליין קען אפלערנען די זעלבע שטיקל גמרא אן עס אויסהערן פון מיין מגי"ש, ווייל יענער ווייסט נישט וואס ער רעדט! יענער לערנט כמעט פאלש.

די תוצאה איז געווען אז זינט איך בין ארויס פון יענע ישיבה האב איך כמעט קיינמאל נישט געעפענט א גמרא! איך שפיער פשוט אז איך קען נישט אליין אזוי לערנען ווי איך וויל באמת. און אוי ווי איך וואלט געקענט באשטיין צו זיצן יעדע נאכט ביי אזא סארט שיעור.
----------------------------
איך ווייס ס'וועלן זיין וואס זאגן אז מ'דארף נישט לערנען בעיון. איך הער. וואס מיר באדערט אבער איז נישט עיון ווערסעס פשוט... ס'איז איין שטיקל גמרא ווערסעס אן אנדערע שטיקל גמרא...!! ס'איז ממש לא הרי זה כהרי זה!
--------------------------------
איך ווייס דער ענטפער צו מיין פראגע 'וועלכער דרך הלימוד איז די בעסט'. איך קענמיך אבער נישט אריינזעצען אין יענע ישיבה נאכאמאל...

נו וואס קען מען טוהן?

זאל איך לערנען פלעין גמרה רש"י אין ארטסקראל?

[שמעקעדיג]

זינט דאן כמעט קיינמאל נישט געעפנט א גמרא??
איך האף דאס איז א גוזמא'דיגער וויץ.

זאג נאר, אויפן אינטערנעט זענען פאראן בעסערע שרייבערס ווי דיר (אנטשולדיגט אויב האסטעך באליידיגט) אלא מאי גייסטו מער קיינמאל נישט אויפמאכן דעם אינטערנעט? קיינמאל נישט שרייבן?
דו לערנסט פאר דיין אייגענע הנאה צי ווייל דער אויבערשטער האט געהייסן?
דו לערנסט מיט דיין קאפ אדער מיט יענעמ'ס קאפ? שוין ווייטער ביסטע מיר דזשעלעס.
קוק וועלכע מכשולות קומט ארויס פון די קנאה - נישט קנאת סופרים תרבה חכמה, נאר ממעיט חכמה!

א שאד א שאד!! נעם א גמרא און לערן וויפיל - און וויאזוי - דו קענסט!
אין הקב"ה מונה וכו' אלא השעות.
ס'איז קיינמאל נישט צו שפעט. אבער ווי שפעטער, אלס שווערער! אם תעזבני יום יומיים אעזבך.
הייב אן היינט א טעגליכן שיעור.
און לאז אונז דא ברבים וויסן וואס דו האסט אנגעהויבן, און מיר ווילן מיטהאלטן דיין פראגרעס.
יעדע וואך סוף וואך וועסטו אונז געבן א באריכט, א חשבון הנפש.
עסטעך שפירן אסאך בעסער, און אויפהערן צו זיין דזשעלעס אויף אזויפיל אנדערע אידן!
ביזט נאר דזשעלעס ווייל דיין נשמה לעכצט!!
גיב איר אביסעלע, שטעל איר צופרידן!!!!

[שמואל הלוי]

הרב שמעקעדיג; פיין געזאגט וואויל געזאגט!

[זר זהב]

איך מאך גאר קיין וויץ נישט! איך האב זינט דאן געעפענט א גמראה אפשר 50 מאל (אין 10 יאר) און יעעס מאל איז עס געווען אן אנדערע מסכת דף ב. און סאט אנגעהאלטן א האלבע שעה...!!

[שמואל הלוי]

איך ווייס נישט וואס צו זאגן... דא זיצט א איד מיט א גאלדענע קרוין אויף זיין קאפ, איך האב ביז יעצט געקלערט צו מיר אז דאס איז די "כתר תורה" וואס איז עולה על גבו, אבער דערווייל ווער איך געוואויר אז נישט.

[זר זהב]

דער קרוין האט מיט תורה גארנישט. דער קרוין האט מיר מיין ווייב געגעבן!

[געפילטע פיש]

שמעקעדיג, וואס רעגסטוך אזוי, הרב גאלדקראנץ האט נישט געזאגט אז ער לערנט נישט, נאר אז ער לערענט נישט קיין גמרא, די תורה איז גרויס.

[זר זהב]

זאג נאר, אויפן אינטערנעט זענען פאראן בעסערע שרייבערס ווי דיר (אנטשולדיגט אויב האסטעך באליידיגט) אלא מאי גייסטו מער קיינמאל נשט אויפמאכן דעם אינטערנעט? קיינמאל נישט שרייבן?

שרייבענדיג אוי'פן אינטערנעט דארף מען צו גארנישט מכוון זיין. אבער א שטיקל גמרא האט דאך נאר איין פשט, מ'קען נישט פארפארן. אניין?

[a1b2]

i can help u ru wont laren with me

[[NAMELESS]]

i can help u ru wont laren with me

WOW!!!!
די זאגסט דאך אזוי גיט!!!!!!

[איך אויך]

.who iz ru? and vy vudent he laren vit u

[איחוד פעלד]

עס איז נישטא א זאך ווי דער בעסטער דרך הלימוד.
אלע דרך הלימוד זענען גוט. אזוי לאנג ווי זיי קוואליפיקירען צו הייסען א דרך.

פארשטייט זיך אז פאר יעדעם איז א בעסערע און ערגערע דרך, וואס פאר א צווייטער איז אנדערע דרך בעסער.

איך האב זייער ליב צו פארען בלעטער,
אבער כדי צו קומען צו דעם מוז מען קודם לערנען די בלעטער פינף מאל.........

[קליינע רעבעלע]

זר טייערע, מיר האבן אויך מיטגעמאכט וואס איר מאכט מיט.
ב"ה היינט האב איך מיר געוואלד ציגעוואוינט צו לערנען שנעל אז ווען איך האב יא א חברותא אויף עיון איז עס מיר שווער
איך האב ב"ה מסיים געווען 5-6 מסכתא'ס א ערך פון 500 בלאט בערך, איך האב עס אמת'דיג ליב באקומען, פלעין גמרא רש"י

[ניו יארק]

די בעסטע וועג איז בלי שום ספק א מיקסטשער פון ביידע.
און איך וועל עס מסביר זיין: לערנען תורה איז זייער א שווערע זאך (טאקע ווייל דעם איז די שכר אויף דעם עד אין לשער) און די עיקר שווערעקייט איז אז עס קען אמאל דורך גיין א לענגערע תקופה און מען שפירט בכלל נישט אז מען האט עפעס אין די הענט, אז מען איז עפעס אנגעקומען.
איז די עצה אויף דעם אז מען זאל האבן א שיעור א "יעדע" נאכט אדער צופרי (אדער ביידע) חק ולא יעבר! און האקן בלעטער גמרא-רש"י און גיין בלאט-נאך-בלאט, פרק-נאך-פרק און מסכת-נאך-מסכת.
אבער אז מען טוט דאס באקומט מען טאקע א געוואלדיגע ידיעת התורה, און ווען מען זיצט - בטעות - אויף איין טיש מיט די עלטער פעטער'ס ביי א שמחה, און זיי רעדן פון לערנען שפירסטו דיך נישט ווי א יון אין די סוכה.
אבער מיט די צייט קען עס ווערן אפגעשוואכט ווייל ווי-נישט-ווי שפירט מען נישט קיין טעם און לערנען ביי יעדע בלאט עקסטער, אויף דעם פעלט אויס א שיעור ווי מען האט אפאר שעה ברציפות אדורכציהאקן א שטיק גמרא בעיון (למשל זונטאג) דאס געט אריין א געוואלדיגע געשמאק און לערנען און די ביינאכט שיעור האט אויך א אנדערע טעם

[a1b2]

.who iz ru? and vy vudent he laren vit u

דא

[שמעקעדיג]

a1b2
ס'קוקט אויס ווי דו שרייבסט קבלה, ווייל איך פארשטיי נישט קיין ווארט

[a1b2]

a1b2
ס'קוקט אויס ווי דו שרייבסט קבלה, ווייל איך פארשטיי נישט קיין ווארט

איך פארשטיי נישט קיין ווארט וואס דו שרייבסט

[a1b2]

http://bektzara.blogspot.com/2012/08/bl ... _6994.html

[chosen people]

און ווייניגער א יאר האט הרב זר זהב גענדיגט ברכות, שבת, אין ער האלט יעצט אינמיטן עירובין
מיטן אייבערשטנ'ס הילף וועסטו האבן די זעלבע חשק ביז די ביסט מסיים ש''ס.
לאמיר הערן זינטאג האסטו טאקע א עיון שיעור?
און ווען עס דא א שמחה און די טרעפסט דיין עלטער פעטער'ס, פילסטו שוין נישט ווי א זאלי אין ארזאונע, איי עם סארי ווי א יון אין די סוכה?

[זר זהב]

איך לערן נישט על הסדר. איר גלייבט מיר נישט...? קענסט מיר פארהערן די משנה בכל מערבין האלט די תנא קמא ווי סומכוס? , כ'לערן עס גרינטליך און רויטליך.

[chosen people]

אויב איך געדענק גיט האלט תוספות אז ת''ק לערנט נישט ווי סומכוס. הרב זר רעדט איך צום זאך?

[זר זהב]

יאפ!