קאווע שטיבל

איך האב זיך אנגעהויבן דרייען אין די סייט פון דעם תל אביב אוניברסיטיה, ווי זיי האבן אלטע צייטונגען אויף אידיש און עברית. עס איז דארט העכסט אינטרעסאנט צו ליינען, און ווען מ'ווייסט וויאזוי צו זוכן, קען מען טרעפן גאר אינטרעסאנטע זאכן.

צוערשט האב איך געזוכט די ווערטער 'חולי רע', צו טרעפן נייעס וועגן מגיפות. אין תרנ"ד האט פאסירט א מגיפה אין פולין, און די חברה דארט האבן פארשפרייט שמועות אז מענטשן ווערן גע'הרג'ט אין שפיטעלער כדי אפצושטעלן די פארשפרייטונג פון די מחלה. פארשטייט זיך אז די צייטונגען פארדאמען די מוציאי דבה. וואס צו גלויבן? ווייס איך נישט.

איך האב אריינגעלייגט די ווערטער 'חזון איש' און געזוכט פון אנהייב די יאר הונדערט ביז צו א חודש איידער זיין פטירה. דער פארווערטס באשרייבט בן גוריון'ס וויזיט צום '90 יעריגע' חזון איש. ער איז געווען בערך זיבעציג יאר אלט דעמאלס. דער מעריב האט א מאמר צו ערקלערן זייער ציבור ווער איז דאס דער חזון איש, מיט א מופת פון אן עצה אין ביזנעס וואס איז געלונגען.

איך האלט נאך אינמיטן ליינען דארט, אבער גייט'ס אליינס אריבער jpress,nli.org.il

את חטאי אני מזכיר... כ'האב אין מיין פרייע צייט שוין דורכגעליינט א ים מיט אלטע המגיד'ס, הצפירה'ס, און המליץ'ן.
אוי איז אמאל געווען א זיס וועלט. כ'מיין א זיס-ביטער וועלט.

די מערסטע האבן מיר באנומען די 'אדווערטייזמענטס' וואס מ'האט אריינגעשטעלט פאר עגונות וואס זוכן זייערע מענער. זיי שילדערן גענוי וויאזוי דער אנטלאפענער / טמיר ונעלמ'ניק / פארלוירענער האט אויסגעקוקט, יעדע פימפל אדער קנייטש זיינער שטייט ארויסגעשריבן, היות בילדער זענען נאך נישט געווען געהעריג מצוי.
ס'נישט געווען איינס א יאר, נאר שווערע צענליגע א יאר!

ליטוואק פון בודאפעסט האט געשריבן:צוערשט האב איך געזוכט די ווערטער 'חולי רע', צו טרעפן נייעס וועגן מגיפות. אין תרנ"ד האט פאסירט א מגיפה אין פולין, און די חברה דארט האבן פארשפרייט שמועות אז מענטשן ווערן גע'הרג'ט אין שפיטעלער כדי אפצושטעלן די פארשפרייטונג פון די מחלה. פארשטייט זיך אז די צייטונגען פארדאמען די מוציאי דבה. וואס צו גלויבן? ווייס איך נישט.

יישר כח.

עס וואלט געוועהן א נחת רוח ווען דו ברענגסט אפאר אויסצוגען פון די אלטע צייטונגען פין די מגיפה מיט די שפיטעלער. איך גלייב עס וואלט געגאנגען וויירעל.

איך האב פונקט זיך אנגעשטויסן אין די צייטונג מיט די נאמען 'דער לץ', מיט אריגינעלע וויצן פון שנת תרס"ח.

קוקט'ס דא

און דא האט מען די אויסצוג פון הצפירה וועגן די חולי-רע אין ווארשא.