בלאט 1 פון 4
איך דארף לייען מאטריאל!
נשלח: מיטוואך אפריל 29, 2020 11:56 am
דורך ליטוואק פון בודאפעסט
איך ווער שוין משוגע מיט דער וויירוס ביזנעס, שוין באלד זעקס וואכן איינגעשפארט אין שטוב.
איך האב וואס צו טון מיט די צייט, אבער אויף זיך אפצורוען האב איך נישט. איך האב שוין דורכגעליינט אלס וואס איך האב ביי מיר אין שטוב, און איך דארף לייען מאטריאל. די פאר מינוט ליינען אין בעט איידער איך גיי שלאפן ברענגט מיר די רואיגקייט פאר אגאנצע טאג. דאס קען מען נישט טון אנליין, ובפרט אז דעמאלס שפרינגט מען פון נושא צו נושא און עס בארואיגט נישט און מ'שלאפט קיינמאל נישט איין.
איך בעט דא טאמער איינער קען מיר געבן עצות פון ביכער וואס איך קען דרוקן, לכתחלה אויף לשוה"ק אבער אידיש איז אויך גוט. מעשיות, פארשונגן, באשרייבונגן. עפעס וואס איך מעג דרוקן אויף createspace, וממילא נישט קיין נייע ביכער. אויף היברובוקס, אוצה"ח אדער סטיווען ספיעלבערג וכדו'.
פארשטייט זיך, טאמער איך דרוק, וועל איך עס לייגן אויף די געווידמעטע אשכול להחיות בהם נפש כל חי.
נשלח: מיטוואך אפריל 29, 2020 11:59 am
דורך קאך_לעפל
האסט פראבירט דעם קונטרס על הגאולה ועל התמורה?
נשלח: מיטוואך אפריל 29, 2020 11:59 am
דורך [NAMELESS]
וועלכע נושאים אינטערעסירן דיר בעיקר?
נשלח: מיטוואך אפריל 29, 2020 1:05 pm
דורך ליטוואק פון בודאפעסט
אסאך טעמים. דער עיקר איז, גוט געשריבען. מיינענדיג, אז עס איז ווערט ליינן א צווייטע מאל. א גוטע שרייבער האט א כח צו באהאלטן נואנסן אונטער זיין ווערטער, און ווען מ׳ליינט עס, כאפט מען גלייך אז עס ליגען דא זאכען.
קען זיין פיקציע, קען זיין היסטאריע, ליובאוויטשער מעשיות זענען אלס אינטרעסאנט, ווי אויך קאנטראווערסיאלע עניינים.
על הגאולה ועל התמורה איז דירעקט נישט אינטרעסאנט.
נשלח: מיטוואך אפריל 29, 2020 1:16 pm
דורך במדבר
איך ליין יעצט די ביכער פון דר' מיכה גודמן: ''חלומו של הכוזרי'' און ''סודותיו של מורה נבוכים''. עס איז דערפרישענד, ציענד, אינטעלעקט-שארפ'ענד, און בענקל-הייב'ענד.
און ווי קען מען נישט דערמאנען, די ספרים, מאמרים און שיעורים, פון הרב דר' מיכאל אברהם: אזויווי איך האב געשריבן אין א צווייטע פלאץ, עס איז גאר באלערנד, פראוואצירנד, געפאקט מיט ידיעות, און געבט אייביג א צווייטע פרעספעקטיוו אויף איינגעווארצלטע מיינונגען.
נשלח: מיטוואך אפריל 29, 2020 1:22 pm
דורך פארשטאנד
גיי
דא צו די ישראל'ישע לייברערי, קריעט אן אקאונט צו באקומען עקסעס צו JSTOR, דאן גיי
דא קוק דיך ארום, תרביץ איז זייער אינטעסאנט, בית מקרא, ידיעות, לשוננו, סידרא וכו' וכו'.
נשלח: מיטוואך אפריל 29, 2020 1:29 pm
דורך קאך_לעפל
ליטוואק פון בודאפעסט האט געשריבן:אסאך טעמים. דער עיקר איז, גוט געשריבען. מיינענדיג, אז עס איז ווערט ליינן א צווייטע מאל. א גוטע שרייבער האט א כח צו באהאלטן נואנסן אונטער זיין ווערטער, און ווען מ׳ליינט עס, כאפט מען גלייך אז עס ליגען דא זאכען.
קען זיין פיקציע, קען זיין היסטאריע, ליובאוויטשער מעשיות זענען אלס אינטרעסאנט, ווי אויך קאנטראווערסיאלע עניינים.
על הגאולה ועל התמורה איז דירעקט נישט אינטרעסאנט.
על הגאולה ועל התמורה איז דירעקט נישט אינטרעסאנט? אזוי? כ'האב גארנישט געוויסט. שכוח פארן מיטיילן די ווערדפולע אינפארמאציע! כ'וועל גיין צום ציון הק' אין קרית יואל מיטצוטיילן מיטן רבי'ן די קריטישע אינפארמאציע.
נשלח: מיטוואך אפריל 29, 2020 1:29 pm
דורך קאך_לעפל
זאג! די ליכט שטראלן וועט דיר זיין אינטערעסאנט?
נשלח: מיטוואך אפריל 29, 2020 2:37 pm
דורך ליטוואק פון בודאפעסט
גיי אויך פארציילן פאר
דזשאן גרישאם אז זיין ביכער זענען מיר ווייניג אינטרעסאנט. ווי אויך פאר
עניד בלייטון.
פאר די ערוואקסענע דא, איך האב זייער ליעב געהאט די ביכער פון שלום אש, ווי אויך חיים גראדע. דער בוך וועגן הרב מענדל פוטערפאס האט מיר פיין איבערגענומן, ווי אויך דער תערוך לפני שלחן אויף דער ערוך השלחן.
איך האב פאר מיר געדרוקט דער בוך 'דער חסידיזם און איהר פירער', און דאס דירעקט נישט ליעב געהאט. איך האב הנאה געהאט פון די זכרונות פון יחזקאל קאטיק וואס איך האב געדרוקט און איך האב יעצט לעבן מיין בעט, פאר א קריאה שניה, די 'מגילת ספר' פון הרב יעקב עמדין (באמת, ווען עס איז נישט דער יעב"ץ איז עס נישט אזוי אינטרעסאנט. אביעקטיוו איז עס נאר 'נו נו', אבער וויבאלד דער יעב"ץ איז אזא צענטראלע פיגור אין אונזער היסטאריא, איז עס העכסט אינטרעסאנט).
איך האב די בוך פון די דריי ברידער, אבער איך האב נאך נישט געהאט די תאווה דאס צו ליינן. איך האב אויף פי.די.ף. די זכרונות פון מנחם פרוש, און דאס וואלט מיר אפשר יא געווען אינטרעסאנט. נישט ווייל ער איז אזא גוטע שרייבער, און נישט ווייל איך גלויב אן עסקן'ס אייגענע זכרונות אויף זיין וואוילטעטיגקייטן. נאר ווייל דאס שפיגלט אפ דער בליק פון א צענטראלע עסקן אין אונזער געזעלשאפט. גראדע, מנשה לוסטיג'ס בוך איז מיר געווען זייער אינטרעסאנט, כמו שכתבתי במקום אחר. על אף מיין שלעגעריי מיט אים דא אין שטיבל, איז ער א גאר א טאלאנטפולער שרייבער, און ער ברענגט ארויס א געוויסע אמת וואס אנדערע זוכן צו באהאלטן (מיינענדיג, אז ער זאגט וואס ער טראכט אויפ'ן אמת, נישט מיט א חשבון וויאזוי יענער וועט עס אננעמן. צו איך האלט ווי זיין מחשבה איז אן אנדערע זאך).
איז דאס גענוג א בליק אין מיין הארץ אז מ'ווייסט וואס איך דארף?
בקיצור, אדער:-
א. היסטאריש אינטרעסאנט
ב. געשריבען מיט א טיפער שפראך, אז די ווערטער ברענגן ארויס א פארשטאנד
ג. א ציענדיגע געשיכטע
ד. אן אמת ארויס געברענגט וואס איז נישט נראה בעליל
ה. א הינטערגרונד פאר אנדערע געשיכטערס
נשלח: מיטוואך אפריל 29, 2020 2:39 pm
דורך קאך_לעפל
ליטוואק פון בודאפעסט האט געשריבן:גיי אויך פארציילן פאר דזשאן גרישאם אז זיין ביכער זענען מיר ווייניג אינטרעסאנט. ווי אויך פאר עניד בלייטון.
ווער זענען זיי? די מלאכי חבלה?
נשלח: מיטוואך אפריל 29, 2020 8:05 pm
דורך במדבר
איך גיי יעצט איבער די ווינדערליכע בלאג, פון תומר פרסיקו:
''לולאת האל-החוויה הדתית לסוגיה'' ער איז א ''בלעק-האול'' ער ציט דיר אריין און זיין ''גראוויטאציע'' אז לרגע הערסטו אויף צו עקזיסטירן. אבער פונקט פארקערט ווי געווענדליכע בלעק-האול'ס געט ער ארויס אזא ליכטיקייט אזא מתיקות.....
איר האט דארט אלעס: פון קבלה ''ניו עידזש'' און רוחניות, ביז תנ''ך מדעי היהדות און להבדיל בודוהיזם. ער איז אויך שטארק אקטיוו פאר רעליגיעזע פרייהייט (שטארק טעטיג קעגן קארופציע אין די רבנות הראשות) א טיף גלויביגער, וואס איז די חידוש? ער זאגט אז ער האט און אינדיע געזען די פרצוף פון גאט.
אינטעלעקטואלן: עס איז נישט קיין רעקאנמעדאציע ס'איז א מיז.
נשלח: מיטוואך אפריל 29, 2020 8:21 pm
דורך קאצקע ציקער
ליטוואק אפשר וועט דיר זיין אינטערסאנט דורכצוליינען פארמעגליך'ס ארטיקלען אויף די השתלשלות פון די מחלוקה אין סאטמאר אפשר האסט עס שוין געליינט
נשלח: מיטוואך אפריל 29, 2020 8:27 pm
דורך [NAMELESS]
.
נשלח: מיטוואך אפריל 29, 2020 8:35 pm
דורך במדבר
די טרילאגיע פון יובל נח הררי: א אימפארשעמטע אטעאיסט, אבער פארפאלן! גאט האט עים באשאפען מיט א שכל הישר און מיט די מעגליכקייט פון צוזאמשטעלן פארשידענע דיסיפלינען צו מסביר'ן זיין קאמפלעצירטע וועלטל.
עבר-"קיצור תולדות האנושות"
הוה-"ההיסטוריה של המחר"
עתיד-''21 מחשבות על המאה ה-21''
זיינע ביכער זענען איבערגעזעצט געווארען אויך אויף ענגליש (און נאך 30 שפראכן).
נשלח: מיטוואך אפריל 29, 2020 9:02 pm
דורך מי אני
במדבר האט געשריבן:די טרילאגיע פון יובל נח הררי: א אימפארשעמטע אטעאיסט, אבער פארפאלן! גאט האט עים באשאפען מיט א שכל הישר און מיט די מעגליכקייט פון צוזאמשטעלן פארשידענע דיסיפלינען צו מסביר'ן זיין קאמפלעצירטע וועלטל.
עבר-"קיצור תולדות האנושות"
הוה-"ההיסטוריה של המחר"
עתיד-''21 מחשבות על המאה ה-21''
זיינע ביכער זענען איבערגעזעצט געווארען אויך אויף ענגליש (און נאך 30 שפראכן).
viewtopic.php?f=19&t=11288
נשלח: מיטוואך אפריל 29, 2020 9:27 pm
דורך ליטוואק פון בודאפעסט
קאצקע ציקער האט געשריבן:ליטוואק אפשר וועט דיר זיין אינטערסאנט דורכצוליינען פארמעגליך'ס ארטיקלען אויף די השתלשלות פון די מחלוקה אין סאטמאר אפשר האסט עס שוין געליינט
איך געדענק אין די ערשטע יארן פון קאוועשטיבעל האט מען געברענגט פון היידפארק א גאנצע סעריע מאמרים פון די זייט און פון די אנדערע זייט.
איך דארף נישט אנליין, דארט האב איך ליידער איבער גענוג. איך דארף פי.די.ף.ס צו קענען דרוקן און נעמן מיט מיר אין בעט.
און איך זוך נישט קיין גרויסע מאמרי תורה צו השקפה, איך זוך זיך אפצורוען. אויף אינטעלעקטואלע ארבעט קען איך ענדיגן איין מאל פאר אלעמאל דער מורה נבוכים.
נשלח: דאנערשטאג אפריל 30, 2020 10:28 am
דורך [NAMELESS]
רוב פון דיין אינטערעסע קען מען געפונען אין די פאלגענדע טעלעגראמס:
https://t.me/booksinhebrewhttps://t.me/booksinhebrewgroupאבער די חסרון איז אז זיי זענען עפי"ר קאפירייט סחורה און לכאורה קענסטו דאס נישט דרוקן אויף לעגיטימע אינטערנעט דרוקערייען.
מיין עצה: האנדל זיך איין א ebook reader וואס שטיצט פדף'ס, און דו וועסט פותר זיין דעם דרוקן פראבלעם איינמאל פאר אלעמאל.
נשלח: דאנערשטאג אפריל 30, 2020 10:38 am
דורך [NAMELESS]
ליטוואק פון בודאפעסט האט געשריבן:אסאך טעמים. דער עיקר איז, גוט געשריבען. מיינענדיג, אז עס איז ווערט ליינן א צווייטע מאל. א גוטע שרייבער האט א כח צו באהאלטן נואנסן אונטער זיין ווערטער, און ווען מ׳ליינט עס, כאפט מען גלייך אז עס ליגען דא זאכען.
קען זיין פיקציע, קען זיין היסטאריע, ליובאוויטשער מעשיות זענען אלס אינטרעסאנט, ווי אויך קאנטראווערסיאלע עניינים.
דער בוך "בכל ביתי נאמן הוא" אויף הרה"ח רש"ז גוראריה ע"ה פארמאגט די אלע מעלות, ליובאוויטשע מעשיות, קאנטראווערסיע, היסטאריע, אביסל היימישע פאליטיק, און אפילו ליטווישע אנאקדאטן (זיינע זמנים אין ליטווישע ישיבות, זיין באזוך ביי הרב שך, זיין שייכות מיט ר' משה פיינשטיין, ועוד), און איז זייער גוט געשריבן. אבער עס איז out of print, און - כמיטב ידיעתי - נישט אוועיליבל אויף פי די עף. זוך אויף ווער עס קען דיר דאס פארבארגן.
נשלח: דאנערשטאג אפריל 30, 2020 12:29 pm
דורך ליטוואק פון בודאפעסט
ריכטיג האט געשריבן:מיין עצה: האנדל זיך איין א ebook reader וואס שטיצט פדף'ס, און דו וועסט פותר זיין דעם דרוקן פראבלעם איינמאל פאר אלעמאל.
א גוטע עצה. יעצט דארף איך עצות אויף דעם אויך. וועלכע איז די בעסטע? איך זעי אז א Fire איז די ביליגסטע, אבער דאס איז א טאבלעט, און ברגע דער אינטרנט קומט מיט מיר אין בעט אריין, שלאף איך נישט איין. איך האב שוין א תאווה פאר
דאס, אבער ווער קען בארעכטיגן אזויפיל געלט בלויז פאר פארוויילונג?
ריכטיג האט געשריבן:דער בוך "בכל ביתי נאמן הוא" אויף הרה"ח רש"ז גוראריה ע"ה פארמאגט די אלע מעלות, ליובאוויטשע מעשיות, קאנטראווערסיע, היסטאריע, אביסל היימישע פאליטיק, און אפילו ליטווישע אנאקדאטן (זיינע זמנים אין ליטווישע ישיבות, זיין באזוך ביי הרב שך, זיין שייכות מיט ר' משה פיינשטיין, ועוד), און איז זייער גוט געשריבן. אבער עס איז out of print, און - כמיטב ידיעתי - נישט אוועיליבל אויף פי די עף. זוך אויף ווער עס קען דיר דאס פארבארגן.
דאס זעט שוין אויס גוט. איך גיי טאקע פרעגן א חב"ד חסיד וואס איך קען וואס האט מיר שוין געבארגט פארשידענע זאכן, כולל דער אויבענדערמאנטע בוך אויף ר' מנדל פוטרפס.
פון אלע וואס באזוכן דא, האט קיינער נישט קיין מיינונג אויף דער סטיווען ספילברג לייברערי? וואס איז דארט אינטרעסאנט און וואס איז לאנגווייליג? איך האב געטראפן דארט אסאך אומאינטרעסאנטע זאכן, ממילא האב איך נישט די כח דורכצובלעטערן. דאס וואס איך האב יא הנאה געהאט, האב איך שוין געדרוקט פאר זיך און געלייגט
דא
נשלח: דאנערשטאג אפריל 30, 2020 12:56 pm
דורך ישעיה
ריכטיג האט געשריבן:מיין עצה: האנדל זיך איין א ebook reader וואס שטיצט פדף'ס, און דו וועסט פותר זיין דעם דרוקן פראבלעם איינמאל פאר אלעמאל.
וועלכע וואלט איר רעקאמאנדירט?
נשלח: דאנערשטאג אפריל 30, 2020 1:01 pm
דורך במדבר
וואי! יישר כח! מר @ריכטיג עס איז ווירקליך א פאר'שיכור'ענדע ''אוצר הספרים''.
אוי גאט און הימל! וואונטש @במדבר זאל טרעפן די צייט דאס אלעס דארוך צוליינען.
נאכאמאל ש'כוח.
נשלח: דאנערשטאג אפריל 30, 2020 1:19 pm
דורך אמת וצדק
שלום וברכה הרב @ליטוואק פון בודאפעסט, דו זוכסט עפעס גוט צו ליינען, איז לאמיר פראבירן.
האסט דאך אזוי שיין פארענטפערט הרב קוק ז"ל אינעם וועקער, איז נאדע אן ארטיקל איבער הרב קוק׳ס צוגאנג צו לימודי חול אין זיין ישיבה, נאך אין יפו.
http://cloud.tapatalk.com/s/5eab037e5ce5c/1%20%2813%29.pdfאון אז מען רעדט שוין פון הרב קוק וואס האט באקומען סמיכה פונעם ערוך השולחן נאדע א שיינע אקאדעמישע ארבעט איבערן ערוך השולחן.
http://cloud.tapatalk.com/s/5eab03a8ab921/GoldshteinElazar.pdfאון אז מען רעדט שוין פון די פרומע ציוניסטען, נאדע א שיינע ארטיקל איבער א מזרחי׳סטישע בחור פון ישיבת עתניאל וואס איז געגאנגען טועם זיין א טעם אין לערנען אין די מיר.. אין ער שרייבט די חילוקים פון די צוויי ישיבות.
http://cloud.tapatalk.com/s/5eab03ba731f4/%D7%9E%D7%A2%D7%AA%D7%A0%D7%99%D7%90%D7%9C%20%D7%9C%D7%9E%D7%99%D7%A8%20%D7%95%D7%91%D7%97%D7%96%D7%A8%D7%94%20-%20%D7%94%D7%9C%D7%9C%20%D7%A0%D7%92%D7%9F.pdfאון אז מען רעדט שוין פון לימודי חול נאדע א שיינע ארטיקל פון הרב גדליה אהרן רבינוביץ רבינוביץ, ווי אזוי משלב צו זיין תורה מיט מדע.
http://cloud.tapatalk.com/s/5eab0399297f3/Vol%2012%20Rabinowitz.pdfאון די ביסט דאך א ליטוואק נאדע נאך אן ארטיקל פון הרב רבינוביץ איבער די יסודות׳דיגע חילוקים פון חסידים אין מתנגדים.
http://cloud.tapatalk.com/s/5eab03b1355b0/Vol%205%20Rabinowitz.pdfאון אז די וואונסט אין בודאפעסט נאדע א שיינע ספר׳ל פון הרב יקותיאל יהודה גרינוואלד איבערן אונגארישע טיילונג.
http://cloud.tapatalk.com/s/5eab040e037bc/Hebrewbooks_org_44189.pdfאון אז מען דערמאנט דעם טיילונג האסטו נאך אן ארטיקל פון פראפ׳ בני בראון איבער דעם.
http://cloud.tapatalk.com/s/5eab043947250/As_Swords_in_the_Body_of_the_Nation_Eas.pdfאון אז מען דערמאנט די מחלוקת פון די משכילים מיט די שמרנים, נאדע אן ארטיקל פון הרב יחיאל גולדהבר איבער וואס די גדולי ישראל אין אשכנז האבן געהאט צו זאגן איבערן אסיפה פון די משכילים אין בראונשווייג.
ביידע ארטיקלען פון הרב רבינוביץ קומען פון די
חקירה וועבסייט וואס האט אן א שיעור גוטע ארטיקלען.
נשלח: דאנערשטאג אפריל 30, 2020 1:42 pm
דורך מרדכי מרדכי
ריכטיג האט געשריבן:רוב פון דיין אינטערעסע קען מען געפונען אין די פאלגענדע טעלעגראמס:
https://t.me/booksinhebrewhttps://t.me/booksinhebrewgroupאבער די חסרון איז אז זיי זענען עפי"ר קאפירייט סחורה און לכאורה קענסטו דאס נישט דרוקן אויף לעגיטימע אינטערנעט דרוקערייען.
מיין עצה: האנדל זיך איין א ebook reader וואס שטיצט פדף'ס, און דו וועסט פותר זיין דעם דרוקן פראבלעם איינמאל פאר אלעמאל.
דאס איז א פראבלעם פאר שבת