קאווע שטיבל

נאך בארא פארק, וויליאמסבורג, פלעטבוש, וכו' איז יעצט די רייע פאר לאנדאן פאר א פייערדיגע עירוב מערכה. די וואך איז אויפגעשטעלט א עירוב, און הרב פאדווא איז דערקעגן, און פארשטייט זיך די פרומע ציבור שטעלט זיך צו צו די מערכה אז די עירוב איז פסול און ווער עס טראגט איז א מחלל שבת.

חתם סופר: כ'האף אז מיט די אלע נאכווייען פון דעם וויליאמסבורגע עירוב. די נאכשרייענישן און שימפן און מעשים מכוערים שאי אפשר לפורטם דורך חסיד'ישע בחורים אויף ---...! וואס איז די מעשים בכל שבת בשבתו...! ווייל זיי זענען דאך פון די זעלבע פארטיי...!

חתם סופר האט געשריבן:נאך בארא פארק, וויליאמסבורג, פלעטבוש, וכו' איז יעצט די רייע פאר לאנדאן פאר א פייערדיגע עירוב מערכה. די וואך איז אויפגעשטעלט א עירוב, און הרב פאדווא איז דערקעגן, און פארשטייט זיך די פרומע ציבור שטעלט זיך צו צו די מערכה אז די עירוב איז פסול און ווער עס טראגט איז א מחלל שבת.

די מחלוקה איז שוין א לאנגע צייט אין קראפט, כ'מיין אז די בעלזע חסידים ווילן עס האבן און די סאטמארע חסידים לייגן דרוק אויף הרב פאדווא.

איך בין מוחה!
לאנדאן האט שוין געהאט אן עירוב מחלוקת מיט אכצן יאר צוריק, מיט בריוון און פסקים.
יא, פאר סטעמפארד היל האט זיך עס יעצט אויפגעפלאקערט. אבער סטעמפארד הילל איז ניטש גאנץ לאנדאן

איז דארט די זעלבע סארט מחלוקת ווי דא?

לאנדאן איז א אלטע שטאט, איז נישט געוועהן קיין עירוב דארט אמאהל?

די חרדישע געגענט איז נישט אזוי אלט, סטעמפארד היל האט אנגעהויבן פאר די קריג, הרב אברמסקי האט געוואוינט דארט (אפשר נאר נאכ'ן קריג, ער האט געדאווענט אין די גרויסע שול וואס באבוב האט שפעטער אפגעקויפט) און נאך. אן עירוב איז אבער נישט געווען.

אין די אלטע געגענט דמתקריא 'איסט ענד', האט מען געוואלט אויפשטעלן אן עירוב, וליתר דיוק, האט הרב שאפאטשניק (איך האב אים שוין דערמאנט דא און מ'קען ווייטער ליינען דא וועגן אים) געוואלט אויפשטעלן אן עירוב דארט. הרב חיים עוזר גראדזינסקי האט א שארפן בריוו קעגן אים, ווי ער באטיטלט אים אלס א מטורף און הייסט מ'זאל נישט מאכן קיין מחלוקת מיט אים, נאר מפרסם זיין אז אין לאנדאן טאר מען נישט טראגן.

כמעט אלע רבנים אין גאלדערס גרין זענען געווען קעגן די עירוב דארט, און זיכער די עלטערע. נאר הרב עהרענטרייא איז געווען בעד, און דער (שפעטערדיגע) סאדיגערער רבי האט מיטגעשטימט, מיט אפשר נאך איין רב. הרב פנחס ראבערטס און להבחל"ח הרב חיים פלדמן זצ"ל און נאך עלטערע רבנים, זענען אלע געווען שטארק קעגן. עס איז דארט אן אנדערע מציאות ווי ברוקלין, מחמת כמה טעמים. אבער עכ"פ אזוי איז געווען דארט.

גראדע, לדעתי דאס אליינס אז אזויפיל חשוב'ע רבנים האבן דארט געוואוינט און נידט געמאכט קיין עירוב, אן קיין טרור אדער מחלוקת, איז אליינס א ראיה אז מ'זאל דאס נישט טון, אבער ווער פרעגט מיר? עס זעט אויס א קהלה ענין דארט' ווי מענטשן פאדערן בעלות אויף א קהלה, זה בכה וזה בכה, און שבת איז א קרבן אין דערמיט.

.

איינער קען אריינקומען מיט דעטאלן, וואס גייט פאר?
ווער האט עס אויפגעשטעלט?

חיים שאולזאהן אין זיין בלוג:

''הסטוריה בסטמפורד היל יש עירוב! כדתיא נתן הכשר על זה זה רעידת אדמה''.

איז עס ריכטיג לאנדאנער אידען וועקטס אייך אויף, קימטס אריין ביטע מיט דעטאלן.

שווער צו גלייבן, דער אלטע רב האט דאך געפירט א מערכה מיט דעם. סיידן אויב מען וועט אננעמען אז זייט קאראנא פייפט מען אריין אין שטאטס רב.

מ'האלט גאנץ ווייט פון א ישועה און אויף דערווייל איז עס מער סימבאליש ווי אקטועל.

בקיצור נמרץ, דער צפון זייט פון דעם יידישן יישוב פון סטאמפארד היל ענדיגט זיך ביי דעם דרום זייט פון א געגנט וואס הייסט טאטענהאם (באקאנט פאר חובבי פוסבאל). דער יידישער טאטענהאם חלק האט א טייך פון מזרח זייט, און באן שינעס פון צפון, ממילא איז דארט אביסל לייכטער צו מאכן אן עירוב וויבאלד ס'האט שוין מחיצות אויף צוויי זייטן.

איצט דארף מען פארשטיין, אז כאטש כדתיא ובראשה רב פדווא זענען שטארק קעגן אן עירוב אין לאנדאן, מחמת הלכה, סאציאלע סיבות און אויך ווייל דאס איז געווארן א סימבאל פון זייער מאכט, אעפ"כ זענען למעשה יא דא עירובין דא און דארט פון איינס אדער צוויי געסלעך. די עירובין זענען נישט ממש מיט אן אפיציעלן כדתיא הכשר אבער דאך זענען זיי מיט זייער הסכמה. אין טאטענהאם אליין זענען אויך שוין געווען קליינע שטחים מיט אן עירוב.

דער פארלאנג אין שטאט פאר אן עירוב האלט אין איין שטערקער ווערן וויבאלד דער עולם וואקסט און אויך כמעט יעדער יישוב אין דער וועלט האט היינט אן עירוב ולמה נגרע. כדתיא איז ווייט פון פאפולאר און רב פדווא אליין איז אויך קיינמאל נישט געווען צו באליבט, נאר ווילאנג ער איז געווען ביי די כוחות האט ער עס נישט צוגעלאזט און מען האט געפאלגט. פאר אפאר יאר האבן די בעלזער געוואלט מאכן אן עירוב, און אן אנדערע מאל האט מילך שווארץ פרובירט ולא עלתה בידם.

איצט מיט דער לאקדאון איז געוואקסן א דריקונג אז שבת זאל מען קענען ארויסגיין אביסל זיך אויסלופטערן וכדומה. אין דער זומער זענען שבתים אויך גאר לאנג וואס מאכט עס נאך שווערער. זענען געגאנגען אפאר יחידים און פארברייטערט דער טאטענהעמער עירוב וואס עגזיסטירט שוין אויף נאך אפאר געסלעך. צום ערשט האבן זיי זיך געוואנדען צו כדתיא און מען האט זיי דוחה געווען בלך ושוב. האבן זיי באשלאסן אליין צו מאכן אן עירוב. פאר א רב אויפן פלאץ האבן זיי איינער ר' משה שלעזינגער (א זון פון ר' אליקים) וואס האט זיי מחזק געווען (און אויך סותם געווען דער מויל פון די קנאים וויבאלד ער איז א שלעזינגער) און פאר א רב המכשיר האבן זיי אימפארטירט ר' הערשל האגער, א חסיד'ישער גאלדערס גרינ'ער רב וואס איז א מומחה אין עניני עירובין. די כדתיא רבנים און ראשי הקהילה האבן געזיט נאר וויבאלד רב פדווא איז עבר ובטל זענען זיי לעת עתה שוואך.

און דעם פארגאנגעם שבת האבן זיי געזיגט אז דער עירוב איז געגאנגען "לייוו" ואין פוצה פה. כדתיא האבן געשוויגן און דער עולם האט געטראגן און שטארק אפלאדירט די עסקנים. איצט הייסט עס אז כדתיא וועלן מאכן "הידורים" ובעל כרחם יענו אמן.

למעשה איז עס אבער מער סימבאליש ווייל עס דעקט מן הסתם ווייניגער ווי צען פראצענט פון דעם יידישן סטאמפארד היל געגנט און צו דעקן דער גאנצער געגנט דארף מען איבערקומען גאר אסאך שוועריקייטן, מיט די רשויות און אויך מיט הלכה און אויך כדתיא. עס איז אבער דאך א שטארקער נצחון וויבאלד כדתיא און רב פדווא האבן געמאכט פון דעם איסור פאר אן עירוב א פרינציפ און סימבאל פון זייער מאכט און דאס האט מען דורכגעבראכן. דער האפענונג איז אז נאך און נאך געסער וועלן פארלאנגען אריינצוקומען אין דעם עירוב און אז מען וועט עס פארברייטערן אויף ווייטער ביז מיט דער צייט וועט עס דעקן דעם גאנצן סטאמפארד היל געגנט.

הרב הערשל הגר איז אן איידעם ביי להבחל״ח הרב מנשה קליין זצ״ל, און א זון פון הרב גרשון פון ג.ג..

די שלעזינגערס ווערן נישט פאררעכנט ווי קנאים ווי איידער פאליטישע פיגורן, וואס האבן חשבונות על גבי חשבונות וויאזוי זאכן ווערן ריכטיג אדער נישט ריכטיג. הרב אליקים האט פראבירט זיך אנצונעמן פאר דיין דוננער אז ער זאל ירשנ׳ן זיין טאטענ׳ס פאסטן, און יעדער האט געגלויבט אז עס איז בנצי׳ס געלט וואס רעדט דארט, און אלע האבן אים אויסגעלאכט.

יעצט האבן זיי דעם סאטמאר רב ר'משה מנחם וואס דאכציך מיר האט ער מתיר געווען די עירוב אין בארא פארק

קאצקע ציקער: ווייל אין יענע תקופה האט הרב משה מנחם ווייס שליט"א, אלס פאפא'ער מער נוטה געווען צו הרב ר' יחזקאל ראטה, ר' חיים לייב כ"ץ און ר' פישעלע הערשקאוויטש ז"ל. ווייל די שיטת פון סאטמאר און פאפא זענען אין רוב פעלער נישט עולה געווען בקנה אחד...!

קאצקע ציקער האט געשריבן:יעצט האבן זיי דעם סאטמאר רב ר'משה מנחם וואס דאכציך מיר האט ער מתיר געווען די עירוב אין בארא פארק

ער איז זייער שטיל און האט נאכנישט געמאכט א רושם אויף דער שטאט.

א היינטיגן בריוו

ליטוואק פון בודאפעסט האט געשריבן:גראדע, לדעתי דאס אליינס אז אזויפיל חשוב'ע רבנים האבן דארט געוואוינט און נידט געמאכט קיין עירוב, אן קיין טרור אדער מחלוקת, איז אליינס א ראיה אז מ'זאל דאס נישט טון, אבער ווער פרעגט מיר? עס זעט אויס א קהלה ענין דארט' ווי מענטשן פאדערן בעלות אויף א קהלה, זה בכה וזה בכה, און שבת איז א קרבן אין דערמיט.

דאס איז די זעלבע אויסגעדראשענע טענה ווי אין וומסב"ג און ס'איז צייט צו ענדיגן מיט די שטותים! ס'דא אסאך זאכן וואס פעלט פאר לאנדאן און פאר וומסב"ג און די גאונים וצדיקים האבן געלעבט אין די ביידע פלעצער.

ס'דרייען זיך היינט ארום א אינגעלייט ווואס מיט 15 יאר צוריק האבן זיי נאכגעשריבן מענטשן וואס האבן זיך באנוצט מיטן עירוב אין וומסב"ג, און כהיום וואוינען זיי אויפן 8טן שטאק אין א דריי בעדרום דירה, און וואונדערן זיך יעדן זומעריגן שבת מיטאג, פארוואס זאל נישט זיין קיין עירוב, עס הייבט זיי אן אויפקומען אלע פאנטאזיעס וואס די הערשן קלאר קליקע האט זיי דאן פארקויפט, ס'ערשטע אז ס'איז א רשות הרבים, און עס וואונדערט זיי איז אין קראקא און אין ווארשא נישט געווען קיין עירובין? ווי איז דען נישט געווען קיין עירוב? איז אין ירושלים נישטא קיין עירוב? דאן קומט ארויף די אומבאשטעטיגטע אז די רבי האט נישט געהאלטן פון קיין עירוב, און דער אינגעמאן טראכט צו זיך לאמיר זאגן אז ער האט נישט געהאלטן, נו אשר על כן איז וואס? איז ער דען גרעסער פון שלמה המלך? פלאנט סאטמאר ארויסצוקומען מיט א נייע מסכת עירובין?

איך בין משער אז ווען נישט עס וואלט דעמאלטס געוועהן אזא היציגע מערכה וואלטן רוב פון די וויליאמסבורגע רבנים אליין געטראגן היינט אין וויליאמסבורג. און וואלטן אפשר געמאכט א זעהבארע עירוב מזאל זיך קענען פארלאזן דערויף

איך ווייס נישט וואס דו ווילסט, האסט עפעס געטענה'ט צו מיר? איך האב נישט קיין מיינונג אויף די עצם עירוב. אבער א ציבור זאך דארף בלייבן אין די הענט פון די ציבור, און די פארטרעטערס פון די צבור דארפן זיין די רבנים.

געדענק אז לאנדאן איז נישט ווסמב"ג, דארט איז דא א קהלה, און מיט אלע טענות וואס מ'האט אויף זיי, איז ווסמב"ג נישט קיין פארגלייך.

ליטוואק פון בודאפעסט האט געשריבן: א ציבור זאך דארף בלייבן אין די הענט פון די ציבור, און די פארטרעטערס פון די צבור דארפן זיין די רבנים.

יא אבער אין די האנט פון די יעציגע רבנים!
מ'קען נישט בלייגן פארהאקט ווייל א פריערדיגע רב האט נישט אזוי געטון (מילא ווען ער אסר'ט במפורש, אבער דאס איז דאך אויך נישטא).

פאליטיקאנט האט געשריבן:

ליטוואק פון בודאפעסט האט געשריבן: א ציבור זאך דארף בלייבן אין די הענט פון די ציבור, און די פארטרעטערס פון די צבור דארפן זיין די רבנים.

יא אבער אין די האנט פון די יעציגע רבנים!
מ'קען נישט בלייגן פארהאקט ווייל א פריערדיגע רב האט נישט אזוי געטון (מילא ווען ער אסר'ט במפורש, אבער דאס איז דאך אויך נישטא).[/quote

דער חשב האפוד האט במפורש געאסערט...
עס איז דא 2 בריעוו לאיסור

eruvonline.blogspot.com/
ער זאגט ער וועט האבן פרישע סחורה דערוועגן

ליטוואק פון בודאפעסט האט געשריבן:גראדע, לדעתי דאס אליינס אז אזויפיל חשוב'ע רבנים האבן דארט געוואוינט און נידט געמאכט קיין עירוב, אן קיין טרור אדער מחלוקת, איז אליינס א ראיה אז מ'זאל דאס נישט טון, אבער ווער פרעגט מיר? עס זעט אויס א קהלה ענין דארט' ווי מענטשן פאדערן בעלות אויף א קהלה, זה בכה וזה בכה, און שבת איז א קרבן אין דערמיט.

שיטת החכם צבי, הבית אפרים, והמהר"י אסאד – לענין לונדון
opinion-of-chacham-tzvi-bais-ephraim.html

שיטת האהל יעקב לענין לונדון
opinion-of-ohel-yaakov-regarding-london




A Critical Analysis of the London Anti-Eruv Kuntres: Part 1
critical-analysis-of-london-anti-eruv

eruv-hamehudar-in-nw-london

-jewish-tribunes-argument-against

ר' חיים עוזר ווערט דארט דערמאנט?!

למעשה, אלע מראה מקומות זענען גוט אין ביהמ"ד. דאס האט גארנישט מיט די מהלך וויאזוי קהלות ארבעטן, און עירוב איז א ציבורישע זאך, נישט קיין יחיד'ס. די מאדערנע בלאגגער ערשיינונג האט נישט דא וואס אריין צו רעדן. נאר אין די ערטער ווי קיין קהלות זענען נישט פארהאנן (דאס מיינט נישט א פלאטץ וואס איז פארוואנדעלט אין א נכסי הפרט, דאס מיינט טרור, נישט קהלה), האט מען גארנישט מער ווי יחידים, און אזא פנים האט עס.

איך מיין יעדער וואלט פארשטאנען אז טאמער איינער וואלט געקומען אין וואלאזין זעלבסט, און אויפגעשטעלט אן עירוב געבויט אויף דער בית אפרים, וואלט עס געווען א חוצפה נוראה, אזוי אויך דארף מען פארשטיין וויאזוי זאכן גיין אין די סארט שטעט ווי א קהלה אפאראט עגזיסטירט נאך.

ליטוואק פון בודאפעסט האט געשריבן:ר' חיים עוזר ווערט דארט דערמאנט?!

... אודות תיקון עירובין בפריז ... באתי בדברים בענין זה עם א' הרבנים הגדולים בעירנו משגיח על העירובין פה ועם הרב הגאון מוה"ר אברהם ישעי' קרליץ שליט"א בבני ברק בעמח"ס "חזון איש", ואת אשר החלטנו אודיע למעכ"ת. והנה בודאי נראה שפריז היא רה"ר גמורה מה"ת ... אולם מעכ"ת כתב דבפריז ישנן ג' מחיצות מה"ת בכל ג' רוחות וגם ברוח הרביעית יש מחיצה בערך שליש, א"כ לפי זה אין להעיר פריז דין רה"ר מה"ת לכו"ע. והגם שיש פרצות ע"י הגשרים העוברים את הנהר, מכ"מ אין הם אוסרות מה"ת, כיון שהעומד מרובה על הפרוץ, ורק מדרבנן אוסרת כל פרצה ביותר מי' אמות, וא"כ בודאי שיכולים לתקן כל פרצות אלו בצוה"פ."

(שו"ת אחיעזר ח"ד ס"ח)

ליטוואק פון בודאפעסט האט געשריבן:למעשה, אלע מראה מקומות זענען גוט אין ביהמ"ד. דאס האט גארנישט מיט די מהלך וויאזוי קהלות ארבעטן, און עירוב איז א ציבורישע זאך, נישט קיין יחיד'ס.

אזוי ווילסטו

... בני מבוי כופין זה את זה, ואפילו המיעוט כופין את המרובין, לעשות לחי או קורה, להתיר לטלטל בשבת כמו שכתב באו"ח סימן שס"ב, ובמבוי מפולש, כופין על עשיית צורת הפתח כמו שכתב שם בסימן שס"ג. ויש להסתפק בזמן הזה שמערבין הערים בצורת הפתח אף שהם רחבים ט"ז אמה, ואין בה ס' רבוא, על פי הכרעת רבינו הרמ"א שם, והרבה פוסקים חולקים על זה, אם יכול אחד לומר, לא אתן חלק בזה כי אני חושש להפוסקים האוסרים.

ויראה לי, דמכל מקום צריך ליתן אף זה שאין צריך לה. כמו כן בזה יכולים לומר לו, אף שאתה מחמיר על עצמך, מכל מקום לתקנת העיר אתה מוכרח ליתן, ואינו יכול לומר קים לי כהפוסקים האוסרין, כיון שכבר נתפשט ההיתר על פי הכרעת הרמ"א, אין שום אדם יכול לומר קים לי. ועשיית עירוב הוא מצוה כדמוכח בש"ס [עירובין ס"ח]."

(ערוך השלחן, חו"מ סימן קס"ב א)