נו רבותי, גיי מיר?

[טעלעפאן]

אויף איי וועלט

מוסדות תפארת אבות, פאללסבורג
דורך חיים של פרנסה » מאנטאג אוגוסט 13, 2012 10:11 pm

רבותי עס גייט זיך אנהייבן קאכן, דא איז ס'ערשטע ווי איך מעלד דאס, דערנאך אין דבר יום אויף שבת.

נאך עטליכע מיטינגען פארגאנגענע וואך, און אנערקענענדיג אז די דירות מצב ווערט ערגער, און די געדאנק פון קאנטרי ווערט נענטער, קומט צו א רינגעלע און טויזענטער חלומות פון הונדערטער אידן צענדליגער יארן, וואס גייט ארויסהעלפן אידן וואס ווילן מופן אין די מאונטענס.

און אט ווערט דאס מקוים. זעצט אייך אראפ און הערט.

פתיחת שערים פון "מוסדות תפארת אבות", ת"ת ובית חינוך לבנות.

א מוסד כלל חסידי, ווערט גע'עפנט בהרי הקעטסקילס אויף דעם גאנצען יאר.

עס איז נאכנישט קלאר קיין פרטים, אבער די פאלגענדע קענען מיר שוין יעצט לאזן הערן ווייל דאס פעלט אויס פאר אונזער אינפארמעשאן.

דער מוסד וועט געפירט ווערן אונטער דעם אויפזיכט פון הרה"ג ר' יחיאל שטיימעץ שליט"א דומ"ץ במאנסי, און וועט גע'עפנט ווערן לויט'ן צורך.

דאס מיינט אויב וועט מען זען אז מען דארף מער קלאסן וועט מען נישט ווארטן ביז צו עפענען מער קלאסן, לויט וויפיל קינדער עס איז דא אזוי וועט מען טון.

דער אויבנדערמאנטער דיין איז נישט קיין נייער נאמען בעולם הרבנות, און איז שווה לכל נפש, און איז זייער פאסיג צוצוברענגן צום קלארן ציהל: צו מאכן ערליכע חרדי'שע מוסדות וואס זאל דינען דעם ציבור וואס "וויל" ארויסקומען וואוינען אין די קאנטרי, פאר זייערע אייגענע סבות. און עס זאל זיין א חסידי'ש מקום, דאס בעסטע וואס קען נאר זיין.

די שטאטישע פראגראמען לייגט אויך צו אז זייער אסאך מענטשן רעכענען זיך צו פארברענגען די קומענדיגע יאר אדער צוויי אין די מאונטענס, דערפאר איז יעצט די פאסיגסטע צייט צו טון למעשה.

בקרוב וועלן מיר מעלדן דעם פולן מעלדונג, מיט די נעמען פון די בעל בתים וואס שטייען אונטער דעם.

אזויווי עס איז דא צענדליגער הייזער פאר סעיל אין די פאללסבורג געגענט, און מיר ווייסן אז דער ציבור איז גרייט צו קויפן, און מיר ווילן די פרייזן זאלן בלייבן נידריג, דערפאר טוען מיר מעלדן א זאך וואס יעדער וועט פארשטיין: ווער עס איז אינטרעסירט ארויסצוקומען וואוינען, און וויל שיקן זיינע קינדער אין די מוסדות, דארף קויפן א הויז דורך דעם וועד.

דער וועג איז, צו לאזן א מעסעדזש אין די הרחיבי טעלעפאן ליין, 347-292-8049 און מיר וועלן צוריק רופן ביז די קומענדיגע 24 שעה בלי נדר. דורכצושמוען יעדן פארלאנג, סיי ווער עס זוכט פאר רענט, סיי ווער עס וויל קויפן. אדער צו dirosinfo@gmail.com

אלעס איז דא נאר אזוי טרוקן ווייל מיר זענען גע'ענגט אין צייט, איבער די וואך וועלן מיר מסדר זיין נאך פרטים, לויט די אנפראגן פון ציבור.
חיים של פרנסה,
בעזרת ה'.
חיים של פרנסה
שר מאה

הודעות: 127
זיך איינגעשריבן: דינסטאג ספטמבר 15, 2009 6:23 pm

[חכם מחוכם]

כהאף נאר אז סוועט זיך נישט אויסלאזן אזויווי קויפמאנס, סטעטן איילענד וכו’

[געפילטע פיש]

כ'פארשטיי נישט? פארוואס מוז מען קויפן א הויז דורך זיי?

[דעינעש]

אז עס זאל זיך נישט טוהן א גע'פליפ'עכץ, לכאורה.

[חכם מחוכם]

האסטו גארנישט אויפגעטוהן, ודו"ק

[משה געציל]

כ'פארשטיי נישט? פארוואס מוז מען קויפן א הויז דורך זיי?

מסתמא גייט מען נאר פארקויפן אינטערנעט געפילטערטע הייזער.

[דבילה]

כ'פארשטיי נישט? פארוואס מוז מען קויפן א הויז דורך זיי?

טאמער נישט 'עט דעך שווער ווערן מאי אהני לן רבנן?

[טעלעפאן]

האסטו גארנישט אויפגעטוהן, ודו"ק

דאס איז פונקטליך וואס איך האב געטראכט

[נולד מאוחר]

מיט ואס איז קעטסקילס בעסער פין מאנסי?

[טעלעפאן]

עפעס איז דא אין מאנסי וואס שטערט מיך געפערליך. אדרבה, אפשר קען עס עמיצער ערקלערן דא....

[חכם מחוכם]

די דארפישקייט

[מ גפני]

די דארפישקייט

ומשא"כ פאלסבורג?!?

[אויס מענטש]

גיי קיין מאנסי פאר 6 חדשים און דענאך זאג מיר צו עפעס שטערט דיר נאך

[אויס מענטש]

איך פארשטיי בכלל נישט
אויב קויף איך אליינס א הויז גייען זיי דען נישט אריין נעמען מיינע קינדער אדרבה זיי וועלן נאך דיר נאכלויפן

[נפתלי]

די דארפישקייט

ומשא"כ פאלסבורג?!?

ביזדערווייל וואוינט מען נאכנישט דארט אויף אזא פארנעם קען מעך איינרעדן אז די שטאטישע וואס מופן אהין זענען פון אן אנדערן טייג געקנאטן אוןנס'וועט נישט זיין אזוי דארפיש.

[אויס מענטש]

אזויווי עס איז דא צענדליגער הייזער פאר סעיל אין די פאללסבורג געגענט, און מיר ווייסן אז דער ציבור איז גרייט צו קויפן, און מיר ווילן די פרייזן זאלן בלייבן נידריג, דערפאר טוען מיר מעלדן א זאך וואס יעדער וועט פארשטיין: ווער עס איז אינטרעסירט ארויסצוקומען וואוינען, און וויל שיקן זיינע קינדער אין די מוסדות, דארף קויפן א הויז דורך דעם וועד.

ווילן מיר טאקע שוין מעלדן אז עס גרינדעט זיך א נייע תלמוד תורה וואו איר קענט שיקן אייערע קינדער, אפי' איר האט נישט געקויפט א הויז דורכן וועד.
יישר כח
חיים של תורה

[הירשל ציג]

אין מאנסי קאסט היינט א נייע קאנדא וואו מ'וואוינט מיט נאך 8-10 משפחות אזוי ווי אין שטאט קרוב צו 600 טויזענט טאלער

דאס זעלביגע וועט זיין אין די בערג. טא וואס טוט מען אויף????

[שמואל הלוי]

וואס מיינט קויפן א הויז דורך די וועד? די הויז גייט זיין פארשריבן אויף די וועד'ס נאמען?

[נפתלי]

אין מאנסי קאסט היינט א נייע קאנדא וואו מ'וואוינט מיט נאך 8-10 משפחות אזוי ווי אין שטאט קרוב צו 600 טויזענט טאלער

דאס זעלביגע וועט זיין אין די בערג. טא וואס טוט מען אויף????

מהיכי תיתי?

וואס מיינט קויפן א הויז דורך די וועד? די הויז גייט זיין פארשריבן אויף די וועד'ס נאמען?

אפשר פארן קויפן וועט דאס זיין פארשריבן אויפן וועד'ס נאמען

[לאדיך אפ]

אין מאנסי קאסט היינט א נייע קאנדא וואו מ'וואוינט מיט נאך 8-10 משפחות אזוי ווי אין שטאט קרוב צו 600 טויזענט טאלער

דאס זעלביגע וועט זיין אין די בערג. טא וואס טוט מען אויף????

אויף די בערג קען מען באקומען סעקשאן אכט.

[פראפעסאר שפירא]

דערפאר טוען מיר מעלדן א זאך וואס יעדער וועט פארשטיין: ווער עס איז אינטרעסירט ארויסצוקומען וואוינען, און וויל שיקן זיינע קינדער אין די מוסדות, דארף קויפן א הויז דורך דעם וועד.

כ'מיין אז דא ליגט די הונט באגראבן. ווילסט בויען מוסדות, בוי מוסדות. פרוביר נישט צו יענעם קאנטראלירן.

[שמעקעדיג]

אין מאנסי קאסט היינט א נייע קאנדא וואו מ'וואוינט מיט נאך 8-10 משפחות אזוי ווי אין שטאט קרוב צו 600 טויזענט טאלער

דאס זעלביגע וועט זיין אין די בערג. טא וואס טוט מען אויף????

אויף די בערג קען מען באקומען סעקשאן אכט.

ביטע, איך דארף דאס נישט! מה לי ולצרה הזאת.
דער גרעסטער בראך אין שטאט היינט איז... יא, סעקשאן 8.
הלואי ווען דאס וואלט זיך קיינמאל נישט אנגעהויבן, וואלטן די פרייזן געבליבן ביי האלב.

[שמואל הלוי]

אוי ווי גערעכט דו ביסט.