קאווע שטיבל

וואס איך גיי דא שרייבן קען אפשר ווערן אויסגעטייטשט ווי כפירה (ח"ו), אבער דער ציל פון דעם ארטיקל איז פונקט דאס פארקערטע.

ס'איז מיר בייגעלאפן א מחשבה וואס ס'וואלט געווען ווען מיר זאלן (פרובירן) צו לייגן די אבסורדאלע טעאריעס פון עוואלוציע ווי אויסגעטייטשט דורך דארווין ותלמידיו צו די געשעענישן וועלכע ווערן פארציילט אין תנ"ך. ספעציעל אין חומש.

ס'נישט אז ס'איז נישט פארהאן אזא זאך ווי עוואלוציע. זיכער אז יא. נאר אלעס איז א חלק פון די בריאה וואס דער אייבישטער האט באשאפן, און ער האט אריינגעלייגט דעם כח אין די אלע דצח"מ אז זיי זאללן זיך מיט די צייט טוישן און אנטוויקלען. די גמ' רעדט דאך פון דעם. אנרופנדיג דאס "נשתנו הטבעיים"...!

לאמיר צוערשט נאר רעדן איבער דינאוזארן (דיינאסארס). די דארוויניסטן למיניהם האלטן אז די עקזיסטענץ (און פארניכטונג) פון אט די גרויסע באשעפענישן איז א דירעקטע סתירה צו מעשה בראשית. אבער ס'שטייט דאך קלאר ארויס אין די פ' פון בראשית אז דער אייבישטער האט באשאפן די "תנינים הגדולים, די גרויסע סערפענטן...", נאר זיי זענען פארניכטעט געווארן אין מבול.

אויך. ווען מיר זאלן צולייגן די טעאריעס פון עוואלוציע צו די אנדערע געשעענישן וועלכע ווערן פארציילט אין די תורה, אזוי ווי קריעת ים סוף אדער קבלת התורה קען עס אויסזעהן אפילו קאמיש. לאמיר זאגן אז ס'האט גענומען מיליאנען יארן ביז ס'האטציך געמאכט א שפאלט אין ים סוף, אדער אז די לוחות און די עשרת הדברות אויף זיי האט גענומען עטליכע מיליאן יאר ביז ס'האטציך אויסגעהאקט און אויסגעפארעמט פון גראניט שטיין וואס איז געווען ביים בארג סיני...!

די מסקנא איז אז ס'איז א סאך גרינגער און מער לאגיש צו זאגן אז ס'איז דא א באשעפער וועלכער האט באשאפן די אלע זאכן מיט גרויס חכמה. און די סיפורים וועלכע ווערן פארציילט אין חומש איבער מעשה בראשית און די ווייטערדיגע אנטוויקלונגען דארפן אנגענומען ווערן ככתבם וכלשונם. ווען ס'שטייט אין חומש אז דער אייבישטער האט באשאפן די וועלט אין זעקס טעג, לאמיר נישט זיין קיין אויבער חכמים און זאגן אז דאס מיינט זעקס ביליאן יאר...!

מיינע מלמדים פלעגן אסאך רעדן פון די דיינעסארס אז עס איז נאך אפי’ געווען אין דוד המלך’ס צייטן און דוד האט געמיינט אז עס איז א בארג וכו’, און אין תהלים רעדט דוד המלך אסאך פון זיי, ומקרני ראם עניתני. וויאויך האט מיין רעבע געזאגט אז די וויזלטיהר איז געגאנגען אויף די דאך פון די תיבה ביים מבול ווייל ער איז געווען צו גרויס.

בן נון: א וויזל טיר ווי גרויס ער זאל נאר נישט זיין איז נישט קיין שום קרוב מיט די דינאזאורן. ער איז פון די משפחה פון די הערשן. אויך איז ער א יונק, א "מאממאל". משא"כ די דינאזאורן זענען פון די משפחה פון די שלענג, "סערפענטס", און זיי זענען אונטערגעגאנגען ביים מבול.

בשעת'ן מבול זענען געשעהן געווארן זייער א סאך עוואלוציאנערע ענדערונגען, אדער "אדזשאסטמענטס" אין די טבע.

אויך איז ארויסגעקומען זייער א סאך ענערגי פון די ערד/תהום (עפ"י ציווי ה') אויפ'ן עקוויוואלענט פון מיליאנען יארן. דאס האט געגעבן פאר די אזוי-גערופענע סייענטיסטן א מקום לטעות צו זאגן אז די וועלט איז אלט עטליכע ביליאן יאר, ווייל זיי ליינען דעם "קארבאן טעסט" וואס ווייזט אז די עלעמענטן פון די וועלט זענען עטליכע ביליאן יאר אלט...!

פאר'ן מבול האבן מענטשן געלעבט 800 און אויך 900 יאר. דאס אלעס איז בטל געווארן נאכ'ן מבול.

די זעלבע, די גרויסע באשעפענישן ווי די דינאוזארן זענען אויך פארניכטעט געווארן בשעת'ן מבול.

berlbalaguleh האט געשריבן:בשעת'ן מבול זענען געשעהן געווארן זייער א סאך עוואלוציאנערע ענדערונגען, אדער "אדזשאסטמענטס" אין די טבע.

אויך איז ארויסגעקומען זייער א סאך ענערגי פון די ערד/תהום (עפ"י ציווי ה') אויפ'ן עקוויוואלענט פון מיליאנען יארן.

זייער אינטערעסאנט. דאס האט א מקור?
שמעקעדיג: מיין רבי אין חדר האט גערעדט איבער די דיינאסארס ווען מ'האט געלערנט דעם פסוק אין חומש פ' בראשית אז דער אייבישטער האט באשאפן די ..."תנינים הגדולים"... און אז זיי זענען אונטערגעגאנגען בשעת'ן מבול. די אנדערע חלק איז א רש"י (כ'מיין אין פ' נח אויפ'ן פסוק..."ויסכרו מעינות תהום"...) וואו רש"י ברענגט א מדרש אז בשעת'ן מבול זענען ארויס געקומען שטארקע כוחות פונ'ם תהום (רבה). און נאכ'ן מבול זענען זיי צוריקגעגאנגען. אויסער די קוועלער וועלכע זענען פאר'ן געזונט פון די מענטשן...!

און ווער זאגט דיר אז ראם איז א וויזלטיהער אפשר איז עס א דיינעסארס עס מאכט מער סענס

לויט איינשטיין אז צייט איז נאר רעלאטיוו צו ספעיס און מעטטער קען זיין אז אז די וועלט איז יא אלט 15 צו 14 ביליאן יאהר און אין ששת ימי בראשית איז די וועלט געווארן גרעסער און אזוי האט צייט אנגעהויבן צו פארן שטייטער.
און דיינעסארס למשל קען זיין האט למשל געלעבט פאר א חלק פון די זעקסטע טאג און נאכדעם געשטארבן, און כ'ווייס נישט פארוואס מ'דארף זאגן אז ס'איז די לוויתן ס'קען זיין סתם א חי' און די תורה דארף נישט אלעס פארציילן
און גראדע שטימט עס גאנץ גוט מיט זייערע חשבונות לויט ווי אלט דיינעסארס זענען (66 מיליאן יאר צוריק לויט גוגל) ווייל די זעקסטע טאג האט גענומען ע"פ חשבון בערך 500 מיליאן יאר
דאאיז א גוטע שיעור איבער דעם (כאטש ס'איז אפאר יאר אלט און אביסל off פון די היינטיגע סיינטיפיק נאמבערס)

בערל: די גאנצע מבול טעאריע/אפאלעזשעטיק שטימט נישט מיט די חז''ל אז אין ארץ ישראל איז נישט געווען די מבול.

לייבל שטילער האט געשריבן:בערל: די גאנצע מבול טעאריע/אפאלעזשעטיק שטימט נישט מיט די חז''ל אז אין ארץ ישראל איז נישט געווען די מבול.

ר' יוחנן האלט אזוי, ריש לקיש האלט פארקערט.

און ווי שוין דערמאנט כמה פעמים ארבעטן די זאכן פארקערט, דהיינו פון וואו האט ר''ל געוויסט אז די מבול איז יא געווען אין א''י, ר''י ברענגט דאך ראיות לדבריו, אלא מאי איז מוכרח אז ר''ל האט שוין דאן געוואוסט פון עוואלאציע נאך סאך פאר דארווין וחביריו..

berlbalaguleh האט געשריבן:וואס איך גיי דא שרייבן קען אפשר ווערן אויסגעטייטשט ווי כפירה (ח"ו),

כ'האב זייער פרובירט עס אויסצוטייטשן ווי כפירה, אבער ס'גייט נישט..
איך זעה דא נאר 'אמונה אמונה און נאכאמאל אמונה'..

די מיטאס פונעם מבול איז פונקט אזוי, אויב נישט מער, אבסורד ווי די טעאריע פון עוואלוציע, ווער ס׳האט נישט קיין פראבלעם צו גלייבן די מבול טראץ די אבסורדיטי דערפון קען רואיג גלייבן אין עוואלוציע אויך, סיידן אז ער האט מורא צו עקספלארירן נייע unfamiliar איידיעס וואס געפינען זיך אינדרויסן פון זיין comfort zone, דאס גרעניצט זיך שוין אבער מיט כפירה רחל ווייל מורא האבן מעג מען נאר פונעם הייליגן באשעפער.

נ.ב.: ס'האטציך נאכאמאל אריינגעכאפט מיין תגובה אין אן אנדערנ'ס מאמר (שמעקעדיג) . בבקשה. אריבערפיהרן עס צו א געהעריגע ..."קוואוט" און תגובה...ייש"כ.

בן נון האט געשריבן:און ווער זאגט דיר אז ראם איז א וויזלטיהער אפשר איז עס א דיינעסארס עס מאכט מער סענס

בן נון: איך האב נישט געזעהן נישט קיין וויזלטיהר און נישט קיין דיינאסאר. אבער פון פסוק (פסוקים) איז אזוי משמע. ווייל א דינאזאור און א וויזלטהיר זענען אינגאנצן אנדערע מינים חיות. כמו שאמרתי למעלה...!

רביה''ק זי''ע האט געשריבן:די מיטאס פונעם מבול איז פונקט אזוי, אויב נישט מער, אבסורד ווי די טעאריע פון עוואלוציע, ווער ס׳האט נישט קיין פראבלעם צו גלייבן די מבול טראץ די אבסורדיטי דערפון קען רואיג גלייבן אין עוואלוציע אויך, סיידן אז ער האט מורא צו עקספלארירן נייע unfamiliar איידיעס וואס געפינען זיך אינדרויסן פון זיין comfort zone, דאס גרעניצט זיך שוין אבער מיט כפירה רחל ווייל מורא האבן מעג מען נאר פונעם הייליגן באשעפער.

רביה"ק זי"ע: דו לייגסט דא אראפ א קעטש 22 סיטואציע. מ'קען זיך האלטן ביי אמונה נאר דורך כפירה. מ'קען קומען צו כפירה נאר דורך אמונה...!

איך גלייב באמונה שלימה און באמונה פשוטה אז דער מבול איז געשעהן אזוי ווי ס'ווערט דערציילט אין חומש...!

תוהו ובוהו האט געשריבן:

לייבל שטילער האט געשריבן:בערל: די גאנצע מבול טעאריע/אפאלעזשעטיק שטימט נישט מיט די חז''ל אז אין ארץ ישראל איז נישט געווען די מבול.

ר' יוחנן האלט אזוי, ריש לקיש האלט פארקערט.

און ווי שוין דערמאנט כמה פעמים ארבעטן די זאכן פארקערט, דהיינו פון וואו האט ר''ל געוויסט אז די מבול איז יא געווען אין א''י, ר''י ברענגט דאך ראיות לדבריו, אלא מאי איז מוכרח אז ר''ל האט שוין דאן געוואוסט פון עוואלאציע נאך סאך פאר דארווין וחביריו..

תוהו ובוהו: איך ווייס נישט פונקטליך די ארגומענטן וויאזוי יא גלייבן אדער נישט גלייבן אין מבול האט א שייכות מיט עוואלוציע. אויסער דעם. די טעאריע פון עוואלוציע איז הויפטזעכליך באגרעניצט צייט. נישט צו פלאץ. ד.מ. אז לויט דארווינ'ס טעאריע האבן זיך טיילן פון די נאטור אנטוויקלט איבער א לאנגע צייט פון מיליאנען יארן. אבער ס'איז נישט געווען באגרעניצט צו פלאץ. אז געוויסע קאטאקליזמישע געשעענישן זענען יא געשען אויף איין פלאץ און האבן נישט געקענט געשעען אויף א צווייטע פלאץ...!

תוהו ובוהו האט געשריבן:

לייבל שטילער האט געשריבן:בערל: די גאנצע מבול טעאריע/אפאלעזשעטיק שטימט נישט מיט די חז''ל אז אין ארץ ישראל איז נישט געווען די מבול.

ר' יוחנן האלט אזוי, ריש לקיש האלט פארקערט.

און ווי שוין דערמאנט כמה פעמים ארבעטן די זאכן פארקערט, דהיינו פון וואו האט ר''ל געוויסט אז די מבול איז יא געווען אין א''י, ר''י ברענגט דאך ראיות לדבריו, אלא מאי איז מוכרח אז ר''ל האט שוין דאן געוואוסט פון עוואלאציע נאך סאך פאר דארווין וחביריו..

ווייל ר' לקיש איז קודם געווען נישט פרום, ווי פארציילט אין גמ' ב''מ, ממילא איז ער געגאנגען אין קאלידזש און שטודירט דארוואניזים.....

קאם אן....

לייבל שטילער האט געשריבן:בערל: די גאנצע מבול טעאריע/אפאלעזשעטיק שטימט נישט מיט די חז''ל אז אין ארץ ישראל איז נישט געווען די מבול.

לייבל שטילער: איך בין נישט קלאר וועמענ'ס טעאריע/ אפאלאזשעטיק דו מיינסט. די אלגעמיינע טראדיציאנאלע טעאריע אז דער מבול איז געשעהן אזוי ווי ס'שטייט באשריבן אין חומש. אדער די ..."סייענטיפיק"... וועלכע לייקענען דאס אפ...!

לייבל שטילער האט געשריבן:

תוהו ובוהו האט געשריבן:

לייבל שטילער האט געשריבן:בערל: די גאנצע מבול טעאריע/אפאלעזשעטיק שטימט נישט מיט די חז''ל אז אין ארץ ישראל איז נישט געווען די מבול.

ר' יוחנן האלט אזוי, ריש לקיש האלט פארקערט.

און ווי שוין דערמאנט כמה פעמים ארבעטן די זאכן פארקערט, דהיינו פון וואו האט ר''ל געוויסט אז די מבול איז יא געווען אין א''י, ר''י ברענגט דאך ראיות לדבריו, אלא מאי איז מוכרח אז ר''ל האט שוין דאן געוואוסט פון עוואלאציע נאך סאך פאר דארווין וחביריו..

ווייל ר' לקיש איז קודם געווען נישט פרום, ווי פארציילט אין גמ' ב''מ, ממילא איז ער געגאנגען אין קאלידזש און שטודירט דארוואניזים.....

קאם אן....

ער האט אבער געמוזט האבן רוח הקודש (אפילו בשעת ער איז געגאנגען לערנען אין קאלעדזש) ווייל ער האט געוואוסט אז בערך 1750 יאר ארום וועט געבוירן ווערן א מענטש וואס הייסט דארווין. און וויאזוי ער וועט לערנען פשט אין בריאת העולם...!

בן נון האט געשריבן:און ווער זאגט דיר אז ראם איז א וויזלטיהער אפשר איז עס א דיינעסארס עס מאכט מער סענס

בן נון: אויך. ווייל ס'שטייט אין פסוק... "וקרני ראם קרניו"... און לויט וי איך ווייס האבן די דיינאסארס נישט געהאט קיין הערנער. א לאנגע נאז, יא...!

berlbalaguleh האט געשריבן:

לייבל שטילער האט געשריבן:בערל: די גאנצע מבול טעאריע/אפאלעזשעטיק שטימט נישט מיט די חז''ל אז אין ארץ ישראל איז נישט געווען די מבול.

לייבל שטילער: איך בין נישט קלאר וועמענ'ס טעאריע/ אפאלאזשעטיק דו מיינסט. די אלגעמיינע טראדיציאנאלע טעאריע אז דער מבול איז געשעהן אזוי ווי ס'שטייט באשריבן אין חומש. אדער די ..."סייענטיפיק"... וועלכע לייקענען דאס אפ...!

די טעאריע וואס דו ברענגסט, אזנדי מבול האט געמאכט זאכן אויסזעהן עלטער.

לייבל שטילער: ויש ליישב. אז דער מבול איז אפשר נישט געווען אין ארץ ישראל. אבער די עפעקטס פונ'ם מבול, אזוי ווי די עפענונג פון תהום רבה און די ערשיינונג פון שטארקע עוואלאציאנערישע טוישונגען זענען יא אנגעקומען צו ארץ ישראל. לאמיר נעמען א ביישפיל פון דעם נוקלעארן רעאקטאר אויפרייס אין טשערנאביל, אוקריינע. דער אויפרייס איז טאקע געשעהן דארט. אבער די נאכווייען האט מען געשפירט איבער גאנץ אייראפע. ספעציעל דער נוקלעארער ווינד וועלכער האט געברענגט די ראדיאציע צו אלע אייראפעאישע לענדער...!

אין ראיה וואס איך טראכט אייביג אז די וועלט איז נישט אזוי אלט ווייל אויב למשל די מענטש איז שוין דא איין מיליאן יאר פארוואס איז כמעט נישט דאקומענטירט מער ווי צעהן טויזענט יאר די מערסטע וואס זיי האבן לויט זיי איז צעהן טויזענט יאר און עס איז נישט מסתבר אז מען האט נאך נישט געקענט שרייבן ניין הונדערט טויזענט יאר און נאך א טענה די וועלט וואלט געדארפט זיין מער פארגעשריטן ווי היינט שוין נאר די לעצט פאר הונדערטע יאר איז מען אויפגעקומען מיט אזויפיל זאכן וואלט ווען און א מיליאן יאר געדארפט שוין זיין ווער וועט וואס

Sent from my SM-G930W8 using Tapatalk

.