קהל'ס נער האט געשריבן:קיינער אינטערעסירט נישט די ערליכקייט פון דיינע קינדער, ס'איס א פליעינע ביזנעס, רעכן אויס 12 דאלאר א יונגעל טיימס 2000 (איך שאץ אז ס'איז דא 2000 קינדער אין מאנסי) איקוועלס פיר און צוואנציג טויזנט דאלער.
בנוסף צי די עשרים וארבע אלף ככר כסף עובר לסוחר, זענען זיי נאך עסקנים אויך, מען טאר נישט רעדן אויף זיי ווייל כל מעשיהם לשם שמים.
כ'ווייס נישט ווער ס'גייט רעדן דארט, אבער לכאורה וועט בערל טויבער זיין די ראש המדברים, איז לאמיר נאר קלאר מאכן אז ער איז די זעלבער וואס גור האט עים געצאלט צי רעדן צי די נדל"ן'ע מיידלעך אז זיי זאלן אויף הערן רעדן צי די ר' שאול'ס מיידלעך, יא יא פאר די ריכטיגע פרייז וועט ער אויכט שטיצן מחלוקת.
שמעו נא רבתי.
קודם כל וויל איך זיך אנטשולדיגן דערויף וואס איך בין דא ווייניגער. איך דארף עס טאקע מתקן זיין, אבער וואס זאל איך טון אז טפליא טפלו בי און איך בין שטארק פארנומען. איך האב געוואלט נאך פאר ראש-השנה מאכן א באזונדערע טאג קבלת קהל פארן ציבור דאהי. ווען איך בין נישט אנגעקומען צו דעם, האב איך געטראכט אז איין טאג חול-המועד וועט זיין א 'עליה לרגל', וואו מען וועט קענען זיך צונויפשמועסן. שפעטער האב איך געטראכט אז איין טאג חנוכה וועל איך עפעס מאכן. איך קום אפילו נישט אן צו ענטפערן מיינע אישי'ס, וואס דאס איז שוין מער פערזענליך, נאך וואס אידן ווילן שמועסן און הערן. איך אנטשולדיג זיך זייער שטארק אז איך בין נישט צוריקגעקומען צו ענק, אבער איך גיי טון די השתדלות דאס מתקן צו זיין און זיין דא מער אפט.
יעצט לענינינו:עס פארדרוסט מיר זייער שטארק וואס מען רעדט דא אויפן כינוס, ווייל איך בין בתוך הענינים און איך זעה וואס מען שמועסט דא. איך וויל דאס קלארשטעלן פארן ציבור.
קודם-כל לאמיר מאכן דעם חשבון. עס רעדט זיך פון בערך 5,000 קינדער, נישט פון 2,000. ממילא דער בעל החשבון קען רואיג רעכענען 5,000 קינדער מאל 12, וואס דאס קומט אויס 60,000 דאלער. א ריזיגע סכום. אמת? - ווער גייט מאכן דא א שיינעם אפותיקי? - פארוואס דארף מען האבן אזויפיל געלט? - איינער רייבט זיך שוין די בויך דא. ריכטיג?
לאמיר גיין ווייטער: עס איז נישט 12 פאר יונגל, באמת איז דאס 24 דאלער פאר יונגל. אין דער אסיפת מנהלים וואס איז פארגעקומען, האט מען אויפגעפאדערט פון די מנהלים, אז האלב פון די געלט וועט קומען פון די קינדער, און האלב וועט קומען פון די הנהלה. דאס מיינט אז די הנהלה לייגט צו פאר יעדע יונגל נאך 12 דאלער. אין קורצן, פאר יעדע יונגל קומט אריין צו די עסקנים 24 דאלער. יעצט לאמיר זיך צופלייסן און רעכענען: 5,000 דאלער מאל 24, קומט אויס 120,000 דאלער. פשיהא - מורא'דיג, איינער גייט דא ווערן אן עושר. ווער דארף 120K פאר דעם כינוס? - איינער פאקט דעם טאש מיט א געשמאק.
ווער איז יענער?
איך זאל גיין ווייטער? - איך קען אויסרעכענען געוויסע נדבות וואס קומען אריין פון עשירי עם, וואס ביישטייערן פאר דעם דאזיגן כינוס. איך האב פשוט נישט די ריכטיגע נומערן, אבער עס קומט אן צו א שיינעם סכום.
וואו גייט די געלט?
יעצט הערט מיר אויס, וועל איך אייך מגלה זיין א סוד. די עסקנים מוטשענען זיך, וויבאלד דער בודזשעט פון דעם כינוס איז ווייט פון געדעקט, און עס פעלט נאך אויס נדבות דערויף. דעם פונקטליכן חשבון האב איך נישט, אבער איך קען אייך אויסרעכנען בערך. עס איז פארהאן א פירמע מיטן נאמען "וויי-עף פראדאקשן", וואס זיי פירן אן אזעלכע סארט מעמדים און אווענטן. די עסקנים זענען געגאנגען מיט דעם פירמע. א טאג נאכן כינוס דארף איך האבן א שמועס מיט איינע פון די עסקנים אויפן פראיעקט, לתועלת הציבור וועל איך אים בעטן א פונקטליכן באריכט און אויב איך וועל קענען, וועל איך עס פראבירן ארויפצושטעלן דא. דערווייל קען איך זאגן בערך וואס איך ווייס, וואס עס קאסט און וואס די פירמע (נישט די עסקנים) נעמען דערפאר.
לאמיר אנהויבן מיטן פלאץ. דער פלאץ קאסט א שיינעם סכום (איך ווייס באמת נישט וויפיל, אבער איך קען זיך פארשטעלן אז ס'איז נישט בלויז נאך א זאל אין מאנסי). א סעקיורטי פירמע פון 60 סעקיורטי, איז אויך א זאך וואס איז נישט ביליג. דער פלאץ איז גאנץ א טונקעלער און עס איז נישט גענוג ליכטיג פאר אזא סארט מעמד מיט קינדער, האט מען אינוועסטירט אין לייטינג אז עס זאל זיין ליכטיג פאר די קינדער און פארן ציבור. איך גלויב אז עס איז נישט ביליג. מען דארף נעמען פארענטשעס, מיט סחורה אויף די פארענטשעס, כדי עס זאל זיין באקוועם פאר די קינדער צו זיצן. א שיינע הוצאה איז אויך טראנספארטאציע.
די בעלי-דרשנים נעמען אויך פיר דידזשעט נומערן (א זאך וואס איך האלט גראדע אז עס איז 'נישט' ריכטיג, אבער דער תירוץ איז אז עס איז א גרויסע לחץ אונטערצונעמען אזא דרשה, בפרט ווען מען דארף גיין לרוחו של כל אחד ואחד, ושל כל מוסד ומוסד. מען דארף מער אכטונג געבן וואס 'נישט' צו זאגן, מער ווי וואס 'יא' צו זאגן. זיי דארפן זיך צוגרייטן דערצו גאנצע טעג. ממילא זאגן זיי אז מען דארף באצאלן אסאך מער פון געווענליך. די נושא האשכול איז נישט דאס יעצט אצינד, אבער איך ברענג כאטש ארויס וואס פונקטליך זאכן קאסטן). נעם צוזאמען עטליכע בעלי-דרשנים און זעה וויפיל אלפים דא וועט מען דארפן באצאלן פאר דעם אליין, כולל די וועגן וואס א טייל פון די רבנים גייט מען דאס אויך דארפן באצאלן. צו דעם קומט אויך צו מייקס און ספיקערס, וואס אין אזא מצב און אזא פלאץ, מיינט דאס א גאנצע מערכת און עס קאסט אפ אסאך געלט.
מאכט א פשוט'ן חשבון: ביים אריינקומען אינעם פלאץ, וועט יעדער יונגל באקומען א פעקעלע מיטן סימבאל פונעם כינוס. דארט וועט זיך געפינעם א קוקי (בלעק-ענד-ווייט), א פענע מיט פאפיר צו שרייבן קבלות א.א.וו. אביסל ליין מאטעריאל און נאך (דאס זענען געווען אויף די פלענער, ווען מען האט גערעדט מיט מיר. יתכן אז זאכן האבן זיך געטוישט). יעדע פעקעלע איז ווערד בערך 7 דאלער (אזוי האט מען געשאצט דעמאלס). רעכן דאס אויס פאר 5,000 קינדער, קומט דאס אויס צו 35K. דאס איז שוין בלויז פון די קלייניגקייטן וואס קאסט.
א גרויסער חלק פון די הוצאות (און מעגליך דער עיקר חלק), גייט אויס אויף די פלאקאטן, אדווערטייזמענט, די צעטלעך אויף די באסעס פון די צאן-קדשים (א הערליכע זאך לדעתי...) דארט גייט אויס שווערע צענדליגע אלפים און מעגליך אז מער פון דעם... דאס קאסט אפ א געוואלד, און דאס איז וויכטיג פאר די הצלחה פונעם כינוס און פאר די סוקסעס.
סך-הכל: דער גאנצער כינוס קאסט אפ בערך 250K. בערך 150K. ווערט געדעקט דורך די קינדער און די מוסדות (וואס דארפן דאס אויך דעקן פון זייער בודזשעט) און די איבעריגע געלט נעמט מען צוזאמען פון אידן וועלכע האבן א ווארעמקייט צו דעם צוועק. דעם ערב-שבת צוויי שעה פארן זמן, האט אן עושר פון מאנסי געשריבן א טשעק פון 20K פאר דעם צוועק. איך דאנק דער אויבערשטער אז איך בין געווען דער גוטער שליח וואס האט אים באוואויגן דאס צו טון. דער איד איז משומעי לקחי, און הגם אז מיין עקזיסטענץ איז נישט אין בעטן געלט פון מענטשן. איך שטיי געווענליך אוועק פון די סארט זאכן כמחטוי קשת, וויבאלד איך פראביר צו שטרעבן אויף פנימיות און רוחניות, אויסהערן מענטשן און מאכן מענטשן עובדי ה' שטייגן, און איך גיב זיך נישט אפ מיט געלט זאכן, אפילו לדבר מצוה. איז דא געווען א געוויסע סיבה און מצב, אז איך האב יא געבעטן פון אים געלט - נישט פאר מיר נאר פאר דעם צוועק. און ברוך-השם אז יענער האט זיך משתתף געווען.
כפי ידיעתי, איז דער זאך נאך ווייט פון געדעקט, און עס איז נאך דא א לאך דאס צו ערפילן.
ממילא, דער איד וואס האט געמאכט דעם חשבון, אז איינער פארדינט 24K. האט שוואכע השגות... ס'איז אסאך מער...
) ובפרט אויף די נושא פון טעכנאלאגיע, טוה איך אבער שעצן דיין הסברה אויף די געלט חשבון.