ווער בין איך? ? ?

[ברוינשטיין]

אז מען הויבט אן גריבלען אין דעם שאלה הייבט דאס קאפ אן שווינדלען, עס דערמאנט מיך פון אלץ קליין קינד ווען איך האב פרובירט צו קוקן אויף די הינטערשטער חלק פון מיין קאפ, איך פלעג זיך דרייען און דרייען ביז איך האב אַן ערשעפטער אויפגעגיבן, אריין-קלערן אין די שאלה: ווער איז דאס 'איך' איז ווי א שווארצע לאָך אין די ספערן.

יעצט אויפן רגע שרייב\טייפ איך, אבער ווער איז דאס איך וועלכע וואונדערט זיך אויף מיין אנוועזנהייט? ווער איז דעם איך וואס זעהט שמעקט און שפירט ווייטאג? איך קלער אריין אבער איך זוך אַווי איז דאס ספעציפישע ארט וועלכע קלערט, מען קען נישט זאגן אז דאס איז בלויז די מח וויבאלד ווען איך שפיר עפעס עמאציאנאל שפיר איך דאס טייל מאל אין הארץ אדער טייל מאל אין די לינגען און אסאך מאל אין די קישקעס, ווי אויך איז שווער צו זאגן אז 'איך' בין בלויז א פיזישע פארגליווערטע מח, וויבאלד דאס לעבנס גייסט שפירט זיך עפעס פילפאכיג העכער ווי סתם הארט און פיזיש.

טייל ווילן זאגן אז דער 'איך' איז בלויז זכרון memory געדענקענישן, דאס הייסט אז אויב מען מעקט אויס אלע זכרונות דאס נעמט אריין אין זיך פון שפראך ביז קאלירן, מען מעקט ממש ממש אלעס, דאן ווערט מען א נייע 'איך', די טעאריע לייגט זיך שטארק אויפן שכל, ווייל אויב מען קלערט גוט אריין דערינען באמערקט מען ווי אלע מחשבות זענען אנגעהאנגען אין אינפארמאציע אדער געדענקענישן פון די פארגאנגענהייט, אבער ווער איז דער 'איך' וועלכע וויל וויסן ווער 'איך' בין? אויך קום איך צוריק צו מיין שפיר אז לעבנס גייסט איז עפעס מער פון א פיזישע זכרון, פון די אנדערע זייט איז די טעאריע אז זכרון איז 'איך' אראפגעשטעלט מיט פעסטע פאנדימענטן.

אבער דאָך! ס'איז מיך שווער אנצונעמען אז בלויז זכרון אדער מיין פיזישע מח איז 'מיך' עס שפירט זיך אסאך טיפער ווי דעם, בעסער געזאגט עס שפירט זיך אזוי טיף אז ווען מ'הייבט נאר אן אריינצוקלערן ווערט מען דערטראנקען מיט מיליאנען קשיות וועלכע איז אזוי אומקלאר אז זיי פארבלייבן דערטראנקען אינעם שווארצע לאך...

בקיצור, ביטע העלפט ארויס די מצב, וואס קלערט איר ווער איז דאס 'דיך', אפשר וועט מען זיך זעלבסט קענען טרעפן,,,,


שכוח פארן אויסהערן..