קאווע שטיבל

נעכטן נאכט איז פארגעקומען א היסטארישע לייוו קאנפערענס דורך די ביקור חולים ארגאניזאציע איבער די מענטעל העלט פראבלעמען. דאס איז א דורכברוך אין די חסידישער וועלט ווען טויזענטער חסידישע אידן האבן געהערט וויכטיגע אינפארמאציע און חיזוק פון עקספערטן, עסקנים און טערעפיסטן. עס איז מסתם די ערשטע מאל וואס אזא אסיפה איז פארגעקומען אין די חסידישע וועלט פאר די פאבליק.

מען האט אנערקענט אין די פאקט אז פראבלעמען זענען דא. די דיין הרב חיים אהרן אונגאר שליט"א דומ"ץ סאטמאר 8 האט קלאר געמאכט אז אביוז איז א מציאות און מען דארף זיך אננעמען פאר וויקטימס. עס איז צייט זיך אויפצוועקן און אנערקענען אין די פראבלעמען און נישט באהאלטן. ער האט ארויסגעברענגט ווי אביוז איז רציחה ממש און פאר א דרויסענדיגער איז עס שווער צו פארשטיין.

די ציל פון די אסיפה איז אוועקצונעמען די סטיגמע פון גיין פאר הילף, און אז די הילף איז דא. א מענטעל העלט פראבלעם דארף זיין פונקט ווי א פיזישע פראבלעם.

עס איז געגרינדעט געווארן קריזיס האטליין ווי מענטשן קענען אריינרופן 24 שעה א טאג פאר הילף און וועט קענען רעדן מיט א פראפעסינאל.

צו איבערקוקן די גאנצע אסיפה קליקט דא: https://www.youtube.com/watch?v=I346hIjZqI8