קאווע שטיבל

כ'האב געהאט א שמועס אין קאווע שטיבל (די פיזישע, נישט די ווירטואלע) איבער די אפפענדיקס האב איך געזאגט אז ס'האט נישט קיין תפקיד אינעם גוף, זאגט איינער אז דאס איז אפיקורסות ווייל ס'קען נישט זיין אז די אייבערשטער האט עס אריינגעלייגט אינעם גוף אן קיין סיבה.
דא האט זיך די שמועס געענדיגט מפני פחד ה.....

וויל איך דא ממשיך זיין די שמועס, והנה....
די הוכחה אז ס'איז דא א גאט איז וויבאלד מען זעיט א פלאנירטע קאמפלאצירטע זאך למשל א מענטש וואס ענטהאלט א הארץ קלאפפער, א לונגען אטעמער, א מחשבה פראססעסער, א סאונד סיסטעם, touch sensitivity, וכו' מוז זיין אז איינער האט דאס באשאפן, בקיצור די אלטע טענה, אז מען זעיט א געפלאנטע זאך מוז זיין אז ס'איז דא א פלאנירער, און ס'איז טאקע גאר א שטארקע הוכחה (לדעתי).
יעצט טענה'ט מיין חבר אז ס'איז דא א באשעפער מוז זיין אז די אפפענדיקס האט א סיבה פארוואס ס'איז באשאפן געווארען, ווייל די אייבערשטער וואלט עס נישט אריין געלייגט אן קיין סיבה.
זאג איך, ניין, די פארסט אין סירקעלס, די הוכחה אויפן באשעפער קימט פונעם פלאנירטן גוף, במילא מיז זיין אז די אפפענדיקס איז פלאנירט ווייל ס'דא א באשעפער, ווי הייבט זיך עס אן, אפשר פארקערט, ס'איז נישטא קיין באשעפער, ווייל די זעיסט דאך אז די אפפענדיקס איז דא אן קיין שום סיבה?

ויותר מזה, די ביסט מצמצם דעם אייבערשטן, הייסט אזוי ווען די אייבערשטער וויל אריינלייגן א אפפענדיקס אינעם מענטש, קען ער נישט, ער מיז ערשט אויפקימען א סיבה פארוואס עס אריינצילייגן, כדי ציפרידן צישטעלן משה גרונם, דאס איז אפיקורסות.

לסיכום, זאגן אז די אפפענדיקס מוז האבן א אויפגאבע אינעם גוף, ווייל אויב נישט וואלט עס נישט די אייבערשטער אריינגעלייגט, איז אפיקורסות.

מען בעיט אז די מנהלים זאלן מעקן אויב איינער שרייבט אז די אפענדיקס האט א אויפגאבע אינעם גוף.

דו רירסט אָן אויף דר. וויקטאר סטענגער'ס קשיא אויפ'ן ארגומענט פון דיזיין. ועיין ג"כ כאן.

ווען מען האט ארויסגענומען פון מיין פאטער זיין גאל/מרה האט אים דער דאקטאר, א פרומער איד, געזאגט אז די רמ"ח עשין זענען דאך כידוע קעגן די רמ"ח איברים. און פונקט אזוי ווי עס זענען דא מצות שהן חוקים בלי טעם, זענען דא איברים בלי טעם...
(הגם אז בעצם קען מען זאגן אז די חוקים האבן יא בעצם א טעם, נאר מיר קענען דאס נישט גרייכן און פארשטיין. אבער דאן קען מען דאך דאס זעלבע זאגן אויף די איברים, וואס פאר אָל אינטענטס ענד פּורפּאָסעס מיינט עס אָן א טעם.)

אגב, עס איז יתכן אז די עפּענדיקס האט יא בעצם עפעס א פאָנקשען.

זייט ווען גלייבסטו אין באשעפער על פי חקירה? די פלעגסט שרייען אז בלויז אמונה פשוטה איז די וועג, אויב גייט מען מיט אמונה פשוטה איז זעלבסטפארשטענדליך אלעס פארענטפערט.

קהל'ס נער האט געשריבן:מען בעיט אז די מנהלים זאלן מעקן אויב איינער שרייבט אז די אפענדיקס האט א אויפגאבע אינעם גוף.

דאס האט מיר געקאסט אן אויספלאץ מיט א לייקל

ברוינשטיין האט געשריבן:זייט ווען גלייבסטו אין באשעפער על פי חקירה? די פלעגסט שרייען אז בלויז אמונה פשוטה איז די וועג, אויב גייט מען מיט אמונה פשוטה איז זעלבסטפארשטענדליך אלעס פארענטפערט.

ביסט אביסל צימישט, איך גלייב אין באשעפער ע"פ חקירה, אלעס וואס איך האב געשריבן אז נאר אמונה פשוטה קען גיין איז אז די תורה איז פון באשעפער, כלשוני תורה מסיני, קיק איבער די אלע תגובות דארט ותדייק ותמצא נחת.

[tag]ברוינשטיין[/tag] און [tag]קהל'ס נער[/tag] פארדינען באמת זייער שריפטשטעלער טיטל, די חברה קומען אריין זייער קלאר. ווער רעדט נאך ווען די צוויי קריגן זיך....................

קהל'ס נער האט געשריבן:
ביסט אביסל צימישט, איך גלייב אין באשעפער ע"פ חקירה, אלעס וואס איך האב געשריבן אז נאר אמונה פשוטה קען גיין איז אז די תורה איז פון באשעפער, כלשוני תורה מסיני, קיק איבער די אלע תגובות דארט ותדייק ותמצא נחת.

איך 'גלייב' דיר אויפן ווארט!

אגב, איך זיך שוין לאנג א בית מדרש ווי דאנערשטאג אינדערפרי אין קאווע צימער דיסקוסירט מען אזאנע טיפע איינגעלעגנהייטן, אויך ציהט מיך א נייגער וויאזוי דער וואס האט דיך פארשריגן מיט די אפיקורסות לאזונגען האט אויסגעזעהן, ביטע געבן א דיסקריפציע.

איך פארשטיי נישט פארוואס די נעמסט או די הנחה אז ס'האט נישט קיין צוועק אינעם גוף,ווייל אונז ווייסן נישט?!, אונז ווייסן נאך נישט אלעס, קען זיין אז און 100 יאר ארום גייט מען אויספיגערן די גענויע תפקיד.
על פי קבלה האב איך געהערט אז יעדע אבר איז אקעגן א מצווה, די אפענדיקס איז נגד החוק של פרה אדומה.

און וואס איז די תפקד פון די צווייט'ע לונג?

אלע צוזאמען האט געשריבן:איך פארשטיי נישט פארוואס די נעמסט או די הנחה אז ס'האט נישט קיין צוועק אינעם גוף,ווייל אונז ווייסן נישט?!, אונז ווייסן נאך נישט אלעס, קען זיין אז און 100 יאר ארום גייט מען אויספיגערן די גענויע תפקיד.
על פי קבלה האב איך געהערט אז יעדע אבר איז אקעגן א מצווה, די אפענדיקס איז נגד החוק של פרה אדומה.

ווייל סייענס זאגט אז ס'האט נישט קיין תפקיד (גראדע האט מי אני פריער ציגעצייכענט אז זיי הייבן אן צי טראכטן אז אפשר האט עס יא א תפקיד), מ'גייט מיט די יעצטיגע סייענס, וואס איז אויב סייענס אין 100 יאר ארום וועט זאגן אז ציקער מאכט דין און פראוטין מאכט גראב, זאל איך שוין יעצט האקן ציקער און קאטן פראוטין??

סייענס שטימט זייער גוט מיט די תורה, נאר צוויי גרופיס זוכן ס'זאל נישט שטימען, די אפיקורסים און די חרדים, עני אנדערע רעליגיעזע גרופע יודיש צו נוצריש איז מסכים אז ביידע גייען צוזאמען.

און דאס טאקע איז די שיינקייט פון מאדערן ארטהאדאקסיע.

ברוינשטיין האט געשריבן:אגב, איך זיך שוין לאנג א בית מדרש ווי דאנערשטאג אינדערפרי אין קאווע צימער דיסקוסירט מען אזאנע טיפע איינגעלעגנהייטן, אויך ציהט מיך א נייגער וויאזוי דער וואס האט דיך פארשריגן מיט די אפיקורסות לאזונגען האט אויסגעזעהן, ביטע געבן א דיסקריפציע.

האסט שוין געהערט פון שיינער'ס?
אפשר ביסטו געוועין מיט וועים כ'האב געשמיסט, אויב דו וואוינסט אין מאנסי.

קריינא דאיגרתא האט געשריבן:אויב גלייבסטו אין השגחה פרטית אז יעדע ווייצל האט א תכלית ווי אזוי עס פליעט אין די ווינט איז אוודאי דא א תכלית פאר א אבר אין די מענטש. די שאלה פאנגט זיך נאר אהן אויב איינער נעמט נישט אהן השגחה פרטית

השגחה פרטית מיינט אז די אייבערשטער האט עס אריינגעלייגט דארט בקום ועשה, און נישט אז די אפפענדיקס איז אריינגעפאלן דארט.
אבער די אויפגאבע פונעם אפפענדיקס (אור לעק טהעראף), האט גארנישט מיט השגחה פרטית.

וכל זה רק לבעלי ההשגחה פרטית, אבער לויטן רמב"ן דלית ליה השגחה פרטית לא קשה מידי.

מען קען פארענטפערן די וואס האלטן, אז זאגן אז דער אפענדיקס האט נישט קיין תפקיד, איז אפיקורסות. ווייל, היות ווען מען זאגט אזוי, איז דאך שווער פארוואס איז דא א אפענדיקס בכלל? און דער תירוץ וועט זיין, ווייל צוליב דער פארגאנגענהייט פין עוואלוציע, און עס איז אמאהל געוועהן וויכטיג. און אזוי ווי הרב שטערנבוך האט געזאגט אז די וואס גלייבען אין עוואלוציע זענען געווענליך אפיקורסות, ממילא איז דער וואס זאגט אז דער אפענדיקס איז איבריג, אפיקורס.

@קהל'ס נער (גארנישט אזא נער...). די הוכחה אז די וועלט איז באשאפן געווארן דורך איינעם מיט רצון, איז לאו דוקא אז אלס האט א תכלית. די הוכחה איז אז אויב עפעס איז שיין און מסודר איז עס באשאפן געווארן ברצון. אפילו אונז פארשטייען נישט פארוואס נעמט דאס נאכנישט אוועק די פאקט אז די בריאה איז מסודר און אויסגערעכנט.

האסט א סברא.
אבער למעשה אז ס'ליגט א ארגאן פאר נאו ריעזאן, נעמט עס אוועק פון די שטארקייט פון די הוכחה אז אלעס איז אויסגערעכנט, מילא מוזן זיי טענה'ן אז ס'איז יא דארט פאר א סיבה.

גערעכט אז עס מוז זיין סיי וועלכע 'סיבה'. אבער די סיבה מוז נישט זיין לטובת הגוף, עס קען אויך זיין אז דער באשאפער האט געוואלט מאכן אביסל מאדערן ארט אין זיין בריאה.

בכלל דארף מען גיין נאך רוב. און אויב עס זענען דא מיליאנען זאכען וואס ווייזען אויף פלען ענד פערפעס, און איינצעלענע איבריגע זאכן, דארף מען גיין נאך רוב, און בעל כרחך זאגן אז דער מיעוט האט אויך א תפקיד, נאר מיר ווייסן עס נישט.

מיט די חשבון דארף מען נישט בודק זיין קיין בהמות פאר טרפות, ווייל רוב בהמות זענען נישט קיין טרפות.

קהל'ס נער האט געשריבן:

אלע צוזאמען האט געשריבן:איך פארשטיי נישט פארוואס די נעמסט או די הנחה אז ס'האט נישט קיין צוועק אינעם גוף,ווייל אונז ווייסן נישט?!, אונז ווייסן נאך נישט אלעס, קען זיין אז און 100 יאר ארום גייט מען אויספיגערן די גענויע תפקיד.
על פי קבלה האב איך געהערט אז יעדע אבר איז אקעגן א מצווה, די אפענדיקס איז נגד החוק של פרה אדומה.

ווייל סייענס זאגט אז ס'האט נישט קיין תפקיד (גראדע האט מי אני פריער ציגעצייכענט אז זיי הייבן אן צי טראכטן אז אפשר האט עס יא א תפקיד), מ'גייט מיט די יעצטיגע סייענס, וואס איז אויב סייענס אין 100 יאר ארום וועט זאגן אז ציקער מאכט דין און פראוטין מאכט גראב, זאל איך שוין יעצט האקן ציקער און קאטן פראוטין??

סייענס שטימט זייער גוט מיט די תורה, נאר צוויי גרופיס זוכן ס'זאל נישט שטימען, די אפיקורסים און די חרדים, עני אנדערע רעליגיעזע גרופע יודיש צו נוצריש איז מסכים אז ביידע גייען צוזאמען.

און דאס טאקע איז די שיינקייט פון מאדערן ארטהאדאקסיע.

סייענס איז נישט קיין קאנקרעטע זאך וואס זאל קענען שטימען מיט'ן תורה, נישט צו פארקריכן פונעם שמועס, די לעצטע צוויי יאר האט יעדער מיטגעהאלטן ווי סייענס פון הונדערטע יארן פליט ארויס פון די פענסטער צילוב פאליטיק.
מדע טוישט זיך, די אליין שרייבסט אז זיי הייבן אן צו טראכטן אז אפשר האט עס יא א תפקיד, סא.....

(רעדאגירט בטעות, כ'האב ציריק געשטעלט די ארגינעלע הודעה.
הק' קהל'ס)

קהל'ס נער: איך האב נאכנישט געזעהן וואס די אנדערע מגיבים האבן געשריבן. אבער איכ'ל דיר ענטפערן (מיט א גאט ריעקשן). אונז גלייבן באמונה שלימה אז דער אייבישטער האט באשאפן דעם מענטשליכן גוף ונשמה. און ער האט אויך באשאפן דעם מענטש מיט אן אפענדיקס. נאר אונז ווייסן נישט וואס דער תפקיד פון דעם אפענדיקס איז. די דאקטוירים ווייסן נאך נישט אלעס וואס ס'איז דא צו וויסן. ווען דו וואתסט געפרעגט א דאקטער (אדער אנדער'ן סייענטיסט) מיט 200 יאר צוריק אויב ער ווייסט אלעס איבער דעם מענטשליכן סיסטעם. וואלט ער דיר געענטפערט יא. ס'איז שוין נישט דא מער וואס צו דיסקאווערן. אונז ווייסן אלעס...! אמת. דו וואלסט איהם אויסגעלאכט. ווייל די מעדיצינישע וועלט האט געמאכט זייער א סאך פארשריט אין די לעצטע 200 יאר. ס'איז זייער שטארק מעגליך אז די מעדיצינשע פארשערס וועללן נאך מיט די צייט אויסגעפונען דעם פונקטליכן תפקיד פון דעם אפענדיקס. אבער דער פאקט אז אונז ווייסן נישט היינט מיינט נישט אז ס'איז נישט דא א באשעפער.

איך וועלל דיר געבן א ביסל א הלצה'דיגן משל. ווער ס'פארשטייט (א ביסל) צו פלאמבינג ווייסט אז ס'איז דא אזא (שטיקל) פייפ וואס זעהט אויס אינגאנצן ווי דער אפענדיקס.. ספעציעל ביי געז אינסטאלאציעס אויף בוילערס. איך האבמיך אייביג געוואונדערט וואס דער תפקיד פון דעם שטיקל פייפ איז. האביך געפרעגט א פלאמבער. ער האט מיר מסביר עווען אז דער תפקיד פון דעם שטיקל פייפ איז, אז אויב ס'ווערט צופיהל פרעשור אין די פייפ. אדער אז ס'פאלט (ערגעץ) אריין א ביסל שמוץ אדער זאמד, זאלל עס האבן וואו צו גיין. און נישט פארשטאפן דעם פייפ. אפשר האט דער מענטשליכער אפענדיקס אן ענליכן תפקיד...!

אויב דו ווילסט קענסטו אויסמעקן מיין תגובה (אלס שריפשטעללער. אזוי ווי יענער איד האט געסטראשעט ביי א יעדן אשכול וואס ער האט אויפגעמאכט אז ער גייט מעקן די תגובות פון מענטשן (אזוי ווי בערל בעל עגלה) וועלכע געפעללן איהם נישט. כ'האב פארגעסן...שברים, תרועה...לאל,לאל,לאל...!

אלע צוזאמען האט געשריבן:

קהל'ס נער האט געשריבן:

אלע צוזאמען האט געשריבן:איך פארשטיי נישט פארוואס די נעמסט או די הנחה אז ס'האט נישט קיין צוועק אינעם גוף,ווייל אונז ווייסן נישט?!, אונז ווייסן נאך נישט אלעס, קען זיין אז און 100 יאר ארום גייט מען אויספיגערן די גענויע תפקיד.
על פי קבלה האב איך געהערט אז יעדע אבר איז אקעגן א מצווה, די אפענדיקס איז נגד החוק של פרה אדומה.

ווייל סייענס זאגט אז ס'האט נישט קיין תפקיד (גראדע האט מי אני פריער ציגעצייכענט אז זיי הייבן אן צי טראכטן אז אפשר האט עס יא א תפקיד), מ'גייט מיט די יעצטיגע סייענס, וואס איז אויב סייענס אין 100 יאר ארום וועט זאגן אז ציקער מאכט דין און פראוטין מאכט גראב, זאל איך שוין יעצט האקן ציקער און קאטן פראוטין??

סייענס שטימט זייער גוט מיט די תורה, נאר צוויי גרופיס זוכן ס'זאל נישט שטימען, די אפיקורסים און די חרדים, עני אנדערע רעליגיעזע גרופע יודיש צו נוצריש איז מסכים אז ביידע גייען צוזאמען.

און דאס טאקע איז די שיינקייט פון מאדערן ארטהאדאקסיע.

סייענס איז נישט קיין קאנקרעטע זאך וואס זאל קענען שטימען מיט'ן תורה, נישט צו פארקריכן פונעם שמועס, די לעצטע צוויי יאר האט יעדער מיטגעהאלטן ווי סייענס פון הונדערטע יארן פליט ארויס פון די פענסטער צילוב פאליטיק.
מדע טוישט זיך, די אליין שרייבסט אז זיי הייבן אן צו טראכטן אז אפשר האט עס יא א תפקיד, סא.....

דר. פאוטשי איז נישט קיין סייענטיסט, ער איז א פשוטע קארופטירטע פאליטישען, פינקט ווי ס'זענען דא קארופטירטע רבנים, מיינט נישט אז יודישקייט איז אפגעפרעיגט.

לגבי זיי הייבן אן טראכטן וכו'
ס'דא א כלל אין סייענס אז גארנישט איז נישט אמת ביז ס'ווערט אויפגעוויזן אז ס'איז יא

לויט די כללים פון עוואולוציע, מוז יעדע זאך האבן א סיבה. אויב וועט איין גרופע בעלי חיים פארנוצן ענערגיע צו טון עפעס וואס העלפט נישט זייער פריה וריבה, וועט די גרופע ווערן עקסטינקט און עס וועט נאר איבערבלייבן די בעלי חיים וואס פארנוצן נישט די אומזיסטע ענערגיע. אוודאי ווען מען רעדט פון אזא שווערע אויפגאבע צו דעוועלאופן און אויסהאלטן א גאנצע נייע אבר, מוז זיכער זיין עס האט א סיבה.

קומט אויס, ווען מען זאגט די אפפענדיקס האט נישט קיין תפקיד, איז עס סיי א קשיא אויף עוואולוציע, און אויך ראי' עס איז פארהאן א גאט וואס קען טון זאכן וואס פעלן נישט אויס בכלל.

צו פארענטפערן עוואולוציע קען מען נוצן די הסבר וואס מי אני ברענגט אויבן. און אזוי שרייבן טאקע ברעט וויינשטיין און זיין שותף, דאקטוירעם פון ביילאגישע עוואולוציע, אין זייער נייע בוך A Hunter-Gatherer's Guide to the 21st Century. איך וועל עס מסביר זיין בקיצור.

אין די קישקע איז פארהאן אסאך גוטע באקטיריע צו פארענדיגן וואס עס פעלט זיך אויס צו טון דארט. אמאל כאפט זיך אריין נישט גוטע באקטיריע דארט, איז דא א קלוגע מעכאניזם צו אלעס ארויסשטויסן, מיטן נאמען דייעריע... די פראבלעם איז, ווען אלעס ווערט ארויסגעוואשן, גייט אויך מיט די גוטע באקטיריע. דאס איז די תפקיד פון די אפענדיקס צו אוועקלייגן די גוטע באקטיריע, און ווען עס קומט די צייט, נעמט מען פון דארט ארויס די באהאלטענע אפיקומן.

אבער היינט איז די וועלט איז געווארן אסאך ריינער, און מען היט זיך אסאך מער אפ פון באקטיריע, האבן מענטשן כמעט נישט קיין דייעריע, און די אפענדיקס פילט זיך נאר אן און עס ליידיגט זיך קיינמאל נישט אויס. ווערט די אפענדיקס אנגעלייגט און אינפלעימט, און דאס ברענגט צו אלע פראבלעמען וואס די אפענדיקס מאכט. און זיי ברענגען א ראי' פון דעם אז אין דריטע וועלט לענדער וואו דייעריע פאסירט סאך מער צוליב די אומריינע וואסער און אנדערע פראבלעמען, איז נישטא די פראבלעמען מיט די אפענדיקס, זעט מען קלאר אז ווילאנג די וועלט איז מער נאטורלעך דארף מען יא די אפענדיקס. לעצטנס ווען די לענדער ווערן מער דעוועלאופט, זעט מען טאקע אן אויפשטייג אין אפענדיקס פראבלעמען.


יעצט אז מען פארשטייט שוין די סיבה פון די אפענדיקס, קען מען זען א קלארע ראי' צום באשעפער וואס האט אויסגערעכנט פונקטלעך יעדע פרט, אשר יצר את האדם בחכמה!

קהל'ס נער האט געשריבן:מיט די חשבון דארף מען נישט בודק זיין קיין בהמות פאר טרפות, ווייל רוב בהמות זענען נישט קיין טרפות.

זאגסט גוט, מען דארף טאקע נישט.