קאווע שטיבל

איך האב געזעהן א אינטערעסאנטע thread אויף טוויטער
ער פרעגט פארוואס זענען אידן אזא קליינע פאלק בשעת מען זעהט אז נייערע פעלקער כדוגמה מארמאן'ס זענען גרעסער איין ענטפער איז מיך געפאלן אז מארמאן'ס האבן זיך אפגעטיילט פון א ריזיג גלויבן
https://twitter.com/DBashIdeas/status/1 ... 79522?s=19

טאקע אינטערעסאנט וואס ער שרייבט.
ווער איז די דוד באשעווקין? מה טובו?

די ברכה פון והיה זרעך כעפר הארץ מיינט טאקע נישט די אידן וואס פאר א ברכה איז דאס בכלל

.

וְהֵפִיץ יְהוָה אֶתְכֶם בָּעַמִּים וְנִשְׁאַרְתֶּם מְתֵי מִסְפָּר בַּגּוֹיִם אֲשֶׁר יְנַהֵג יְהוָה אֶתְכֶם שָׁמָּה.

דברים ד כז

קרעפלעך האט געשריבן:די ברכה פון והיה זרעך כעפר הארץ מיינט טאקע נישט די אידן וואס פאר א ברכה איז דאס בכלל

איך האב אייביג אנגענומען פשט אז עס מיינט די אידן זעהט אויס איך האב מיך טועה געווען און עס גייט ארויף אויף כל יוצאי אברהם אבינו
הכתוב: לא מרובכם מכל העמים..... כי אתם המעט מכל העמים

ווייל עס איז שווער צו ווערען א איד, און צו זיין איד.

איך וואלט געקלערט אז אסימילאציע איז די הויפט סיבה און אויך די פאקט אז אידן זוכן נישט קיין גרים.

וואס קאסט צו זיין א קריסט? כמעט גארנישט. לעומת זה, זיין א איד פארלאנגט גאר אסאך. לייג צו די אלע צרות יגון ואנחה און הריגות וואס אידן זענען אויסגעשטאנען במשך הדורות, האבן מליאנען איבערגעלאזט די רעליגיע. עיין שפאנישע אנוסים.

זע איך נישט וואס איז די וואונדער.

איך ווייס נישט ווי שווער עס איז צי זיין א מארמאן און איך ווייס אז זיי האבן אסאך מיסיאנערן
א מוסולמענער איז אויך נישט גרינג צי זיין אבער גרינג צי ווערן אנגענומען
א איד איז אויך זייער גרינג צי ווערן אבער נישט ביי די ארטאדאקסן צי ווערן גרינג און שנעל א מעמבער דארף מען ג'יין צי די רעפארם

ביי אברהם נאך די עקידה שטייט:
כי ברך אברכך והרבה ארבה את זרעך ככוכבי השמים וכחול אשר על שפת הים וירש זרעך את שער איביו.

ביי יעקב'ס חלום מיט די לייטער שטייט:
והיה זרעך כעפר הארץ ופרצת ימה וקדמה צפנה ונגבה ונברכו בך כל משפחת האדמה ובזרעך.

ביי ברית בין הבתרים ווערט געברענגט אז די אידן גייען זיין קנעכט 400 יאר און דערנאך גייען זיי ירש'נען די מדינה

ביי אברהם קען מען אפשר זאגן אז ער האט געהאט נאך קינדער און אויך אויף זיי גייט ארויף די פסוק
לגבי די פסוק ביי יעקב קען מען אפשר זאגן אידן זענען טאקע כעפר הארץ און 14 מיליאן איז זייער אסאך נאר נישט אזוי סאך ווי אנדערע גלויבן
אויכעט קען מען נישט ניצן דעם פסוק צי פארגלייכן אידן צי אנדערע גלויבן נאר צי אנדערע פעלקער.

אידן האבן נישט פראבירט צו איבערנעמען די וועלט, (אפילו מען האט אונז גענוג באשולדיגט דערמיט).

די קריסטן האבן פראבירט צו פארשפרייטן זייער גלויבן דורכאויס זייער גאנצע היסטאריע, אנגעהויבן מיט די רוימישע אימפעריע וואס איז געווארן א קריסטליכע אימפעריע און פארשפרייט זייער רעליגיע איבער די גאנצע וועלט, שפעטערע קריסטליכע מאנארכן און קירכע פירער האבן געטון די זעלבע מיט גוטנס און מיט בייזנס. דורך די יארן זענען געווען הייליגע מלחמות און אנדערע מיסיעס צו פארשפרייטן יאשקע'ס "ליבשאפט". און עס איז אייביג אפיציעל געווען מיסיאנערן וואס זענען געווען פארנומען צו איבעררעדן אנדערע, און טוען עס נאך עד היום הזה.

די מוסלעמענער האבן אויך אנגעפאנגען מיט מלחמות גדולות, און באצווינגען מיליאנען מענטשן. א לאנגע בלוטיגע היסטאריע וואס גייט נאך פעסט אן.

לייג צו דער פאקט אז אידן זענען אלס געווארן פארפלאגט און דערשלאגן, אנגעהויבן פון דער ערשטע חורבן ביהמ"ק ביז די לעצטע חורבן אייראפע. מיט אלע פאגראמען, בלבולים, גירושים, קרייצציגלער, און סתם רדיפות. איך מיין די נס איז אז די אידישע פאלק עקזיסטירט בכלל, נישט אז עס איז אזוי קליין.

דאס איז פיין און וואויל צי פארענטפערן די פאקטן אבער נישט די קשיא אויף די פסוקים

מרדכי מרדכי האט געשריבן:דאס איז פיין און וואויל צי פארענטפערן די פאקטן אבער נישט די קשיא אויף די פסוקים

איך האב טאקע געשריבן נאר וועגן די פאקטן, פון די פסוקים זע איך נישט וואס עס איז שווער בכלל. הקטן האט דאך שוין געברענגט אויבן:

הקטן האט געשריבן:וְהֵפִיץ יְהוָה אֶתְכֶם בָּעַמִּים וְנִשְׁאַרְתֶּם מְתֵי מִסְפָּר בַּגּוֹיִם אֲשֶׁר יְנַהֵג יְהוָה אֶתְכֶם שָׁמָּה. (דברים ד כז).

יעקב מעקסוועל האט געשריבן:...
לייג צו דער פאקט אז אידן זענען אלס געווארן פארפלאגט און דערשלאגן, אנגעהויבן פון דער ערשטע חורבן ביהמ"ק ביז די לעצטע חורבן אייראפע. מיט אלע פאגראמען, בלבולים, גירושים, קרייצציגלער, און סתם רדיפות. איך מיין די נס איז אז די אידישע פאלק עקזיסטירט בכלל, נישט אז עס איז אזוי קליין.

דער פסוק

וְהֵפִיץ יְהוָה אֶתְכֶם בָּעַמִּים וְנִשְׁאַרְתֶּם מְתֵי מִסְפָּר בַּגּוֹיִם אֲשֶׁר יְנַהֵג יְהוָה אֶתְכֶם שָׁמָּה.

זאגט טאקע פאר ביידע
איינס וְנִשְׁאַרְתֶּם
און אויך וועט דאס אייביג זיין מְתֵי מִסְפָּר

"וְנִשְׁאַרְתֶּם בִּמְתֵי מְעָט, תַּחַת אֲשֶׁר הֱיִיתֶם כְּכוֹכְבֵי הַשָּׁמַיִם לָרֹב, כִּי לֹא שָׁמַעְתָּ בְּקוֹל ה' אֱלֹהֶיךָ"

(דברים כח, סב).