קאווע שטיבל

מב) מענטשליכקייט: מיר זענען אן אָנליין פלאטפארמע וואו מ'זעט זיך נישט פנים אל פנים. אבער דאס טאר נישט מיינען אז דערפאר זאל מען פארלירן פשוט'ע מענטשליכקייט און מידות טובות. שרייב ווי דו וואלטסט געשריבן אויב דו וואלטסט געזען דעם אנדערן מענטש פנים אל פנים.

מ'קען נישט אויסרעכענען יעדע זאך וויאזוי מ'דארף זיך אויפפירן, אבער מ'קען זאגן באופן כללי: זיי נישט קיין רשע! רעד צו דיין חבר איידל, אזוי ווי דו וואלטסט גערעדט ווען ער שטייט פארנט פון דיר. נוץ נישט אויס דיין אנאנימיטעט צו רעדן אן קיין מענטשליכע מאניערן.

דאס זעלבע, ווען דו רעדסט וועגן אנדערע מענטשן, יחידים, סעלעבריטיס, מנהיגים, וכו' — אפילו ווען עס איז פאראן קריטיק וואס מעג און דארף ווערן אויסגעשמועסט, טו עס מיט טאַקט, נישט ווי א פּרא אדם מיט א מיאוס'ע שפראך.

מנהל האט געשריבן:אינעם כלל פון רעדן מענטשליך איז אויך נישט נוצן קיין מיאוס'ע אדער אומאיידעלע ווערטער. לעצטענס איז דאס שטארק נתרבה געווארן, און ס'דארף זיך אויפהערן. אין דעם איז אריינגערעכענט צו שרייבען אזעלכע ווערטער באופן רמז מיט שטערענדלעך וכדומה. די אלע ווערטער האבן נישט קיין פלאץ אויף קאווע שטיבל, נישט בפירוש און נישט ברמז.

טראכטכמוני האט געשריבן:א גרויסן דאנק @מנהל פארן מאכן אביסל סדר דא מיט די כאאס וואס טוט זיך אפ דא אין די אשכולות לעצטנס.

איין זאך נאר באדערט מיר, פארוואס דארף מען דאס תולה זיין אין די "תקנות" פונעם שטיבל? וואס איז געשען מיט פלעינע פארצייטישע נארמאלקייט?

איך רעד אפי' נישט פון דעם עניין פון "זאכליכע" תגובות וואס איז לעצטנס געווארן וואו א יקר המציאות דא.

אפשר ברויך מען גאר מאכן א "תקנה" אז מען טאר נישט שיקן קיין תגובה ווען די בלוט-דרוק איז הויעך? אדער אז ס'איז אסור צו שיקן בעפאר מען טראכט עס דורך אפאר סעקונדעס?

me smart האט געשריבן:נאר אפאר שאלות אויסצוקלארן די תקנה בנוגע רעדן איידל.
(ביטע אנטשולדיגן די ווערטער וואס איך גיי ברענגען אין די תגובה זעלבסט, עס איז דאך לצורך לימוד..)

1. צו מעג מען שרייבן "העק" אדער "העל" ?

2. די ווארט ב****ט האב איך שוין געזען ווי מען פארמעקט, אבער צו איז א ר"ת דערפון (כזה: ב"ש) ערלויבט?

3. איז "שטירן אפפאל" ערלויבט?

4. איז די ווארט "[שרייב נישט קיין אומאיידעלע ווערטער. מנהל]" ערלויבט? און טאמער נישט איז עס ערלויבט מיט שטערנדלעך כזה: ס**ס? און צו איז "געשלעכט" מותר?

5. אויב מאכט מען די גאנצע ווארט אין שטערנדלעך איז עס אקעי?

6. איז "פריקן" אן ערלויבטע ווארט?

7. איז "קרעפ" ערלויבט?

8. די אויבדעמאנטע צוויי זענען דאך נישט אזוי אומאיידל, אויב מעג מען זיי נישט שרייבן, צו מעג מען זיי כאטש שרייבן מיט שטערנדלעך אינדערמיט?

ביטע אויסקלארן, ייש"כ.