אריבער 20 אידן האבן פארלוירן זייערע קעפ, (רח"ל)

[berlbalaguleh]

בלעטערנדיג אין די ערב סוכות אויסגאבע פון דער בלאט האב איך באגעגנט אן עד (5 פעידזשעס) פון דזשי ענד דזשי. וואו זיי אדווערטייזן אלערליי בעקיטשעס. זיידענע, ריפסענע און טיש בעקישעס. נאר די אלע (מענעקינס) זענען אן קעפ. בלויז דער גוף (הקדוש והטהור).

אמאל, אין די אלטע גוטע צייטן ווען דזשי & דזשי פלעגט לאזן לויפן אן עד, האבן זיי געוויזן מאדעללן פון חסיד'ישע יונגעלייט און בחורים. מיט דעם גאנצן חסיד'ישן קלאפערגעצייג. אנגעהויבן (אין די בראשית יארן) מיט שיינע, צוזאמגענימענע, געקרייזלטע פיאות. אפילו יואלי פיאות. שפעטער, ווען ס'איז געווארן אין סטייל זענען זייערע מאדעללן ארויסגעקומען מיט צולאטשעטע פיאות. אויך די העמעדער זענען געווען חסיד'ישע. רעכטס אויף לינקס געקנעפלט.

ווי ס'זעהט אויס האבן עטליכע (העיליגע) אידן וועלכע ווילן העלפן דעם באשעפער, כביכול, פיהרן די וועלט געקרומט מיט די נאז. כאילו ס'וואלט (ח"ו רחמנא ליצלן, הס מלהזכיר) געווען צורות נשים. נו, דזשי & דזשי זוכט דאך צו טון ביזנעס. און נישט (ח"ו) מ'זאלל זיי באיקאטירן. אדער ארגאניזירן מחאות אקעגן זיי. האבן זיי געברענגט די רפואה פאר די מכה. און זיי האבן שנעלל אראפגענימען די קעפ פון אלע זייערע מאדעללן...!

א פרייליכן יו"ט...!

[berlbalaguleh]

אין ארץ ישראל איז דא א ווערטל (אויף די שפה הטמאה, פארשטייצעך.)..."מכאן ועד להודעה חדשה"...!

ביז די אידן וועלכע גייען אהיים פון ביהמ"ד מיט'ן טלית בייטל אום 2 אזייגער נאכמיטאג וועללן געפינען א נייע פירצה. אדער ווי דער איד (הקדוש) פלעגט אמאל צו שרייבן..."א פרישער פאל פון פארדארבנקייט"...!

[berlbalaguleh]

אין מאמענט לויפט דער זעלבער עד. דארט איז א סאך קלארער. זעהט מען אז די אלע אידן וועלכע האבן (נעבעך) פארלוירן זייערע קעפ גייען מיט רעכטס אויף לינקס געקנעפלטע העמעדער. (ב"ה).

מיין שאלה איז נאר וואס גייט קרויס שטריימלעך טון ווען זיי וועללן אדווערטייזן די שטריימלעך. וועלן זיי עס ארויפלייגן אויף א הענגער. אדער אפשר גאר אויף א שייטל קאפ (רח"ל)?