שידוכים קריזיס - ערגער געווארען

[היסטאריע]

מען האט אמאהל גערעדט וועגען א שידוכים קריזיס ביי די ליטווישע, בנוגע די מיידלעך דוקא, מען האט אמאהל גערעדט וועגען א שידוכים קריזיס ביי חסידים, אז עלטערע בחורים ריקען זיך נישט. אבער מער ווייניגער האבען רוב מענטשען געטוהן שידוכים פאר די צוואנציג.

דער לעצטער צוויי יאר איז עס ערגער געווארען פי כמה. איינער זאגט מיר בשם דור ישרים אז עס איז דא זיבעציג פראצענט ווייניגער בקשות ווי פריער. און עס איז דא צענליגער טויזענט בחורים און מיידלעך פין די היימישע מוסדות וואס בלייבען שטיין, אהן קיין שום סיבה וואס מען קען אנווייזען אז עפעס איז ראנג, כלומר, נישט קיין פיזישע פראבלעם, נישט קיין מענטעל פראבלעם, נישט קיין רוחניות'דיגע פראבלעם, געהעריגע אין דער באקס בחורים און מיידלעך וואס בלייבען אהן א שידוך און זענען שוין 21. אין הכי נמי, נישט די מצויינים, די בחורים מצויינים וועלען געוועהנליך צוכאפט ווערען, צומאל אפילו ווען די משפחות וואלטען זיך נישט משדך געוועהן פאר די לעצטע פיפציג יאר, זעהט מען היינט שידוכים פין משפחות, וועןדער בחור איז א בחור א מצויין, ד.ה. א בחור א בעל מדות וואס איז א למדן און א יר"ש, ווערט ער פארכאפט תומ"י, אבער דער געווענליכע בינוני, אדער אפילו א בעסערע בינוני, און אזוי אויך ביי די מיידלעך, וואס דארט איז נישט שווער צו זיין א מצויינת, רוב מיידלעך זענען גוט, זיצען זיי אפ היינט, און דער עולם טוט פשוט נישט קיין שידוכים.

וואס איז געשעהן? מען רייבט זיך דער גרויסע שטערען, און מען טראכט, קיינער ווייסט נישט, קאוויד? סתם? איך ווייס אויך נישט. אפשר ווייסט איינער דא??

ר' חיים שמערלר פין צאנז אר"י, א גרויסער גאון און חכם בין אדם לחבירו, האט געמאכט א ארג. הגפן, וואס גיבט זיך אפ מיט שידוכים אין אר"י, און צאלט עקסטערע פאר שדכנים אויף א שידוך וואס זיי פירען אויס, איז דא יעצט, און גייט ארום האלטען דרשות בנוגע דער ענין, און פראבירט אויפצוטוהן למען הכלל.

קען מען הערען זיין דרשה דא, ער רעדט אדורך דער נושא בטוט"וד, נישט קיין גרויסע חידושים און עצות וויאזוי צו לעזען דער פראבלעם, אבער דאך רעדט ער וועגען דעם, מען זאל פראבירען צו העלפען איינער דער אנדערע וויפיל מען קען בנוגע דער ענין, ווען איינער האט א קינד אין שידוכים זאל איר פראבירען צו רעדען מיט אים וואס ער זוכט, און אפשר געבט אים אהן עצות וועמען ער קען נעמען. אזוי איז מען מחזק דער לב נשבר וכו'.

פאר זיין דרשה איז דא פתיחה פין רב באלד, רב באלד דער ארגענזאטיר פין ארגון שיעורי תורה רעדט דארט מיט א געוויסע חן און תמימות, ווי ער פארציילט זיין פערזעהליכע עפאכע פין אויספירען א שידוך פין א עלטערע בחור און מיידל פין בערך 26, און ווי לאנג און וויפיל צייט עס האט גענומען, אלץ נאר צו פועל'ן ביי די עלטערען דער בחור זאל זיך טרעפען מיט דער מיידל. ער רעכנט דארט אויס אפאר פראבלעמען און פונקטען וואס לדעתו זענען די גורם פין דער עצירת שידוכים.

א. קשה לזווגן כקריעת ים סוף (רח"ק).
ב. רב שטרנבוך, עס פעלט שדכנים, כלל ישראל איז געוואקסען, און שדכנים זענען געבליבען דער זעלבער כמות.
ג. זיידעס דארפען העלפען די אייניקלעך טרעפען שידוכים.
ד. טאטעס פין זוהן זאלען זיך דורכשמועסען צוזאמען וועגען דער ענין.
ה. נאך יעדעס אסיפה וועגען דער ענין ווערען שידוכים פין זיך אליין.
ו. דער מצב איז פיל ערגער געווארען, יעדעס ישיבה און מיידל שולע דארף האבען א אפיס מיט א שדכן.
ז. הנהלת הישיבה און מיידל שולעס, לא די זיי העלפען נישט, שטערען זיי נאך און בארעדען בחורים און מיידלעך און שטערען שידוכים. (אמת?).
ח. יעדער קען העלפען, נישט דורך שרייען אויף דער עלטערען היתכן ביסט פיקי, חס ושלום, נאר מען דארף זיי פראבירן צו העלפען דורך אריין טראכטען וואס קען טאקע שטימען.
ט. שדכנים שיקען סתם נעמען אין די וועלט אריין, אימעיל מיט פיפציג נעמען אבי געהאקט.
י. א שדכן דארף פארברענגען יומם ולילה אויף א שידוך ביז עס געשעהט.
יא. נישטא קיין מדריכים צו זאגען א בחור וויאזוי אומצוגיין ווען ער טרעפט א מיידל.
יב. מען דארף ספענדען און קאלעקטען ביליאנען און צאלען שדכנים פול טיים זיי זאלען עוסק זיין און פראבירן צו מאכען גוטע שידוכים לשביעת רצון פין די עלטערען, קיינער האלט עס נישט ביים טוהן, ווייל מען צאלט נישט דערפאר.


דאס איז אין א נאטשעל וואס ער זאגט, וואס האלט דער עולם?

[יאסל ראקאווער]

די ערשטע זאך אויב מ'וויל עפעס טוישען דארפן די בחורים און מיידלעך אנפאנגען צולייגען בילדער און א שטיקל bio צו זייער רעזאמעי. שרייבען ווער זיי זענען, וואס זייער passion איז און עפעס פוינטערס וואס זיי ווילן פון זייער לעבן. תן לחכם ויחכים עוד.

[היסטאריע]

זאגסט עפעס, אפשר זאל מען שרייבן וועגן דער עלטערן אויך וואסערע סארט מענטשן זיי זענען און ווי לאנג זיי פירן א סעודה?

עלטערן זענען בעלעבתיש, און דאווענען, תורה'דיגע מענטשן, וואטשען אמאהל א מאווי באנאכט, און האבען א הויז אין פלארידא.

דער בחור זוכט גשמיות און רוחניות צוזאמען, האט ליב פאן, און ענדזויעט צו לערנען א שווערע קצות.

די זאכען זענען דאך סודות, עקספעקטס דאס זאל אויפטוהן, אדער גאר מאכן ערגער?

[[NAMELESS]]

ס'איז טאקע ערגער געווארן?

מן הסתם קומט עס ווייל עלטערן האבן אנגעהויבן מער נאכצוגיין וואספארא בחור/מיידעל מ'טראגט זיי אן ס'זאל זיין לטובת זייער קינד, מעגליך אז מ'דארף צוריקגיין צו די אלטע וועג פון מזווג זיין די מחותנים און די משפחות זאלען שטימען, וועט אפשר שוין נישט גיין אזוי שווער שידוכים...

[זיידענע העמדל]

רבותי כ׳מיין ס׳שוין העכסט צייט צי טוהן עפעס וועיגען אינזער דארך אין אדורך דורךגעפאלאנע סיסטעם כ׳ליין דא שוין 4 יאר יעדע דריטע אשכול רעדציך וועיגען נאך א פראבלעים/דיזעסטער אין אינזער אלט פארדארבענע סיסטעם וואס ווערט געפירט דורך דיקטאטורישע פאמיליעס שוין פין בעל שמ׳ס צייטען כ׳מיין אז ס׳העכסט צייט ארויסצינעמען פין שאפע 400 שופרות אין ארויסגיין אין א מלחמה מי לה׳ אלי סוועלן זיך צאמקומען די קליגע פיליזאפישע קעפ מ׳וועט מאכען א גרויס אסיפה ס׳וועלן געפענט ווערן נייע מוסדות מ׳וועט אנפירן א דעמאקראטעישע סיסטעם אין הכל על מקומו יבא בשלום

[מתבודד]

האלסט טאקע אזוי @העמדל? נעם די דעם ערשטן שופר.

[דער גאלדענער אדלער]

האלסט טאקע אזוי @העמדל? נעם די דעם ערשטן שופר.

ער וויל דיך ניצן פאר זיין שופר[emoji1787]

Sent from my SM-G991U using Tapatalk

[שמן למאור]

די חורבן איז אז אונז זענען סטאק בין פטיש לסדין, פון איין איז דא שכל'דיגע זאכן וואס צו טון צו פארבעסערן אונזער פארקריפלטע שידוכים סיסטעם. אבער פון די אנדערע זייט גלייבן מיר באמונה שלימה אז שידוכים זענען באשערט און קומט אלעס פון הימל, און עס פעלט בכלל נישט אויס קיין השתדלות.. נו אויב אזוי איז דאך גוט...
איי מען זעט אז עס איז דא א קריזיס... עס דאפלט זיך די מענטשן אבער די שידוכים בלייבן די זעלבע אדער ווערן גאר ווינציגער.. נא איז דאך דאס אלעס באשערט.. סאו קיינער האלט נישט באמת ביים טון עפעס. זאל די אייבישטער קער נעמען...

[היסטאריע]

אויב טוישן, קען מען טוישן עפעס אנדערש. מען קען מאכן אז מען דארף נישט חתונה האבן יונג, מען קען חתונה האבן ווען מען איז דרייסיג אויך. גארנישט שלעכט מיט זיין א בחור.
אבער דאס איז נישט רעאליסטיש, דאס גייט זיך נישט טוישן. מען קען שעלטען און שימפען קעגן דער סיסטעם יומם ולילה, אבער דו העלפסט נישט דער איד מיט עלטערע קינדער.

מן הסתם קומט עס ווייל עלטערן האבן אנגעהויבן מער נאכצוגיין וואספארא בחור/מיידעל מ'טראגט זיי אן ס'זאל זיין לטובת זייער קינד,..

דו זאגסט עפעס. אבער דא קומט אריין א נקודה וואס איך זעה. אסאך עלטערען האבן נישט קיין אהנונג וואס צו זוכען, וואס זיי זוכען, און וואס מאכט איינער א גוטער מעטש פאר זייער קינד.

געדענק אונזער עולם איז ווייט נישט געלערנט אין פארשטיין אנדערע מענטשן מיט א טיפערע בליק. מען פארשטייט נאר עס עס איז דא "נארמאל" און משוגע. ממילא איז עס עבודת הפרך,און ער ווערט פארבלענדעט פאר אנדערע שטותים, צ.ב.ש. געלט, יחוס, קנאקער, ודומיהן, זאכען וואס מיינען גארנישט.

[היסטאריע]

די חורבן איז אז אונז זענען סטאק בין פטיש לסדין, פון איין איז דא שכל'דיגע זאכן וואס צו טון צו פארבעסערן אונזער פארקריפלטע שידוכים סיסטעם. אבער פון די אנדערע זייט גלייבן מיר באמונה שלימה אז שדוכים זענען באשערט און קומט אלעס פון הימל, און עס פעלט בכלל נישט אויס קיין השתדלות.. נו אויב אזוי איז דאך גוט...
איי מען זעט אז עס איז דא א קריזיס... עס דאפלט זיך די מענטשן אבער די שודיכים בלייבן די זעלבע אדער ווערןצגאר ווינציגער.. נא איז דאך דאס אלעס באשערט.. סאו קיינער האלט נישט באמת ביים טון עפעס. זאל די אייבישטער קער נעמען...

זאגסט דאך גוט. רב שמערלר זאגט טאקע אינמיטן דער שיעור, אז זיין גאנצע ארגענעזאציע "הגפן" איז נאר צו העלפען די נערווען פין די עלטערן, ווייל א שידוך איז ממילא באשערט.

עפעס גלייב איך אים נישט אז ער מאכט א גאנצע ארגענז נאר פאר נערווען.

[מתבודד]

האלסט טאקע אזוי @העמדל? נעם די דעם ערשטן שופר.

ער וויל דיך ניצן פאר זיין שופר[emoji1787]

איך בין שוין משופר...

[קהל'ס נער]

די היינטיגע בחורים זענען שוין מער אפן ווי אמאל, אנדערש ווי ווען די טאטע פלעיגט מחליט זיין אז דער מחותן איז געניג א שיינע יוד פאר מיך און די מאמע האלט אז דער מחותנתטע איז געניג יחוס'דיג פאר מיך אן געיבן א דעקל אין וואס מען מייערעט איין דעם בחור אין דער שידוך איז געווארען.

א היינטיגע בחור וויל שוין יא א מיידל וואס געפעלט עים, אבער ער קען דאך נישט זאגן פארן טאטע אז ער וויל נישט די שידוך ווייל די מיידל איז גראב, אדער ווייל ער זעיט אז די מחותעינעסטע גייט מיט א גרויסען היטל אויפן קאפ און ער זיכט א מיידל מיט א פלעינע שייטל וכו', אבער ער קען דאך נישט זאגן פארן טאטען אז צוליב דעים וויל ער נישט די מיידל, אמער ער ליגט דאך נישט אין גשמיות, (און ער וויל נישט באקימען דעי בליק פון זיין טאטע, ווי צי זאגן די פארגרעבטע יונג איינער), מילא מיז ער אויפקימען מיט תירוצים שונים ומשונים פארוואס ער וויל נישט, צי ווייל ער פילט אז עפעס איז נישט רייט מיט די מיידל, צי אז ער וויל נישט וואוינען אין מונטריאל, בארא פארק, מאנסי וכו', בקיצור באבע תירוצים.

מילא דער שדכן הייבט אן פילן אז די עלטערען זענען צי פיקי, ווייל ער האלט אין איין אנטראגן א.ג. שיינע שידוכים און מען זאגט אלעס אפ, מילא געט ער אויף אויף דעים בחור און גייט ווייטער.

ווען וועלט וואלט געוועין וועלט, וואלט דער בחור געגעיבען א פרעפערענס ליסט פאר זיין טאטע, מיט וואס איז א נאw ברעינער, א לכתחילה, און וואס איז א באונעס, אזוי קען מען זייער קלאר אריבער פילטערן וואס מען דארף און דער שדכן ווייסט אויכט וואס אנציטראגן.
לאמיר זיין זייער קלאר, רוב בינוני בחורים געבען נישט קיין דעמן פאר "שיינע משפחה" (ליין, די טאטע האט נישט קיין ג'אב און די מאמע א טיטשער), אדער פאר א שווער וואס וועט אויסהאלטן אין כולל פאר א יאר צייט, לאמיר רעדן קלאר פאר אלע בני-ארבעים-ומעלה-יודן, א בחור וויל א שיינע מיידל מיט גיטע סאושעל סקילס, יא, און די העט צי די סימס צי די אלע זאכן וואס זענען קאנסידערט א פלוס ביי די עלטערען, זענען עקשעלי א מיינוס פארן בחור.

לחיים לחיים.

נאך א נקודה, שדכנות איז נישט קיין גיטע ביזנעס, לאמיר רעדן אפן, א שדכן איז א בראוקער, ווען ער בראוקערט הייזער מאכט ער 3% אויפן סעיל, ער פארקויפט א מיליאן דאלאר הויז מאכט ער 30k, אויף צי מאכן די געלט אין שדכנות דארף ער טין בערך 12 שידוכים, נניח אז הויז מעקלעריי איז שווערער פון שדכנות, איז עס 12 מאל שווערער, קלאר אז נישט!
נאך ווייטער, די 3% בראוקערעדזש איז נאר פארן ברעינגען איין זייט פונעם סעיל, אויב ברעינגט ער ביידע זייטן (אזויווי ביי א שידוך) מאכט ער 6% ד.מ. 60k, קימט אויס בראוקערן א הויז מאכט מען 24 מאל מער געלט ווי שדכנות.
בקיצור די פוינט איז שדכנים זענען אנדער פעיד.
לדעתי, גיי צי א שדכן אפפער עים 5k פאר א שידוך, ברור כשמש בצהרים אז דער שדכן וועט פרובירן סאך שטערקער צי אויספירן א שידוך, שוין דער אלטן באקאנט סגולה פון כי השוחד יעוור....

[מתבודד]

עצי די האקסט סתם אין קאפ. קיינער האלט זיך נישט אפ פון טון ווייל ס'איז ממילא באשערט.
פארקערט, מענטשן פארשטייען אז מ’דארף טון השתדלות פאר יעדע זאך, און פאר פרנסה איז שדכנות זייער נישט קיין גוטע השתדלות....
____

קהל’ס האקט ענדליך

[שמן למאור]

כהאב לעצטנס געזען אין די קאמענטס סעקשאן אויף די יוטוב ניגון קליפ "שידוך" פון שאולי גראסמאן, ווי איינער האט אריינגעקאפיט א גאנצע בריוו פון יואלי ראטה ווי ער זאגט אהן פאר א מיידל צו שטיין ווייט פון בחורים און נישט האבן קיין שייכות מיט זיי.
שאולי ענטפערט אים בזה הלשון:

פערציג טעג אין די קלאב איז בדוק ומנוסה. יש אומרים אז ביים ברינען העלפן די מיידלעך אנטרינקען די קעמלען איז אויכט א סגולה.

ודפח"ח...
עס איז בערך די סעלושן וואס איך האב דא געגעבן...

[שמן למאור]

עצי די האקסט סתם אין קאפ. קיינער האלט זיך נישט אפ פון טון ווייל ס'איז ממילא באשערט.
פארקערט, מענטשן פארשטייען אז מ’דארף טון השתדלות פאר יעדע זאך, און פאר פרנסה איז שדכנות זייער נישט קיין גוטע השתדלות....
____

קהל’ס האקט ענדליך

איך האב בכלל נישט גערעדט פון שדכנים. איך האב גערעדט פון די אופן וויאזוי עס גייט צו... מען קערט.. אבער מען קערט נישט געניג ווייל די באשעפער פירט דאך אלעס...

[מתבודד]

עס איז בערך די סעלושן וואס איך האב דא געגעבן...

ס’איז אפשר א גוטע סעלושען אין טעאריע אדער אין די לאנג ראן, אבער אויף יעצט און למעשה איז זיכער אז צוצאלן פאר א שדכן א עצה בדוק ומנוסה. בנוסף וועט ער זיך אויך אריינלייגן צו צאמברענגען עפעס וואס מאכט סענס און נישט סתם שיסן נעמען ווייל ער פילט נישט אנדערפעיד.

[שמן למאור]

דאכצעך אז כהאב שוין געשריבן ערגעץ די מעשה, אז די מנחת אלעזר האט געלאזט ריפן די הויפט פירער פון די ציוניסטן אין מונקאטש אין האט געוואלט פארשטיין פארוואס ביי אים אין ישיבה איז דא אזא מאנגל אין שידוכים (יא, ס'שוין דעמאלטס געווען א פראבלעם) און ביי אים איז נישטא קיין פראבלעם.
האט אים די ציוני מסביר געווען.. אז די פרומע האבן גענומען די נאטירליכע צוויי סעקטעס וואס דארפן זיך ליב האבן איינער דער אנדערע און זיך טרעפן און אליין פאלן אין ליבע, און זיי צעטיילט אין צוויי וועלטן... דערנאך מוז מען יעצט נעמען א שדכן וואס זאל צאמשלעפן מעשה בראשית און אויספירן א שידוך... די בחור וויל בלייבן אין ישיבה ער ווייסט נישט וואס א מיידל איז.. די מיידל וויל ווייטער מעלקן די קוען... און עס מוז קומען איינער און טון עבודת פרך און אויספירן א שידוך.
משא"כ ביי אונז.. אינגען מיט מוידן דרייען זיך אינאיינעם און פארברענגען אינאיינעם.. מען דארף ניטאמאל קיין שדכן... מען לאזט די באשעפערס נאטור טון דאס זייניגע... מען דארף עס נאר זען נישט צו שטערן...

[שמן למאור]

עס איז בערך די סעלושן וואס איך האב דא געגעבן...

ס’איז אפשר א גוטע סעלושען אין טעאריע אדער אין די לאנג ראן, אבער אויף יעצט און למעשה איז זיכער אז צוצאלן פאר א שדכן א עצה בדוק ומנוסה. בנוסף וועט ער זיך אויך אריינלייגן צו צאמברענגען עפעס וואס מאכט סענס און נישט סתם שיסן נעמען ווייל ער פילט נישט אנדערפעיד.

איך בין מסכים מיט דיר 100%. ווילאנג די כעלימע חכמים גיבן נישט קיין פערמיטן צו פארעכטן די הייוועי און זיי גיבן נאר פערמיטן צו בויען דארטן א שפיטאל, איז די שפיטאל די בעסטע אפציע אויפן טיש...

[מתבודד]

רעדנדיג פון שידוכים איז דא עפעס אנדערש וואס דארף געטון ווערן, דהיינו ס’איז ליידער דא הונדערטער בחורים וואס בצר להם גייען זיי שטיפן גויטעס און די קלאבס און בשעת מעשה זיצט די טאטע אויפן טעלעפאן מיט די זעלבע שדכן וואס האט אויסגעפירט די שידוכים פאר די אנדערע, יא ’געראטענע’ קינדער אין די משפחה, און מאכט אים משוגע צו טרעפן עפעס פאר זיין תכשיט.
ר’ איד נעם דיין בחור’ל און זאג אים ער זאל דעיטען א אידישע מיידל ווי א נארמאלע באזעסענע מענטש!! איך ווייס אז ’’ביי אונז’’ האט מען ח”ו נישט געדעיט, אבער דיין בחור קושט במילא די בעק ציצית ביי ברוך שאמר! Wake up and smell the coffee פאר ער וועט נאך מחליט זיין אז איינע פון די גויטעס איז אים פונקט גענוג...

[שמעקעדיג]

איך האב אמאל געהערט פון א שדכן אז עס זענען דא פיל מער עלטערע בחורים ווי מיידלעך, דהיינו עס איז א שטיקל מאנגל אין מיידלעך. מען זעהט הונדערטער אדער טויזנטע עלטערע בחורים, אבער כמעט נישט קיין עלטערע מיידלעך (ביי חסידים).

האט ער א פוינט?

איך האב שוין געשריבן דערוועגן ארום 10 יאר צוריק.
https://www.kaveshtiebel.com/viewtopic.php?f=24&t=2118

[פרנס החודש]

רעדנדיג פון שידוכים איז דא עפעס אנדערש וואס דארף געטון ווערן, דהיינו ס’איז ליידער דא הונדערטער בחורים וואס בצר להם גייען זיי שטיפן גויטעס און די קלאבס און בשעת מעשה זיצט די טאטע אויפן טעלעפאן מיט די זעלבע שדכן וואס האט אויסגעפירט די שידוכים פאר די אנדערע, יא ’געראטענע’ קינדער אין די משפחה, און מאכט אים משוגע צו טרעפן עפעס פאר זיין תכשיט.
ר’ איד נעם דיין בחור’ל און זאג אים ער זאל דעיטען א אידישע מיידל ווי א נארמאלע באזעסענע מענטש!! איך ווייס אז ’’ביי אונז’’ האט מען ח”ו נישט געדעיט, אבער דיין בחור קושט במילא די בעק ציצית ביי ברוך שאמר! Wake up and smell the coffee פאר ער וועט נאך מחליט זיין אז איינע פון די גויטעס איז אים פונקט גענוג...

מי יתן אז דאס זאל זיין אמת…..

[בת קול]

די בחורים און מיידלעך זענען פשוט קלוגער געווארן.
זיי ווילן נישט חתונה האבן אזוי יונג, און זיי האבן א מיינונגען אויפן שידוך.

גארנישט מיט די גאנצע ליסטע.

[רביה''ק זי''ע]

לאמיך צולייגן מיינע צוויי צענט.

א. אזויווי ס'גויאישט זיך אזוי אידישט זיך. היינטיגע צייטן קען מען זאגן אז ס'איז אין בית אשר אין שם חי, כמעט יעדער צענערלינג האט אן עלטערע קאזין וואס האט זיך אנגעפיפן אויפ'ן "סיסטעם" און גענומען דעם דרך ארוכה שהיא קצרה און צום סוף האט זיך עס פיין אויסגעארבעט, און כאטש וואס נישט יעדער האט די קוראזש עס צו נעמען למעשה עד הסוף איז עס אבער גורם גענוג רייבערייען, מיט די עלטערן צו מיט זיך אליין, אז זאכן שלעפן זיך. נאכמער, איך קען חברה וואס האבן אינגאנצן אפגעלאזט די חסידישע לעבנסשטייגער (און צום סוף האבן זיי טאקע געטראפן "שידוכים" פון פרייע שטיבער) אבער די עלטערן שעמען זיך דערמיט בלאפט מען ארום כאילו די זוהן לערנט אין ארץ ישראל, די טאכטער איז סך הכל אביסל מאדערן, וכו' וכו', בקיצור, א גרויסע טייל "אלטע" סינגלס אויף די שדכנים ליסטעס זענען שוין גארנישט אזוי אלט לויט זייערע אומשטענדן און זיי דארפן ניטאמאל צוקומען צו די שידוכים פראסעס.

ב. איך בין אמאל געזעצן אין א שוהל אין ב"פ און נעבן מיר איז געזעצן א גרופע עלטערע בחורים, איז אריינגעקומען א טשאלמער און געגאנגען נאך געלט און די בחורים האבן איהם געגעבן אפאר טאללער האט ער זיי געגעבן א ברכה אז זיי זאלן ווערן חתנים בקרוב, האבן זיי זיך צולאכט און געזאגט, פארגעס פון חתנים, געב אונז א ברכה צו מאכן אסאך געלט! קאממענטארן זענען איבעריג...