זינגער "שחר עדוי"

[חיים פיש]

שלום וברכה!

לכל זמן ועת, נאכ'ן זייין פון די גאנץ אפטע געסט דא אויפ'ן זייטל פאר א שיינע פאר יאר און זיין נאר א מקבל, האמיר געטוישט סטאטוס פון א גאסט אידענטיטעיט צו "חיים פיש" אידענטיטעיט צו קענען פון צייט צו צייט אויך זיין א משפיע.
וחפץ ה' בידינו יצליח!

לענינינו, נאכ'ן נאכפאלגען א רעקאמאנדאציע פונעם יוי טוב פלאטפארמע, האט עס מיר געטראגן 'אפ נעקסט' צו א ווידיאו פון "שחר עדוי", ס'איז מיר געווען א חידוש אז דא אינעם שטיבל איז נאכנישט דא א שמועס איבער איהם.

אלס א פערזאן וואס האלט שטארק ביי די מיינונג אז די חיצונית איז/דארף נישט משפיע זיין אויפ'ן פנימיות, ווי למשל איך גלייך אריינצושפאצירן אין א באר אדער זיך ארויסשטעלן סייווי אלס חסידישע יונגערמאן מיט'ן פילן טראגע אבער דאך מעג/קען איך טוהן סיי וואס איז (פארשטייט זיך מותר על פי תורה) אפילו נישט אויסגעהאלטן אין די קולטור ווי איך דריי מיר; איז מיר מורא'דיג געפאלן צו טרעפן ר' שחר ני"ו - וואס אויסערליך מאכט ער אן איינדרוק ווי א סטאנדארד היימישע בחור, אראפגעלאזטע שיינע פיאות מיט די פשוט'ע האלף-פרעימד גלעזער, גראדע די זאקן זיינע האט ער זעהט זיך אויס נישט געהאט קיין פרישע און די שיך האט ער בטעות נאר געטראפן די קעמפ סניקערס (ער איז פארט א יתום פון זיין מאמע)... - אבער טרעט אויף אזוי פאוערפול אויף עקס-פעקטאר, וואו!

דא האט איר אפאר שיינע שטיקלעך פון איהם אויף די ישראל'ישע עקס-פעקטאר:

"חולם כמו יוסף" פון חנן בן ארי, וואו!
https://youtu.be/GwcFbkbdh_A


"Man in the Mirror" פון מייקל דזשעקסאן, גאר גאר שטארק!
https://youtu.be/wY9-g6HRIxk


און פון פרוי גאגא "Born this way"
https://youtu.be/LOL6bOoWqRQ


איך בין מורא'דיג נתרגש געווארן פון איהם זעהן אויפן סטעידזש מיט'ן גאנצן חן!
לאמיר הערן אייערע מיינונגען.


אויך געטראפן א שטיקל אינטערוויאו צווישן איהם מיט זיינע געשוויסטער (מורא'דיג נתפעל געווארן פון די ברודערליכע אחדות צווישן אלע קאלירן געשוויבטער)
https://www.mako.co.il/tv-the-next-star ... 0c10acRCRD

האט הנאה!

חיים פיש

[שמן למאור]

הרב פיש, קומט אריין אין קאווע שטיבל, טוט אייך אויס דעם הוט און רעקל און מאכט אייך באקוועם.

[צוזאמגעדרייט]

ער איז פיין! כ'וויל אים אבער הערן אייגנארטיג. למשל א באקאנטע נאסטאלגיע, אדער אן אייגנס. ער איז מוראדיג, אבער איך הער צופיל די ארגינעלע זינגער אין זיין זינגען.

בנוגע חיצוניות: איך האלט גראדע אז עס מאכט יא אויס אויפן מענטש די וועג וויאזוי מען גייט אנגעטון. הגם מען קען זיך צווינגען אדער אויסלערנען זיך אויפצופירן אנדערש ווי דאס אייגענע קליידונג קאלטור. עס מאכט אבער אסאך אויס פיסכעלאגיש, לדעתי.