קאווע שטיבל

שוין א לאנגע צייט וואס מטענהט אז טוויטער האט דערשטיקט רעפובליקאנער שטימעס אין דינסט פון פאליטישע אינטערעסן

נאכדעם וואס אילאן מאסק האט איבערגענומען טוויטער, האט ער פארשפראכען צו דערגיין וואס איז פארגעקומען אינטער די קוליסן, יעצט הייבט אן ארויסקומען דיטעילס וואס קאנפירמט די באשולדיגונגען

מאסק האט געגעבן צוטריט צו די טוויטער פיילס פארן זשורנאליסט Matt Taibbi און ער האט נעכטן אנגעהויבן מפרסם זיין זיינע געפינסן

זיין ערשטע גרעסטע אויפדעקונג דרייט זיך ארום די ניו יארק פאוסט מעשה וועגן האנטער ביידעןס לעפטאפ וואס איז ארויסגעקומען נאנט צו די עלעקשאנס, אין א לענגערע טוויט פארציילט ער וואס איז פארגעקומען אינעווייניג אין טוויטער ווען זיי האבן אלץ רעזולטאט אויסגעשפארט די ניו יארק פאוסט און שפעטער אויך Kaleigh McEnany טראמפס פרעסע סעקרעטערי, אלעס אנעם וויסן פון דזשעק דארסי טוויטערס CEO וואס האט טאקע שפעטער געלייקענט די באשולדיגונגען אין פארנט פון סענאט

ער ווייזט אויך אן וויאזוי ביידעןס טיעם און די דעמאקראטישע פארטיי האבן געמאכט דירעקטע פארלאנגען פון טוויטער אויסצומעקן טוויטס וואס האט זיי נישט געשמעקט, הגם אז טוויטער האט באקומען און באהאנדעלט אזעלכע פארלאנגען אויך פון די רעפובליקאנער זייט איז עס פארשטייט זיך געווען מער גענויגט אויף לינקס ווי אויף רעכטס