קאווע שטיבל

א קאלעגע מיינע אין דייטשלאנד, ד"ר לאה שעפער (א פארשער פון די אידישע דיאלעקטן), וויל פארשטיין די היינטיגע אידישע שפראך (בפרט איר גראמאטישע סטרוקטור) און האט דעריבער צאמגעשטעלט אן אנקעטע מיט פראגעס. אין דער אנקעטע דארף מען איבערזעצן זאצן פון ענגליש (/עברית) אויף אידיש. זי האט ביי מיר געבעטן איך זאל דאס מיטטיילן דא מיט די חשוב'ע חברי השטיבל: https://www.soscisurvey.de/yiddish-haynt

אויב האט איר צייט און געדולד ביטע פילט אויס די אנקעטע.
אויב האט איר פראגעס דערוועגן שרייבט מיר באזונדער און איך וועל זיין דער פארמיטלער מיט ד"ר שעפער.

ש'כח און א פרייליכן חנוכה!

Done, but the English and Hebrew don't match in a lot of places

די עברית איז א חורבן נורא, עס טוישט אפטמאל די משמעות פונעם פראגע.

שוין...!

יהורם האט געשריבן:די עברית איז א חורבן נורא, עס טוישט אפטמאל די משמעות פונעם פראגע.

איך האב פראבירט און ביים ערשטע פראגע זיך אנגעשטויסן אין די פראבלעם.

he slept in a small bed
הוא ישן במיטה הקטנה

די ענגלישע וואלט איך איבערגעטייטשט: ער איז געשלאפן אין א קליינע בעט.
די עיברית'ישע: ער איז געשלאפן אין די קליינע בעט

די פראגעס פון דער אנקעטע האט ד"ר שעפער גע'ירשנ'ט פון א פריערדיגן פראיעקט, וואס אנדערע לינגוויסטן האבן דורכגעפירט מיט א 60-50 יאר צוריק. כדי זי זאל קענען פארגלייכן די ענטפערס האט זי נישט געטוישט די פראגעס. (אזוי האט זי מיר געגעבן צו פארשטיין ווען איך האב איר געשיקט אייערע רעאקציעס.) ש'כח!

גייט ערגעץ ווערן געפאבלישט די ריזאלטס? און די חילוק פון זעכציג יאר צוריק?

זייער אסאך אידישע ווערטער ווערן היינט געזאגט אנדערש ווי ווען מען שרייבט. וואס קען גורם זיין אז די אנקעטע זאל זיין אפגעריקט פון די מציאות. איינער פון די פיר מאל אין די אנקעטע וואס איך האב דאס געזען איז געווען מיט די ווארט הינט, וואס רוב עולם זאגט היינט מערסטנס דאגי אבער וועט אייביג שרייבן הינט.

קורקלענד: פונקט אויף דעם ווארט זענען דא מערערע וועגן פון ספעללינג.
1) הינט. היינטיג אידיש. אדער לשון רבים.
2)הונט. מער ליטוויש/אידיש
3). יעקיש. אידיש-דייטש. הונד

קורקלענד האט געשריבן:זייער אסאך אידישע ווערטער ווערן היינט געזאגט אנדערש ווי ווען מען שרייבט. וואס קען גורם זיין אז די אנקעטע זאל זיין אפגעריקט פון די מציאות. איינער פון די פיר מאל אין די אנקעטע וואס איך האב דאס געזען איז געווען מיט די ווארט הינט, וואס רוב עולם זאגט היינט מערסטנס דאגי אבער וועט אייביג שרייבן הינט.

וואס עפעס? קינדער זאגן דאגי אבער ערוואקסענע זאגט הינט אדער dog