קאווע שטיבל

נישטא קיין סאך צו צולייגן, דיטעילס זענען דערווייל נישט באקאנט.
ווידעאס צירקולירן ווי מען שלעפט ארויס באהאלטענע אויגן פונעם דאך אין בית הכבוד. איכסאַ!

פאלגנד איז א ליסטע פון פראגעס וואס הענגען נאך אין די לופטן און ווארטן אויף אן ענטפער:

ווער האט דאס אינסטאלירט, א פריוואטע מענטש אדער די ישיבה?
אויב די ישיבה, ווער האט אלס געהאט א האנט דערין, אפשר נאר איין שמוציגע איינגעשטעלטע, אדער קומט דאס פון די הנהלה?

פון ווען זיצן שוין די קעמערעס אויסבאהאלטן?

איז דא אן אויספארשונג בכלל? אפשר בשעת מיר שרייבן די שורות זענען שוין זאכן פארשטיקט, קעמערעס אין מיסט קאסטן וכו'.

וועט דאס ווערן פארדאמט דורך רבנים ועסקנים, אדער גייט די מעשה אריינפליען אינטערן זעלבע מאטראץ ווי עס ליגן אויסבאהאלטן אלע מאלעסטעישן'ס?

שוין געהערט אז עס זענען פאראן נאך פלעצער וואס מען לייגט עס, פשוט צו פארמיידן מכשולות וד"ל,

געווענליך האט נישט איין מענטש עקסעס דערצו, מען שעהרט א פעסווארד מיט עטליכע איינגעשטעלטע וואס נוצן עס נאר לעת הצורך.

וויאזוי און וועלכע מכשולות ווערן פארמיטן?

האבן די קעמרעס אפגעכאפט וואס טיט זיך אין פריוואטע בית הכבוד (די טאילעט סיעט) אדער נאר די צימער?

צוזאמגעדרייט האט געשריבן:ווידעאס צירקולירן ווי מען שלעפט ארויס באהאלטענע אויגן פונעם דאך אין בית הכבוד

וואס מיינט באהאלטן? אפילו אויב איך זעה א בלויזע דאך דארף איך מורא האבן אז מיין בית המדרש האט געלייגט אייגעלעך דארט? מען וואלט דאך עס געדארפט צו באמערקן לכאורה אויף א געוויסע וועג!

ווען איך בין געווען אין בחורים קעמפ פופצן יאר צוריק האבן בחורים שוין געטראפן אזעלכע זאכן, היינט איז עס מסתמא דא סאך מער.

די שאלה איז ווער עס קוקט עס איבער, יענער דארף ווארשיינליך צו זיין שווער קראנק אויף Coprophilia...

שמעון וואלף האט געשריבן:האבן די קעמרעס אפגעכאפט וואס טיט זיך אין פריוואטע בית הכבוד (די טאילעט סיעט) אדער נאר די צימער?

דו ווילסט וויסן די דעגרי צו וואס זיי זענען חזירים...!

אינטערסאנטער האט געשריבן:וואס מיינט באהאלטן? אפילו אויב איך זעה א בלויזע דאך דארף איך מורא האבן אז מיין בית המדרש האט געלייגט אייגעלעך דארט? מען וואלט דאך עס געדארפט צו באמערקן לכאורה אויף א געוויסע וועג!

להוי ידוע לך, דו זאלסט וויסן אז די מערסטע בתי מדרשים היינט האבן (באהאלטענע) קעמרעס...!

ווער ס'וויל זען וויאזוי איך טוילעט יבא ויטול שכרו, תשואות חן חן לו.

אין די גרויסע ביהמ"ד אין ק"י (12) איז דא אפענע קעמערעס.

שמעקעדיג האט געשריבן:שוין געהערט אז עס זענען פאראן נאך פלעצער וואס מען לייגט עס, פשוט צו פארמיידן מכשולות וד"ל,

געווענליך האט נישט איין מענטש עקסעס דערצו, מען שעהרט א פעסווארד מיט עטליכע איינגעשטעלטע וואס נוצן עס נאר לעת הצורך.

עס איז דא אין זייער אסאך פלעצער און איך פארשטיי אז מען דארף זיין א גאווערמענט אפישעל צו האבן עקסעס (אנדערש קען מען יושב'ן )

שמעקעדיג האט געשריבן:שוין געהערט אז עס זענען פאראן נאך פלעצער וואס מען לייגט עס, פשוט צו פארמיידן מכשולות וד"ל,

געווענליך האט נישט איין מענטש עקסעס דערצו, מען שעהרט א פעסווארד מיט עטליכע איינגעשטעלטע וואס נוצן עס נאר לעת הצורך.

וועלכע מכשולות?

איינער אין די סיסטעם גייט זיך צוקראצן אז צווי בחורים שפילן זיך? אויב אן עדאלט מאלעסט?

אדער מיינסטו מכשולות די היינטיגע כלים?

דערהויבענע איד האט געשריבן:איינער אין די סיסטעם גייט זיך צוקראצן אז צווי בחורים שפילן זיך? אויב אן עדאלט מאלעסט?
אדער מיינסטו מכשולות די היינטיגע כלים?

ס’דערמאנט מיר א מעשה וואס האט פאסירט אין איינע פון די שטרענגע ישיבות דא אין נ.י. וואס מען האט געכאפט צוויי בחורים אינאיינעם אין בעט, דער משגיח האט בלויז זיכער געמאכט אז זיי האבן נישט קיין mp3 player און דאן האט מען זיי פריי געלאזט...

צו זעהן אויב 2 חברה גייען אריין אויף איינמאל איז גענוג די קעמרא אין די האלוועי פון די בית הכסא,

ס'איז געווענדליך צו זעהן אויב א בחור וועיפט חס וחלילה
אדער ער האט א mp3

ערענסט גערעדט: אויב ער האט א סמארטפאון

פאר א סמארטפאון ווערט נישט בארעכטיגט א איי אין טוילעט. משוגע'נע מענטשן.

דערהויבענע אידן וועלן קיינמאל נישט בארעכטיגן קיין ראיות אסורות. [אהן יענעם'ס וויסן...]
איך בארעכטיג עס אויך נישט [מיין דעה מאכט סיי ווי נישט אויס]

כ'קען פון דער נאנט אסאך בחורים וואס האבן טועם געוועהן פון די עץ הדעת אינטערנעט, און געוואר געווארן אז:

1. עבירות (כ'מיין נישט קיין לשון הרע וכדו' נאר **po) איז זיס, און נישט קיין בושה,
2. די וועלט איז אסאך גרעסער און קלוגער ווי זייער מגי"ש און רבי,
3. דער אייבישטער איז אויפגעוויזן פונקט ווי (להבדיל פארשטייט זיך) די אנדערע רעליגיעס,
4. מ'קען זיין א איד און באהאלטענערהייט נישט האלטן גארנישט,
5. מ'קען זיך טרעפן נייע חברים צו chat'n אויף שבת און א גאנצע וואך, און זיך אויסלאכן פון אלעס וואס אידישקייט זאגט,

די עלטערען חלום'ען נישט וואס זייער קינדער ווייסן.
איין אזא בחור קען ביז א קורצע צייט מיטשלעפן מיט זיין "אנטדעקטע אמעריקע" אסאך חברים אין זיין שיעור אדער יונגערע, בקיצור: איך האב מיטגעהאלטן א ישיבה וואס האט זיך פארמאכט נאר וועגן אינטערנעט.

ווען איך שיק מיין זוהן אין ישיבה, טראסט איך זיי אז זיי גייען עס אפהאלטן [כ'גיי איהם נישט האלטן אין די באקס לעולם ועד, אבער ביז ער סעטעלט זיך אין א נארמאלע לעבן איז עס זיין טובה]
ווי סאך איך האב פיינט דעם בעל הקעמרא'ס (פאר פערזענדליכע סיבות), ווייס איך נישט דערווייל פון א אנדערע עצה. זיינע בחורים זיצן ליידיג שעות ע"ג שעות, בטלה מביא לידי..

האט איינער א אנדערע סעלושען?

@שעפטאל אפשר זאל איך אינסטאלירן אן אויג ביי דיר אין שלאף צימער. אויב דו ביסט עובר אויף זרע לבטלה וויל איך דיר אפהאלטן, נישט קיין חילוק צו דו ביסט פארהייראט אדער נישט, איז דאס לדעתי נישט גוט פאר דיר.

איך בין שאקירט פון אזא תגובה!

שעפטאל האט געשריבן:האט איינער א אנדערע סאלושען?

לערנען חסידישע ספרים

הרב צוזאמגעדרייט: פונקטלעך אויף וועלעכע חלק ווער איך דא צוזאמגעדרייט...

איך האב עס קלאר נישט בארעכטיגט [הגם ס'איז דא אפענע קעמרא'ס אין מקוואות אויכעט, און קיינער שרייעט נישט]

איך האב געשריבן פון א טובה פון בלייבן אביסל פארמאכט ווען מ'איז יונג, מ'דארף נאר וויסן ווי אזוי - און דו גייסט אריין אין בולא דשיטה הקדושה?

איך האב געפרעגט פאר א אנדערע סעלושען - און דו קומסט פערזענדליך אטאקירען?

ס'וואלט געוועהן רייטזאם אז דו זאלסט קלאר שרייבן דיינע טענות [נאכן איבער ליינען מיין תגובות] און נישט סתם האקן און צימבלן

שערי יושר האט געשריבן:

שעפטאל האט געשריבן: האט איינער א אנדערע סעלושען?

לערנען חסידישע ספרים

נאך כפירה איז חסידישע ספרים נישט קיין הילף.

ווען זיי וואלטן געוויסט אז עס קומט א lawsuit וואלט גוט געווען. אבער ווייל עס גייט נישט זיין, פארוואס זאלן זיי דאס נישט פרובירן נאכאמאל.

שעפטאל האט געשריבן:הרב צוזאמגעדרייט: פונקטלעך אויף וועלעכע חלק ווער איך דא צוזאמגעדרייט...

איך האב עס קלאר נישט בארעכטיגט [הגם ס'איז דא אפענע קעמרא'ס אין מקוואות אויכעט, און קיינער שרייעט נישט]

איך האב געשריבן פון א טובה פון בלייבן אביסל פארמאכט ווען מ'איז יונג, מ'דארף נאר וויסן ווי אזוי - און דו גייסט אריין אין בולא דשיטה הקדושה?

איך האב געפרעגט פאר א אנדערע סעלושען - און דו קומסט פערזענדליך אטאקירען?

ס'וואלט געוועהן רייטזאם אז דו זאלסט קלאר שרייבן דיינע טענות [נאכן איבער ליינען מיין תגובות] און נישט סתם האקן און צימבלן

ער האט געמיינט צו זאגן - לפי הבנתי - אז פונקט ווי דו פארשטייסט אז אריינלייגן א קעמרע אין דיין בעדרום איז נישט קיין אפשען, איז אריינלייגן קעמרע'ס אין טוילעט אויך נישט.

להוי ידוע לך אז אויב ס'איז באשערט קען דיין זון אנטרעפן א חבר וואס קען אן קיין אינטערנעט אדער סמארטפאון טון אלע גוטע זאכן מיט אים, אויסלאכן פון אידישקייט מיט א mp4 אדער אן א גויש'ע תפילין בייטל, אויב דיין זון איז געבויט אויף נארמאלע יסודות און ער איז אקעפייט מיט גוטע זאכן גייט ער נישט אנקומען צו זאכן וואס ער וויל נישט, ווייל ער גייט נישט ווילן.

שוין, דאס איז א עקסטערע שמועס.

דערהויבענע איד האט געשריבן: ער האט געמיינט צו זאגן - לפי הבנתי - אז פונקט ווי דו פארשטייסט אז אריינלייגן א קעמרע אין דיין בעדרום איז נישט קיין אפשען, איז אריינלייגן קעמרע'ס אין טוילעט אויך נישט.

קוק ווי אזוי איך הייב אהן:

שעפטאל האט געשריבן: דערהויבענע אידן וועלן קיינמאל נישט בארעכטיגן קיין ראוית אסורות. [אהן יענעם'ס וויסן...]
איך בארעכטיג עס אויך נישט [מיין דעה מאכט סיי ווי נישט אויס]
וכו'
האט איינער א אנדערע סעלושען?

כ'האב סך הכל ארויפגעברענגט אז זייער סיבה פון די קעמרא (ביז מ'ווערט געוואר מער דעטאלן) איז לכאו' די ציפעדיגע ברענענדיגע פראבלעם פון אינטערנעט אין ישיבות
און כ'בעהט זיך פאר א אנדערע עצה.
---

איר ענדיגט צו

דערהויבענע איד האט געשריבן:להוי ידוע לך אז אויב ס'איז באשערט קען דיין זון אנטרעפן א חבר וואס אן קיין איטערנעט אדער סמארטפאוין טון אלע גוטע זאכן מיט אים, אויסלאכן פון אידישקייט מיט א mp4 אדער אן א גויש'ע תפילין בייטל

אנטשולדיגט, אבער איר גייט מיט דעם באשערט קארטל אנשטאט פון די ביטערע מציאות. יעדער וואס האט א אמת'ע קשר מיט ישיבה (גדולה) בחורים פון 2023 ווייסט אז אינטערנעט איז זייער אנדערש. [אויב ס'איז באשערט קען א מענטש לעבן אונטער די אייסיס און געהארגעט ווערן דורך זיין אייגענע טאטע]
---

איר פיהרט אויס:

דערהויבענע איד האט געשריבן:אויב דיין זון איז געבויט אויף נארמאלע יסודות און ער איז אקעפייט מיט גוטע זאכן גייט ער נישט אנקומען צו זאכן וואס ער וויל נישט, ווייל ער גייט נישט ווילן

תמה אני אויב דו האסט טין עדזשער'ס אין דערהיים. אפאר טעג פון נישט לערנען געשמאק איז מען נישט צופרידן. מ'גלייבט א חבר פון די אייגענע עידזש אסאך מער ווי די עלטערן און מגי"ש
---

אבער איך בין שולדיג אין די קריטיק, ווייל מיינע ווערטער קומען נישט דא אריין. מ'האט געהאנדלט פון די חיה'שקייט פון לייגען א באהאלטענע קעמרא און נישט פון די פראבלעם וואס נאגט א יעדער וואס האט א בחור אינדערהיים!! האט ער געמיינט אז כ'קום בארעכטיגן וואס זיי האבן געטוהן.

אבער עכ"ז: די אינטלעקטועל וועג פון זיך טענה'ן איז - מ'טענה'ט זיך אויף יענעם'ס טענה און נישט אויף יענעם