קאווע שטיבל

מירון: שוד ושבר! שרעקליכע נייעס קומט יעצט אריין פונעם הייליג דערפל, אז לדאבון לב פון די סקריקים פון 'אש דת' און פון די 'קנאים', האט דער מדינה-געשטעלטער 'פריוקטר ההלילא' יוסי דייטש 'ביזדערווייל' אויסגעפירט און אויפן מינוט הערשט א געוואלדיגע סדר אויף הר מירון...!

ווי סאך מ'האט נאר פרובירט אנצודרייען אלימות און אומריען, האט די עצת היצר שטענדיג געווינען און עס איז ווייטער דא א רואיגקייט אויפן בארג.

מיט פארווייטאגטע הערצער האבן אלע צוגעקוקט ווי ווען דייטש האט געבעטן אז ביי ר' מיילעך'ס הדלקה זאל מען אראפגיין פון די אויבערשטע שטאקן פון די פארענטשעס צוליב סכנת נפשות, האט די עולם געפאלגט און אזוי איז 'ליידער' פארמיטען געווארן א טראגעדיע מיט וואס מ'וואלט ווען געקענט באשולדיגן די מדינה....

עיני עיני ירדה מים אז מ'איז צוגעקומען צו אזא שטאפל איז איבערן גאנצן בארג איז דא הונדערטער היימישע עסקנים פון די אגודה קרייזן רח"ל, וואס פירן א העכסט געניטע סיסטעם אויפן וועג ארויף, און אין די מערה.

שרעקעדיגע און הארצרייסענדע באריכטן קומען אריין, איז אפי' די באסעס וואס מ'האט געדארפט אפשטעלן אינמיטן וועג צוליב די מלחמה צושטאנד, האבן זיך אפגעשטעלט אין פארקינג לאטס ווי ס'איז ל"ע געווען צוגעשטעלט עסן און טרינקען בהרחבה...

די זארג איז גאר גרויס אז אויב וועט ער ח"ו באווייזען ס'זאל דורכגיין די טאג אהן שטארקע מהומות און געוואלטאטן וועט מען אפשר דאס קומענדיגע יאר הבעל"ט איבערטוהן דאס זעלביגע היל"ת!!

נצח ישראל לא...
כלל ישראל וואס איז אינטער די 'שיטה הקדושה' רופן אויס: 'מיר וועלן ווייטער טוהן כל מה שביכלתנו צו צושטערן די היינטיגע סדר אין מירון!' 'מיר וועלן נישט צולאזן אז מירון זאל ווערן א מסודר'דיגע פלאץ אנע שלעגערייען, הפגנות, און וואנדאליזעם!'

אלע צוזאמען האט געשריבן:
די זארג איז גאר גרויס אז אויב וועט ער ח"ו באווייזען ס'זאל דורכגיין די טאג אהן שטארקע מהומות און געוואלטאטן וועט מען אפשר דאס קומענדיגע יאר הבעל"ט איבערטוהן דאס זעלביגע היל"ת!!

יא יא..
פון דעם איינעם ליין ציטערן זיי!!

עפעס איז יא געווען, ביי די ביאאן הדלקה זענען די נארנים געגאנגען מאכן א פראטעסט קעגן ביאאן'ער רבי

אויב מיינסטו אז סאיז דא ערענסטע מענטשן וואס האלטן אז חסידים טויגן נישט צו מאכן סדר מאכסטו א ערנסטע טעות. יעדער פארשטייט אז זיי זענען גאר טויגליך, זיי טויגן זייער גוט! און פארדעם באשולדיקט מען זיי אויף די אסון-45. דהיינו, די קענסט יא סעיפטי, פארוואס האסט עטץ געווען אזוי reckless ביז יעצט?!?!

וואס יא? יעדער דא ווייסט אז חרידזם האבן א tendency צו neglecten safety און פארדעם ציטערט מען אז סאיז נאר א הראות שעה פאר זיי! יעצט וועגען די רשעים מיז מען ליידער זיין סעיף! אבער פאר וואס ווי ווען, איינמאל זיי זענען זיכער מיט די בענקעל, מפטירים כדאתמול.

די קנאים טאנען אז פאר זיי קומט די קרעדיט אז עס נישט קיין משטרה און אלעס אויפן מערה און אינעם חצר ווערט געפירט דורך שומרי תורה, נישט דא קיין תערובות. זיי האבן געהאט א מיטונג מיט @דייטש און ער האט זיי אלעס נאכגעגבן .

.

געווענדליך שרייב איך נישט אנליין, אבער.......................................


לי הקטן זעט אויס, אז די געוואלדיגע זכות פון די מסירות נפש זעלנער פון אונזער מדינה'לע, צו שיקן ראקעטן אין עזה און אויסשחט'ן די שונאי ישראל די רוצחים פון איסלאמיק דזשיהאד ליל ל"ג בעומר, האט ערוועקט גרויסע זכותים אויף כלל ישראל, און דאס האט באשיצט די אידן אין מירון צו פועלן אלס גוטס.
און מיר קענן אוודאי ברענגן א ראיה פון דעם אז מאשין מצות זענן מותר אום פסח, ווייל פונקט ווי דאס דרוקן א קנעפל אין אפיס אין תל אביב הייסט א מעשה, אזוי אויך ביים באקן מצות, וד"ל.

כן יאבדו כל אויביך הוי"ה, שירבו זכיותינו אזעלכע.

ב"ה עס איז געווען צוזזאמן ארבעט פון אסאך אפטיילונגן און כלל ישראל, יעדער וואס וויל קען נעמען קרעדיט. אדער קרטיקירן.

יאסל ראקאווער האט געשריבן: וואס יא? יעדער דא ווייסט אז חרידזם האבן א tendency צו neglecten safety און פארדעם ציטערט מען אז סאיז נאר א הראות שעה פאר זיי! יעצט וועגען די רשעים מיז מען ליידער זיין סעיף! אבער פאר וואס ווי ווען, איינמאל זיי זענען זיכער מיט די בענקעל, מפטירים כדאתמול.

נישט אמת, חרדים האבן עפעס א פראבלעם מיט זיכערהייט? זייט ווען?! נאר, וואס יא, אין מירון איז ביז יעצט געווען שווערע פאליטיק צווישן די חרדים, האט קיינער נישט געוואלט טון צו די זאך.

אויסער געווענדליך האט געשריבן:געווענדליך שרייב איך נישט אנליין, אבער.......................................


לי הקטן זעט אויס, אז די געוואלדיגע זכות פון די מסירות נפש זעלנער פון אונזער מדינה'לע, צו שיקן ראקעטן אין עזה און אויסשחט'ן די שונאי ישראל די רוצחים פון איסלאמיק דזשיהאד ליל ל"ג בעומר, האט ערוועקט גרויסע זכותים אויף כלל ישראל, און דאס האט באשיצט די אידן אין מירון צו פועלן אלס גוטס.
און מיר קענן אוודאי ברענגן א ראיה פון דעם אז מאשין מצות זענן מותר אום פסח, ווייל פונקט ווי דאס דרוקן א קנעפל אין אפיס אין תל אביב הייסט א מעשה, אזוי אויך ביים באקן מצות, וד"ל.

כן יאבדו כל אויביך הוי"ה, שירבו זכיותינו אזעלכע.

אויסער געווענדליך: אמת. די זכותים פון די מסירות נפש'דיגע מדינת ישראל סאלדאטן (אידן) צו ראטעווען אנדערע אידן זענען זייער גרויס. נאר דא איז אויך געווען א שטארקע השתדלות אויף סעיפטי (בעז"ה) דורך די ציונים, רחמנא ליצלן מהאי דעתא.

כה יתן ה' וכה יוסיף לטובת כל עם ישראל. ועל אפם וחמתם פון די פאררוקטע סיקריקים און זיייערע נאכשלעפערס...!

אלע צוזאמען: פאר דעם דאזיגן עסיי פארדינסט דו א פוליצער פרייז. אדער (לכה"פ) א שריפטשטעלער טיטל.

איך האב געמיינט אז איך ליין אין דער בלאט אן ארטיקל פון הרב ש.ב. מרגליות המכונה שמואל שלמה טעללער (אמאל איז דער שם הכינוי. דער פסעוודאנים דער עיקר. אפילו ביי א גט.)

אזא קעפל. כ׳האב געמיינט מען רעדט דא פון ריכטיגע טראגעדיע.

די טאג האט זיך געענדיגט מיט א דאפלטע טראגעדיע. א מיידל בעיבי נפטר געווארן נאכן טרעפן נישט בין החיים אין א הייסע קאר, און א 17 יעריג מיידל אראפגעקלאפט אין לעיקוואד.

ברוך דיין האמת. איך קען נישט קומען צו זיך.

בת קול האט געשריבן:אזא קעפל. כ׳האב געמיינט מען רעדט דא פון ריכטיגע טראגעדיע.

די טאג האט זיך געענדיגט מיט א דאפלטע טראגעדיע. א מיידל בעיבי נפטר געווארן נאכן טרעפן נישט בין החיים אין א הייסע קאר, און א 17 יעריג מיידל אראפגעקלאפט אין לעיקוואד.

ברוך דיין האמת. איך קען נישט קומען צו זיך.

ס'איז אין א שמייכל

בלוט זאל זיך גיסן, אבער כאאס זאל זיין!

ביטע נישט שרייבן אז די אגודאים קענען פירן א מעמד, אסאך היממישע יודן,ס פרנסה ווענדט זיך אין דעם!
מען ברויך נאך קענען מאכ'ן טיי אווענטס אין וויליאמסבורג אויסצוהאלטן מירון על טהרת הקודש

אלס איינער וואס איז געוועהן די לעצטע 6 יאר אין מירון (חוץ ביי די קרונה) מיין איך אז עס קומט זיך גאר אסאך קרעדיט פאר די סיקריקים אז דאס יאר האט אלעס געקלאפט.

סיסטעם האט געשריבן:אלס איינער וואס איז געוועהן די לעצטע 6 יאר אין מירון (חוץ ביי די קרונה) מיין איך אז עס קומט זיך גאר אסאך קרעדיט פאר די סיקריקים אז דאס יאר האט אלעס געקלאפט.

כ'האף אז איר זענט סארקאסטיש

איך מיין עס זייער ערנסט.
איך בין בכלל נישט קיין פען אדער אנהענגער פון זיי.

סיסטעם האט געשריבן:אלס איינער וואס איז געוועהן די לעצטע 6 יאר אין מירון (חוץ ביי די קרונה) מיין איך אז עס קומט זיך גאר אסאך קרעדיט פאר די סיקריקים אז דאס יאר האט אלעס געקלאפט.

סטאקהאולם סינדראם בתפארתה

סיסטעם האט געשריבן:אלס איינער וואס איז געוועהן די לעצטע 6 יאר אין מירון (חוץ ביי די קרונה) מיין איך אז עס קומט זיך גאר אסאך קרעדיט פאר די סיקריקים אז דאס יאר האט אלעס געקלאפט.

ער קען פשוט נישט די דעפענישען.

ס'איז כדי אמאל צו מאכען סדר דא. איך קען אויך נישט פינקליך ווער איז ווער.

די פרומע, חרדים, סאטמאר, מאה שערים, ירושלמי עדה, סיקריקים. סאיז אלע'ס אנדערע חברה, ער מיינט אז די סיקריקים זענען דיע וואס האבען געלייגט א פינגער און קאלט ואסער.

האסט א פוינט

אבער אויב די מעשה גייט אז יעדע מאל ווען די איד האט זיך צולאזט פלעגט דער רב זיך בעטן אז קיינער זאל אים נישט פארשעמען נאר זיך נישט וויסענדיג מאכן און ממשיך זיין לכה דודי כאילו לא היה, למעשה פלעגט רוב עולם למחצה שליש ורביע טאקע פאלגן און מ'האט אים געלאזט אנגיין מיט זיינע שטיק, אחוץ אפאר עקסטרעמיסטן וואס פלעגן אים יא אנשרייען, ביז איינמאל האבן די עקסטרעמיסטן מחליט געווען צו אנהייבן א גרויסער קאמפיין אין בית המדרש קעגן אים און אנגעהויבן אויפקלערן דעם עולם אז עס איז נישט דא קיין ברירה ווייל צוליב אים קען נישט דער בעל תפלה אויפקומען מיט גוטע לידער פאר לכה דודי, בקיצור דער עולם האט זיך געלאזט איבעררעדן און צוזאמען האבן אלע אנגעהויבן שרייען אויף אים אז גענוג איז גענוג.

דא האט דער רב געזעהן אז ער האט נישט קיין צווייטע ברירה ווייל די ביהמ"ד ווערט איבערגעקערט א יעדע וואך, איז ער אויפגעקומען מיט דעם קלוגן פלאן אים צו געבן די שליסלעך פון בית הכסא וכו'.

למעשה קומענדיגע וואך גרייט זיך דער עולם צו א שיינע קבלת שבת אהן די אומאנגענעמע זאכן פון אלע וואכן, אבער נאך אפאר מינוט זעהט מען אז ס'הייבט זיך ווידעראמאל אהן און אפילו ערגער ווי אלע וואכן, דא זענען שוין אלע, אריינגערעכנט די שיינע אידן וואס פלעגן זיך קיינמאל נישט אריינמישן, שוין געשפרינגען פון די הויט, בקיצור עס האט נישט גענומען קיין צוויי מינוט און די איד האט זיך געטראפן אינדרויסן פון שול באגלייט מיט קלעפ, דא האט שוין דער רב געזען אז ער האט נישט קיין צווייטע ברירה און ארויסגעשטעלט א צעטל אז דער איד טאר מער נישט אריינטרעטן אין ביהמ"ד, אין צוגאב האט ער אנגעהויבן ברענגען ספרעיס וואס גיבן ארויס געשמאקע ריחות, און פון דעמאלס איז די שול געווארן די געשמאקסטע פלאץ צו קומען דאווענען.

איז פרעג איך דיך, קומט זיך דען נישט קיין קרעדיט פאר די וואס האבן אנגעדרייט די מערכה אז דער רב זאל אים פארשיקן?

עס קומט נישט קיין שום קרעדיט פאר זיי. איך האב געזעהן בילדער פון גענוג פאשקעווילן דאס יאר אין מאה שערים קעגן די עסקנים וואס ארבעטן צוזאם מיט די ציונים פוי. באשייגאצט יעדער וואס האט נאר אריין געשטעקט א קאלט פינגער צו העלפן די ציבור.

אז דו גייסט זיי געבן קרעדיט גייען זיי דיר לייגן א פאשקעעוויל אז א רשע א בעל סמארטפאון און קאווע שטיבל ליינער האט זיך געוואגט צו זאגט א גוט ווארט פאר זיי.

זיי זענען די מענטשן וואס מאכן די פראבלעמען פאר יעדע נייע זאך. אנגעפאנגען פון בויען א שויער אין א מקוה און יעדע זאך וואס מען קען האבן טענות...