כלל ישראל ווס. ט.מ. ניימאנן - והמסתעף

[צקון לחש]

viewtopic.php?f=3&t=16172&view=unread#p524653

טובי' מאיר ניימאנן מיינט גוט,
ווען דו רעדסט צו אים קענסטו נישט בלייבן גלייכגילטיג,
און ער איז טאקע גרייט צו ליידן דאס האס פונעם היימישע אידנטום (וואס אפילו אייוועלט לאזט דורך!),
ממש מסירות נפש,
פאר צובראכענע נשמות, אלמנות און יתומים,
דאס הארץ צוגייט... אבער!
די ציבור שרייט עד כאן, און מיט רעכט.

נישט יעדע פראבלעם האט א סעלושען,
נישט יעדע אלמנה קען מען העלפן,
ליידער!
און עס איז נישט קיין סתירה,
איך מעג רחמנות האבן אויף די אלמנה, און בו בעת קלאגן טובי' מאיר אין געריכט, פארוואס? ווייל ס'איז דא א וועג וויאזוי זאכן ארבעטן,
און מען קען נישט, און מען טאר נישט זיך קריגן מיט די נארמאלע מציאות!

איך מיין אז דאס איז דברים פשוטים, כאטש נישט גרינג צו פארדייען; וואס קען מען טוהן, ס'איז אן אכזריות'דיגע וועלט.

און אין אמת'ן איז דער טמ"נ קרייסיס א דוגמא צו די דעספרעט צוגאנג וואס אונז זענען ליידער צו שטארק געוואוינט דערצו, למשל, דאס הארץ גייט אויס פאר דעם טאטע וואס זיין לעצט ביסל חיות איז פון זיין תורה'דיגע מעמד בתוככי הקהילה, און דעריבער וועלן מיר, אלץ רחמנות אויס, שטיצן די שידוך וואס ער טוט ארויפצווינגען אויף זיין קינד; מיר וועלן איינשפארן בחורים אין ישיבות אלץ רחמנות אויף זייערע עלטערן, און די ליסט איז לאנג און גרויס, כללו של דבר, אומבאלאנסירטע רחמנות האט נישט קיין מקום אין א ציוויליזירטע מציאות, ס'איז זייער פיינפול, אבער מען דארף זיך לערנען צו לעבן געזונט, מיט באלאנסירטע געפיהלן, אינקלודינג פיינע ריינע רחמנות.

[קהל'ס נער]

על ענוותנותו של ר' צדוק(?) חרבה עירינו וחרב בית מקדשינו.
צי א גיטער טאר מען נישט זיין זיכער נישט אויפן חשבון פון אנעדערע.

איך האף נאר א דעי צעטיל איז טאקע אמת און געט נישט קיין פאלשע האפענונג פארן עולם.

[מתבודד]

איך ווייס נישט פארוואס די רעכנסט נישט אריין אלס א חלק פון די 'נארמאלע וועלט' - איין צודרייטע טמ"נ, ווי @קהל'ס נער זאגט, א ציבור אן קיין עקסרעמיסטן איז ווי טשאלנט אן זאלץ, הוא הדין כאן איז לכאו' דאס א חלק פון די קהילה.

און אה"נ באמת וואלט איך אפשר נישט געמעגט דא אריינרעדן ווייל ב"ה מיין נומער איז נישט אויף זיין ליסטע, כן יעזור השי"ת הלאה, ובמילא פיל איך נישט ווי די געשטערטע פילן, אבער מצד שני פילן ענק נישט (hopefully!) וואס די אלמנות יתומים ועגונות וואס ווערן געהאלפן פיהלן.

כשלעצמי וואלט איך קיינמאל נישט געשטיצט וואס ער טוט אלס'ן עצם איידיע, אבער כ'וואלט פונקט אזוי מורא געהאט צו צושטערן אזא חסד אפאראט. (לאו דוקא אז די ד"ת וועט עס צושטערן, די געדאנק שבו).

[קל וחומר]

דערמאנט זיך מיר א מעשה פון יארן צוריק ווען אלס בחור'ל איז מיר אויסגעקומען צו גיין אויף די וויליאמסבורג באס, איז דארט געזעסן אויף דעם דרייער זיץ וואס לויפט פאראלעל צום באס א בחור'ל און אויף די אנדערע צוויי זיצן א ריזיג גרויס באשעפעניש וואס איז ווארשיינליך געפארן צו המספיק אפיס זיך זעטיגן אביסל דאס הונגעריג מאגן זיינעם וואס האט שוין מסתמא נישט געזען קיין עסן פאר א גוטע צען פופצן מינוט, עכ"פ, איז ארויפגעקומען נאך איינער אויפן באס און דאס גרויס באשעפעניש האט מרוב טובו געוואלט אים מאכן פלאץ... האט ער נישט מער און נישט ווייניגער כמעט געמאכט א הרוג מירון סיטואציע מיט דעם בחור'ל.
והמשתין יכין.

[מתבודד]

ווען דער פריש ארויפגעקומענער איז אן אלטער איד 5 מינוט פארן כאפן א הארץ אטאקע וואלט די משל נאך אלס געשטימט?
והמשתין יברך אשר יצר.

[קל וחומר]

ווען הצלה לויפט אויף א קאל צו ראטעווען איינעם זאלן זיי איבערטרעטן אפאר מענטשן אויפן וועג אויב קומט מען אן שנעלער אזוי.
ויברך בכוונה גדולה

[מתבודד]

די ביסט איבערגעטרעטן געווארן???
ומפליא לעשות...

[קל וחומר]

ניין, און די אלמנה האט נישט געכאפט קיין הארץ אטאקע.

ויבדוק נקביו שנית.

[מתבודד]

מן הסתם נישט, אבער א נערוון בראך מסתם יא.

עניוועי אונז האלט מיר שוין ביים צווייטן הקפה כ'מיין אבער די נקודה איז קלאר.

[בת קול]

זאל ער נאר נישט געוואונען, ווייל דערנאך וועלן זיך די קאלס דאפלן און טריפלן.

[כניאק]

איינער קען קאנפירמיען אז ער העלפט איינעם?

אין מיין עקספיריענס מיט א נאנטע קרוב א עכטע רחמנותדיגע יתום וואס מהאט געדארפט חתונה מאכן, און מהאט נישט געקענט באקומען קיין פעני פון אים.

[שמעקעדיג]

כ'וואלט פונקט אזוי מורא געהאט צו צושטערן אזא חסד אפאראט.

איך ווייס נישט אויב איינער וויל צושטערן זיין חסד אפאראט. מען וויל נאר האבן די מעגליכקייט זיך אראפצוסיינען פון זיין ליסטע. מען רעדט פון מענטשן וואס שטיצן אים עניוועי נישט.

[איך אויך]

בראקען טעלעפאן אשכול?

[איך הער..]

זיי מיר מוחל הרב איך אויך, איך פארשטיי די ביסט דא פון די זקני ה'שטיבל און וויל ח"ו נישט מזלזל זיין און דיין כבוד, אבער קיינער צווינגט דיר נישט צי ליינען דעם אשכל, דא איז דא אידן וואס ווילן אביסל ליפטערן זייער מחשבת, כ'זע באמת נישט דיין פראבלעם