קאווע שטיבל

עס איז באקאנט אז אויסער די אידישע סייט "קאווע שטיבל" ווי אונז ערליכע אידן פארברענגען אויף א אויסגעהאלטענע פארנעם, ווי אידן שומתו"מ פון די גאנצע וועלט קומען זיך צוזאם און מען טוט דארעך דברים העומדים על הפרק אדער העומדים ברומו של עולם, תורה ועבודה וגמולת חסדים, אינטערסאנטע נייעס און קרישקעלעך, ביז גאר טיפע השקפה , רייכע היסטאריע און הייקעלע נושאים, א.א.וו.

איז אויכעט דא נאך א סייט, א אידישע סייט, וואס ריפט זיך אידישע וועלט פארומס, אדער אין קורצן אייוועלט, דעס איז שוין מער א עקסטרעמע סייט, טראץ וואס זיי זענען אויכעט שומרי תורה ומצוות, האבן זיי אבער אויכעט ציגעלייגט נאך פארשידענע גדרים וסיוגים אפילו עס האט נישט דווקא א שייכות צו אידישקייט,

אזוי ווי יעדע האקעלע נושא נישט קיין חילוק פון וועלכע ענין איז לפי דעתם בעסער אז מ'רעדט נישט, קען דארט נישט געשריבן ווערן רוב זאכן וואס ווערט דא געשריבן,
און די וועג ווי אזוי ס'האלט זיך אקטיוו איז דארעכדעם וואס יעדע נייעס'ל גרויס און קליין ווערט געמאלדן אזוי אויכעט די פארברענגען דארט וכו' וכו'.

עכ"פ ווי פארשטענדליך איז איינע פון די הארבסטע זאכן דארט אונזער חשובה סייט "קאווע שטיבל" וואס איז לדעתם א שרעקליכע פירצה און זייער נישט אויסגעהאלטן והדברים ידועים,

ווי פארשטייט זיך אליינס אז ברענגען אדער ציצייכענען ק"ש איז דארט א עון פלילי אז פארדעם אליין קען מען פליען פון דארט, (גראדע און די ערשטע יארן פון ק"ש איז עס יא דערמאנט געווארן דארט)

מילא יעצט ווען ס'ווערט יא דערמאנט איז ווערד אז מ'זאל עס די אראפּ ברענגען צי זעהן , (אסאך מאל ווערט עס שפעטער פארמעקט דארט)
אפילו עס איז נישט אזוי אונטערסאנט , און פאר א גרויס חלק אונטערסירט עס בכלל נישט, אעפ"כ וועלן זיכער זיין אידן וואס וועלן הנאה האבען,

די גאנצע הקדמה איז נאר געשריבן געווארן ווייל איך האב געוואלט ברענגען די פאלגענדע סקרין שאט וואס כ'האב היינט באמערקט דארט (גראדע שוין געשריבן געווארן עטליכע טעג צירוק) און איך האב עס נישט געהאט ווי צי לייגען, ואיתכם הסליחה

אין דעם נייע פארעם זאל מען אפשר אויך ברענגען יעדע מאל ק"ש ווערט דערמאנט אין סיי וועלכע פארמאכטע-עקסטרעמע שמועס, קופקע, מקוה.

ס'דערמאנט פונעם איד וואס האט זיך אפגערעדט צום קאצק'ר(?): כ'בין דאך אזא בורח מן הכבוד, ווי אזוי קען זיין אז די כבוד לויפט מיך נישט נאך?
האט ער עם געזאגט: יע, דו לויפסט אוועק, אבער דו האלסט זיך אין איין צוריק דרייען צו זעהן אויב די כבוד לויפט דיך נאך... [ס'ביסט נאך עטעטשד צו דעם]

כ'חוש סתם ארום... ס'דא א סיבה פ.וו. מ'זאל ווילן וויסן, נאך דערצו אויב מ'לעבט מיט זיי.

לבקשת @שעפטאל
איינער האט מיך אריין געשיקט א סקרין שאט פון א טעלעגראם גראופּ פון א דריי וואכן צירוק ווי איינער רעדט אקעגען ק"ש, וואס ס'איז אינטערסאנט אז יענער האט נישט קיין שום פראבלעם צי זיצען אויף טעלעגראם אבער ק"ש איז א פראבלעם

זיכער: קאווע שטיבל מעג זיך שעמען (פאר די אמת'ע ערליכע אפגעהיטענע אידן). דא דרייען זיך אפיקורסים, ציונים און אנדערע ברואים מיט דיעות נפסדות. און קיינער מעקט נישט אין גרויסן.

ס'איז גראדע דא איינער א (שטיקל) ארוני און א(געפערליכער) ציוני. רובא דרובא מעקט מען איהם נישט. דער חשוב'ער מנהל און זיין אסיסטענט (כ'זאג נישט ווער ס'איז. גאר א חשוב'ער איד. ספעציעל בעיני עצמו) מעקן אמאל אמאל זיינע תגובות און הגהות. אדער מ'שיקט א ווארענונג מזמן לזמן. און ער גייט נאכאלץ (ליידער/ב"ה. טעיק יור פיק)אן בחוזק יד. אבי נישט קיין אנדערע חוזק...! א גוט שבת.

berlbalaguleh האט געשריבן:זיכער: קאווע שטיבל מעג זיך שעמען (פאר די אמת'ע ערליכע אפגעהיטענע אידן). דא דרייען זיך אפיקורסים, ציונים און אנדערע ברואים מיט דיעות נפסדות. און קיינער מעקט נישט אין גרויסן.

איך זעה נישט די פראבלעים אזש צו מעקן, מיינונגען און שיטות ריגארדלעס פון וועם.

ווי איך בין יא א חסיד פון מעקן איז ווען אינדיווידואלע משפחה פייטס, אדער אינדיווידואלע מענטשען מיט זייערע עוולות ווערן צושמירט דא אויף די שטיבל ווענט, דארף לכאורה גענומען ווערן שריט. ברם אותו המנהל לטוב. ווען איינער האטסעך גענומען שרייבן וועגן די שאצ'ער רביצין מיט די אינטערנעל פייט האט ער פארמעקט. דאס האב איך דוקא יא געשטיצט.

לייביששרייבער: בד"כ ביסטו גערעכט. אבער דו כאפסט נישט אז איך האב געשריבן א ביסל סארקאסטיש. ווייל צומאל (א סאך מאל) מעקט מען יא מיינע תגובות און א ביסל שארפע מיינונגען איבער געוויסע עניינים מיט'ן תירוץ אז..."ס'פארדרייט דעם שמועס"...!

בערל, ביסט מיין באליבסטע ניק דא, איך באלעק מיך פון דיינע זיסע מעשילעך, למעשה ביסטו א נוטוריאס שמועס פארדרייער,

אה... דאס איז א מיינונגס פארשידנהייט. איך האלט אז נישט. ווייל אז מ'ווארפט אריין א זייטיגן, אינטרעסאנטן קאמענט הייסט נאכנישט אז מ'פארדרייט דעם שמועס. מ'קען אייביג צוריקגיין צו דעם אריגינאלן קאנווערסעישן. לאידך גיסא. אן די אדהער הענד. אויב מ'האלט זיך שטרענג נאר צו די שמאלע זייט איז דער ויכוח נישט זייער אינטרעסאנט.

berlbalaguleh האט געשריבן:אה... דאס איז א מיינונגס פארשידנהייט. איך האלט אז נישט. ווייל אז מ'ווארפט אריין א זייטיגן, אינטרעסאנטן קאמענט הייסט נאכנישט אז מ'פארדרייט דעם שמועס. מ'קען אייביג צוריקגיין צו דעם אריגינאלן קאנווערסעישן. לאידך גיסא. אן די אדהער הענד. אויב מ'האלט זיך שטרענג נאר צו די שמאלע זייט איז דער ויכוח נישט זייער אינטרעסאנט.

So lets go back to kave shtibel on Ivelt

שרייבען: ייש"כ. דאס זענען מיינע "גוטע פריינט"...!

קאווע שטיבל אין די נייעס...

https://www.ivelt.com/forum/viewtopic.php?t=62385

די אנדערע זייט האט געשריבן:לבקשת @שעפטאל
איינער האט מיך אריין געשיקט א סקרין שאט פון א טעלעגראם גראופּ פון א דריי וואכן צירוק ווי איינער רעדט אקעגען ק"ש, וואס ס'איז אינטערסאנט אז יענער האט נישט קיין שום פראבלעם צי זיצען אויף טעלעגראם אבער ק"ש איז א פראבלעם

איך קען דעם יאסי גאנץ גוט. ער איז נישט איינער וואס האט א פראבלעם מיט קאווע שטיבל

אייוועלט איז דאון יעצט

טל ומטר האט געשריבן: ↑מאנטאג דעצעמבער 18, 2023 10:37 am אייוועלט איז דאון יעצט

עפשער א העקינג

זיי האבן לעצטנס אויפגערעגט אסאך מענטשן

שוין אפען, געווען אן איבערפלוס פון מענטשען, עפעס אזוי

משה זעקעל האט געשריבן: ↑מאנטאג דעצעמבער 18, 2023 10:47 am

טל ומטר האט געשריבן: ↑מאנטאג דעצעמבער 18, 2023 10:37 am אייוועלט איז דאון יעצט

עפשער א העקינג

זיי האבן לעצטנס אויפגערעגט אסאך מענטשן

לעצטענז עפעס מער ווי געווענליך?
געווען עפעס ספעציעל?

גענימען פון דא

עמרם האט געשריבן: ↑מאנטאג יאנואר 22, 2024 11:34 pm גענימען פון דא

CP20_20240122-233034~2.png

וואס פשט? איז דער אמעזינג א שרייבער דא?

חיים הלוי האט געשריבן: ↑מאנטאג יאנואר 22, 2024 11:52 pm

עמרם האט געשריבן: ↑מאנטאג יאנואר 22, 2024 11:34 pm גענימען פון דא

CP20_20240122-233034~2.png

וואס פשט? איז דער אמעזינג א שרייבער דא?

כ'האב נישט קיין אנונג

ס''ה געזעהן דארט

אונטערסאנט איז, אז ווען ק''ש האט זיך געעפנט האט מען געהעריג גערעדט דערפון (בעסער געזאגט, געהאקט אויף דעם) אין אייוועלט

כמדומה לי אז די אשכול אפענע שמועס איבער די צענזור פון אייוועלט האט מען דערמאלטס דארט געעפנט

איך גיי נישט יעצט ברענגען אלע מאל וואס ק''ש איז דעמאנט געווארן אויף אייוועלט די לעצטע 12 יאר (אפי' די אשכול איז לכאורה יא געמאכט פאר דעם)
אבער איך וועל ברענגן א חלק פון די צווייטע תגובה פון די אויבען דערמאנטע אשכול וואס האט מיך אביסל געכאפט

למעלה משבעים האט געשריבן: ↑מאנטאג מערץ 05, 2012 11:06 pm

איך קען קוים ווארטן עס זאל זיך אנרוקן צום קאווע טרינקן אפאר צוהיצטע חברה, און מען וועט דארפן מעקן און נישט קענען ארויסשרייבן פארוואס עס איז געמעקט געווארן, אפשר דאן וועלן די יעניקע פארשטיין פשט אין די געשמאקע צענזור...

(איך מיין קיינעם נישט פרעזענליך)