קאווע שטיבל

אַ נאָענטער חבר מײנער, מיט וועלכן איך פלעג לערנען בחברותא, ר׳ ישראל׳יק זאַלצמאַן שליט״א, דער רב פון דער רוסישער קהילה אין טאָראָנטע האָט ניט לאַנג געהאַט אַ זון. אויפן ברית, האָט מען גע׳מל׳עט ניט נאָר זײן זון, נאָר אויך אַ אידן פון זעקס און נײנציק יאָר. באַ מיר איז ניט אָפּגעפרעגט אַז זינט אברהם אבינו עליו השלום איז דאָס דער עלטסטער איד וואָס מל׳עט זיך.

ווען איך וואָלט האָבן צײט און געדולד, וואָלט איך עס אפשר באַשרײבן שענער, עכ״פ אָט האָט איר די מעשה.