קאווע שטיבל

אן אינטערעסאנטע פענאמאנאן איז פארהאן, א רב א זון פון סאטמאר'ע רב פון וויליאמסבורג, אן אייניקל פון מהר"א, וואס פארמאגט אן אייגענע יו טיוב טשענעל ווי ער לערנט פאר שיעורים בטוב טעם ודעת, און נישט סתם עפעס ישיבה'שע שיעור עיון, נאר ער לערנט פאר דברים העומדים על הפרק, אנגעפילט מיט אלעם פון פילאזאפיע ביז היסטאריע, אלגעמיינע חכמות און אלעס אינדערמיט, ער קען צומאל זאגן זאכן וואס מאנכע וואלטן גערופן קאנטראווערסיאל אדער נישט פאליטיקלי קארעקט על פי "סיסטעם", ח"ו אז ער זאל זאגן עפעס נישט אויסגעהאלטן על פי תורה, אבער פארט קען עס טרעטן געוויסע אויף די הינער אויגן.

קיין סאך אינפארמאציע האב איך נישט געזען איבער אים א חוץ פון א אינטערוויא וואס ער האט געגעבן אין די מאמענט מאגאזין, ווי ווייט איך האב געהערט איז געווען א שטיקל פאליטיק ביים אים אין בית מדרש וואס צוליב דעם האט ער אויפגעגעבן די רבנות דארטן, ער האט דאכצעך מיר געעפענט נאך א בית מדרש וואס ער האט שפעטער ווידער פארמאכט, פארוואס ווייס איך נישט.

איך בין נייגעריג אויב איינער האט מער אינפארמאציע איבער אים, אדער וואס די פאליטיק איז געווען דארטן, און ווי מען קען הערן נאך פון זיינע שיעורים.