קאווע שטיבל

שפילער האט געשריבן:סהאט זיך געפענט א ניייע וועבזייטל מיטן נאמען איד טיש , וואס דער ציל מיטן זייטל האב איך נישט קיין אהנונג אפשר האט עס קאנעקשאן מיט קול מבשר ווייל זייער הויפט זייט איז דא נייעס מיט לינקס צו קול מבשר.

זאלן זיי האבן הצלחה.

איינער פון די תקנות פונעם פארום איז נישט צו רעדן ציונות איי געס זיי גייען אין ריכטונג פון אייוועלט

https://forum.yidtish.com/

. די פארשריפטן:

א. ציל: אונזער ציל איז צו געבן פאר'ן ערוואקסענעם ציבור א פלאטפארמע זיך אויסצושמועסן, און צו ברענגען רייכע אינפארמאציע וואס אינטערעסירן אלעמען.

ב. ואהבת לרעך: אידטיש טאר נישט גענוצט ווערן ח"ו צו ארויסלייגן לשון הרע אויף א יחיד, און אודאי נישט קיין שום שפעט ווערטער אויף רבנים וכדו'. (א פאל וואס רבנים שטיצן אונטער דאס שרייבן קעגן א יחיד, דארף עס עקסטערע רשות פון די מערכת)

ג. טהרת המקום: כדי נישט צו זיין קיין פתח לחטאת, זענען לינקס פון יוטוב, פעיסבוק, און אנדערע אומאויסגעהאלטענע סייטס נישט ערלויבט.

ד. תוכנ'דיג: א תגובה זאל געשריבן ווערן מיט תוכן, ווי איידער קורצע סטעיטמענט'ס הין'ן'צוריק. (צו ערקלערן: שרייבט ווי א שמועס אויף אימעיל, נישט ווי א שמועס אויף א טשעט, וק"ל)

ה. ברודערליך: ווען עס קומט צו קאנקורירנדע זייטן ביי אלגעמיינע פאליטיק אדער להבדיל אידישע מיינונגס פארשידנהייטן, און איר שרייבט עפעס אויף אייער צד, האלט אייך ערוואקסן און לייגט נישט אריין קיין טשעפע ווערטער אויף קיינעם, און אודאי נישט אויף א צווייטן שרייבער. ווען איר שרייבט אייער מיינונג/ידיעה, לאזט א צווייטן שרייבן זיינס. לויפט נישט נאך דאס לעצטע ווארט... האלט דעם אטמאספער געשמאק.

ו. קדושים תהיו: ניבול פה ח"ו, מאן דכר שמי'.

ז. אמונה טהורה: דער חפץ חיים האט געזאגט אז ציונות (באדייט: א אידישע מדינה לפני ביאת משיח) איז טומאת עמלק. ביטע נישט שרייבן קיין שום הודאה למינות.

ח. נישט קיין פלאטפארמע אנצוהייבן א 'ספין': ביטע נוצט נישט דעם פלאטפארמע אנצוהייבן בויען א 'ספין', בפרט מיט מיס-אינפארמאציע, עכ"פ אזוי לאנג ווי דאס איז נישט באריכטעט אויף אנערקענטע פלאטפארמעס. ווער עס נוצט אידטיש פאר אזעלכע זאכן וועט מוזן טרעפן אנדערע מקומות, ווייל אזאנס טוט בא'עולה'ן דעם ציבור.

ט. וועהלן מעמבערס: מיר וועלן פרובירן צו האלטן אן אויג אויף א מעמבער וואס צילט צו גיין אין א צווייטע דירעקציע, און אים אוועקשיקן, אזוי ארום זאלן די איבריגע חברים קענען שמועסן נארמאל אן קיין איבריגע צענזור.

י. דער עולם ווארט צו זען אייערע ידיעות און טאלאנטן... יאללא

דער דאס האט געשריבן:אינטרעסאנט

ברוך שפינוזה האט געשריבן:דאס קוקט שוין באלד אויס ווי די ענדלאזע צאל פון קריסטליכע דענאמענאציעס. אידטיש וויל צווישן אייוועלט און קאוועשטיבל, באלד וועט קומען א דריטער און עפענען א פארום וואס איז צווישן אידטיש און קאוועשטיבל, א פערטער וועט עפענען א פארום צווישן אידטיש און אייוועלט, ואין לדבר סוף. פאר מיר איז אפילו קאוועשטיבל צו צענזורירט... איך טראכט פון עפענען א פארום וואס זאל זיין צווישן קאוועשטיבל און פאליש, נאך איינער איז מיט מיר?

דער דאס האט געשריבן:אינטרעסאנט

שלג זהב האט געשריבן:

דער דאס האט געשריבן:אינטרעסאנט

אז מ'קען ארויסשרייבן קאווע שטיבל האלט מען אויך ערגעץ..

ברוך שפינוזה האט געשריבן:האב איך יעצט אריינגעבליקט דארט, כ'זעה נישט די חילוק צווישן דאס מיט אייוועלט, הגם פון מיר איז נישט קיין ראיה ווייל איך זעה פונקט אזוי נישט די חילוק צווישן Methodist און Presbyterian... דער עולם דארט שפילט טויט צושוידערט ווייל עפעס א מוסולמענער בעיבי האט געזאגט אז ער גייט פארברענט א ספר תורה אלס נקמה פאר דאס וואס אן אנדערע בעיבי האט אמאל פארברענט א קוראן, דערנאך טוט זיך א געטומל צו די רעדע איז טאקע איבער א כשר'ע ספר תורה צו א פסול'ע צו אפשר גאר א KJV בייבל... ואם תמצא לומר אז די רעדע איז איבער אן ענגלישע בייבל צו דארף מען אויך שפילן אויפגעשוידערט אדער דעמאלטס איז מען פטור... דערנאך קומט אן ערוואקסענע בעיבי מיט א פרייליכע בשורה אז שוועדן רעדט איבער מאכן אומלעגאל דאס פארברענען פון ספרי תורה, נאר דאס פעלט מיר אויס... הייבן הייבט זיך עס אן מיט'ן פארבאטן דאס פארברענען פון ספרי תורה און ענדיגן ענדיגט זיך עס מיט'ן פארבאטן דאס פארברענען פון חמץ ערב פסח, היל"ת! בקיצור, אן ערליכער איד האט נישט וואס צו זוכן אויף אזא פארום.

berlbalaguleh האט געשריבן:טינט פען: זיין קאמערשל נאמען זאגט מיר גארנישט. איך בין נאך (ב"ה) נישט געווען ביי זיינע טישן און גענימען שיריים פון ידיו הקדושים. און וואס ער האט טועם געווען בפה קדשו. אפשר חנוכה. אויב ער'ט טיילן געשמאקע דזשעללי און קאסטערד דאונאטס...!

מה שמו הקדוש. וואו האט ער זיין ביהמ"ד?!