קאווע שטיבל

שמעקעדיג האט געשריבן:דא גיי איך אויס-דרוקן מיין אנטריסונג אויף אונזער (סיסטעם?) פון אמעראצישע געשרייבעכ'צער.

איך גיי ניטאמאל בארירן דעם ענגליש, ווי מען זעהט דא אפאר ניק'ס שרייבן מיט אזעלכע גרייזן אז ס'איז א שרעק.
אבער אפילו אונזער היימישע מאמע לשון, אידיש, וואס מיט דעם זענען מיר אויפ-געוואקסן, געשריבן און געליינט, זענען פאראן עטליכע ניק'ס וואס זייער געשרייבעכ'ץ דא איז ממש א פחד.

איך ווייס נישט צו איך זאל זיי אליינ'ס בלעימען פאר'ן זיך נישט אויסלערנען שרייבן ווי א מענטש צווישן מענטשן;
אדער זייערע עלטערן, וועלכע זענען מסתמא געווען פאריאגט און פארפלאגט און געהאט בעסערע דאגות אויפ'ן קאפ בשעת די קינדער האבן זיך געלערנט שרייבן;
אדער די הנהלה פון די ת"ת וואס האט נישט גענוג פארלאנגט פון די קינדער צו שרייבן כמו שצריך.

איך וויל באמת קיינעם נישט בלעימען, נאר מתקן זיין על לעתיד. זיי זאלן זיך אביסל צו-לערנען אליינ'ס, און מיר זאלן אכטונג געבן אויף אונזערע קינדער זיי זאלן טהון א בעסערע דזשאב ווי אונז.

אלענפאלס, עס איז קריטיש וויכטיג עס זאל ארויסקומען א "אידיש שרייבן קלאס" וועלכע זאל אויסלערנען אונזערע יונגעלייט דאס מינימום שרייבן.

we will האט געשריבן:I think the Yiddish language is very weak among women, while the English language is very weak among men. Need to focus on the men in the English language and the women on the Yiddish

איך אויך האט געשריבן:וויפיל טעותים און שטותים קענט איר אפציילן?

יאנקל האט געשריבן:דער פראבלעם פאנגט זיך אן אין די מוסדות. מוסדות זעען זיך ווי א מקום וואו "מ'לערנט תורה און יראת-שמים", און נישט ווי עס דארף צו זיין באמת: א חינוך אנשטאלט, וואו מ'ערציט קינדער אז זיי זאלן אויסוואקסן ערליכע פראדוקטיווע גוט-געבילדעטע אידן.
שרייבן איז נישט א זאך וואס מ'זעט ווי א תורה'דיגער ענין, און דעריבער זעט מען נישט קיין חשיבות דערין. גיט נאר א קוק אויף די צעטלעך וואס די הנהלה און די מלמדים שיקן אהיים, און ציילט וויפיל גרייזן מען קען אריינשטופן אין "נח" און אין "לך לך".
פוק חזי, פילע מוסדות אין קרייזן וואו מ'האלט ניטל פון 12 מיטאג שיקן אהיים די קינדער ווי נאר ניטל פאנגט זיך אן, ווי כאילו א מוסד האט נישט וואס צו טון מיט די קינדער חוץ לערנען תורה. דאס ווייזט אויף דעם נישט-ריכטיגן בליק אויף דעם ציל און אחריות פון א מוסד.

DotCom האט געשריבן:

שמעקעדיג האט געשריבן:דא גיי איך אויס-דרוקן מיין אנטריסונג אויף אונזער (סיסטעם?) פון אמעראצישע געשרייבעכ'צער.

איך גיי ניטאמאל בארירן דעם ענגליש, ווי מען זעהט דא אפאר ניקס שרייבן מיט אזעלכע גרייזן אז ס'איז א שרעק.
אבער אפילו אונזער היימישע מאמע לשון, אידיש, וואס מיט דעם זענען מיר אויפ-געוואקסן, געשריבן און געליינט, זענען פאראן עטליכע ניק'ס וואס זייער געשרייבעכ'ץ דא איז ממש א פחד.

איך ווייס נישט צו איך זאל זיי אליינ'ס בלעימען פאר'ן זיך נישט אויסלערנען שרייבן ווי א מענטש צווישן מענטשן;
אדער זייערע עלטערן, וועלכע זענען מסתמא געווען פאריאגט און פארפלאגט און געהאט בעסערע דאגות אויפ'ן קאפ בשעת די קינדער האבן זיך געלערנט שרייבן;
אדער די הנהלה פון די ת"ת וואס האט נישט גענוג פארלאנגט פון די קינדער צו שרייבן כמו שצריך.

איך וויל באמת קיינעם נישט בלעימען, נאר מתקן זיין על לעתיד. זיי זאלן זיך אביסל צו-לערנען אליינ'ס, און מיר זאלן אכטונג געבן אויף אונזערע קינדער זיי זאלן טהון א בעסערע דזשאב ווי אונז.

אלענפאלס, עס איז קריטיש וויכטיג עס זאל ארויסקומען א "אידיש שרייבן קלאס" וועלכע זאל אויסלערנען אונזערע יונגעלייט דאס מינימום שרייבן.

האב איך געמאכט א גוט'ן דזשאב? דזשאסט קידדינג, איך שטעל מיר צו צום אנטריסונג דיינע, מיר וועלן נישט רוען ווילאנג דערוילעם וועציך דערלערנען שרייבענען.

טאמבל סאס האט געשריבן:

we will האט געשריבן:I think the Yiddish language is very weak among women, while the English language is very weak among men. Need to focus on the men in the English language and the women on the Yiddish

אידישע פרויען וועלן קיינמאל (עכ"פ אין די קומענדיגע צען יאר) זיך נישט געהעריג דערלערנען א גוטע אידיש צוליב עטליכע טעמים
1 עס פעלט זיי אויס ווי א לאך אין קאפ, זיי באגייען זיך מיט ענגליש א מחיה. 2 יעדע דריטע ווארט איז לשה"ק, זיי צעברעכן זיך די ציין 3 איינמאל דו קענסט א גוטן ענגליש, איז זייער שווער צו לייענען די לאנגע נערווירנדע אידישע שפראך מיט די באקסעדיגע לאנגע אויתיות, און ארעמקייט אין אויסדרוקן.
חוץ אויב די סקול'ס וועלן אנפאנגען לייגן ווייניגער געוויכט אויף ענגליש, (וואס וועט קיינמאל נישט פאסירן ווילאנג מ'לעבן מיר צווישן גוים, און די מאן ברויך זיצן אין כולל אפאר יאר נאכן הייראט) וועלן די פרויען און מענער בלייבן א אפגעזונדערטע פאלק אין שפראך, וואס איז אייגנטליך זייער א גוטע זאך לפי חסידות.

נפתלי האט געשריבן:

איך אויך האט געשריבן:וויפיל טעותים און שטותים קענט איר אפציילן?

איין גרויסע טעות מהחל ועד כלה,
דא רעדט מען אבער נישט פון קיין טעותים נאר אמעראצעס (ספעלינג און גרעממער) און נישט פון קיין אנדערע שרייבער נאר פון אונזערע שרייבער
אלזא איר האט געדריקט אן אומריכטיג קעפל

....כוועל נישט לייקענען אז דיין ספעלינג און גרעמער איז נישט דאס בעסטע אבער ביי מיר איז דאס נישט קיין גרויס עסק, די עיקר מ'פארשטייט און מ'רעדט ווי מענטש צו מענטש, ס'דא אסאך ניק'ס וואס צייכענען זיך טאקע אויס אין ספעלינג אבער כ'אנטלויף פון זיי כמטחוי קשת...

shas האט געשריבן:ur right but it harms less a adult i think, maybe im wrong, i dont hold of that idea at all. but im trying to put myself into other peoples matzev here.

DotCom האט געשריבן: אדרבה ווי מער מ'שרייבט לערנט מען זיך בעסער אויס בעז"ה.

שמעקעדיג האט געשריבן:

DotCom האט געשריבן: אדרבה ווי מער מ'שרייבט לערנט מען זיך בעסער אויס בעז"ה.

איי דאונט טינק סאו.
וואס איז מיטן "שבשתא כיון דעל על"?

משה רוקח האט געשריבן:די היינטיגע גרייזיגע אידיש איז א תוצאה פונעם 'דער בליץ'.
אויב איינער האט עס אמאל פראבירט צו ליינען, וועט ער גלייך פארשטיין וואס איך רעד.

שמעקעדיג האט געשריבן:וואס הייסט מען לערנט זיך?
אז איינער שרייבט "געוועין" מיט א איבריגע יו"ד, ווי אזוי וועט ער זיך אויסלערנען דאס נישט צו שרייבן?
אז איינער פארמישט אין/און, אדער שרייבט יעדע צווייטע ווארט מיט א "איבריגען" ע', און פארטוישט די/דו, וויאזוי און ווען ווערט ער זיך דערלערנען?

כ'וויל פשוט פארשטיין.