ש"ס דערקלערט: רעליגיעזע אידן זענען באשיצט פון פגעי הזמן
נשלח: זונטאג סעפטעמבער 10, 2023 5:21 pm
טוט זיך היינט א שטורעם אין דער חרד'ישער יוניווערס, נאך וואס דער כורש פון די רעליגיעזע באוועגונגען אין ארץ ישראל, דער ווארשיינליכער אטעאיסט בנימין נתניהו, האט זיך אנגעבליך אויסגעדריקט פרעכערהייט מיט כפירה'דיגע לאזונגען כלפי שמיא.
ביבי, א פרייער ווי פריי קען נאר זיין, האט אין א זיצונג היינט אנבאלאנגט די זיכערהייט פון די טויזנטער ישראלים וואס פארן זיך ווייקן ביי ר' נחמן, באהויפטעט אז (פרייע איבערזעצונג): "ישראל'ישע בירגער וועלכע באשליסן צו פארן קיין אוקראינע אין די יעצטיגע קריג אומשטענדן, דארפן נעמען פאראנטווארטליכקייט אויף זייערע שריט; הקדוש ברוך הוא האט אונז נישט שטענדיג באשיצט - נישט אין אייראפע און נישט אין אוקראינע".
אן אריינגיין אין דעם ווירקליכן סכנה-שטאפל אין אוקראינע, טענה'ט ביבי, אז מ'טאר זיך נישט אריינלייגן בידיים אין א מקום סכנה און קלערן אז דער אייבערשטער וועט מיך שוין שיצן, ווייל דער רעקארד ווייזט אז גאט - א.ק.א. הקב"ה - היט נישט שטענדיג פון נישט געשעדיגט ווערן דורך די פגעי הזמן.
בעצם איז עס א פשוט'ע טענה און יעדעס חדר אינגל וועט צו דעם מסכים זיין; חז"ל און הלכה זענען פול מיט דינים פון זיך נישט בידיים אריינשטעלן אין א סכנה ווייל מ'קען פון דעם געשעדיגט ווערן. צי ווייל השטן מקטרג בשעת סכנה, צי ווייל ס'איז נישט דא קיין השגחה קעגן א בעל בחירה, אדער סיי וואספארא הסבר עס זאל נאר זיין - דאס איז קלאר: אז א מענטש לייגט זיך אריין אין א סכנה איז דמו בראשו, און דאס איז שוין בדוק ומנוסה מער ווי טויזנט מאל.
מ'קען אויך אוודאי פארשטיין די חרד'ישע פרוסטראציע אויף זיינע ווערטער, נאך וואס ביבי ניצט דעם טיטל "הקדוש ברוך הוא", און זיינע ווערטער קענען האבן א קאנענטאציע פון גרינגשעצונג אין דעם רעליגיעזן גלויבונג סיסטעם. ווער רעדט נאך אז די חרד'ישע פארטייען זענען שוין פאר א צענדליג יארן מרצון נתניהו'ס שפחה חרופה, אים נאכגייענדיג בארץ לא זרועה אין זיינע שווערסטע צייטן נישט קוקנדיג רעכטס אדער לינקס, און נתניהו וואלט געמעגט זיין מער פארזיכטיג איבער זייערע געפילן און דאגמעס.
פארשידענע חרד'ישע ווארטזאגער האבן טאקע שארף פארדאמט די דברי בלע, צווישן זיי דער רעדאקטאר פון דעם "משפחה" מאגאזין, אריה ארליך, וועלכער האט געטוויט אז "במקום בו יש חילול השם ודיבור גס וחצוף כלפי שמיא – אין חולקים כבוד לביבי. חצוף ומחוצף, גס רוח. תתבייש, ביבי. אינך ראוי לאמוננו". שפעטער האט ער דערקלערט מיט פאטאס אז "הגיע זמן גנץ".
גאר אינטערעסאנט איז אבער געווען די רעאקציע פון דער ש"ס פארטיי.
ש"ס, א פארטיי וועלכע האט גאר אגרעסיוו געשטיצט נתניהו אין די לעצטערע יארן, האט נישט נאר פארדאמט דעם זלזול'דיגן שמעק אין נתניהו'ס רייד; נאר האט זיך גאר פארמאסטן מיט דעם אינהאלט פון ביבי'ס טענה. אין זייער רעאקציע שרייבן זיי: "הקב"ה האט יא שטענדיג געהיטן כלל ישראל דורכאויס אלע גלות'ן און פארפאלגונגען; דאס איז די אורזאך אז כלל ישראל איז דאס איינציגע פאלק וואס האט וואונדערליך איבערגעלעבט שוין טויזנטער יארן - בשעת אנדערע פעלקער זענען אלע אויסגעראטן געווארן. זעלבסט פארשטענדליך, די באדינגונג פאר דער געטליכער השגחה איז אמונה און שמירת תורה ומצוות - עפעס וואס כלל ישראל האט טאקע געטון זינט איר גרינדונג".
אן אריינגיין אין די פילע פארשידנארטיגע באהויפטונגען אין דעם אנטווארט, איז אבער גאר אינטערעסאנט זייער בליק אויפ'ן מציאות, נעמליך, ס'הייבט זיך גארנישט אן: הקב"ה האט יא געהיטן כלל ישראל אין אלע צייטן. און דאס איז אן אפענטפער צו ביבי'ס ארגומענט אז מ'קען זיך אויף דעם נישט פארלאזן.
כ'ווייס נישט וואס זיי טוען מיט די אקעאנען אידיש בלוט פארגאסן דורכאויס היסטאריע; די אומגעהויערע צער און פיין וואס אידן האבן געליטן אין כמעט אלע לענדער, ווי עס שיינט נעמט ש"ס אן די שיטה אז "דאגמעס קובעות את המציאות", און סיי וואס אנדערש איז בלויז אן אויגן פארבלענדעניש דורך בייזוויליגע כחות.
ארץ ארץ אל תכסי דמם.
ביבי, א פרייער ווי פריי קען נאר זיין, האט אין א זיצונג היינט אנבאלאנגט די זיכערהייט פון די טויזנטער ישראלים וואס פארן זיך ווייקן ביי ר' נחמן, באהויפטעט אז (פרייע איבערזעצונג): "ישראל'ישע בירגער וועלכע באשליסן צו פארן קיין אוקראינע אין די יעצטיגע קריג אומשטענדן, דארפן נעמען פאראנטווארטליכקייט אויף זייערע שריט; הקדוש ברוך הוא האט אונז נישט שטענדיג באשיצט - נישט אין אייראפע און נישט אין אוקראינע".
אן אריינגיין אין דעם ווירקליכן סכנה-שטאפל אין אוקראינע, טענה'ט ביבי, אז מ'טאר זיך נישט אריינלייגן בידיים אין א מקום סכנה און קלערן אז דער אייבערשטער וועט מיך שוין שיצן, ווייל דער רעקארד ווייזט אז גאט - א.ק.א. הקב"ה - היט נישט שטענדיג פון נישט געשעדיגט ווערן דורך די פגעי הזמן.
בעצם איז עס א פשוט'ע טענה און יעדעס חדר אינגל וועט צו דעם מסכים זיין; חז"ל און הלכה זענען פול מיט דינים פון זיך נישט בידיים אריינשטעלן אין א סכנה ווייל מ'קען פון דעם געשעדיגט ווערן. צי ווייל השטן מקטרג בשעת סכנה, צי ווייל ס'איז נישט דא קיין השגחה קעגן א בעל בחירה, אדער סיי וואספארא הסבר עס זאל נאר זיין - דאס איז קלאר: אז א מענטש לייגט זיך אריין אין א סכנה איז דמו בראשו, און דאס איז שוין בדוק ומנוסה מער ווי טויזנט מאל.
מ'קען אויך אוודאי פארשטיין די חרד'ישע פרוסטראציע אויף זיינע ווערטער, נאך וואס ביבי ניצט דעם טיטל "הקדוש ברוך הוא", און זיינע ווערטער קענען האבן א קאנענטאציע פון גרינגשעצונג אין דעם רעליגיעזן גלויבונג סיסטעם. ווער רעדט נאך אז די חרד'ישע פארטייען זענען שוין פאר א צענדליג יארן מרצון נתניהו'ס שפחה חרופה, אים נאכגייענדיג בארץ לא זרועה אין זיינע שווערסטע צייטן נישט קוקנדיג רעכטס אדער לינקס, און נתניהו וואלט געמעגט זיין מער פארזיכטיג איבער זייערע געפילן און דאגמעס.
פארשידענע חרד'ישע ווארטזאגער האבן טאקע שארף פארדאמט די דברי בלע, צווישן זיי דער רעדאקטאר פון דעם "משפחה" מאגאזין, אריה ארליך, וועלכער האט געטוויט אז "במקום בו יש חילול השם ודיבור גס וחצוף כלפי שמיא – אין חולקים כבוד לביבי. חצוף ומחוצף, גס רוח. תתבייש, ביבי. אינך ראוי לאמוננו". שפעטער האט ער דערקלערט מיט פאטאס אז "הגיע זמן גנץ".
גאר אינטערעסאנט איז אבער געווען די רעאקציע פון דער ש"ס פארטיי.
ש"ס, א פארטיי וועלכע האט גאר אגרעסיוו געשטיצט נתניהו אין די לעצטערע יארן, האט נישט נאר פארדאמט דעם זלזול'דיגן שמעק אין נתניהו'ס רייד; נאר האט זיך גאר פארמאסטן מיט דעם אינהאלט פון ביבי'ס טענה. אין זייער רעאקציע שרייבן זיי: "הקב"ה האט יא שטענדיג געהיטן כלל ישראל דורכאויס אלע גלות'ן און פארפאלגונגען; דאס איז די אורזאך אז כלל ישראל איז דאס איינציגע פאלק וואס האט וואונדערליך איבערגעלעבט שוין טויזנטער יארן - בשעת אנדערע פעלקער זענען אלע אויסגעראטן געווארן. זעלבסט פארשטענדליך, די באדינגונג פאר דער געטליכער השגחה איז אמונה און שמירת תורה ומצוות - עפעס וואס כלל ישראל האט טאקע געטון זינט איר גרינדונג".
אן אריינגיין אין די פילע פארשידנארטיגע באהויפטונגען אין דעם אנטווארט, איז אבער גאר אינטערעסאנט זייער בליק אויפ'ן מציאות, נעמליך, ס'הייבט זיך גארנישט אן: הקב"ה האט יא געהיטן כלל ישראל אין אלע צייטן. און דאס איז אן אפענטפער צו ביבי'ס ארגומענט אז מ'קען זיך אויף דעם נישט פארלאזן.
כ'ווייס נישט וואס זיי טוען מיט די אקעאנען אידיש בלוט פארגאסן דורכאויס היסטאריע; די אומגעהויערע צער און פיין וואס אידן האבן געליטן אין כמעט אלע לענדער, ווי עס שיינט נעמט ש"ס אן די שיטה אז "דאגמעס קובעות את המציאות", און סיי וואס אנדערש איז בלויז אן אויגן פארבלענדעניש דורך בייזוויליגע כחות.
ארץ ארץ אל תכסי דמם.
